東歐餐廳

Ivan The Kozak
212
28
5
6-min walk from Exit D2, Central MTR Station continue reading
Telephone
28511193
Introduction
Ivan The Kozak is a traditional Russian and Ukranian restaurant that offers Hong Kong a real taste of Eastern European cuisine. Apart from food, the restaurant also has 20 different kinds of Russian vodka, Czech wine, Austria beer and Hungary red wine. continue reading
Good For
Romantic Dining
Group Dining
Special Occasion Dining
Opening Hours
Today
12:00 - 22:00
Mon - Sun
12:00 - 22:00
Public Holiday
12:00 - 22:00
Payment Methods
Visa Master AlipayHK Alipay Cash AE UnionPay JCB
Number of Seats
60
Other Info
Online Reservation
Alcoholic Drinks
May Bring Your Own Wine Details
Cake-cutting
Parking
Phone Reservation Details
Reward Dining Points
10% Service Charge
Spot payment
About
正宗東歐菜 至啱你心的異國口味
由真正的烏克蘭與俄羅斯大廚擔正煮理的「東歐餐廳」,店內擺放了一系列富有東歐色彩的枱椅,場內燈光昏暗有情調,牆上掛有偌大的基輔市(烏克蘭首都)特色風景畫,讓我們猶如置身別國,浸淫於一片歐陸的情懷當中。
所有菜式均由烏克蘭、俄羅斯廚師親自煮理,在當地菜式中挑選至合香港人口味的出名「名物」,確保原汁原味,又能同時令你舌尖嚐到絕佳滋味!
大廚推介的歐陸菜式有:正宗烏克蘭羅宋湯、招牌芝士焗牛脷盅、俄國宮廷煙鹿肉、焗蘋果鴨胸、家常椰菜卷等。紫紅色的烏克蘭羅宋羅由新鮮帶甜的紅菜頭餚製而成,湯中間放有酸忌廉,鮮甜味美。招牌芝士焗牛脷盅由大廚揀選靚靚牛脷,加入濃香芝士醬汁等,再於面層置有一層脆香酥皮。吃的時候,可先將面頭的酥皮切成一細件,一件酥皮一塊牛脷,連汁一同吃下,惹味無窮令人欲罷不能!而店內備有多款東歐直送的地道美酒,每一次,美食加靚酒會令你想一試再試。

About Reward Scheme
Review (280)
Level4 2021-03-31
4230 views
大家一般嘅理解,烏克蘭都係食羊食豬食雲吞兔仔肉,但其實烏克蘭菜其實有大家想像唔到既菜好似羅宋湯、甚至係好岩香港人食既雞扒 。呢間Ivan The Kozak已經開業20年,係一間正宗俄羅斯烏克蘭餐廳,老闆娘係烏克蘭人,但其實已經係香港住左25年,老闆IVAN係香港人,落地生根後仲生左兩個仔女,但咁香港既人點整得出地道烏克蘭菜?原來所有廚師都係專門係俄羅斯同烏克蘭當地著名既酒店同餐廳聘請返黎,而大廚仲曾經煮過餸比現任既烏克蘭總統食,所以可以將地道東歐傳統美既味道還原比食客。隨左有正宗既烏克蘭菜,仲有二十幾種東歐直送既俄羅斯伏特加美酒, 捷克、奧地利啤酒同各種東歐紅酒。因為老闆IVAN係屋企人既朋友,所以屋企人早已幫襯過幾次,屋企人帶左我食一次之後,隔三星期我再次幫襯同女朋友,因為呢度既野食有特色之餘仲好好食,覺得非常岩香港人既口味。去左食兩次都係早一個星期前說訂到,一次食星期六一次食星期日,兩次都係滿座,晚市會分6點同8點兩個時段既客。一入到去餐廳就俾佢個裝修吸引住,睇落好似一個烏克蘭家庭既環境,所有裝飾都係湛住烏克蘭嘅味道,原來所有傢俬擺設、掛畫同埋燈飾都係由烏克蘭同埋俄羅斯買返嚟,燈光都係特登用橙紅色別有用心,場上仲要掛住一個好大幅嘅基輔市(即係烏克蘭首都)嘅特色風景畫,再加上餐廳不斷播住非常休閒嘅音樂,猶如真係去咗烏克蘭當地餐廳進食緊,打造到咁原因係老闆想將餐廳飾得好似烏克蘭老家咁比佢老婆睇。餐廳有分出邊掛畫區,同埋有一間房仔有四張枱,房就會比較靜啲,如果係大區,會見到老細每次都會幫人用基輔掛畫背景幫人影合照,非常好客而且睇得出佢每晚都會幫食客影相。-1️⃣ 正宗烏克蘭羅宋湯💰68(👅: 8.5/10)大家係香港飲到既羅宋湯都係紅,好似罐頭開出黎既顏色,但呢個同港式唔一樣,係用紅菜頭做,所以係鮮紅色。正宗烏克蘭羅宋湯同俄羅斯做法又會有小小唔同,係肉既用料唔同,俄羅斯係用牛肉,而呢度即係烏克蘭做法係用豬肉,而且烏克蘭羅宋湯既蔬菜比較多。隨左紅菜頭仲有sour cream、排骨、洋蔥、薯仔、椰菜、紅蘿蔔,落排骨係因為小小迎合香港人既口味,加排骨落湯會令湯既味道更濃。紅菜頭食落新鮮帶甜,酸忌廉令到個湯酸酸甜甜,唔係人工既味道,飲落無平時香港既羅宋湯咁酸同帶小小辣,可能係因為比紅菜頭既甜蓋過左,忌廉令到湯味道更香滑,如果好鍾意香港既羅宋湯可能會唔習慣,但我同女朋友就非常鍾意呢個咁地道既湯。-2️⃣ 地道香燒豬肋骨💰198 (👅: 8/10)一上菜就外觀萬分,因為侍應會係豬肋骨上面燃點起火焰,豬肋骨上加左vodka,隨着豬肋骨燃燒緊,香味都隨即撲鼻。收火之後見到豬肋骨燻到顏色偏黑,食落夠晒軟腍,帶小小焦香,因為呢個豬肋骨煮法同美國有D唔同,香味都好足夠,比起平時會用既美式BBQ汁汁,會食到蜂蜜汁帶來既甜味同小小酒味既汁⁣⁣,但對我來講豬嘅味道冇話非常之出色,對比起牛脷同埋雞扒。-3️⃣⃣ 馳名基輔炸雞排 💰188(👅: 9/10)製作方法首先係將雞胸肉打碎,令到佢變得腍D,之後加鹽、牛油,放入麵粉之後再沾上雞蛋漿,呢個程序要做兩次,因為淨係做一次,牛油可能會漏出黎,之後就可以炸,5至7分鐘之後再焗一下,令到雞肉熟D。一切開外殼個時就爆汁,而且見到入面既雞肉出哂煙熱辣辣,呢個就係基輔雞排加牛油既原因。雞扒食落非常嫩滑,全因有將雞胸肉打碎; 唔會太生太熟,恰到好處,因為炸完再焗;牛油水可以完美咁收係入面,因為有足夠麵粉同蛋漿,食落牛油味係爆出黎。外層既炸衣唔厚但非常脆,食落唔油膩。隨左雞扒仲配左蘑菇汁同自家製既薯片,薯片都係即叫即炸,所以食落好脆,有新鮮既薯味。-4️⃣⃣ 芝士焗牛脷盅💰98(👅: 9.5/10)咁多道菜最滿足就係呢道,我幫襯過兩次,兩次都必點依道菜。呢款芝士焗牛脷盅,係依度嘅招牌菜之一,侍應會將原本覆蓋喺盅上嘅香脆酥皮一分為四,可以將盅內充滿芝士醬汁嘅牛脷塊蘸酥皮黎食。牛脷咬落去非常之腍夠嫩滑,我諗係我食過咁多次牛脷最腍嘅一次,而且牛脷非常之厚切大塊,非常之有咬口,牛味豐富,食落係滿足感,酥皮稍為有啲厚同硬,但加咗濃味既芝士落去蓋過左呢啲小缺點,而且酥皮可以平衡一下芝士既膩。-5️⃣⃣ 俄國宮廷焙鹿肉💰228(👅: 8/10)香港人平時無咩機會食到既鹿肉,呢間餐廳就可以試到。鹿肉用紅酒燉煮完,所以食落甜甜地幾入味,鹿肉口感有D似偏瘦嘅燜牛腩,但肉質會較粗糙,同埋會有一陣特別既味道,可能係鹿既羶味,同鹿肉一齊燉煮嘅仲有蘑菇、薯仔,食落都係非常入味,份量仲要好大碗,但我可能自己食唔慣鹿肉既味道同質感,可能下次未必再點,但未試過既係幾值得試一次。-6️⃣ 雞肉蘑菇卷💰68(👅: 9/10)黎過兩次,兩次都有點呢道菜,發覺呢度既雞料理特別出色。同平時用酥皮焗成既做法唔同,外層係用麵皮去炸,外層炸到非常脆,粉漿夠薄,外脆內軟內餡係流心既白汁蘑菇、蘑菇汁同雞粒,味道非常豐富,內餡份量好多,而且雞肉依舊咁嫩,帶著濃厚蘑菇香,非常滿足。-7️⃣ 烏克蘭風味蜂蜜蛋糕💰88(👅: 8.5/10)問老細有咩甜品推介,佢就幫我地落左兩個甜品,第一個係烏克蘭風味蜂蜜蛋糕。外表睇落完全唔似我哋食開嘅蛋糕,食落幾甜,係蜜糖嘅甜味,因為蛋糕同蛋糕中間充滿咗蜂蜜忌廉,蛋糕咬落濕潤軟熟,比起一般戚風蛋糕仲要軟熟,睇落係有四層既海棉蛋糕,蛋糕同蛋糕中間會食到有核桃果仁粒,同埋會食到糖霜,令到有口感唔止得軟熟而且有脆口,以呢個蛋糕作為結束非常滿足。-8️⃣ 烏克蘭芝士蛋糕💰88(👅: 8/10)第二個老細推介既甜品係傳統既烏克蘭芝士餅,佢係煎既所以係熱既甜品,老細建議係點D汁會更好食。上枱時溫度夠熱,聞到濃烈嘅芝士味,食落同平時食到既芝士味唔同,可能係因為用cottage cheese,而芝士餅口感似食麵包唔似蛋糕,如果你期望係蛋糕口感會失望,加berries醬汁食味道帶小小酸,食落小小飽滯。另外我發現到上年呢個蛋糕係68蚊,到今年突然變左88,如果係同樣88蚊二者選一我會建議叫烏克蘭風味蜂蜜蛋糕,因為佢傳統得黎會有驚喜既味道同口感。-🍸 Kvass💰68(👅: 8.5/10)呢個係一個好傳統嘅東歐飲品,係冇酒精嘅,原來歷史非常悠久,係由基輔羅斯時期,即係差唔多成千年前已經有既傳統飲品,佢成份係黑麥同麥芽酒,去飲落係好重麥味,而且會帶着絲絲嘅甜味,非常之有特色,好鍾意飲所以兩次都有點依個飲品。-🍷 Nalivka💰68(👅: 8/10)唔講唔知呢個有15-20%酒精,飲落係完全唔覺。呢個Nalivka係十七世紀開始係烏克蘭流行既酒類飲品,隨左酒精仲有水果、香草、香料,飲落有小小似利賓納,比較甜,都有D似紅酒加莓汁,係易入口既香料酒。-🌟食質來講絕對係高質,而且我覺得大部份都好啱香港人口味,加上環境真係好似係烏克蘭屋企食飯咁,如果真係想喺餐廳影多啲相,建議去開門嗰時就幫襯,因為晚市實在係座無虛席。隨左上述介紹過既熱門菜色之外,焗蘋果鴨胸、家常椰菜卷都係好多人叫既菜色。我之後幫襯過兩次,兩次都係非常好既用餐體驗,第一次係同屋企人食,食到中期老細會攞住兩樽vodka請我哋飲每人一杯,叫我哋揀其中一個口味,聽屋企人講可能賣單去到一個數老細就咁做,會見到老細輪住去唔同枱斟酒,之後第二次同女朋友去,老細冇斟酒,反而嗰晚每台都會送一碟台灣嘅鳳梨,感覺每次去都會有啲小驚喜。-👅味道: 9/10🍴環境: 8/10💰消費: $350-450人均 (服務費: 10%) continue reading
Level4 2021-05-13
2972 views
🇺🇦走進東歐美食🇺🇦推介指數 ❤️❤️❤️❤️❤️第一次食烏克蘭菜,完全零概念,仲有啲緊張... 擔心個胃夠唔夠大食唔哂想食嘅嘢嘛,哈!店舖2001年開業至今,所有廚師由烏克蘭聘請,務求確保原汁原味!位於中環雲咸街頂,可以砵典乍街直上轉入雲咸街,想舒適啲可以經半山自動扶梯行荷里活道都容易到達。疫情下限聚令需要分枱而坐,但無失去分享食物嘅雅興,比較忙要傳碟啦!7個人叫咗11款嘢食,有沙律、頭盤、湯、主菜同甜品。店員體貼會主動建議份量,某啲菜式份量較細。🥗 酸三文魚沙律 HKD88:食材新鮮,酸三文魚酸度適中,沙律菜爽脆同蕃茄清甜,醬汁甜酸度剛好,好開胃!🍴招牌芝士焗牛脷盅 HKD98:牛脷獲得全晚No.1 大獎,用上酥皮做蓋,點埋芝士汁食好邪惡!牛脷食落嫩滑軟腍,牛肉濃厚,再加埋拉絲,食完又再食。盅入面仲有磨菇,材料十足!🍴傳統豬肉餃子 HKD88:一碟有三粒,豬肉味濃郁。🍴烏克蘭香煎薯餅 HKD88:煎得香脆,食落有薯仔條增加質能,再配上乳酪醬又好夾,大推!🍴烏茲別克雞肉餃子HKD88:一碟有四粒,整體味道偏淡。🥣正宗烏克蘭羅宋湯 HKD68:烏克蘭式用紅菜頭製成,顏色紫紫紅紅、有別於港式羅宋湯。湯料仲有薯仔、椰菜、洋蔥等。面層加上乳酪,令味道清甜嘅湯加添滑溜同微酸。🍽焗蘋果鴨胸 HKD238:一致認為No.2嘅菜式,鴨胸嫩滑juicy,熟成控制剛好,伴碟嘅蘋果清甜好味,好滿足!🍽馳名基輔炸雞扒 HKD188:外層炸得酥脆而不膩,雞扒食落軟滑juicy但略鹹,切開時有牛油流心,邪惡但好味!伴碟嘅炸薯仔片好香口又脆,要食哂呀!🍽地道香燒豬肋骨 HKD198:上檯後店員會隨即用火槍點落啲酒度,再倒落塊豬肋骨,睇落震撼食落好香。店員見大家拎電話出嚟影時仲會互相配合,好可愛呀!🥄烏克蘭風味蜂蜜蛋糕 HKD88:表面淋滿蜂蜜,仲有果仁增加口感,味道唔算好甜,感覺唔錯。🥄烏克蘭芝士蛋糕 HKD88:一碟有兩個,芝士味濃郁而不膩,食落質地軟糯煙靭,配上醬汁微酸又有驚喜!🧊Mors HKD68:無汽莓汁,主要由lingoberry 同cranberry製成。飲落每啖都有濃厚莓味,莓控要試!整體食物高質CP值高,環境佈置充滿東歐色彩,店員友善細心,開心愉快嘅一餐❣️總結:-食物 ❤️❤️❤️❤️❤️環境 ❤️❤️❤️❤️❣️服務 ❤️❤️❤️❤️❤️.··餐廳:東歐餐廳 (中環)地址:中環雲咸街63號巴力大廈1樓 continue reading
(The above review is the personal opinion of a user which does not represent OpenRice's point of view.)
呢一間位於中環嘅東歐餐廳非常出名, 如果想食就要提早幾個月預約大食妹一家趁住媽媽生日呢個機會, 過去試一試<烏克蘭香煎薯餅>首先上枱嘅係呢份烏克蘭香煎薯餅大家可能覺得香煎薯餅有咩特別, 但呢份烏克蘭香煎薯餅絕對令你一試難忘, 香煎薯餅有少少洋蔥嘅甜味, 外面煎得超級脆<正宗烏克蘭羅宋湯>正宗烏克蘭羅宋湯同港式嘅羅宋湯完全係兩件事, 唔單止質感比較水, 味道都冇咁酸, 而且係唔辣嘅, 鍾意港式風味嘅朋友可能有啲失望但大家都不妨一試呢個味道天然嘅正宗烏克蘭羅宋湯<南瓜忌廉湯>另外我哋仲嗌左南瓜忌廉湯相信鍾意南瓜嘅朋友一定會鍾意, 南瓜忌廉湯嘅南瓜味道非常重, 仲飲到沙沙嘅口感, 相對羅宋湯, 質感更濃稠更creamy<傳統蘑菇薯仔餃子>餃子應該係手工制嘅,外皮有啲厚同凹凸不平, 口感煙韌, 裏面包着蘑菇同薯仔碎, 係一份唔錯嘅素食小食<傳統豬肉餃子>傳統豬肉餃子同薯仔餃子都好相似, 只不過餡料變咗豬肉碎, 味道同樣鹹鹹地, 但大食妹就比較偏好蘑菇薯仔味啦<招牌芝士焗牛脷盅>呢份招牌芝士焗牛脷盅都係大熱之選面頭有一層酥皮, 但烏克蘭嘅酥皮同大家想像中嘅酥皮可能有啲出入, 口感比較硬脆, 配搭軟林林嘅牛脷、蘑菇同芝士, 其實幾好食<酥皮燴牛仔肉>呢份酥皮燴牛仔肉嘅外表同招牌芝士焗牛脷盅好相似, 上枱嘅時候我哋仲以為出錯嘢食酥皮燴牛仔肉同樣係以盅上, 裏面嘅湯偏鹹, 材料就有薯仔、蘑菇同牛仔肉因為太相似, 大食妹建議嗌左招牌芝士焗牛脷盅就冇需要再嗌酥皮燴牛仔肉啦<亞美尼亞烤羊仔扒>嗌咗呢份亞美尼亞烤羊仔扒全因為老竇鍾意食羊, 大食妹就冇食啦但都影低俾大家參考<地道香燒豬肋骨>最後我哋仲食咗打卡之選-地道香燒豬肋骨香燒豬肋骨個醬汁裏面有好重嘅Vodka成份, 至於味道呢...大食妹就覺得一般, 豬肋骨好軟爛入味, 可惜酒精太多有啲苦 continue reading
(The above review is the personal opinion of a user which does not represent OpenRice's point of view.)
Level4 2021-05-02
1948 views
5年未離婚紀念日.我地都未試過東歐菜,朋友都話好食, 網上又見多人都話好食, 所以去試下, 之前好似仲有靚靚烏克蘭美人,一早BOOK 左8點食, 但後來早左餓, 打去改時間, 妹妹話OK, 就係PP 過去,去到果時食客魚貫入內, 全場滿座,現場氣氛好好, 充滿貫國風情,音樂好輕快, 感覺好似係啤酒節果時咁,因為之前做定功課, 一早決定左要食咩, 好快就落左ORDER, 今次我地食左~~~烏克蘭香煎薯餅-男人叫既, 香脆可口, 但我會覺得佢會佔用胃既空間, 唔敢一次過食曬烏茲別克牛肉湯-男人飲曬, 一啖都試唔到(嬲)貝魯魚子醬-配以青蔥, 蛋絲,酸忌廉同PANCKE, 正確食法係用PACKCAKE ROLL 起魚子同其他配料一齊食, 但我生啪左魚子, 哩個價錢的話, 的確唔係驚喜既味道,鯡魚伴洋蔥-平時我唔食洋蔥既, 但我都忍唔住試下件鯡魚既洋蔥, 鯡魚?我一早食曬XDDD宮廷焙鹿肉-軟焾香濃, 蘑菇薯仔等配料, 香濃汁醬味道係寒冬係會好想要佢.酥皮燴牛仔肉-配料相約, 哩個汁既味道應該比較適合港人~PANCAKE X  MIX  BERRY X 雪糕, 又係比男人食曬, 我偷食左啖雪糕, 係食完濃味菜式後食返個涼浸浸甜品, 的確唔錯.飲左2杯野....我搵唔返個名...整體食物都好好食, 但我覺得適合冬天食(咁烏克蘭係凍架嘛),,同埋多人一齊食一齊SHARE好D,肉肉分量其實幾多,我地食唔曬既野都有問妹妹拎盒拎走, 唔想浪費美味既食物 continue reading
(The above review is the personal opinion of a user which does not represent OpenRice's point of view.)