東歐餐廳

Ivan The Kozak
273
38
7
5-min walk from Exit D2, Central MTR Station continue reading
Telephone
28511193
Introduction
Ivan The Kozak is a traditional Russian and Ukranian restaurant that offers Hong Kong a real taste of Eastern European cuisine. Apart from food, the restaurant also has 20 different kinds of Russian vodka, Czech wine, Austria beer and Hungary red wine. continue reading
Good For
Romantic Dining
Group Dining
Special Occasion Dining
Opening Hours
Today
12:00 - 22:00
Mon - Sun
12:00 - 22:00
Public Holiday
12:00 - 22:00
Payment Methods
Visa Master AlipayHK Alipay Cash AE UnionPay JCB
Number of Seats
60
Other Info
Online Reservation
Alcoholic Drinks
May Bring Your Own Wine
Cake-cutting
Parking
Phone Reservation Details
Reward Dining Points
10% Service Charge
Spot payment
Above information is for reference only. Please check details with the restaurant.
About
正宗東歐菜 至啱你心的異國口味
由真正的烏克蘭與俄羅斯大廚擔正煮理的「東歐餐廳」,店內擺放了一系列富有東歐色彩的枱椅,場內燈光昏暗有情調,牆上掛有偌大的基輔市(烏克蘭首都)特色風景畫,讓我們猶如置身別國,浸淫於一片歐陸的情懷當中。
所有菜式均由烏克蘭、俄羅斯廚師親自煮理,在當地菜式中挑選至合香港人口味的出名「名物」,確保原汁原味,又能同時令你舌尖嚐到絕佳滋味!
大廚推介的歐陸菜式有:正宗烏克蘭羅宋湯、招牌芝士焗牛脷盅、俄國宮廷煙鹿肉、焗蘋果鴨胸、家常椰菜卷等。紫紅色的烏克蘭羅宋羅由新鮮帶甜的紅菜頭餚製而成,湯中間放有酸忌廉,鮮甜味美。招牌芝士焗牛脷盅由大廚揀選靚靚牛脷,加入濃香芝士醬汁等,再於面層置有一層脆香酥皮。吃的時候,可先將面頭的酥皮切成一細件,一件酥皮一塊牛脷,連汁一同吃下,惹味無窮令人欲罷不能!而店內備有多款東歐直送的地道美酒,每一次,美食加靚酒會令你想一試再試。

About Reward Scheme
Review (360)
Level4 2022-05-26
1711 views
放在Bucket List已久的餐廳,無心插柳柳成蔭,有時或許就是無目的向前反而成事。不要矯情,實際入正題,平日午後過了繁忙Lunch Time依然滿座,晚餐同假日應該更加爆滿,提早Book位穩陣。午市套餐有湯有沙津有主菜有飲品,傳統羅宋湯同我個人喜好100 % match!溫柔的酸而不刺喉,加上奶油更香滑,傳統果然有其魅力。不好酸的可以點南瓜湯,濃郁美味但驚喜當然不及羅宋湯。蘋果燜鴨胸大啖薯仔大啖肉,豪邁又有滿足感的選擇。鴨胸雖然未到非常嫩滑,但不乾柴有肉香,醬汁相信是加上酒調味,與蘋果的甜互相配合,令薯仔同鴨胸味道大加分!亞美尼亞烤羊仔扒羊仔扒超級嫩,不過預先提醒有羊腥味,對愛羊的我來說反而是加分位。招牌芝士焗牛脷本來最為期待的牛脷風頭被搶,要怪上兩樣太驚喜!厚切牛脷夾上芝士咸香十足,不過食牛脷是爽口是硬還是軟,都有少少講運。芝士牛脷下面還有焗飯,夠飽肚。烏克蘭風味蜂蜜蛋糕未試甜品心不熄,有種未加雕琢的天然感,有麵粉的香氣、有碎果仁增加感,再有香甜的蜂蜜,意想不到的複雜口感,好奇的朋友記得點一件試試。明明是特色異國菜,卻試到啖啖家庭味,喜歡這種奇妙又得意的氛圍。特別一提餐廳內的擺設與基輔市風景畫,沒有設計上的刻意感,總讓我想起故鄉二字,不為打卡只係記念。 continue reading
(The above review is the personal opinion of a user which does not represent OpenRice's point of view.)
咁啱呢排講緊俄羅斯有意入侵烏克蘭🧐當地緊張嘅局勢令到人心惶惶到底雙方嘅試探同各大國嘅歸邊博奕之間會推動到咩環境同情況呢亦令我回想起winter on fire果套戲🔥雖然對我哋嚟講地理上喺遠不過政治有幾影響生活 大家都明在此祝大家能在亂流下平安🙏🏻———————————————————————💛呢間東歐餐廳都多年歷史杜文澤都有介紹過👀入面絕大部份都係外籍人士👯‍♀️環境巧有feel🌞聽聞平時係好爆booking之前想book晚市都早成個月不過呢家禁晚市堂食後 星期六下午嚟都ok 其實walkin都應該有位但當然book咗好啲啦🥸———————————————————————💛傳統烏克蘭羅宋湯 $68😋:6.5/10呢個同平時飲開嘅港式羅宋湯唔同味道好溫和 都算多菜 仲有少少肉仔呢個味嘅羅宋湯真喺第一次試同埋呢個色水似喺紅菜頭嚟上面有舊酸忌廉 不過撈埋落去就唔太食到未飲過會想叫嚟試吓 試過就夠~💛烏克蘭香煎薯餅 $88😋:6.5/10真喺一條條薯仔絲組成嘅薯餅~同埋食落口感有啲黏黏哋咁本身調味唔算重 有需要可以加少少鹽應該每張枱都本身擺左少量調味料🤔個底會有少少油 但喺可以接受嘅程度伴碟嘅乳酪味道唔太濃 所以點咗後係中和咗少少味 但唔太出💛招牌芝士焗牛脷盅 $98😋:8/10唔怪得大部分人都一致推薦呢個菜絕對係呢到性價比最高🌟本身塊餅係蓋咗係牛脷盅上面嘅不過一嚟到個staff就幫手剪開咗6份塊餅嘅味道威化餅咁嘅味😂口感上都幾脆 唔會覺得好硬而芝士嘅味道係偏重奶味牛脷每件都好淋身 而且份量都有十零舊!💛焗蘋果鴨胸 $238😋:8/10鴨胸嘅味道好似燒鴨咁🤣切嘅厚薄適中 而且肉質夠軟而且食落完全冇鴨肉嘅騷味~蘋果用糖煮過🍎但仍帶有爽脆感果醬酸酸甜甜 配鴨肉都幾夾啖啖肉都唔會覺得膩💛馳名基輔炸雞扒 $188😋:6/10呢款鐘唔鐘意好睇食唔食得慣🤔基輔炸雞都幾出名啲烏克蘭菜喺用雞扒捲住香草牛油但同平時食開嘅雞扒有啲分別因為平時一塊塊啲雞扒旁邊喺會略帶油脂而呢個整體都似雞胸多過雞扒🤣肉質完全喺雞胸feel 略略乾身而出面嘅炸皮一切開會同塊雞扒分離🤔而入面嘅醬汁有啲似芝士咁 唔肯定喺芝士定傳統嘅香草牛油😂伴碟啲薯片塊喺真薯仔切出嚟但相對薯餅 薯片嘅調味重好多呢個就有啲過咸 同埋佢唔係炸到脆口食落係淋身同少少煙韌 但我唔太食得慣🤣碟上嘅汁係酸酸甜甜咁 幾特別💛烏克蘭茶(一壺) $120😋:7/10味道係有獨特既香草味而果種香料嘅味喺幾易接受另外仲上左蜜糖比我地加落去不過佢啲蜜糖係微微嘅甜味加埋落茶到 都幾夾(唔似comebuy tea個柴茶咁咁小眾口味😂)飲晒仲可以加熱水Btw呢個價都非常進取🤣如果多啲人share都就ok啲💛烏克蘭風味蜂蜜蛋糕 $88😋:7.5/10最後點都想叫番個甜品trytry就咁睇有啲似木槺蛋糕mix千層蛋糕咁餅醉同cream一層夾一層咁但食落兩者味道喺融合咗~甜度適中不過啲蜂蜜係淋咗啲喺蛋糕同碟上面要點到嘅時候食落先覺🧐未食過可以試吓的確喺唔太大 但亦都未至於幾啖就食晒😂👅:如果有lunch set就抵好多~單點嘅話都係偏貴嘅👀唔肯定喺咪星期六日就只可單點🤔食完見門口有寫lunch set嘅牌但員工冇比👀btw呢到都真係幾有特色 呢啲味同款式喺其他餐廳食唔到🧐都真喺幾正宗~有機會試下都幾好💛仲要有良心呢!💡Overall💡味道:7.5/10環境:9/10服務:8/10衛生:9/10(枱面會有搓手液//餐具微溫)抵食:5/10———————————————————————🇺🇦🇷🇺🇺🇦🇷🇺🇺🇦🇷🇺東歐餐廳 💸:人均~$480📍:中環雲咸街63號巴力大廈1樓 continue reading
(The above review is the personal opinion of a user which does not represent OpenRice's point of view.)
村上春樹說過:「以卵擊石,在高大堅硬的牆和雞蛋之間,我永遠站在雞蛋那方。」俄烏戰事持續延燒,烏克蘭人民奮力用行動捍衛國土,向全世界表現出無比的勇氣和堅毅的意志,觸動無數人的心,其實香港也有一間開業至今超越20年歷史、由烏克蘭人主理的東歐餐廳Ivan The Kozak。一入門口就見到櫃上放滿色彩斑爛的民族風擺設,洋溢著濃濃的異國復古情懷。內裡悉心佈置有如置身於彼邦的小屋,家庭風裝潢予人感覺和諧溫暖。Lunch hour 時段全場爆滿,所以來之前最好預先book枱。Set Lunch 由中午十二時至三時供應,3pm 過後則有Á La Carte Menu。傳統羅宋湯烏克蘭是羅宋湯的發源地,湯色鮮豔紅亮,以紅菜頭、薯仔、椰菜絲等熬製而成,攪拌表面的酸忌廉令湯身變得柔滑。海量的紅菜頭切絲份外清甜開胃,比平時坊間以蕃茄為主調的羅宋湯甜度較高,因為過酸會抵消紅菜頭獨有的甜味。是日沙律以酸椰菜為主的沙律,清新爽脆,尤其適合配搭肉食中和膩感。蘋果燜鴨胸 $118由蘋果、洋蔥、蘑菇、薯仔及鴨胸等食材燜煮而成,以水果入饌竟是意外地匹配,酸酸甜甜十分醒胃,而且果香還可辟除鴨肉的膻味。厚切鴨胸啖啖肉,煮至火候得宜,肉質鬆軟卻仍帶有嚼勁,並沒有收縮變韌。裡面還有質地粉糯的薯仔,燜製後極之入味。餐飲選了洛神花蜜,茶色清澈,酸酸的花香清雅脫俗。 continue reading
(The above review is the personal opinion of a user which does not represent OpenRice's point of view.)
💛東歐餐廳 @中環📍中環雲咸街63號巴力大廈1樓成間餐廳都好有feel 感覺好似去左東歐咁😍不過餐廳空間有d逼夾 座位比較密密麻麻🥺呢度大部份員工都係外籍人士 如果有興趣就記得提早book定枱✨▫️馳名基輔炸雞扒 $188炸雞同平日食開嘅有啲唔同 佢係牛油包住再攞去炸 外皮好鬆脆 牛油好香✨✨ 雞肉肉質都算滑不過口感有d似雞胸肉多d 冇咩肥膩位🙈個薯片都幾厚身脆口不過就比較咸😢▫️招牌芝士焗牛脷盅 $98 牛脷好厚身 炆得好淋 酥皮唔同平時既咁酥脆 似餅乾質感🤔 個芝士醬連埋個酥皮一齊食好正🤤▫️傳統烏克蘭羅宋湯 $68同平時飲開嘅港式羅宋湯唔同 有好足料既紅菜頭做底 味道就冇港式既咁辣同惹味 加左舊sour cream 酸酸地 開胃d👍🏻▫️芝士蒜蓉包 $58咁多樣嘢入邊覺得佢哋嘅蒜蓉包係必點!蒜蓉味好重好香 麵包好軟熟 邊位有烘脆😋😋▫️烏克蘭風味蜂蜜蛋糕 $88口味都幾特別 係蜂蜜味既蛋糕 相對上冇咁平日食開既蛋糕咁甜 出面有好多核桃碎 口感豐富✨👅好味:3.5/5💲價錢:3.7/5🌟性價比:3.6/5👀環境:3.8/5👥服務:3.6/5 continue reading
(The above review is the personal opinion of a user which does not represent OpenRice's point of view.)
Level2 2022-07-01
0 views
今晚去咗呢間烏克蘭🇺🇦餐廳,好有異國風情feel馳名基輔炸雞扒:配搭的薯片是自家製,厚身雞肉挺嫩滑,味道偏淡正宗烏克蘭羅宋湯:顏色很紅 因為用了紅菜頭煮,營養價值好高,酸酸地幾開胃,另外湯上面的薯仔粒軟硬適中。古法香燒豬肋骨:這個厲害,侍應真的在現場用火燒豬肋骨,我還拍了影片不過豬肉略為乾。 continue reading
(The above review is the personal opinion of a user which does not represent OpenRice's point of view.)