85
57
25
Review (200)
未食過意八之前,真係好少機會食到意大利野,意大利d燴飯聽落好高級,但其實用d材料,都唔係話特別貴,所以其實都可以用一個相宜嘅價錢去食到意大利野嫁!今次叫左三文魚冷麵同黑椒牛排,三文魚冷麵用胡麻醬做汁,入口都幾清爽。黑椒牛排就比較一般,因為比較韌,黑椒汁嘅黑椒味都唔太明顯,有d化學味。另外,叫左茄汁意大利麵,有唔同嘅海鮮,有帆立貝魷魚大蝦,同茄汁味都幾夾。另外叫左白汁煮蜆,有d酒味幾好食,茄子就一般,太肥太滯,好多油。我地重叫左沙律,麻麻地好食,因為又係胡麻汁,加上沙律菜嘅種類唔多,都係普通嘅生菜洋蔥為主,無乜太大驚喜。雖然好似講左好多唔好咁,不過整體味道其實唔錯,至少比一般連鎖餐廳好,價值都唔會差太遠,所以都推介下! continue reading
(The above review is the personal opinion of a user which does not represent OpenRice's point of view.)
Level3 2019-07-04
249 views
之前一直都有食開意八,但今次真係覺得有點不知所謂。我大約八點左右去食,但個時唔係好多人,唔駛等入,但係入到去揀好食物,舉好耐手都無人應,唔知係咪因為每個待應都分區負責,所以唔係佢枱佢唔理啦,之前後面個枱有人點餐,我地再舉手先有人應,我地叫左卡邦尼長通粉同焗茄子百香草忌廉焗飯,仲有凍奶茶同熱洛神花玫瑰花茶,我地無check單係我地責任,但係嚟到上枱係咩鴨胸蜆肉焗飯,我都唔係蜆肉,無可能叫㗎嘛,咪同佢地講返我地唔係叫呢個,之後落單個個走過嚟話,我有覆單話305㗎,因為焗茄子飯係302,我有理有覺得佢㩒錯,而且我同男朋友都記得佢無覆過我地單,之後個職員只係不斷重複有覆305同呢個仲好食,唔要先換,比我地明顯感覺到佢唔想換,而且佢換左我都驚佢「加料」,所以男朋友就話佢同我交換啦。不過卡邦尼長通粉味道真係唔好食,一來溫度凍,二來好水,一啲都唔卡邦尼,似溝左好多水嚟整大兜啲咁,完全唔掂,所以我都係同男朋友換返。但係個鴨胸焗飯味道都係一般,稱不上難食,但亦同好食有一大段距離,當然有可能因為我明明食想食茄子,令我無心機食的緣故,結果兩樣嘢都食淨,因為真係食唔落。杯洛神花玫瑰花茶先令我O嘴,洛神花得一粒,杯嘢完全無紅色,玫瑰花都係得4粒,仲少過我平時屋企沖,但重點係杯嘢勁甜,我以為花茶一定係無糖啦,點知佢同你落埋糖,但佢仲標榜係養生,我因為少飲甜嘢,所以成杯都無咩飲到。之前食好多次都好正常,唔知點解今次中晒伏。 continue reading
(The above review is the personal opinion of a user which does not represent OpenRice's point of view.)
Level3 2019-06-27
242 views
呢間意八長期都排滿人,今日我哋兩個人排咗半個鐘先有位。全場爆滿,呢啲枱都執唔切!我哋每人都叫咗一個加拿大安格斯牛扒。牛扒上枱嘅時候係用鐵板上,仲有飯,煎雞蛋,薯角,一舊芝士番茄,仲有啲翠玉瓜。塊牛扒好厚身,雖然叫咗五成,但上到枱都已經係七成,不過佢嘅牛扒肉質係好味嘅,唔係嗰種腌到淋哂嘅牛排!食哂成個鐵板好飽,$100內食到咁嘅質素算係唔錯! continue reading
(The above review is the personal opinion of a user which does not represent OpenRice's point of view.)
黃大仙呢間早餐日日都咁爆咁多人其實每次經過都無入去食過,今日見無咩人排隊,就入黎食下早餐。睇完個餐牌,原來因爲價錢都算幾平,野食又夠大份,豬排好淋,咖啡都算係咁但人手就真係唔夠,而且服務態度真係好麻麻地,真係應該要改善下。 continue reading
(The above review is the personal opinion of a user which does not represent OpenRice's point of view.)
Level3 2019-05-27
376 views
係黃大仙中心,Lunch Time時間唔知食咩好經過呢間餐廳見到好多人喺門口等位餐廳入邊位置好多,真係坐滿晒人同埋Menu選擇好多,所以試一試佢餐廳價錢好大眾化,選擇多,但食物一般侍應服務質素有待改善。活蜆魷魚圈香草忌廉意大利飯的確係活蜆,但係蜆肉好細隻,魷魚圈明顯係雪藏,冇咩味道,整體唔似意大利飯,只係普通煮嘅珍珠米加上忌廉汁柚子芝麻烤雞翼 + pizza柚子雞翼味道都可以,但Pizza未免太細件兩啖就冇咗,不過價錢真係好平,味道都過得去,如果整體size大少少會更好羅宋湯熱柚子梨茶 continue reading
(The above review is the personal opinion of a user which does not represent OpenRice's point of view.)