板長壽司 (Closed)

平日星期一至四，無乜特別我一般都係自己帶飯返公司食。咁今個星期五同同事出街食lunch,有同事建議食板長，好啦，平時好少食板長午餐，心諗試下啦，日本個啲珍珠米我都幾鍾意食。好喇一去到竟然唔使等位，認真上一次係沙田板長食lunch已經係講緊三年幾前，個時我記得食板長係要特登早啲偷走出來等位架要，遲啲去都唔使食。依家竟然有好多空位！真心見到都覺得幾奇怪。嗌左個肥牛飯餐，包一碟劣食沙律，就係一細碟生菜加粟米再加好很多芝麻醬。大佬，伐沙律為健康，你加咁多芝麻醬，咪越食越肥！同食沙律目的背道而馳。然後就仲有個味增湯，唔好聽就味粉湯味精湯，飲唔飲都罷。最嬲就呢個肥牛飯，勁乾。肥牛似係用平價肥牛，肥肉多過瘦肉。仲要啲米唔係珍珠米！係普通米！！好嬲呀！究竟呢間係唔係食日本野架！點解會唔係用珍珠米！唔怪得之坐唔滿啦！越做越cheap!勝惠58再加一，64蚊！我下次寧願食茶記都唔會再來。茶記都高水準過佢。

之前lunch set有試過尼個，果時覺得唔錯，但係今次去都係叫尼個，兩次都等左很耐，尼一點無變，關鍵我發覺今次送來既魚生唔係幾新鮮wor！我有影睇，有幾件魚生係發黑，一睇就知唔知擺左既耐，仲有幾件一睇就知道係人地高級魚生拼盤切剩下的魚雜⋯⋯而且尼一間可能係沙田，服務唔係幾好，岩岩食完仲未擺低筷子，服務生就過來收走你既碗，好似趕我走咁wor⋯⋯唔知其他分店係咪都係咁呢

黑醋豚拖羅寿司，肉嫩帶汁，好！👍😀油甘魚寿司，鮮味可口！火炙醋鯖魚寿司，上面還有点芝麻点点的，鮮嫩！👍👍😀😀北寄貝寿司，味道鮮美再加上顔色更美的，價格更是便宜的👍😀

原本拎住杯貢茶飲品等, 個 女職員 就黑口黑面咁好串咁話: "呢度唔帶得外來野飲入黎" ...正常SERVE 客都一開始講左句唔好意思先下話客套野先掛, 此其一 . 跟住到真係入場啦, 就同我講: "你想飲埋先入定掉左先" , 咁我飲完先掉啦....但視線笵圍都唔見有垃圾筒, 咁咪問佢邊樹有得掉躪, 正常人醒少少都會主動問洗唔洗幫我掉嫁啦 , 點知佢手指指叫我行出去轉 個彎先有...好..我忍..行出去乜筒都唔見, 個男廁果個垃圾筒洞口太細又掉唔到...果下真係火都黎...未食野已經飽曬, 因為成肚氣, 總共只叫了 幾種壽司,  甜蝦,板長蝦, 介辣八爪魚, 飛魚子, 油甘魚, 三文魚, 總的來說不太新鮮..真的不知所謂, 以後不再幫襯此連鎖店!

好似係第一次食板長既lunchc set，roommate推介我去試下，用ipad落單櫻花丼加豉油湯沙律，但係等左好耐都無送裡，等得我都無耐心了！而且我又好肚餓，催佢先送裡沙律有d少，一口就吃完了，豉油湯入邊有少少裙帶菜，兩舊很細舊既豆腐，湯麵漂浮著一層油，麻麻地果飯睇落去好細一碗，但係都算足料，魚生一粒很厚實，仲有脆脆地爽口既薑片配飯，驚到最尾會食洗d魚生齋食白飯，但竟然都有餸送飯食，所以壽司飯同魚生比例岩岩好，正👍最尾，當我用匙羹諗住食洗最後一口白飯配三文魚魚粒既時候，見到隔離檯一個女仔相同既一份櫻花丼食左唔到一半就食唔洗俾佢男朋友食，果時我很尷尬⋯⋯總之，味道唔錯！但係服務有待反思，岩岩食完唔到半分鐘，服務完即刻收走所有碗碟，好似趕你走咁，同埋我食緊櫻花丼既時候，服務員成日行過來望一望有d咩要收走，頭先想催你櫻花丼快d既時候，又不見你望過來！要很大聲，叫多次先行過來？

so I came in and ordered from the tablet menu thing and waited and waited and the technology malfunctioned and so I waited and waited and the staff are apathetic and I waited and waited and I'm starving and I waited some more and waited and its been an hour and so I decided to write this review and waited and waited and oh hey the sushi came at least and I waited and waited and the sushi was average and waited and waited and some more food came and the tempura rice was plain plain plain but the

今日係沙田行商場買完衫，行左好耐肚餓，見到前面有間壽司店，唸住唔曬等位，就試下呢間喇，我揀左刺身拼盤，有三文魚，帶子，北極貝等。三文魚厚切，睇光澤度感覺好新鮮，沾上醬汁味道鮮嫩滑口，肥美鮮甜亦入口即化。帶子味美鮮嫩，肉質飽滿彈口，加上芥末醬汁回味十分。北極貝有嚼口亦幼嫩，鮮甜爽滑，沾上香甜醬汁味道更佳。

和牛腿肉壽司(半生熟)口感肉嫩(和牛腿有原本肉汁，不用再加豉油食)海鳗壽司肉煮得好軟身(入口即溶，少左食鳗肉應有的口感)味道尚可池魚壽司(鲜味)芝士三文魚，三文魚腩(肉好厚身)海膽三色迷你丼(真的好细粒，似壽司多過丼)不過味道吸引，海膽鲜甜劍魚腩(鲜甜)鲭魚(味道鲜)中吞拿魚腩(肉好肥美，有鱼本身肉汁)野菜魚餅失色(無魚味道，不多蔬菜的魚餅)自己落單(無漏order)方便

感覺自己身處茶餐廳，溜單，上菜慢，服務態度劣。又唔係多人，但服務慢吞吞，唔想做咁，黑口黑面，趕客，比起其他分店，呢間算惡劣，搵鬼幫襯。今時今日服務態度真係0分

週末下午，當然是下午茶的時間吧！然而，身處於人山人海的沙田新城市廣場，要成功於任何一家餐廳找到位置卻是異常困難之事。是日幸運地只短短等候了三、五分鐘，便被安排入座板長了! 我和朋友二人閲了閲精緻的iPad menu，便點選了以下幾款簡單的壽司淺償一番：油甘魚黑松露醬油壽司及柚子油甘魚軍艦：恰巧餐廳的油甘魚系列正做優惠，那我們便點了兩款試試看。價錢一方面非常特惠，但未見將價就貨的情況。油甘魚口感煙韌，味道鮮甜，更沒有半點腥味或雪氣。不論是黑松露醬油或微酸的柚子汁組合都跟油甘魚味道匹配。三文魚壽司及韓風三文魚軍艦：兩味相比，簡單的三文魚壽司更勝韓國風味一籌。雖然三文魚魚生並不是屬魚腩的位置，但魚身質地肥美且爽口彈牙，亦不失三文魚本身獨有的鮮味和豐盛的魚油味。反觀軍艦上的三文魚則比較乾身，口感猶如魚乾，味道亦只有所謂的韓國醬油味。櫻燻鰹魚壽司：鰹魚感覺為新鮮的貨色，肉質爽口兼無雪氣；惟稍嫌煙燻的程度過盛，有點蓋去鰹魚的味道。安康魚肝軍艦：鋪滿壽司飯的魚肝口感肥美，入口後亦頗快溶於口裡，混合醬油後更是另一味覺享受。吞拿魚沙律軍艦：本來對所謂的沙律也甚為期昐，惟切碎的呑拿魚相信只是超級市場所售賣

今日老媽子話想去板長壽司食野，落咗班就趕翻屋企，同老媽子一起出發去沙田板長壽司店。環境都乾乾淨淨的，人都是很多喇，食飯呀嘛！成條燒秋刀魚，燒烤方式使得秋刀魚的腥味得到去除，呈現出來的更多是鮮味和烤的香味，雖說一條，不過大家都知，秋刀魚一條先幾大喇，裡面的秋刀魚魚肉好入味。三文魚壽司，我其實不喜歡芥末的味道，接受唔到，但系壽司不加芥末又好似唔正宗，三文魚壽司系芥末的摧殘下，我成個人就指感受到醬料的味道，三文魚略帶新鮮感從喉中滑過。下次我都系唔要芥末喇。推薦燒牛舌。

今晚我們去咗「板長壽司」喺沙田連城廣場店食晚飯！我們叫咗油甘魚壽司「柚子」、珍寶赤蝦壽司、吞拿魚壽司、秋刀魚壽司、一口帆立貝壽司、蟹棒壽司、海膽軍艦、火炙鰻魚壽司、池魚壽司、劍魚腩壽司、三文魚壽司、蝦天婦羅手卷、海膽手卷、三文魚手卷、燒三文魚頭、燒油甘魚頭、鹽燒秋刀魚、芒果蟹籽沙律同自家冷烏冬！劍魚腩壽司嘅肉質同其他魚嘅肉質有較大嘅分別，其他魚嘅肉質較嫩滑同入口即溶，而劍魚腩嘅肉質較爽口彈牙，口感好特別！燒三文魚頭、燒油甘魚頭同鹽燒秋刀魚燒得魚皮好香脆，肉質相當嫩滑，味道非常甘香同好超多肉汁！係本人嘅必食推介！自家冷烏冬嘅麵質相當煙韌彈牙！

難得一日嘅特別假期，係屋企好懶咁樣過咗一日。唔想出街但係又想食新鮮壽司，沙田區可以話選擇唔多。特別係我住嘅屋苑好多外賣都唔送到上門。板長有個好處，佢哋外賣都可以散叫，唔似其他一定叫SET。落ORDER好方便，冇咩麻煩。原本一個小時到，但係45分鐘就送到，公眾假期算好有效率。送外賣嘅哥哥仔都好有禮貌，PAYMENT亦好快手。食物點咗珍寶赤蝦壽司，板長蝦壽司，北寄貝壽司，三文魚壽司，海膽軍艦，火焰原條海鰻，火焰鰻魚，自家冷烏冬，帆立貝壽司。個人最喜歡珍寶赤蝦壽司，海膽軍艦 ＆ 火焰鰻魚。自家冷烏冬，麵太硬，冷麵汁唔夠味，太淡。OVERALL服務滿分，食物整體都好滿意，價錢唔算平，但係安坐家中，歎自選壽司，算合理。一定會再幫襯。

上次去大埔坂長壽司，但餐後覺得一般，有好的又有不好，所以今天在沙田也試一遍。三文魚果d大路壽司是新鮮 ok的.但我地叫了兩件墨魚壽司，食咁多年日本野，從未食過這難食，又厚，又粗又硬，今本咬唔入，我覺得似滾熟完再滾過似的 ， 而且放落口有少少味，由於太差，今本放入口之後，即時要吐出不能再食。跟隨上了蕃茄牛肉烏冬，一上枱已嗅到好大怪味，但還未研究，試下加了日本芥辣除味，點知一路食一跟聞到怪味，最後又加些子薑都除不了這些味，其實只食了兩口之後，就研究碗烏冬何種食物這難聞，最終發現是牛肉，嘩～應該是又蘇又醒又少少臭 ，即是叫人唔要兼取消，坂長真是得個名⋯⋯

今晚再去板長另一分店沙田連城廣場食壽司！壽司非常新鮮甘香，入口即溶！特別係吞拿魚壽司同「柚子香末」油甘魚壽司係本人最鍾意嘅！牛油果醬吞拿魚沙律同芒果蟹籽沙律，份量十足！燒三文魚鮫非常香口而不油膩！特上海鰻壽司肉質比較軟滑，而火灸鰻魚壽司肉質比較彈牙！價錢公道，八個人食都只係$1028，非常抵食！另外！值得一讚係他們集團開業十年，都一直保持到水準嘅壽司店！