Istanbul Kebab (Closed)

四月下旬‧晴喝得一肚都是酒精，有什麼比來一客土耳其式烤羊肉粒卡巴卷更好？這裡的卡巴卷肉汁充盈的羊肉粒吃起來味道濃郁，配上滿有麵粉味香的餅皮就是吃得飽足的選擇。還有的就是這裡的土耳其春卷，鬆脆的春卷以芝士做餡，絕對是惹味又香口的小吃之選。

一個洗完牙的星期六, 冇預算, 不用訂位的地方就最好啦, 行吓行吓去到棉登徑, 地方唔大, 不過都唔洗等位就有的坐,因的好怕羶味, 所以決定食雞因為仲布一枱四人客, 所以等了15分鐘左右食物就陸續有嚟, 不過因為鋪面同人手唔多, 佢都會"excuse me"叫我哋過去櫃頭拿整好的食物, nevermind, 最緊要好食嘛-土耳其扁豆湯-口感豐富, 好多煮溶了的弄香飄出嚟^^好味-田園沙律, 菜好新鮮, 特別like佢的紫洋蔥,食完雖然好大口氣, 但辣辣新鮮的洋蔥味好香-春卷,入面見有d紅蘿蔔條同少量蔬菜加芝士, 脆口又香口-主菜一,轉轉雞卡巴卷, 叫時已問女店員, 係咪用轉轉的雞先叫的, 皮烤得香脆, 新鮮的青菜,蕃茄呀..紫洋蔥again, 好matching, 又juicy, 雞好嫰-主菜二,土耳其烤雞肉粒飯,比較遜色lu, 份量算多,但雞烤得太乾身, 而且同佢相中又有顏色的配菜差遠了本人一向都like係好似雞胸肉的, 所以都冇所謂, 不過如果您like雞肶的滑口感, 對唔住啦, 一定唔like, 好似的老公咁就食了少量而已!最後, 唔想飲凍嘢, 土耳其茶, 細細杯, 好像紅茶的味

同事剛從土耳其旅行回來，帶來好吃的手信，於是突然想吃吃當地馳名的 KEBAB。在 OR search 一番，最後決定試試這一間。店子已經重新裝修，跟 OR 裡的門面照片有所不同，害我們差點以為去錯地方。店子環境狹窄，但大大個 KEBAB，還是坐下來進食較好。我們選了一個「羊肉」KEBAB，一個「雞肉」KEBAB，每個 $50，定價一點也不便宜。雞肉並不是從這個「轉轉」出來，有點失望哦。雞肉 KEBAB：餡料豐富，層次多，雞肉也尚算新鮮。羊肉 KEBAB：男朋友最愛，我就覺得羊肉太 SO 了。一個 KEBAB 也撐到肚子飽飽，幸好沒有叫其他小吃。吃完滿口都是 KEBAB 味，可能是因為他們用了紫色洋蔥之故。縱使吃完冰凍雪糕，口裡的味道仍然久久不散

相信各位對土耳其烤肉都不會陌生。在灣仔、尖沙咀等有很多不同種族遊客喜歡流連的食區，也常見到不少售賣土耳其旋轉烤肉卡巴 (döner kebab) 及中東食品的餐廳。由於土耳其是個回教國家，不吃豬肉，所以卡巴都會是烤羊肉、牛肉及雞肉。是日光臨的「Istanbul Kebab」，是一間吃土耳其菜的小店。店內四周有簡單的土耳其佈置及牆上掛畫，頗有異國風情。看見餐牌上有多款卡巴選擇﹐任君挑選。先來個頭盤「土耳其芝士春卷 」。每條炸春卷都脆得響亮，內𥚃羊奶芝士騷香軟綿；點上自家製薄荷醤，清香醒胃，味道也與芝士出奇地夾。賣 $38，划算又好吃，吃完不羡仙。再來主菜「土耳其式烤羊肉串粒配白飯」 ($98)原粒滷汁烤羊肉串，羊肉味超濃，柔軟充滿肉汁；飯是油飯，混上蕃茄、生菜、洋蔥、辣椒同吃很搭配。不要輕看那條小青椒，不嗜辣的朋友千萬不要呈強，咀巴吃後是辣到變孖膶腸！這小店還有多款 pizza、中東包及特色飲品，賣相均不錯，下次一於再來，品嘗那異國風情！

前提:我女朋友跳完舞話好累要 takeaway返歸，行下行下就搵到呢間食kebab既， MY LOVE!!! 我女朋友都係啦，so，GO GO GO！環境:好似老蘭 D hotdog stall 咁既 size，仲係外國人主理，應該冇死，乖乖咁送上左 $50，Lunch 平成$10蚊．．．．．．．服務:好快手，老闆又ok靚仔好傾，生意應該唔錯，哈哈哈！仲用半鹹淡廣東話問我係唔係攞走。食物:Lamp Doner Roll，羊肉卷，羊咩足，肉汁甜，洋蔥又岩岩好。成個係 Perfect Match！總結:兩個字：「好食！」返啅開飯指數:

呢間土耳其食店我已經食過兩次，都唔錯，但係我比較鍾意食令一間喺附近嘅kebab店舖～～我自從前年去完英國食過一間土耳其餐廳，反嚟就試左幾間港式小小土耳其食店～呢間餐廳我食過兩次都係外賣，因為睇落去呢間野坐得好唔舒服同埋d座位唔係好乾淨～所以我兩次都係令走食～～我試過佢哋嘅chips with cheese,麻麻哋，因為個炸薯條炸得唔好夠同埋都唔平，我又試過羊肉卷同牛肉卷，我個人鍾意羊嘅"so"味，所以我覺得佢地個羊肉卷好食，汁又夠，而牛果個都唔差，只係個卷卷得唔夠實，所以食嘅時間要小心d啦，好容易跌出嚟～我覺得可以一試丫～

去完悠長假期~ 要比手送朋友 就去左呢到食kebab!!! kebab除左間curry in a hurry 之外~ 我都好少食, 但係..朋友話ok就黎一次啦~叫左一個lamb kebab, (唔似羊咁, 冇咩味)cheese spring roll, 好格格不入~佢放ｄ　salad 超求其...chicken pizza, 唔...個底好厚, 唔知turkish pizza係唔係咁, 我覺得唔好食~咁既~ 你試d source 要小心, 我試左一個辣既...嘩, 點左少少都係咁流眼淚, 講唔到野, 個fd幫我叫左coke... 真係要小心,,, 唔...我都係覺得.. 可能一次貨仔~ 下次唔好攪我~

所以便去, 廢事成日ebe!我又是kebab狂人.一個雞肉kebab, 有湯送, 都美味的, 像是有點薯仔蓉在內雞肉kebab則非常多汁, 多到漏喇~雞肉亦不會太乾, 剛好, 白紅綠汁任加! 可以不停的放綠色美味汁醬小豬兒的羊肉配薯條, 準是很美味吧, 因為小豬兒很快便獨個兒全碟吃光了!我也只是偷了少許, 薯條是飽滿的, 羊肉少許乾, 配以綠色美味汁也一流, 少許羶可以再去!

老實講，呢間既 Kebab 我覺得好港式，不論卷皮、肉、醬汁都係香港買得到既材料。留下來的只係 kebab 既造法。味道、口感....不算地道。今次只係路過口痕想試下，同朋友夾左一件牛肉卷試試，牛肉有點羶，不過土耳其的牛肉是這樣的，雖然卷得扎實，但牛肉和牛肉之間很散影響牛肉肉汁，因此咬下去時，你不會感到有很多肉汁。因為肉汁已經散出來了.......牛肉卷配上的醬汁也不是blanche或harissa，而是稀釋沙津醬(說不定是因為肉汁把醬汁稀釋了)最後卷皮很薄，和以前在中東吃的厚厚無酵餅很不一樣..... 你可以想想其實這類食物是中東人的「正餐」厚皮是要為他們「填飽」肚子，這樣薄薄的又怎可能飽呢？不過做生意要計成本，唔通材料下下由土耳其空運到港咩以香港來計，這間其實不錯！加上講中文的中東人，誠意加100分 : )

之前行過呢頭成日都好想試下呢度既轉轉燒肉,見今晚黎赫德道happy hour,又唔係好肚餓,咁就同好友share件卡巴卷啦Mixed Kabab Roll 大大件既卡巴卷即叫即整熱辣辣,叫左小小辣,配埋佢個酸酸地既汁,食落好惹味~薄餅煙煙韌韌,包住肉呀,洋蔥呀,蒜呀,番茄生菜呀咁,超級足料!(btw,洋蔥辣得很,無左佢會好好多呢..)如果我一個人食曬的話應該飽到出唔到門口嘔住走,哈哈~同埋食到最尾真係要好小心,不停又醬又餡跌晒出黎食到我同朋友仔成手都係...卡巴卷真係幾好味同埋又唔貴,下次黎開呢頭飲野又多一個快靚正選擇喇^^

轉轉燒羊肉卷: 大大件的以錫紙包裹著, 內餡豐富 配料頗多, 蕃茄新鮮 生菜洋蔥爽脆, 主角不羶的羊肉淡淡的, 完全被濃厚的醬汁味道所掩蔽了 土耳其奶茶: 用微波爐叮熱茶加奶, 奶味略重~ 店舖環境, 小店式格局, 整潔企理; 女店員滿面笑容有禮貌, 讚

香港是一個神奇的地方，對我來說。想吃日本菜、歐洲菜，中環或銅鑼灣有許多日本人、歐洲人開的餐廳，這在台灣也找的到，與香港不同的是普遍的程度之差。但想吃印度烤餅，重慶大廈裡滿滿是印度人開的餐廳；想啖泰式咖哩蟹，不僅九龍城有多樣選擇，許多PUB裡也是泰國廚師煮的道地菜餚；想嚐辛辣的韓式泡菜，尖沙咀金巴利街兩旁都是韓式家常菜餐廳與超市。這些在台灣就不是那麼容易尋找了，也是香港讓我覺得很神奇之處。今日終於擺脫一個月來的煩躁，下決心要過海來嚐嚐卡巴，順便在尖沙咀逛逛。「伊斯坦堡快餐」應該也是土耳其人開的吧！不然我想店家應該不會打出「可以用廣東話、英語與土耳其語為您服務」這樣讓我覺得神奇的招牌吧！晚上八點鐘的店裡依然維持的很乾淨，不大的店舖約莫只有十個小小的位置。抵達時兩位略有噸位的非裔人士正開心的邊聊天邊吃著飯，看著他們這麼吃的這麼開心，我倒也想要也來一盤飯！很快的跟大力女王點了「Chicken Doner Roll」與「Adana Kebab Rolled」，兩人也都各來一杯「Turkish Tea」。「Chicken Doner Roll」一送上來看到橫切面就覺得很好吃，內饀密密麻麻包的很紮實

第一次去食卡巴~諗左好耐ga la~都係無去食~去到見到個舖位唔係大~位都唔係好多~加加埋埋先七至八個~但係由於今次去既時間無咩人~非常好~!!!!今次叫左轉轉燒羊肉卡巴~好好味~入面既醬汁有辣味~好惹味~另外入面既沙律汁，薄荷汁都好夾到D羊肉~而個D生菜、蓄茄都好新鮮~d羊肉就見住佢係個轉轉燒上面刨出黎~食落又好夠羊味，少少羶，非常好~份量真係好夠，因為我一個男仔食完都可以話太飽~不過有樣野真係美中不足，就係佢卡巴食到最尾個陣會比較狼狽~因為佢最尾個個位包得唔係太好，D醬會漏出黎，羊肉又會跌少少出黎~不過總括黎講都真係值得一黎再黎再再黎~!!!!!!環境就好似頭先咁講，真係比較細，如果大返少少就好好啦~服務方面，真係要讚好，講到明提供中文，英文，土耳其話~而且個waitress好nice，有個食客想加醬，佢直情畀支醬你，任加唔嬲~個食客好似見到唔使錢就係咁吱，但係個waitress都無出過聲，連望都唔望，完全無畀壓力人，very good~!!!!由於佢地用開放式廚房，所以都見到佢地入面真係都叫乾淨，舖面就真係整整齊齊，企企理理~雖然裝修睇落都見到間舖係經過D歲月~但係都仲係好乾淨~

土耳其菜, 或者真係啱土耳其人口味...店內都是鬼佬和印巴籍人士.--Lamb Doner Roll 轉轉燒羊肉卷($45/SET,set which including a Roll and a Soft Drink)--羊肉卷肉太乾, 汁太稀, 太水...--Pide Bread 土耳其式厚包餅($20)--一份四件, 厚到暈, 可當兩餐食. 沒什麼期望, 因通常都是沒什麼味道.--土耳其鮮奶咖啡($28)--真是不大飲慣這種咖啡, 感覺有點像麥皮之類的健康飲料...

由TAPAS飲到噴水池，最後到左第三站既狗毛吧﹗飲左成晚酒都未食過野，梗係要醫肚餓﹗行番出門口轉右既呢間伊斯坦堡，之前成日都經過，成日有好多外藉印巴人士在吃飯，今次終於有機會試下喇﹗雞肉卡巴$45，價錢算是中上，即叫即焗即做，餅皮煙韌熱辣辣的，有少少焦香，正﹗雞肉十分多，質感鬆軟多汁，滿滿的咬一口下面的已漏出來，入面是沙律汁、大量蔬菜、蕃茄等，材料配搭恰到好處，不會太膩，肉以外也嚐到蔬菜的清新。一條我覺得是二人份量，由於實在太多料關係，吃完一條飽到上心口，久久未能釋懷。好吃，值得推介的地道卡巴。