清真牛肉館 (龍崗道) (Closed)

外賣自取有9折，我們點了兩件清真牛肉餅和咖喱羊腩粉絲湯，十五分鐘左右就可以拎到。清真牛肉餅熱辣辣，煎得餅皮金黃，外脆內軟，咬下去爆多牛肉汁，一不小心就噴到滿身都是。牛肉味超香濃，肉餡厚，好正！咖喱羊腩粉絲湯，咖喱湯香濃，跟羊腩味道很夾。羊腩肥瘦適中，肉嫩不老，有羊味但不會很羶，肉的份量足料。粉絲吸收咖喱湯很好味，食到最後粉絲都不會泡淋，依然爽滑。配菜有d薯仔、白菜仔，一個湯粉絲有齊肉、蔬菜、麵食。

清真牛肉館的牛肉餅, 由十多年前不用十元一個, 到現在二十元一個, 印證了香港物價, 特別是樓價的高昂. 不變的是其味道和口感, 酥香而煙韌的餅皮, 牛肉內餡的豐富多汁, 比小籠包更多, 而且鮮度和咸香平衡度高, 在香港的牛肉餡餅我相信她的是最好的. 比起其姊妹店馬家莊更好, 更為正宗.至於牛肉水餃是牛肉餡餅的變奏, 肉汁同樣相當豐富, 水餃外皮口感軟糯, 略嫌其比較厚, 否則爆汁的感覺會更明顯. 咖喱羊腩餃五十多元, 其實現在去大家樂吃一客咖喱牛腩飯也差不多如此的價錢. 這裏的咖喱汁沒有很”粉”的口感, 證明她在製作的時候, 沒有加上很多太白粉令汁身更杰, 另外它帶有一點蔬果甜味, 而辣度剛勁, 前者中和後者之餘, 也令本身的味道更多元化, 至於羊腩肥美 上面腩膜彈牙, 如果份量再多一點就更完美!

這家清真牛肉館位於九龍城，在店外面貼滿了很多明星到訪的照片，收費處也掛着很多得獎的牌匾，可想而知這家店有多出名了。今天我來的時候是下午四時左右，店內的人不多，要是平時一定要排隊，才能進來享用美味的食物。我們兩人叫了一個下午茶餐，有兩個牛肉餅及榨菜牛肉絲粉絲湯。牛肉餅皮很薄，煎得脆脆的，吃時要小心，因為裹著的湯汁很多，一不小心可能會被燙到的。湯汁有香濃的牛肉味，牛肉餡料又多又好味，怪不得有人專門開車來吃。此外粉絲湯的用料也多，榨菜爽口，牛肉絲嫩，好吃。粉絲湯伴着牛肉餅一齊吃是一個不錯的選擇。

I heard it on good advice to make the rather "out of the way" journey to Kowloon City, and track down this institution. After hopping off the mini-bus, I found myself outside the restaurant confused since 2 were showing up on my google maps within a 3 block distance. An Indian man outside the restaurant seemed to pre-empt my indecisiveness and commented "Yes there is one more, but this branch is the best one". I took his word for it and sat back to enjoy the most plump, juicy, amazing beef patti

星期六7點15分，唔駛等。叫左牛肉餅，餅底都未熟透；羊肉湯麵的羊肉被獻粉醃到滑潺潺，味道竟是糖和豆粉，全無羊味兼嗱脷；牛肉羹味偏甜，湯色混濁，從未食過咁怪的牛肉羹！不會再幫襯！

差唔多有4年無食啦，清真牛肉館嘅牛肉餅水準依舊高質，無得輸，難以找其他牛肉餅去比較。價錢跟住物價上升而家$20一個，但依舊咁多人遠渡而來品嚐牛肉餅。而且很划算，因為牛肉餅都頗大的，食一個已經好飽牛肉餅嘅牛肉鮮甜，皮薄多汁。無論你一開始幾小心食，D肉汁都係多到臨尾都係咁流出來揸車叫外賣嘅話可以先打去牛肉館下單，製作需時8分鐘，香噴噴嘅牛肉餅就準備好！注意總店&分店都係九龍城，致電時要搞清楚喔。另，注意外賣盒另加一蚊啊～

依然世界級水準上一次黎九龍城#清真牛肉館 已經起碼十年前今日的起條癮想食 特登貢入黎必食梗係招牌#清真牛肉餅 熱辣辣記住喺旁邊咬個小窿倒咗少少汁出嚟先如果唔係會爆到成枱成手都係(好似我咁🙄)巨多汁牛肉Juicy之餘 煎皮算薄 又唔會太乾 世界級！另外推介羊肉小籠包 皮薄 雖然入邊唔算多汁但係羊肉結實得來好濃味 鍾意食羊嘅唔好錯過🤤蔥油餅就好乾唔推介 廚師推介的鮮茄甜酸魚柳冇乜特別呢個清真牛肉餅真係值得為咗佢特登嚟🥰

今日經過九龍城，第一時間就諗起呢間老字號餐廳。未入門口，餐廳出面寫住外賣有九折，正。不過我唔係住附近，都係入去食算。之前黎親食咖哩既話都叫咖喱牛腩，今日發現原來都有咖喱羊腩飯，價錢一樣$56，所以就叫黎試下。同平時一樣，咖哩都係得一碗仔，不過裝到滿瀉，飯就大大碟。本身有少少擔心會唔夠咖哩汁送飯，但今次係岩岩好d羊腩雖然係有骨，但係原來近骨嗰啲位先好食，而且原來仲好食過牛腩，真係驚喜呀呢餐好鬼滿足，我決定以後每星期嚟食一次

清真牛肉館由以前就已經出名但我一直都未食過今次好彩有朋友提議去食4個女仔叫左牛肉餅👍🏻👍🏻👍🏻👍🏻👍🏻（juicy)酸辣湯👍🏻👍🏻👍🏻擔擔麵👍🏻👍🏻👍🏻蒜蓉炒生菜👍🏻牛肉餅真心係要一食再食

尋晚為牛肉餅同羊肉而來。一上枱，小心吸走啲汁，一口油😅（太心急，忘記咗油係浮嘅添）食到中間見到有白色同粉色。（見圖）明顯係因為兩邊面粉有啲唔平均所致。雖然話牛同面粉都可以生食，但都同店員講咗聲，佢哋換咗個新嘅俾我，第二次嘅皮平均返，無再發現生肉同生粉。食餅至今已過24小時，無咩唔舒服，上嚟留個紀錄，希望食客們食嘅時候留意留意。話晒成20蚊一個煎餅，「熟」係合理期望吧？返去查店舖資料⋯好味係皇道，整熟係良知。再見👋🏻，又少一間回頭店了。

疫症期間入店堂食，好失望叫左牛肉餅，鍋貼，蔥油餅牛肉餅，凍既。好明顯係放涼左好內，翻熱到懶。無汁，個皮又乾又厚。好難食鍋貼，又係失水凖，個底煎到黑麻麻，有燒焦味道。皮厚無汁蔥油餅，油到難入口。垃圾！難食到嘔！地方又污糟，d筷子有油！

九龍城除左多泰國野食外冇乜人唔識既應該就係清真牛肉館最出名既當然係牛肉餅料足多湯汁..仲熱辣辣..食既時候記得小心爆汁噴到周圍都係 另一出名咖啡飯..有牛或羊當日食左咖喱牛.牛肉好淋入哂味..仲有不可欠缺既薯仔咖喱香濃..少少辣..送飯一流..再點左蔥油餅...份量好充點埋咖哩汁食..食唔停口呀蔥油餅平均分布左好多蔥..香蔥味濃.最後帶有驚喜既係牛肉鍋貼...皮薄多汁..仲好脆口...配埋豆辦醬食..正

好多年都冇去過，印像中環境依然沒有改變，牆上依然掛著回教經文。今次行過純粹口痕，沒有叫太多食物。首選必然係牛肉餅，兩個人叫了兩塊。熱辣辣又多汁真係讚不絕口，越食就越好味，口感依然沒有變過，肉質非常多，所以千祈唔好一個餅兩個share，一人食一個係唔夠，上跆即食先至係最好食。咖哩牛腩好好味，肉炆得好軟做得十分之精彩，叫咗碗飯餸汁一流。好少地方食得咁好味，但你估唔到一間回教餐廳有上海菜餐牌，不吃肉的話還有很多其他選擇。

由於我有個朋友喺九龍城係開餐館嘅，所以我每次去親九龍城多數都係幫襯我個friend間嘢。今日竟然有機會去食呢間清真牛肉館٩(˃̶͈̀௰˂̶͈́)و，其實我之前都有幫襯過佢哋嘅牛肉餅，不過係邊行邊食拎住走。今次我同個friend經過，就不如試吓坐低食啦，見又冇乜人。我哋叫咗一客牛肉餅，有兩個。嘩，嗰個牛肉餅真係正到爆，因為我一咬落去，啲汁多到噴晒出嚟，不過好彩囉，咁啱就噴左落我個friend啲袋度，我就一啲都冇受傷🤭除咗牛肉餅，我哋仲叫咗一個三鮮炒麵，雖然我都唔知喺呢啲鋪頭係咪應該食呢啲咁嘅炒粉麵，但係個炒麵又真係幾好食，嗰啲蝦呀魷魚呀，全部都好新鮮，而且唔係好鹹，唔係好重味精。我哋仲叫多咗一個羊肉春卷，可能我唔習慣食呢啲咁嘅羊肉，我覺得佢有啲”穌”，不過我個friend就話好食，佢接受得到喎。

好早之前已經知道佢地嘅牛肉餅爆汁, 重要爆得好誇, 回頭想一下已經係20年前嘅事, 當年綠色外牆仍未新裝修.同20年前嘅牛肉餅相比, size 比當年細咗4份一, 爆汁程度亦比當年遜色, 依家只可以用漏汁嚟形容.當年嘅味道已經忘記得一乾二淨, 想比較吓都比唔到, 而眼前嘅牛肉餅牛肉新鮮肉腥味唔重, 雖然貴咗小小但都值得一試.酸辣湯有驚喜, 首先材料足無偷工減料, 同上海酸辣湯最大分別係加入牛肚, 牛肚入口唔韌而入味, 我唔食得辣, 酸辣湯酸味同辣味啱啱好唔會太辣, 夾自己口味.再嚟紅燒牛肉味道咸咗少少, 牛肉入口口感老咗少少, 牛腩切細件D應該嫩肉感更強.蔥油餅蔥花數量足夠, 蔥油餅外脆肉軟, 可惜 size 比想像中細件.可能受疫情影響, 以前門口排哂隊, 依家長駒直入就有位坐, 唔洗等餐飽.