Isaak's

Open Now

Now Closed

晚餐： Set B $420包括： 成鍋上的現煮辣炒年糕+麵（另上） 炸雞：酸辣味 及 原味 香脆雞 沙律菜 兩柸飲品另外加了---蝦紫菜包飯埋單計埋加一個鍋好低食，即係現煮辣炒年糕，材料多，款式多，味道唔錯，對於食得辣的人嚟講，一啲都唔辣，食到好飽，好飽沙律菜： 擺盤靚，賣相好，味道ok, 幾種顏色放埋一齊，見到都開心😍炸雞： 會為你準備手套，方便食炸雞。炸到外脆內暖，咬落有汁漏出，正呀😋（我鍾意食酸辣味，少少辣+啲啲酸）😋蝦紫菜包飯：味道唔差（開頭覺得個餐唔夠食，點知食食下都飽😌）

其實我未去過韓國，亦唔識韓文，不過都幾中意睇韓劇，所以落單既時候，店員用韓文同你講應該係歡迎光臨？！總之就係韓劇入面會聽到嗰句，呢刻就覺得好似入左韓劇咁。由於係韓國人開，仲同我講韓文，雖然我聽唔明，但點都會加左少少分。呢間餐廳都算幾大間，每張台都好闊落，好適合一班人黎食，不過點餐就要出去點，點餐既時候會問你坐邊張台，咁點完俾晒錢就可以坐低等食。今次叫左泡菜炒飯，因為早兩日睇韓劇個主角煮左泡菜炒飯😂泡菜炒飯 + 凍檸茶 $75+$5個賣相唔錯，不過小食就得一碟仔泡菜，見到其他同事叫左其他餐係有三碟仔既，正常黎講食韓國嘢最少都應該係三小碟，可能泡菜炒飯唔算係正式一個餐🤔Anyway，最後我都係食唔晒，所以無咩關係，食唔晒係因為都幾大碟。味道係唔錯既，少少濕既炒飯，啖啖都係泡菜味，上面放左紫菜同煎蛋，唔算好豐富，不過係好味既。價錢黎講我個人覺得少少偏貴，但係最近係尖沙咀佐敦食多左野，就覺得呢區既餐廳都係偏貴，咁變相呢個韓國餐價錢就。。算啦。以下係餐牌，其實都有好多唔同野食，其他同事都叫左唔同既野，目測係唔錯既，希望下次可以試其他啦。不過美中不足係佢炸雞真係好貴，我想食炸雞但太貴喇，要食既話可

韓國人開既韓式快餐店，先付款後按號碼取餐。最鐘意餐廳空間夠闊落，張枱好大。炸雞同炸豬扒蛋包飯係小編既至愛，另外，紫菜包飯、蛋卷、韓式伴飯、冷麵同部隊鍋都唔錯架。

這個週末，妻子堅持要我們去這家韓國人經營的餐廳試一試。我們一家四口 6 點 10 分到達，餐廳環境很寬敞, 簡單的裝飾.  我們就選擇坐在窗邊，看過了菜單，發現一些食物價格比其他韓國餐廳的價格高了將近一倍。然而，就像大多數香港人有多次去過韓國旅行一樣，我期待這裡的食物水平更好。我們點了一份炸雞 $178，我女兒點了一份煎蛋捲炒飯配炸豬排 $88，一份五花肉 $380, 一份韓式牛肉壽司卷 $ 55, 。我點了炸醬面 $68,  自己出去收銀台落單及給錢, 收銀員不是韓國人,似乎是菲律賓人只會說英語.大約15分鐘, 先來了一份炸雞, 剛炸出來很熱的，配番茄醬，雞肉不乾但沒有味道, 份量不多，不可能是整隻雞.   我女兒吃掉大部分煎蛋捲炒飯, 豬排很薄, 很韌，她只吃了一口, 炸粉太厚不好吃. 韓式牛肉壽司卷味道還可以，但份量不夠一個人. 只適合做前菜. 五花肉有有5大片和半截結冰泡菜, 不同的小菜, (蒜片、蔬菜、辣椒片、泡菜等)，我們跟著其他客人把泡菜放在烤盤上解凍. 不要指望工作人員的任何幫助. 五花肉是半結冰的，味道肉質還可以但我以前有吃過更平更好的….整個晚上，最失望的應該是炸醬

係九龍公園附近有間半自助式韓國菜，入面係由韓國人開既，連店員都係韓國人黎嫁。我地1行5人去食lunch set🤣🥢原味香脆雞(半隻)+芝士辣炒年糕+紫菜包飯＋檸檬茶2杯（$158)因為想食甜辣炸雞，所以可以落order個陣同佢+$10轉甜辣味。炸雞熱辣辣，皮唔會太粉，炸得乾身，加埋甜甜辣辣既醬，十分開胃。芝士辣炒年糕，不過不失，冇咩特別，但味道偏甜唔辣。紫菜包飯，味道比較淡，但麻油味香，而且包得實，唔驚一夾就散。🥢S7 - 現煮辣炒年糕＋炸飲子＋炸紫菜卷＋紫菜包飯+檸檬茶2杯($228)炸飲子炸紫菜卷，炸物岩岩出爐，熱辣辣，皮脆，而且唔會成口油。紫菜卷入面係包粉絲，餃子係包韭菜🥟🥟現煮辣炒年糕好大鍋，入面有腸仔，年糕，魚片，洋蔥，湯底甜甜辣辣，下面有個火煲住佢，所以個年糕一直keep住熱，另外我地仲加左個韓式拉麵落去煮，個麵加埋魚片年糕同個汁好好食😋，但年糕比較粉，冇乜咬口。每個set都有包到泡菜，醃蘿蔔🤤評分：味道：⭐️⭐️⭐️️環境：⭐️⭐️⭐️⭐️整體：⭐️⭐️⭐️⭐️————————————————————————📌 Isaak's📍佐敦柯士甸道19-23號永發大廈地下5號舖

今日同朋友想食炸雞， 所以簡左這間餐廳。 坐位可以自己簡， 我地簡左sofa位。 餐廳係以自助形式，諗好食咩要去Counter落單， 自己去飲水機加水。 食物味道都不錯。 店舖不設限時， 可以同朋友慢慢吹水。

經過見餐廳門面不錯，便進內買了一份外賣炸雞，等候時間10分鐘，不快不慢。回到家打開一望，已心知不妙。首先炸雞份量少，其次雞肉完全不入味，醬汁同雞肉完全分開，醬汁份量亦不足以cover 所有炸雞。另外，大部分雞件既不是雞翼亦不是雞鎚，似是餐廳將雞的不同部位拼湊成一份炸雞。To conclude:望住啲雞，心諗$95買堆咁嘅炸雞，寧願比多幾十蚊買啲正正常常嘅好過。簡單來講，完全冇誠意嘅一間餐廳。………………

一間座落於佐敦的韓式餐廳，外面粉藍及白色相間的屋仔造型，進內有一排排長型木枱及一列卡位，極之寬敞，客人可以無拘無束坐上幾個鐘。餐廳 以快餐店形式經營，客人先落order，跟住自行取餐，非常方便快捷。午膳返尾聲時段，店內唔算太多人。點咗一個lunch set，有芝士辣炒年糕及紫菜包飯，並附送凍檸茶及一小碟泡菜。芝士辣炒年糕雖然份量唔算多，但年糕勝在夠大條煙韌，辣味亦可接受，好多汁唔會乾身。至於紫菜包飯嘅顏色豐富，又黃又綠， 非常吸睛。材料有雞蛋、酸蘿蔔、蟹柳、青瓜及紅蘿蔔絲，好清新的味道，配合一杯凍檸茶，啱啱好。餐廳其實仲有好多地道韓國美食供應，留待下次再試。值得一提嘅係餐廳冇收加一服務費 ，今時今日，比較少有。

同阿媽一齊行街午餐突然間想食韓國菜。就係OpenRice search到呢間韓國餐廳。餐廳環境好大我哋去到嘅時候客人唔多可以自由選擇座位，但燈光較暗。餐廳價錢唔算平但係勝在選擇夠多，有各種湯同鍋，年糕，炸雞，仲要我摯愛紫菜包飯。餐廳係自助形式需要自己搵位同埋order。我叫了套餐年糕跟紫菜包飯及飲品，阿媽就叫了清淡的湯年糕。紫菜包飯味道尚可飯比較多，但包得緊實唔會散。年糕口感煙韌味道偏辣，我將紫菜包飯點年糕汁食味道不錯。湯年糕看似清淡但識落湯不算太淡，年糕是扁身一片片那一種，所以食落比較軟身，較適合老人家。整體來說味道不過不失沒有很經驗的味道但亦是正常的韓國口味。餐廳是自助式沒有太多服務但好在上菜快，如果想自在地食一個韓式快餐會是不錯的選擇。

作為韓迷，最掛住嘅除咗oppa當然仲有各款韓食。雖然飛唔到，不過大家都可以食得到！佐敦依間韓國料理，不停播住韓國電視，除咗棒球仲會播高爾夫球賽事，有留意韓國體壇嘅朋友可以去坐下望下。menu上有唔同套餐，有辣有唔辣，今次我就揀咗豆腐海鮮雜錦煲飯。熱辣辣嘅海鮮湯底，微辣惹味，入面有菜、海鮮加埋窩蛋，不可唔多足料，菜都唔夠多，真係差咁啲！套餐仲會有前菜、飯，三款小菜入面最好食係泡菜，送飯一流！加埋飲品$80，性價比嚟講真係麻麻地，不過以而家飛唔到嘅情況嚟講，都可以止一止癮，希望快啲通關，大家就可以飛去韓國見oppa食韓食啦！

中午食lunch想食下特別D既野，行行下就搵到間韓國餐廳，個環境其實睇落都幾好，藍白色既裝潢。裡面有sofa坐，睇menu得一張紙但其實都幾多選擇，不過要自己去櫃檯買野食，然後都要自己拎野食，少少半自助feel。因為選擇好多睇左好耐都係揀左個豬扒飯，感覺可能比較穩陣，不過都係少少失望，醬汁有港式西餐豉油既味道，豬扒水份好少好似變左肉乾，味道真係一般般，不過有附送泡菜，味道幾好。不過份量真係幾多，有兩塊扒。其他方面都OK不過不失，但價錢偏貴，性價比低。

今日同班同事一起去食呢間韓國野，個餐牌得一張但已經有好多選擇，我自己本身都算大食，所以嗌左兩份野，一份係烤雞飯另一份係吞拿魚飯捲。烤雞飯既飯量都算多，烤雞佐以椰菜同辣椒，但雞肉本身份量特別少，而且係以雞粒形式而非雞扒，我好鍾意食肉所以覺得份量真係好少，而且係70蚊一份，其他餐廳呢個價可以多好多肉，真係唔值呢個價，但味道係唔錯既。而吞拿魚飯捲一份有十個，飯絕對唔會多過餡，吞拿魚都唔算少，好好味，一份52蚊都有少少貴。環境OK有sofa坐；衛生麻麻睇食評有cockroach睇黎都唔係幾好；服務一般般，其實都算係半自助自己出去拎。

位於佐敦一條不繁華的街道，在龍堡酒店對面的橫街裡，為了朋友方便泊車就來到這間韓式快餐店，但其實店裡坐得蠻停服的，食物方面也不是很快餐，我們很想吃燒肉，所以點了牛肉套餐，有一大盤牛肉加一碟泡菜，最驚喜的是有老闆娘親子幫我們主理，有種去到韓國餐廳阿chu媽服侍客人的賓至如歸的感覺👍🏻；還點了雙併炸雞，雞好滑，裡面還有雞髀的，最喜歡的甜辣味道，好開胃但不會好辣😋；再來辣炒魷魚伴冷麵，好好味！也少不了燒酒的韓國飲食文化🤭

喺附近上堂之前要先醫肚，今次同朋友兩個人沖左入Isaak's，之前都食過，隔左幾個月再嚟竟然加左價，但唔緊要，買個方便☺️叫左個S5二人set，有kimbap、辣炒年糕、半份炸雞、小菜泡菜同醃蘿蔔，再跟兩杯檸茶，凍飲都唔駛加錢👍🏻kimbap正常味道，不過不失，但包得夠實，唔駛驚夾起會跌晒啲料👍🏻炒年糕啲汁比較稀，但啲味都痴到上年糕度，不過我唔會話係辣炒年糕，因為都無咩辣味，醬汁偏甜，年糕質感外層有啲粉，唔知係咪浸得太耐，而且上嚟時都係室溫溫度炸雞見到佢係即炸，攞完都要攤一陣涼先放得入口，而且感覺到係全雞斬件炸，啲雞件形狀好完整，外皮炸到好脆好食，不過隻雞比較少調味，啲肉會變到無咩味，但另一方面好處係食完之後都唔會覺得頸渴💦二人餐埋單$158，每人$79，價錢都okay，但食物無咩特別突出，經過又諗唔到食咩都可以一食嘅。

The Content is same as above mentioned title. I found a cochroach in the tofu stew while eating. It's really disgusting and terrible!I brough the dishes to the staffs and showed and told them, but they looked not really surprize for that. I guesse it happens oftenly, or at least not a first time. Or their idea of hygine is just like that way. They just suggested me to choose another menu then they will cook again. As I saw a cockroach was in my stew, I didn't want to eat anything from here ever!