一風堂 (德福廣場) (Closed)

很久未吃過一風堂拉麵,這天首次到德福的一風堂，想要再次吃一碗濃厚湯低的拉麵叫了一碗赤丸拉麵, 由於本人重口味, 所以覺得很對味每一啖湯與麵都感受到極濃的湯頭掛麵,令人一口接一口很快吃完但吃完後整個下午也很口渴，可能也因為我把整個湯都喝完了

一風堂我已經食過好多次，就算去幾次我總有一餐係食佢既，係超級忠實fans啦！今日放假見好耐冇黎食面，所以係下午3點左右就黎食啦，入到黎見到餐牌有新既店長推介，黑椒鐵板牛舌，見賣相幾吸引所以叫左一份，同埋必食既特制赤丸拉面，再黎一個生啤🥰🥰拉面一到，我最開始係用筷子夾起少少拉面入面既糖心蛋蛋黃食，個種半生熟既口感真係無法抵擋🤤🤤🤤，然後將紫菜浸入湯度再夾黎食，吸收左豬骨湯既紫菜好濃郁！之後加入生蒜，辣芽菜，撈埋夾埋面一齊食，因為我食拉面好鍾意叫超硬面，食到最後啲面都唔會變到太淋影響口感，生蒜蓉同辣芽菜既辣味加埋面好夾，變得好野味。拉面入面既叉燒係用左豬柳肉用低温烹調既方法制作，所以唔會好似熱水烚肉咁乾憎憎。仲有青蔥， 木耳，黑蒜油同埋少少既辣肉醬，木耳好爽口唔會淋，黑蒜油增加左豬骨湯既香味，基本上食完一碗拉面已經好滿足啦。🥰🥰不過對比返，係日本食既一風堂拉面湯底比香港店比較淡，香港店湯底比較濃，所以有朋友覺得佢會好鹹，哩方面改善下會更受歡迎呢！👍黑椒鐵板牛舌分量同想像差唔多，食落既口感有啲似豬頸肉，雖然係切得薄但好有彈性好爽口，加上個汁有少少酸味令人好開胃，送酒一流！👍因為之前每個星期都

考完試同 friend 去#一風堂 食個#拉麵 放鬆下叫左#ippudohk 既 #煮干系拉麵 碗麵一放上枱聞到好香魚乾味湯底都好精華又濃 ，用左小魚乾熬製上湯，仲有肉質嫩嫩的慢煮叉燒，加埋一風堂招牌豚骨湯，每一啖都有魚香味，赤玉食得多，今次新既「魚乾味玉」，溶係湯入面，搞到成個拉面好濃郁。

已經好一段日子沒有來過一風堂現在一風堂有自助落單系統店員會提供一個QR code只要scan QR code就可以自助落單十分方便小魚乾豆腐沙律配明太子醬脆脆小魚乾 小鹹香併著滑豆腐吃可中和一下偏濃魚香濃厚煮干系麵湯底有濃厚魚乾味 但太鹹魚乾很脆伴有菠菜和荀荀味比其他湯麵店更濃雖然選了軟麵 但相比適中麵只稍軟一些肉片軟 較貼近燻蹄的鹹香橫濱家系豚骨麵湯底有骨湯味 香濃好喝不過都是味精湯~麵條軟硬度適中 因為選了中間的軟度叉燒入味不肥但肉質有點韌

依家香港愈開愈多拉麵店，沾麵店，多到數都數唔曬。今次試既就係香港其中一間拉麵連鎖-一風堂。今次試既係九龍灣德福限定既拉麵，食落去既感覺係豚骨醬油拉麵，但湯底同醬油味更加濃郁。麵質係唔質既，幾彈牙。但可惜既係叉燒比較硬左小小，而拉麵既重點，溏心蛋唔夠溏心，呢個真係比較可惜左小小。感覺係overcook 左。

#煮干系拉麵 $82食之前已經聞到濃郁嘅魚乾香味🤣聽店員講湯底以小魚乾熬製，加入左招牌豚骨湯，所以湯底會比較濃稠。加上拉麵會配上創新的「魚乾味玉」在湯底中溶解，令拉麵味道更加濃郁。👅👅試飲一下，湯底飲落啖啖都充滿魚香鮮味，又真係幾正。而值得一讚的叉燒則是慢煮叉燒的肉質十分嫩。另外雞蛋的流心程度也剛剛好，而且會切開一半方便食用，值得推薦。.🏠一風堂 (九龍灣)九龍灣偉業街33號德福廣場一期G54A1號舖

拉麵魔又出動搵食。今次目標係一風堂。 白丸 一風堂嘅原創拉麵，原味豬骨湯底。特製版有夠豪華，有兩塊日式叉燒、兩塊日式豬柳、木耳、芽菜、竹筍、紫菜、半隻半熟蛋。湯底白滑帶淺啡嘅色水實在討好。湯底非常忌廉咪，滑不溜口，膠質甚重。豬骨味道香醇濃厚，鮮甜無比，正是介紹所講嘅濃郁溫和。湯底調味適中，又唔會過份油膩，飲多多都唔怕，絕對係終極高水準之作，正是個人最期望嘅完美湯頭。豬骨湯配上博多傳統風味嘅特幼麵條更係一絕。選擇硬麵，效果亦做到煙韌實在嘅質感，不過仍有再硬一點嘅空間。叉燒亦係高水準之作。不過個人略嫌腩肉太肥膩，普通版較為吸引。半熟蛋嘅賣相亦係完美呈現，蛋白軟滑，蛋黃色澤橙黃，呈流心啫喱狀，黏口度十足，蛋味濃郁。不過呢隻蛋未經過汁煮處理，只用最原始味道出場。一風堂的確係拉麵界嘅王者，個人極為欣賞。好多網友都會拎一風堂同豚王作比較。個人認為兩者嘅出品都係超水高準，不相伯仲。豚王嘅湯底係濃烈且豪邁，一風堂係香濃又溫和，可謂一剛一柔，兩者我都喜歡。

前幾日係附近做完運動，剩返開緊既鋪頭都唔多啦，見到一風堂仲開緊，跟住就入左去試下，又真係幾好食喎，除左好食之外，最緊要係抵食！唔記得左佢係加一蚊定兩蚊就可以加個面底，最後我加左三個面，飽住走！正！

喺德福行街行到攰，想快啲坐低唞下。見一風堂冇人排隊就拿拿聲入去啦，都知道冇乜驚喜㗎啦！ 因為我唔算太肚餓嘅關係我只係食咗一個細嘅赤丸拉麵，而男朋友就係食返正常size嘅拉麵。跟住佢口痕話要試下新嗰個赤丸茶碗蒸，點知係有少少中伏嘅拉麵喺一風堂其實個水準都keep到，唔會突然之間好難食，當然又真係唔係特別好好食啦。但係冇影到相嘅赤丸茶碗蒸個味就其實同拉麵係一模一樣嘅，連茶碗蒸上面啲餸都係拉麵上面嘅餸，所以食到好膩。因為啱啱先食完個赤丸麵，轉個頭又食過赤丸味嘅蒸蛋，實在唔係太特別。 下次都係食返普通拉麵算啦

對拉麵🍜情有獨鍾的客人，一定會留意各拉麵館的季節限定，而且會慕名而來。一風堂推出沾麵定食，一款菜單，可品嚐到四種口味，濃厚肉噌口味，熱浪薯片味，蕃茄味和原味，麵浸泡在濃湯里，一口吃下，濃郁的肉汁伴著有韌度的麵條，吃起來，味覺又一大享受。四款醬汁我最愛肉噌口味配熱浪薯片，肉香加薯片的脆口，搭配得恰當好處，互補互利，創出新的口味。有時間，麵食也在不斷變化，日本人真有他們對食物的要求和專注，加上創新口味，又一次赢得客人。

叫左最新果個增量GE 拉麵, 入面有3款豚肉+ 豬骨湯底。1款好似吉野家牛肉飯果D,不過佢係豚肉。第2種係著通叉燒, 瘦GE, 第3款係燒過GE 肥叉燒。最好食係第3種, 不過肥左少少。麵質叫左硬, 係幾有咬口, 我中意。麵GE份量就無多到GE湯底幾杰, 幾濃味, 似沾麵GE汁多D。小食叫左原味餃子, 不過佢GE餃子真係好「小食」, 1口餃子黎, 計番性價比偏低。有蔥同生蒜在面, 夾埋一齊食, OK LA。

今日做嘢做到好攰，好想搵啲好嘢食，來到德福商場一風堂，我選了赤丸拉麵及新款期間限定炸雞🍗 當地唐揚$45。好快赤丸就送到我面前炸雞亦都隨即送上，先講炸雞。首先食咗一嚿，炸得非常非常脆，開頭夾左舊炸粉漿，我仲以為係比少一件😂，點知越睇落去真係有四舊炸雞，而且件件雞都好有咁上下大件。外脆內嫩非常有口感，食左兩件有少少熱氣仲可以食件伴碟小蕃茄，解一解熱氣感。再講赤丸拉麵🍜，整體拉麵外觀正正常常，都唔會太差，殊不知今次中間嘅赤丸，平時食好輕易打散，今次係一嚿散唔開，之後我問侍應生點解，佢幫手問廚房，佢話原來係一嚿肉硬咗，隨即換過另一嚿赤丸比我...當真少見，好彩無影響我食麵既心情，還是和平時一樣味道。

同男朋友食lunch，我食季節限定嘅醬油蜆肉拉麵，湯底麵質各樣ok👌🏻，但蜆肉太細亦唔太鮮甜。男友食豬軟骨丼，味道都ok不過份量太少，我地兩個食完都唔飽💩提提大家，如果想試嘅好似星期一至五12:30前埋單九折。

久不久就想食每日本拉麵，之前喺大阪嘅時候就食咗呢一間，雖然舖仔細細，但係熱辣辣，好好食。返嚟香港之後，發現有一間同集團嘅，一於要去試下。檯面有樽芽菜，可以任你加落麵度食，紫菜香脆，叉燒又夠淋，有隻流心蛋，可惜碗麵是細啲，所以我就加咗一個明太子雞翼，有兩隻，雞翼香脆好嫩滑，好味道，我吃的麵是中辣，但已經好辣呀？下次都係食小辣就好啲，好彩立即飲咗罐可樂解辣啫，因為甜味係可以將辣味解除，價錢方面雖然略為貴，但要滿足吃正宗日本麵的要求，所以我都是會再來的

我都好鍾意食拉麵，到一風堂最新推出的限定黃金蜆貝醬油拉麵，又點可以唔試湯底用以魚乾熬成的魚上湯和精心萃取的雞湯，每一口都能品嚐到多重鮮味，配料除了有肉質彈牙的新鮮蜆貝，更配上兩塊低溫慢煮的叉燒，啖啖肉而不靭👍🏻+$22就可追加<迷你鰻魚丼>，食完拉麵，把的湯底淋在鰻魚丼就可做成日式茶漬飯，簡直大滿足，完全不會浪費一滴湯底連續八屆於「全國唐揚大賽—中日本醬油汁部門」中榮奪「最高金賞」及「金賞」獎項的<Johnny唐揚雞>以十種以上香料調配而成的獨門秘製醬油汁醃製而成，外層炸得酥脆可口，內裡肉質鮮嫩多汁，越食越想食，果然名不虛傳