一平安

Open Now

Now Closed

80年代已經開始幫襯尖東嗰間，不過同呢間有少少分別，嗰間係拉麵店，呢間係居酒屋，餐單嘅選擇多好多，最近仲嚟咗一位日本師傅，又有新菜式可以食。今次食咗壽喜燒，同最出名嘅長崎拉麵，鍾意佢個拉麵以蔬菜為主。啤酒仲買一送一。

我哋一行叫咗一個蒜油豚骨拉麵、壽喜燒同一條燒魚。拉麵最緊要係個湯底，非常遺憾。個湯底一啲味道都冇，係一啲味都冇呀。冇豬骨香味、冇鹹味，剩係得一浸蒜油嘅香味。面係OK嘅、整得唔淋，配料都算多。但係所有嘢就算幾好，只要個湯底一冇味都玩完。最大鑊係壽喜燒，嗰幾塊肥牛係直接車落去，直接等佢滾，衰過吉野家打邊爐，湯底完全冇甜味，啲配料切到鬼咁咁大嚿，超級難咬。魚就不過不失，味道都幾好，大大條，配埋柚子醋都幾好食，都值得128呢個價。

今日係友人介紹才知道遊間店，因為地點極其不明顯，應該係以前尖沙嘴最繁榮的時期開店的。我地6點就入座，由一開始一兩枱，7點就已全部滿座，相信有許多熟客。我地叫左二人餐，都係$298，再叫左買一送一的啤酒。套餐包兩大主餐+兩小食：🌟特製中華蕎麥麵👍👍👍🌟日本和牛壽喜鍋👍👍👍🌟蔥花牛舌👍👍🌟炸雞明太子醬👍👍可能我地都無特登去加錢叫其他特別的餐點，兩個主菜比較普通，特別係壽喜鍋沒有什麼驚喜，蛋黃亦在出菜前已沈底。最正反而係個啤酒，Orion嘅生啤保持到水準。以一家經營左40年的小店，已是非常難得，見佢地好多人光顧，的確在比人的日式情懷比較濃厚，希望下次叫埋佢地串燒，再試多啲。

Order咗一個清酒煮蜆，味道都唔錯朋友order咗一個晚餐餐二人set ，兩個煮食兩個小食再加嘢飲今次試咗，沾麵，薄牛舌，炸雞！另外佢仲有厚牛舌同埋打邊爐傾過美麗華既話，可以一試！！！

好食嘅牛舌同拉麵！今日岀黎尖沙咀一平安食飯。我哋叫咗一個2人餐，有2份主菜，2個小食，2杯野飲！覺得好抵食同食物份量多！主菜叫咗一碗拉麵，一個鰻魚飯，小食就牛舌同牛油果沙律🥗我哋覺得好食🤤牛舌有牛同炭燒味，拉麵有咬口唔會淋，鰻魚飯嘅鰻魚好大條😳上面嘅醬汁好充足，唔會冇味！而staffs 嘅服務都好好，會定時幫你斟水，好有禮貌👍🏻 坐位方面，我哋被安排咗坐梳化位，位置好闊落，坐得舒服😍會再黎食！

湯濃郁卻不口渴，絕對是我的最愛！** 這家拉麵店是我長期以來的愛店. 他們的湯頭濃郁醇厚，入口層次豐富，卻完全不會讓人感到口渴，這點真的非常難得！麵條的軟硬度也恰到好處，搭配叉燒和溏心蛋，每一口都是享受。 價格方面也非常合理，CP值高

呢度好啱帶小朋友一家大細一齊用餐環境坐得幾舒服，來過好多次啦，餐牌都有在不停更新，我嘅小朋友最鍾意來呢度，服務人員好似都係菲律賓姐姐佢哋嘅服務好好，好多都識講少少廣東話，非常之Nice，嘢食幾抵食！呢幾年間中都有嚟食！小朋友最鍾意食拉麵，佢唔食㗎雞蛋同肥叉燒都好好味，入口即化，燒出來嘅魚好似bbq咁，又大條超香又嫩，配埋日本米，真係太好味！雖然這次我們冇嗌鐵板牛肉，但係嗰啲鐵板真係好好食呀！仲會來食

可以再來，貴店的鰻魚飯，色香味俱全，味道一流。明太子蛋賣相吸引，令食慾大增。豚肉流心蛋拉麵，湯底清香，麵條煙靭，有口感。餃子賣相一流，皮薄餡靚，香脆惹味。多春魚超好味，餃子皮薄多肉

踏實d講啦，我係為左個牛舌心而黎嘅，但點知晚市先有，lunch冇ggggg，但唔緊要，佢價錢都好親民，照入去食，連個高麗菜都又甜又清新有驚喜，職員似賓賓定唔知係架妹，但態度好好，只係唔太識聽中文，聽唔明走青冇幫我女友走青，但唔緊要，我最鍾意食蔥，食哂~ 最後我叫左拉面+魚生飯，女友叫沾面，都好好食，唔算超級特色菜，但味道唔hea, 性價比ok! 要高汁野例如流心蛋漢堡排同牛舌心嘅話就晚市再戰啦xd

同朋友黎呢間店食日本嘢，菜式選擇好豐富，拉麵、定食、小食都有，每個set份量都好足，味道都好好，非常滿足。店員態度都好好。環境都舒服，可以慢慢坐慢慢食。誠意推介～