132
1
3
3-min walk from Exit N2, Tsim Sha Tsui / East Tsim Sha Tsui MTR Station continue reading
Telephone
23333288
96744949 (Whatsapp)
Opening Hours
Today
12:00 - 15:00
18:00 - 23:00
Mon - Thu
12:00 - 15:00
18:00 - 23:00
Fri - Sat
12:00 - 15:00
18:00 - 01:00
Sun
18:00 - 23:00
Payment Method
Visa Master Cash AE UnionPay
Number of Seats
45
Other Info
Wi-Fi
Alcoholic Drinks
May Bring Your Own Wine
Parking
Phone Reservation
Delivery
10% Service Charge
Review (139)
Level4 2019-06-07
1036 views
 食過一次,一直响心度都有一陣牽掛...真心係高質既日本料理,唔扮嘢夠貼地,價錢的確唔係平,但呢個價錢佢俾返咁既質素你, 交到貨啦~今次同朋友食OMAKASE,咁講咗唔太想食啲乜, 店員都好幫忙,幾位都好有禮貎,呢方面俾個LIKE先! 講返個菜,呢碌白雪雪既粟米 咬落清甜多汁,簡直有WOW~一聲既感覺,原來北海道既生粟米係咁好食既,又長知識了!話說以為佢係雞泡魚,但原來係針魚乾,好少見,店員話係季節性先有,好少見,聞落香口食落脆身,正!個人大愛既刺身終於上場喇!今晚有石垣貝、廣島蠔、油甘魚等等,款款都勁鮮甜!廣島蠔我諗係用咗柚子汁調味,蠔身肥美厚肉,食完真係好想添食!炙燒吞拿魚滑溜香口,魚油感重,就咁食都已經very nice!帆立貝海膽又係我至愛之一,海膽好甘香,一啲苦澀味都無,帆立貝亦好厚身,又係想翻啅既項目之一! 呢件白蝦+蟹膏既壽司勁爽甜,少少蟹膏令成件壽司好有海洋味道,激讚!雖然佢個樣有少少嚇人,但原來鹽燒既岩魚係咁嫩滑喎!店員話呢款魚就近呢幾個月先有,要試就要快啦~其實已經幾飽下,但原來仲有個用魚湯熬製既稻侹烏冬! 呢個奶白色既魚湯非常濃郁,烏冬亦好滑溜,最終都係忍唔住將個湯飲晒!原來成個餐仲有雪糕食,直頭有啲感動呀!坦白,價錢唔係好相宜果隻,但食物有咁既質素、店員有咁既服務,我諗係好合情合理既定價咯~ continue reading
(The above review is the personal opinion of an user which does not represent OpenRice's point of view.)
今晚試左間食物質素相對高質嘅日本餐廳,以Omakase形式🤗每一樣食物都由廚師發辦,好有驚喜!卡位之間都有屏風攔住,私穩度好高,坐得好舒服㊙️🍱刺身拼盤刺身拼盤非常豐富,每樣食材都非常新鮮- .北海道真蠔生蠔非常肥美,富有海水鮮味,醋汁帶少少酸,好醒胃☺️.赤座蝦新鮮彈牙,鮮甜可口🦐🦐🦐.帆立貝🐚🐚🐚大大粒帆立貝,味道清香,好新鮮🍀.深海池魚🐟肉質好有咬口,魚油味重🐟.火炙銀雪魚🐠輕輕燒左後更帶出魚嘅肥膏嘅香☺️.呑拿魚Toro🐳呑拿魚入口即溶,滿滿嘅魚油味爆出黎好香濃🥰.梅子炸沙甸魚好特別嘅梅子天婦羅,用紫蘇葉包住梅子蓉,天婦羅嘅形式拎去炸。脆身嘅天婦羅炸皮包住軟淋淋嘅梅子,每次酸酸甜甜的,配上微鹹嘅天婦羅炸皮,感覺好開胃😍一試就愛上了!.日本海膽燒花竹蝦花竹蝦上面佈滿海膽,海膽非常鮮甜,啖啖肉嘅大蝦燒得好香濃,而且帶有海水鹹味,同海膽係配合得恰好😋🦐.黑豚西京燒炭燒豬扒肉質肥瘦均勻,薄薄嘅豬扒肉味更重,煮法似係十勝燒豬扒,以西京燒嘅味噌醬汁燒過之後有濃濃嘅油脂味,以沙律菜及沙律醬伴碟, 更加帶出豬扒本身嘅甜味。.魚湯稻庭烏冬 🍜奶白色嘅魚湯係完全無添加,店員話無用牛奶/豆腐,完全由鮮魚餚製而成🐟🥣魚湯非常香濃,湯頭細滑但又唔會有魚腥味,幼身的稻庭烏冬好彈牙👍🏻 .最後以兩球雪糕作結,芝麻及抹茶味雪糕都非常之日式,味道濃郁🥰今餐食得滿足又和味 continue reading
(The above review is the personal opinion of an user which does not represent OpenRice's point of view.)
Level4 2019-05-23
417 views
尖沙咀又給我找到一家頂級餐廳,它是食日本料理的。日本的餐廳真的令人有一種好舒服的感覺,它是一格一格的把所有人分開,等你感覺到自己跟朋友/情侶可以有一種空間,不怕給其他人看/聽,還有每一樣東西都是好整齊,又細心,一坐下就有一條熱熱的毛巾,枱上還有紙巾,鐘仔,熱茶,整個人超級放鬆。-松葉蟹沙律松葉蟹非常鮮甜,配上青瓜絲,蟹子粒,沙律,非常開胃。-特上刺身拼盤師傅說刺身是跟季節已定,今天的是鮮帶子,鱆紅魚,池魚,活北寄貝,珍寶大蝦,北海道海膽,銀雪魚,大拖羅,每一種都是上等名貴材料,我真的沒有看到蝦可以這麼大,有我一整隻碟,當然膏都比正常多,銀雪魚本來我以為好像平常街邊買到的急凍,原來是活新鮮銀雪魚,後來看到餐牌才知道原來好貴的,把外面燒了一下,油油的皮,裡面是刺身的肉,難忘!還有大拖羅,店員還好細心的跟我們說要最後才食,因為比較多油,果然沒錯,每一口都是油,但是油裡面有一種好濃的魚味,一定要叫。-汁燒飽魚,串燒牛肋骨牛助骨肉汁多又濃,飽魚爽口彈牙,把一整隻飽魚都包含了燒汁味。-燒活廣島蠔拍得不好,一隻有手拍公這麼大,燒到剛剛好,不會太硬,又肥又大。-天婦羅盛合第一次看到天婦羅盛合可以有這樣的食材,我先說一下,包括有:蝦,沙"嘴"魚,秋葵,栗米,帶子等等,有多少樣你們有看過?我只看過有蝦,沙"嘴"魚跟一片葉中間有一點紅色的醬,酸酸的,帶出魚的香味,沒咬下去以為是薯仔,沒想到是栗米,外面脆脆的,裡面爆出一粒一粒甜甜的粟米,好過癮,最最最特別又好食的是帶子,當然本來都是鮮甜的,但是熱的,外面脆的,真的第一次食。-魚湯稻庭烏冬稻庭烏冬彈牙爽口大家都知道,配上它們自己特製的魚湯,真的是沒有白來,香濃的魚味,忍不住整個湯喝掉。-芝麻雪糕,豆腐雪糕最後還有甜品,今天是芝麻雪糕,豆腐雪糕,芝麻味好濃,豆腐好像八福豆腐,食下去已經感覺到好滑。下次一定會在來,帶朋友來!! continue reading
(The above review is the personal opinion of an user which does not represent OpenRice's point of view.)
Level4 2019-05-23
827 views
今日同男朋友去尖沙咀都食好嘢,又係我最鍾意食嘅日本野啊,呢間餐廳叫做到稻乙!入到去覺得好有日本嘅風格,而且環境都幾正,最啱情侶嚟呢度撐枱腳。蕃茄胡麻醬沙律:幾時都話日本嘅蔬果係最好食嘅,呢個番茄非常之清甜,配埋麻醬,食樂清甜又有味,仲有啲日本水菜,亦都非常新鮮,前菜非常開胃。真蠔刺身:呢個真係好新鮮好大隻,差唔多手掌咁大,食落好甜,好新鮮,而且好有蠔味,係會想食完再食。刺身拼盤:接住落嚟嘅就係最期待嘅刺身拼盤,個拼盤呢就有唔同種類嘅刺身,有八角魚,銀雪魚,赤座蝦同埋鳥貝。個八角魚就配醋,同埋蘿蔔蓉蔥花,食落去覺得好肥美,而且好爽口。依家銀鱈魚就係火炙過嘅,有淡淡的燒香味,我個人就最鍾意呢一個火炙銀鱈魚,又香又鮮!個赤座蝦仲有少少魚子係上面,肉質鮮甜,真係好正。個蝦頭仲有少少蝦膏,職員仲好好咁話如果食唔到生嘅蝦膏,可以將個蝦頭擺落啲湯度煮俾我哋食。個鳥貝就好爽口!呢啲刺身都係季節性嘅!燒汁鵝肝:呢個燒汁鵝肝真係好好好好好好食!佢個燒汁甜甜地,配埋肥美嘅鵝肝食,簡直入口即溶。平時我哋西餐廳食嘅鵝肝都係配法包,但係呢一度就配雪魚乾,齋食好似薯片咁好好食,配埋鵝肝食就更加一流。而佢配菜有啲梅酒浸過嘅蕃茄,非常特別!吉列池魚:呢個吉列池魚好特別,平時隔離都係食豬扒同埋蝦,好少食魚,但喱個魚好鮮味,個味道有少少似秋刀魚,肉質有少少鬆散。魚湯稻庭烏冬:呢個烏冬又係極之推薦,因為真係好好味,個魚湯係奶白色,勁香魚味,而且個烏冬亦都唔會太淋,配埋一齊食簡直一流,呢個係我食過最好味嘅魚湯烏冬。豆腐雪糕,芝麻雪糕:食完主食梗係食甜品,呢度嘅豆腐同埋芝麻雪糕都好好食,豆腐雪糕嘅豆腐味係好濃郁,唔同平時出邊食嘅豆腐雪糕咁得少少味。我最鍾意嘅就係呢個芝麻雪糕,食嗰陣時好似食緊芝麻糊咁,非常好食。人均消費$700 ,但我覺得食到咁好食嘅食物,都值得。 continue reading
(The above review is the personal opinion of an user which does not represent OpenRice's point of view.)
Level4 2019-05-20
658 views
去完日本一陣子,又開始想起日本新鮮魚生,朋友推介尖沙咀亦有日式居酒屋,有新鮮魚生,每日飛機貨,保證新鮮,而且可以慢慢食餐廳裝修簡潔,以木色為主,座位寛敞舒適,有足夠空間感,有卡位,有日式包箱,完全沒有壓迫感。木製餐枱帶出了日本風格,在這環境下可更投入日本料理風味真鯛薄切真鯛薄切透光,包辣蘿白同蔥卷住,再點酸汁,幾開胃前菜:蟹肉海膽海膽與蟹肉鮮甜完全打開對新鮮魚生渴求岩蠔生蠔即開即食,足足有手掌般大,吃起來較厚身,加上酸汁更有特色,味道鮮甜重蠔味燒鯛魚燒鯛魚加上海膽,魚肉甘香,加上海膽鮮甜,非常有驚喜配搭!燒鮑魚新鮮鮑魚加入醬油燒,鮑魚肉入口非常柔軟嫰滑惹味醬油吞拿魚腩壽司唔需要加醬油,入口油香鮮味,加上黑魚子在口中爆出鮮味更上一層樓海膽蝦壽司海膽配上蝦,海膽原本鮮味,加上蝦蓉味道更加鮮魚湯稻庭烏冬沒有味精、沒有豆腐、沒有奶煮成濃湯,入口鮮味,加上稻庭烏冬纖巧細緻,口感柔滑,非常推介!**烏冬可以order半份,不怕食得太飽**最後,有芝麻有紅豆雪糕,為晚餐劃上完美句號 continue reading
(The above review is the personal opinion of an user which does not represent OpenRice's point of view.)