御寶軒

Open Now

Now Closed

今日和屋企人飲茶，選擇了米芝蓮一星的御寶軒。餐廳位於北京道一號十樓。店面的裝修以黑色、灰色為主，配以鏡面飾面，加上微昏的燈光，既有格調又時尚。單邊是落地玻璃窗，維港景緻盡入眼廉。餐廳格調高雅，比一般的餐廳寧靜。枱與枱之間有一定距離，感覺寛敞開揚。基本上這兒的點心都是一籠三件，約$50-$80一籠。五香滷牛𦟌$68這牛𦟌質地比較挺身爽口，帶一點厚度，口感不錯，而且滷得入味，有著陣陣五香和滷水風味。皮旦酸薑$45這皮旦正是溏心皮旦，雖然沒有松花，但味道幾ok, 有著皮旦獨有的甘味，沒有太嗆喉，黏黏creamy, 再夾上爽口微酸的酸薑，口腔充滿津液，立即開胃起來，是幾適合夏曰的前菜。黑松露菜苗餃$52（3件）這菜苗餃皮很晶瑩，透著綠油油的菜苗和蝦肉餡料。菜苗餃有著鮮美又爽口的蝦肉餡，加上清清地的菜苗和味濃郁的黑松露，juicy 又爽口，黑松露幽香，為鮮蝦提味，味道認真不錯。臘腸卷$52平曰吃臘腸卷都要多費牙力，而這臘腸卷倒是不錯。軟包香軟鬆化，味道甜香，而那臘腸輕輕一咬，腸衣極薄，即爆汁，滿滿的甘香的臘腸油香，配上蒸包，一濃一淡，不錯吧。金網脆皮蝦腸$70在滑溜的腸粉皮下，是脆口的炸網和蝦肉

今晚朋友請食飯，5條友，坐係間板間房，無景觀，但就有自己空間。但我覺得有景睇會值得d。侍應大部份有禮，但主動性和專注力不高。我最早到達，叫咗壺菊普，但我聞5到菊花香，呷一口也沒有菊花味，反而有些陳皮味。打開壺蓋，只見到一包物體在內，我都5知乜。無叫換茶，因為飲得下就算。後來發現枱面上沒 menu，哈。。。。通常去任何一間食肆，開完茶，一定有 menu，似乎侍應忘記了。在整個用餐過程中，不論叫人俾 menu、落 order、加水、追單，我地都不停要行出板間房，左顧右盼地尋找侍應的踪影，有點給人冷落的感覺。最搞笑係佢地落單時竟然將我地叫既其中兩碟蔬菜打上“叫起“，我地當初都無為意，後來食咗幾道菜，也吹咗一輪水，見2碟菜仲未到，咪望下 order 紙，才發現“叫起“，哈。。。。又5係甜品，太難明白。跟住上咗“叫起“第一碟菜，又靜咗好耐，於是我朋友又要走出去搵侍應再催第二碟菜。食物質素方面，我覺得一般：糯米乳豬件幾好味，我食咗2小件，其中1件竟內含肥糕，呢個有點粗疏了。皮蛋紫薑：同其他酒樓味道一樣鮑汁鳳爪：ok 入味紅燒北菇豆腐：一般薑汁炒芥蘭：芥蘭爽脆，好味金銀蛋浸時蔬：ok 一般上湯雞：本

這間來自新加坡的餐廳位於北京道一號，一出lift見到較暗黑的間面，有一點神秘感，一入內就見到維港景色。點心精緻好味，我特別喜歡炸物，尤其現在不是很多店舖可吃到，椒鹽魷魚鬚及蝦醬炸雞翼香口美味！我們也點了燒賣、菜、炸星及魚蓉粥。魚蓉粥也是心水推介，味道十分好，濃稠度適中，還配有卜卜脆吃。金網脆皮蝦腸相當好味，腸粉包著脆脆及蝦，香脆可口。豉油另上，喜歡點多少自己決定。店員服務態度好，會幫手換碟，座位舒適。

今天我們一行七人 12:30 pm 到店內午饍飲茶，當叫了點心後，加碟星洲炒米，另一待表應突然衝過來說今天有半份糯米乳豬，平時需要預訂，今天剛有客人不要全部，還有半份，非常難得，問我們要唔要，因為大家正在討論工作，一時大意説了 ok, 沒有問詳情。到上檯時，發現唔對板，乳豬八件，皮下脂肪肥膏幾厚， 不熱不冷， 看似隔夜，加上放在一隻小碟上，沒有裝飾，我們勉強吃完了，碟星米都唔好得去邊，完全冇黃姜咖喱味，到埋單時竟然要收 480 就係碟豬，先知真係中咗計, 平均每件隔夜豬要66 元，加上味道麻麻又肥利。因為趕時間回公司，沒有同店員爭論，我們只是覺得店員找人頂佐碟隔夜嘢，身為一間出名的中菜館，又係 大銀行經常包房請客的地方，這樣做生意實在唔應該，今後都唔再幫襯。

The view is pretty good here, and you can enjoy the habour view even not sitting in window seat. The decoration is in black tone with comfortable environment. BBQ Pork is indeed attractive and delicious, can be one of the signature dish here. Soft pork texture and yummy sauce.Appetizer preserved egg is just normal Rice cake is so soft but not really my dish haSteamed egg yolk custard bun is indeed matching my stomach so so much, very smooth and melting custard sauce, how lovely is it, the sweetn

御寶軒出名菜式精緻，價錢合理。一於去“朝聖”下先！頭盤先來個魚子醬蛋白杯，蛋白溫熱嫩滑，配上微鹹既魚子醬入口即溶，非常開胃養顏，小勺子係貝殼材質，淡淡的珍珠貝母顏色，望落去非常優雅。到了菜膽魚翅，一排整齊既魚翅配上鮮甜既菜湯，口感一流！但礙於個人唔係好食魚翅的緣故，呢道菜都係留比友人好了。湯略帶油光，但清澈不膩，有一定功夫。海參鮑魚仔。海參上面釀了點冬菇豬肉碎，口感就有點散，鮑魚不過不失吧！御寶軒服務態度非常好，環境清幽適合傾計、宴請，帶老人家黎食都係一個不錯的選擇！

同朋友食生日飯，揀咗呢間米芝蓮推介嘅酒樓蒜片牛柳粒牛柳肉汁非常多，好林好好食。椒鹽百花鮮魷呢個係鮮魷+蝦膠整嘅，炸到外面脆卜卜，入面好彈牙。糯米釀脆皮乳豬店員推介呢個脆皮乳豬，因為驚太飽，所以叫咗半隻試吓。第一啖咬落去乳豬皮脆卜卜，入邊啲糯米好煙韌、好香。米通魚湯條魚用左東升斑，再將啲米通鋪喺魚上面，店員會喺我哋面前將熱湯淋上條魚度，所以啲米通到食嗰一刻都仲有少少脆，魚肉好滑，個湯都幾好飲❤️👍🏻阿拉斯加蟹店員話今日廚房有阿拉斯加蟹，我地就叫左隻黎試下，廚師將隻蟹拆肉再椒鹽，啱啱炸起熱辣辣，加上啖啖鮮甜既蟹肉，真係好正！椰汁糕本身都好鍾意椰子既食物，呢個椰汁糕有濃濃既椰子香，覺得勁好食😋紅棗糕好香濃嘅紅棗味，唔會太甜

招牌糯米釀脆皮乳豬💰$690半隻乳豬皮夠薄 夠脆✨糯米軟熟 外表吸晴👀望住維港景色食晚餐到八點又有幻彩表演睇 價錢略貴但值得一試🐽服務很好景色一流 其餘菜式都有水準

呢间的“糯米烧乳猪”是吃过的最好的，没有之一。正！它广州都有店，在珠江新城的天汇广场，下次过去一定要试试效果怎么样？它的脆皮盐焗鸡都吾错，做法不一样，可以尝试一下。

今次同屋企人飲茶揀咗尖沙咀嘅御寶軒，一行三人食物方面點咗煎腸粉，蟹肉伊麵，蝦餃，燒賣，叉燒包，蝦肉腐皮卷，蜆蚧鯪魚球，千層糕。本身我都冇乜特別期望呢間會好好食，而且要留意返呢度嘅蝦餃唔係一般出面食到嗰啲又大又爽嘅蝦，我本人特別鍾意個蟹肉伊麵，腐皮卷同千層糕，而媽媽竟然話呢間好食，咁佢食得開心我就開心啦

今日要返公司總部上堂，溫故知新，公司上司邀請我們一齊去吃午餐，慶祝中秋節訂了北京道一號十樓御寶軒原來這間酒樓是米芝蓮星級，真是有口福間隔不太開揚，不像傳統的酒樓，分開幾部份，我們那邊有落地玻璃窗望到海景，景觀一流老闆請食飯，我們七個女人，秉承食人食出汗的優良傳統，狂點蜆介鯪魚球，金磚豆腐，椒鹽魷魚酥這些點心，極有水準，特別是金磚豆腐，外脆內滑，回味無窮燒腩仔雖然比較迷你，但係極之好味，皮脆回香豆苗餃，蘿蔔糕蘿蔔糕比較失准，豆苗餃感覺一般金銀蛋莧菜鹹蛋跟皮蛋混合，這碟菜，整得很好味，沒放很多油，感覺沒有什麼味精，正！瑤柱蛋白炒飯飯一粒一粒，師傅手勢很好還有雲吞，蝦餃，燒賣奶黃包，食到唔停得口值得推薦的是牛柳粒和，蝦米煎腸粉，簡直冇得輸，牛柳軟滑，腸粉入味這麼多碟點心，在我們狂風掃落葉之下，竟然清空所以不要看輕女人

差评理由：1: 菜品一般，起码我点的四个菜，对于我这种对食物没什么要求的人都觉得一般.2: 叫服务人员推荐一条鱼.推荐了160一两的鱼。我说帮忙控制下重量，不要太贵. 最后结账3680文.吓到我吐血.3:我不知道他是不是听不懂普通话，还是对我们有种很有钱的错觉，给我们下了一条这么贵的鱼，也不会想到来询问我们下！叫人难以理解！4:我去结账，给了信用卡，直接刷卡再叫我对菜单，我才看到这个巨贵的鱼！不知所措，时间着急，职能结账离开！5:（3）个人吃了5260港币，导致我不知道如何跟老板解释，害我失眠一晚！影响今天工作！6：有没有办法投诉，实在想不通呢！7:去吃的下次注意，不要上当！8:起码我吃的菜都真的是一般般！

海景中菜選擇很少，想有乳豬全體又出名好食的中菜亦唔多，尖沙咀御寶軒是其中一間。乳豬：老師傅親自操刀，早三日預訂，新鮮當日即做。皮脆肉嫩、油脂不多、新鮮往往加好多分。籠蝦：啖啖肉，雖然好多醬汁，但蝦身夠厚所以味道適中。椒煮斑：每餐都要有魚的香港人，點呢個就無錯喇！清淡帶微辣，開胃！btw 果晚好滿好嘈，靚景嘆唔到，好彩食物一流。銅鑼灣都會分店，但無海景，眼中只有豬的可以多個選擇。

自從食過銅鑼灣嗰間御寶軒嘅晚飯之後，就一直對佢念念不忘，想再次品嚐佢嘅美食。但又想試吓尖沙咀嗰間，因為佢有一個靚海景，最適合中午飲茶。唔知道係唔係期望越大失望亦都越大，而令我失望嘅並唔係佢嘅食物質素，而係佢嘅服務😔 食物質素方面我會俾7分，但可惜服務就只有3分。服務方面：門口嘅帶位似乎人手不足，因帶位員工正在接客人嘅電話，所以我喺門口企左超過2分鐘，都冇其他員工過嚟幫忙。而執枱嘅員工放碗碟時動作亦過大。幫我落單嘅員工放返張單落枱時，好似揼落嚟😅 全個用餐過程都沒有服務可言，簡直好似俾人棄置左冇人理咁。但好奇怪window seats 嘅客人會有專人服務，甚至會有人幫佢哋倒茶。到最後離開時，有一員工幫我們按電梯，和我們說再見，呢個時候我先覺得有一點服務。（其他員工全部都是黑口黑面，真係好少標榜高級餐廳嘅員工會咁嘅面口）食物方面： 食物質素其實不錯，比很多酒樓好食，但服務始終影響左心情，會令我先入為主，從而影響味覺。蝦餃幾好食，皮薄，蝦肉爽口彈牙燒賣亦不錯，分量亦適中椒鹽魷魚鬚既賣相真係令我嚇親，炸得都幾肉酸，幸好的是味道與賣相成反比，又估唔到幾好食蛋黃千層糕尚算不過不失金網脆皮蝦腸份亦都

北京道一號出名景觀靚，老友話說御寶軒有商務套餐很好吃，於是帶隊一行六人，午聚一下。由於很遲訂位，景觀位置未能安排，但食店也安排了屏風間隔位置，方便我們傾談。老友安排唔使煩，其實是一件幸福事。朋友選了午餐宴E 的四人套餐，另外再添加單項選擇，方便大家可以試更多菜色。燒味雙拼~由於筆者遲到，故此燒味相片，沒有拍攝在內，只吃了一件义燒，夠腍，肥瘦適中，味道唔錯。老火例湯~西洋菜煲豬展，味濃足料，由於我們是四人餐，但分量也足夠分六碗。精選點心三款~分別選擇了咸水角、潮洲粉菓、燒賣，三樣點心都很出色。蜆芥酥炸鯪魚球$98~差不多$100 得五粒鯪魚球，即平均$20/粒，確實有點貴。黃金焗涼瓜片$48~由於筆者有工作在身，當日下午遲到，到來時已上菜了，驟眼一看，啡狀物體⋯⋯仲一條條咁⋯⋯究竟是什麼？朋友笑笑口說: 一吃便知原來是蛋黃金沙醬包著涼瓜，脆口得嚟，苦口甘香。鮑汁海鮮荷葉飯$188~有陣陣荷香，飯唔算太濕，唔錯。自選小菜兩款(午餐宴E)~♦️菠蘿咕嚕肉: 味道未算突出，中規中矩。是日海鮮(午餐宴E)~今天的海鮮是椒剁東星班件: 點點麻辣香，唔算太辣，筆者大愛。自選小菜兩款(午餐宴E)~♦️南乳