御膳

Imperial
521
24
27
5-min walk from Exit B1, Kwun Tong MTR Station; 觀塘港鐵站B1出口>投注站左轉到「成業街」>行至街尾右轉到「敬業街」 continue reading
Telephone
35759567
90291530
Introduction
A Chinese restaurant located in an industrial building, it is an ideal restaurant for gatherings with large group of friends or family members. Their seafood cuisine cooked in Cantonese style are popular. continue reading
Opening Hours
Today
18:00 - 00:00
Mon
Closed
Tue - Sun
18:00 - 00:00
Public Holiday
18:00 - 00:00
Payment Methods
Cash
Number of Seats
80
Other Info
Online Reservation
Wi-Fi
Alcoholic Drinks
May Bring Your Own Wine
VIP Room
Parking
Phone Reservation Details
Reward Dining Points
Delivery
10% Service Charge
TV Broadcast
About
工廈隱世廚房「御膳」(特設外賣)
在茫茫工廈中「搵食」,要遇上「帝皇」級別的美食好像難過登天?
來到位於觀塘的「御膳」,裝修典雅清幽舒服,廚房由經驗豐富的中廚主理,每天精選新鮮到位的時令食材,扭出創意與賣相兼備的私房菜功架,製成達至帝皇級別的精緻菜式,店如其名,絕對稱得上為觀塘區的「御膳」。

選擇多變 打造專屬「你」的菜單
餐牌選擇由二人至十二位用不等,單是海鮮類已有超過五十款的選擇,其他種類更包括熱菜類、冷菜類、飯至生果甜品等。
大熱推介菜式包括:大肉蟹、特大蟶子皇、士多啤梨骨、金華玉樹雞、白胡椒爆炒南非鮑魚、及賣相參照菊花圖形而製成的菊子魚等。菜式製作款款一絲不苟,海鮮鮮味濃,炒飯滿載飯香而乾身;限量推出、賣相精巧的西瓜盅,更由原個西瓜起肉奉上。碟碟實而不華,份量與霸氣十足。
想享受如斯的帝皇美饌,大家謹記需預先訂座並選擇菜單。餐廳會因應客人的要求和預算,為你設想合適的配搭,不論朋友宴會、活動聚餐、主題飯局等,都盡力安排週到。歡迎外賣!

多款菜式外賣供應!

歡迎查詢:
https://api.whatsapp.com/send?phone=85292228210
About Reward Scheme
Review (623)
Level4 2020-11-23
827 views
古代的御膳是做給皇帝吃的,現今世代,御膳就是一家私房菜,主廚廚藝功架絶對有足夠鑊氣,讓食客帶著滿足的心情地離開。 御膳私房菜都是以人數餐食為主,地方座位充足,場地可以包房或包廳,還可以按客人預算金額編製菜單。 這夜是以4人份量編製的菜單,菜式以海鮮和潮州菜為主之外,份量也絶對足夠,套餐還包括了甜品,每位大約HKD363,絶對超值。******************************麻辣鹵水拼盤,包括了豬大腸、手撕雞和牛肚。牛肚鹵水味道最入味。豬大腸都幾彈牙,味道也不錯。手撕雞是香麻辣味道,又不會太辣,作為第一道小食,確實能開胃。砂鍋什菌龍躉骨湯,龍躉一味二食,龍躉骨便煮作湯,除了什菌,還加入豆腐,整個湯非常之鮮甜,豆腐滑溜無比,什菌也有不少,絶對是真材實料烋成的龍躉骨湯。花雕蛋白蒸大肉蟹,大肉蟹提供不同烹調煮法,當中包括了花雕蛋白,避風塘、薑蔥、胡椒和四川香辣,我們便選上了花雕蛋白蒸。整碟花雕蛋白蒸大肉蟹送上枱時,花雕味香濃,蛋白都很滑口,大肉蟹多肉又鮮甜,蟹鉗更滿滿花雕酒香味,大肉蟹的蟹膏也不少,吃得非常之滿足。荔茸百花卷,用上芋頭、芹菜和新鮮大海蝦,炸成條狀,因為是4人餐,所以共有4條。荔茸很香芋頭的味道,又吃到芹菜的爽口感,海蝦也混入荔茸之中,又能吃到蝦的鮮味,這道菜式相對比較少有,所以值得推介品嚐。薑蔥爆龍躉球,用上龍躉腩肉位置切成一件件,再炸到龍躉球外層少許脆口,最後加入薑蔥爆香,整碟龍躉球變得非常之惹味香口。龍躉球用上腩肉位置,吃上口是啖啖肉,絶對要配上白飯而吃。潮州鹵水鵝例牌,御膳的鹵水鵝絶對很有水準。例牌份量一點都不少。鹵水鵝鹵水味道非常之入味,鵝肉也很腍,肥瘦適中,簡單地配上甜酸醋而吃,即時變得更加開胃。上湯浸時蔬,用上小白菜煮成的上湯浸時蔬,湯汁非常之清甜,小白菜也很新鮮,口感爽口,還加入了什菌,更加好味。蟹油銀芽炒麵,用上蟹油而炒的銀芽炒麵,炒麵獲氣十足,味道帶點油香。口感有點彈牙,還加入了銀芽,更加爽口,份量相當大碟,每人可以吃到2碗份量,吃完整個蟹油銀芽炒麵非常回味。甜品是每天都不一樣,這夜的甜品便是雲呢拿布丁,每人有一杯,簡單地只加入藍梅作為裝飾,賣相有點像日式蒸蛋一樣。吃上口口感非常之滑溜,雲呢拿味道很香,甜個雲呢拿布丁又不會很甜,完全可以用上甜品作為這頓晚飯的終結。只要每人在Facebook Shared 食物相片,就可以免費換取飲品一罐。免費飲品包括了可樂,無糖可樂,忌廉、芬達橙汁,當然也要Facebook Shared 食物相片,享用免費飲品。 continue reading
(The above review is the personal opinion of a user which does not represent OpenRice's point of view.)
認識位於觀塘敬業街工廈內的御膳私房菜,全因閨蜜極力推薦,除菜式美味外,免開瓶,切餅費,又可訂房,還可自訂菜單, 好友歡聚,大宴親朋,一樣合適,尤以海鮮,小炒最為耍家。閨蜜說得興高采烈,激起我的食慾,決定訂位跟先生去品嚐。店員推介最新主打--- 70 頭日本溏心吉品乾鮑餐,心中甚喜,用鮑魚變化出不同款式的佳餚,令人期待。🎯 鮑汁涼拌鮑魚仔先來開胃前菜,鮑魚仔精緻可愛,配上清爽小青瓜,立時打開了味蕾新感受~🎯 荔茸燴原隻吉品鮑魚 2 隻上枱香氣撲鼻而來,剛炸好的芋頭蓉包裹著 爽口鮮蝦,內脆外軟,香甜軟糯,口感豐富,主角鮑魚炆得軟淋入味,鮮香彈牙,不失大將之風。🎯 砂鍋鵝掌扣原隻吉品鮑魚 2 隻在衆多鮑魚菜式中,鵝掌扣鮑魚,一定是我的最愛。 鵝掌炆得軟淋,把鮑魚汁的鮮甜精華完美吸收,膠質豐富,可以美顏且口感嫩滑,令人回味無窮。🎯 避風塘大肉蟹整隻肉蟹霸氣地屹立在菜色的中央,被炸得香脆的蒜茸包圍,霸氣十足, 蟹件炸得香脆,蒜味極濃,入口蟹汁爆出,鮮嫩無比,絕對合格有餘。🎯 御膳炒飯由於先生太喜歡食飯,頂著飽飽的肚子,還要再來一碟, 炒飯配料豐富,蝦,牛柳,帶子也用料十足,色香味俱全。除了菜式精緻美味之外,老板娘親自坐鎮招呼,態度親切,也增加了不少分數,用餐過後,明白閨蜜為何會讚不絕口, 下次家庭聚會,御膳私房菜,定會是不二之選。 continue reading
(The above review is the personal opinion of a user which does not represent OpenRice's point of view.)
Level4 2020-10-20
1158 views
呢間餐廳由經驗豐富嘅中廚主理👨🏻‍🍳每日精選時令食材,製作多款海鮮、熱菜、冷菜、飯至生果甜品等。訂座前可先選擇菜單,餐廳亦會因應客人嘅要求同預算,設計合適嘅配搭,今次就叫咗個價值$9️⃣6️⃣8️⃣嘅二人份套餐。💗香芒沙律大蝦球(2件)蝦球雖然唔算好大隻,但炸得外脆內裡彈牙,粉漿再薄少少就更好🍤伴以一塊清甜嘅芒果片,底層係爽脆酸甜嘅青紅蘋果沙律,開胃得嚟又健康🥗💗東星二食•養魚椒鹽骨:將魚腩、魚旗、魚尾等部位炸至香脆,油而不膩。加入椒鹽、炸蒜同辣椒爆炒,香辣惹味得嚟唔會過鹹🌶起肉炒球:東星斑大大塊,肉質結實彈牙,夾起魚肉都唔會散,證明非常新鮮🐟底部嘅芥蘭用上薑粒同蒜蓉炒,爽脆味濃🥬💗什菌豆腐大蜆湯奶白色嘅什菌湯味道清淡,無添加任何味精,更突顯原材料嘅鮮味🍲有兩隻鮮甜嘅大蜆,脹卜卜而且冇沙,仲有秀珍菇等各種雜菌🍄少量莞茜增加香味🌿非常足料。💗白胡椒爆炒南非鮑魚(2隻)鮑魚都幾大隻,預先𠝹咗花紋,食落軟嫩得嚟有嚼勁🦪未食已經聞到白胡椒強烈嘅香氣,醬汁濃稠辛辣,特別惹味,不過略嫌蓋過鮑魚本身嘅鮮甜味🤔💗蒜蓉粉絲蒸蟶子皇(2隻)大蟶子火喉控制得啱啱好,口感彈牙,鮮味十足🐚美中不足係有少少沙。上面放咗蒜蓉、炸蒜同蔥花一齊蒸,食落更惹味🧄墊底嘅粉絲吸收哂海鮮嘅精華,仲有適量嘅豉油吊味🤩💗潮州鹵水鵝(例牌)包括咗鵝片同鵝件,肉質肥瘦相間,食落軟嫩唔嚡,鵝油甘香味美🦆祕製滷水汁帶中藥味,食得出比坊間嘅特別濃郁入味👍🏼💗經典富瑤炒飯炒飯夠哂火喉同鑊氣,飯粒分明入口,軟硬適中帶煙韌,乾爽唔油膩🍚配料非常豐富揼本,有迷你鮮南非鮑魚、瑤柱、金華火腿絲同蔥花,加上秘製醬汁調味,食落咸鮮惹味😋💗碧綠炒花枝西蘭花翠綠爽口,軟硬適中🥦加入大量韭黃同蒜蓉炒成。花枝片亦好足料,食落彈牙嫩滑,完全唔韌🦑💗芒果布丁冰凍嘅布丁口感滑溜,甜而不膩🍮芒果味唔算太假,當然要落埋花奶一齊食,如果有少少芒果肉就更好🥭 continue reading
(The above review is the personal opinion of a user which does not represent OpenRice's point of view.)
Level4 2020-10-15
1055 views
特別日子要食好西慶祝一下~~主角係海鮮控 所以我事前做足功課 見御廚有幾多好評 又拎過獎 有質素保證 所以就target左佢~~二人餐都有5個餐選擇 而個個都好吸引🤤我地最後叫左👇🏽花龍蝦餐($960)🌟麻辣手撕雞雞絲好嫩滑 幼幼既青瓜絲 令到口感更加豐富青瓜既小清新唔會影響麻辣既味道辣度調得岩岩好 好惹味啊😋🌟大蜆什菌豆腐湯大蜆真係名乎其實 又大隻又新鮮🤤湯頭非常鮮甜!加埋豆味重既豆腐 絕配啊👍🏽🌟薑蔥炆龍躉腩龍躉腩厚肉 走完油再拎去炆 功夫多🤔食落去更有質感!🌟上湯花龍蝦我地第一次食花龍蝦🦞 同波士頓龍蝦真係冇得比!花龍蝦新鮮 肉質彈牙 上湯芡汁清清地 唔會搶左龍蝦既鮮味~~🌟白胡椒爆炒南非鮑魚醬汁好有驚喜 重菇菌味 似松露味! 平日係配角/茄哩啡既白胡椒 今次做左主角❗️有吊味既作用 令到醬汁帶點小辣🤤🌟黃金蝦蝦炸得香脆 咸蛋黃醬同炸漿巴似融為一體咁 食落就發現咸蛋黃醬起哂沙 正👍🏽🌟潮州鹵水鵝鹵得入味! 份量都幾多 最後食唔哂🤭鵝油/油脂容易凝固 建議大家要趟熱快d食!🌟蟹油銀芽炒麵炒麵睇落平平無奇 但炒得乾身而不油膩👍🏽🌟芒果布丁🍮芒果味唔係好出 但質感幾滑捋捋☺️不過用茶杯上有欠美感呢~~由琴晚食完呢餐到今日主角都將「個餐真係好好味」掛喺口邊(利申: 佢平時超級嘴叼🤭)大讚大蜆湯好飲~~對白胡椒鮑魚更加係讚不絕口 話係屋企煮唔到既味道!店員服務態度又好 好有禮貌👍🏽又幫對蟶子敏感既我轉做黃金蝦~~整體黎講💁🏽‍♀️我地非常滿意😋覺得兩個人/家庭聚會都適合 因為呢度既海鮮好新鮮 特別岩海鮮控黎開大餐! 😋 continue reading
(The above review is the personal opinion of a user which does not represent OpenRice's point of view.)
中秋節同家人過節,多數都會選傳統中菜,而一般酒樓都比較多人同吵雜,所以今次就打算試私房菜,一搜尋就發現呢間隱身係敬業街水準不俗的粵式私房菜 - 御膳,主打手工菜及新鮮海鮮菜式,最少訂二人套餐,平均四百元一位,私房菜來說並不貴,甚至我覺得是物超所值------麻辣手撕雞一份非常開胃既前菜,雞絲同青瓜比例接近一比一,青瓜口感清爽夠味,雞去皮不油也不膩,肉質鮮嫩,醬汁麻辣有勁,愈食愈滋味,慢慢開啟了我的味蕾迎接餘下菜式什菌大蜆豆腐湯什菌湯非常足料,滿滿湯渣,幾款食材本身味道較清淡,反而更能突出什菌原味同埋大蜆鮮甜,隻隻脹卜卜而冇沙,每一啖湯都係精華,沒有添加味精,住家味道花雕雞油蛋白蒸大肉蟹預約前店員有問大肉蟹烹調方法,可選花雕雞油蛋白蒸、避風塘炒、薑蔥炒、胡椒炒、四川香辣炒,我就選了蛋白蒸,原汁原味的做法,蟹的鮮味跟花雕酒香非常搭,酒味不重但有陣馥郁芬芳,甘香但唔會搶過蟹的味道,上菜時還原原隻大肉蟹擺,十分霸氣,蟹肉質飽滿緊實,蟹鉗厚身實淨,拆出來啖啖肉,不得不提第二主角蛋白,蒸得嫩滑,完全吸哂蟹既精華,清甜美味白胡椒香爆南非鮑魚擺盤精緻,未食已經聞到白胡椒香氣,辟去鮑魚本身的腥味,而鮑魚紋理同形狀都好靚,軟韌度剛好,不用刀叉也能輕易食用,食落鮮嫩彈牙且很入味,胡椒氣味陣陣散出,少少辣幾惹味,非常值得慢慢咀嚼細味流沙黃金蝦很經典同時又很邪惡的一道菜,蝦頭至蝦尾連蝦殼都食得,每隻蝦炸得脆卜卜鬆化,厚厚鹹蛋醬附在蝦殼表面,呈流沙狀態,非常濃郁,而且火候控制得宜,蝦肉保持鮮嫩,蝦頭仲有膏,幾有驚喜士多啤梨骨士多啤梨骨外型相當吸引,腩排有輕輕煎炸過,醬汁濃稠沾滿腩排,有士多啤梨天然甜香同時又有酸的味道,具有醒胃效果,同時亦可以去除豬肉的油膩感,不過肉有點太大件,難進食同埋腩排都偏肥蟹油銀芽炒麵炒麵非常考驗師傅夠唔夠鑊氣,炒麵炒得乾身且不油膩,鑊氣十足,麵條軟硬適中,仲有不少芽菜,不過蟹油味欠奉,有點可惜蒜蓉炒時菜芥蘭保持清脆碧綠,清脆而不韌芒果布丁甜品不時都有變,店員事前有講要看師傅當晚的預備,可能會安排雲呢拿布丁/芒果布丁/芝士布丁或椰汁紅豆糕,而我當晚是吃芒果布丁,有芒果香甜,仲有藍莓做點綴 continue reading
(The above review is the personal opinion of a user which does not represent OpenRice's point of view.)