35
1
1
4-min walk from Exit B2, Tsim Sha Tsui / East Tsim Sha Tsui MTR Station continue reading
Telephone
23278400
96495270
Introduction
The decoration of the restaurant is very gorgeous, with a Japanese style design, giving a comfortable dining experience. The restaurant has Omakase menu such as "Sakura" and "Koede", including appetizers, sashimi, seasonal dishes, sushi, etc. They also offer lunch set meals, including sushi set meals, bowls, udon and more. continue reading
Opening Hours
Today
12:00 - 13:30
13:45 - 15:00
Mon - Sun
12:00 - 13:30
13:45 - 15:00
Public Holiday
12:00 - 13:30
13:45 - 15:00
Public Holiday Eve
12:00 - 13:30
13:45 - 15:00
Payment Methods
Visa Master Cash AE UnionPay
Other Info
Online Reservation
Wi-Fi
Alcoholic Drinks
VIP Room
Phone Reservation
Reward Dining Points
10% Service Charge
About Reward Scheme
Review (42)
Level4 2020-10-24
3563 views
飲食界的資深朋友再帶我吃好東西。今天他帶我來到金馬倫道 The Cameron 1 樓的一幸。根據店員介紹,她們於上年年尾開業,與上手並無任何關係。不過這些與我們食客毫無關係,我們著緊的是食物的質素。餐廳提供兩款 Omakase 套餐,包括 櫻 和 楓,兩者相差二百多元,我們點選 楓 套餐和辛口的清酒。高砂特別純米辛口 10+品嚐廚師發板,清酒是必須的。 這一支清酒市場上比較少見,而且價錢相當合理。入口香醇,味道辛口,更是 10+ 的加強版。雞泡魚乾主廚的安排是貼心,佐酒的雞泡魚乾不一會就給端上了。雞泡魚乾酥口爽脆,味道帶點特獨的羶腥味, 再配上奇異醬,再喫一口清酒,為大餐前作好準備。前付前菜包括了九洲鮑魚、子持蝦咕和鰻魚苗。九洲鮑魚經長時間慢煮,煙韌微彈,醬油味芳香清甜,鮑魚味豐富。子持蝦咕即是有羔的瀨尿蝦,蝦肉肥美綿密,瀨尿蝦獨有的蝦味香濃。鰻魚苗晶瑩剔透,透明嫰滑,味道鮮美。刺身刺身五點包括剝皮魚、右口魚、粒貝、金目鯛和梅酒蕃茄。給端上的時候,感覺冠冕堂皇。剝皮魚刺身雪白晶瑩,黏口微彈,配上自家製的醬汁,更令味道昇華。右口魚刺身芒白亮麗,還包裹著右口魚魚邊,微彈韌口,美肥均勻, 並以紫蘇花點綴。粒貝已預先調味,煙韌彈牙,鮮甜美味。金目鯛預先給輕輕燒灼魚皮,迫出魚油。微彈錦密,魚油豐富。廚師精選季節料理一北海道真蠔是第一度精選季節料理,真何以預先調味,日本醋、漬物和青蔥使真蠔味道得以昇華。真蠔濕滑潤喉,微彈錦密,蠔味豐厚。廚師精選季節料理二第二度精選季節料理相當有人吸睛, 當中包括煎白子、汁煮八爪魚、瑩光魷魚和楊梅山桃漬。一般白子的處理方法是蒸熟後,混入赤醋。但這白子是給煎香的,再加入芝麻調味。口感稍為結實, 而且緩和了白子本身的腥味,使更易入口。螢光魷魚,嫩滑微彈,並置上山葵作點綴級調味,味道鮮美,醬汁味恰當誼人。八爪魚預先已經長時間慢煮,口感煙韌綿密,味道可口,八爪魚味濃厚。楊梅山桃漬,口感脆身,酸甜香濃,消滯化油膩,為壽司作出準備。拖羅刺身拖羅刺身包括兩款,分別是吞拿魚中拖羅和吞拿魚大拖羅。大拖羅表面色澤啡白,師傅特意用火灼烤過,目的是逼出油分,口感魚油甘香,入口即化。中拖羅色澤鮮艷紅潤,入口味道濃郁,魚香持久。京都幼吞拿魚苗刺身上桌時是使用木盒盛裝,打開後盒內的煙燻煙霧緩緩飄出,是一款適合拍照打卡的菜式。幼吞拿魚苗色澤呈現淺粉紅,入口富有煙燻香氣,肉質鮮嫩滑口,配上青蔥、七色芝麻作調味,味道更有層次。海虎蝦海虎蝦蝦類中體型最大的一種,肉質口感紮實肥厚,味道鮮甜彈牙,蝦味濃厚。邊旁淺綠色的啫喱貼心地作點綴,實質是清洗舌尖味蕾。吞拿魚下巴吞拿魚下巴脂肪含量較高,肥厚飽滿,色澤金黃,入口雖帶點少量魚骨,但魚味濃厚,嫩滑鮮美,肉汁豐富,點配醬汁更為鮮味。北海道帆立貝壽司師傅於帆立貝上下刀切開,再塗上醬油,以便讓醬料滲入其中。帆立貝肉質口感爽口彈牙,鮮甜滑嫩,與壽司醋飯互相配,味道酸甜芳香,鮮味十足。深海池魚壽司深海池魚一年四季皆有供應,但深秋初冬正直當造時期。師傅於魚肉上下刀切開,使豉油深深滲入。深海池魚肉質鮮嫩清甜,脂厚油香,甘香細膩,配搭柔和帶酸的醋飯和青蔥,口感味道更有層次。北寄貝壽司給端上前師傅先為北寄貝拍打數下,好使肉質神經收縮。北寄貝口感結實爽脆,肥厚鮮嫩,甘甜濃郁,配搭醋飯進食,味道更香醇濃郁。無筋大拖羅壽司無筋大拖羅色澤呈現淺粉紅色的,師傅同樣下刀淺層切開數下,好使豉油緩緩滲入。口感無筋嫰滑,油分適恰,魚味濃郁甘香,入口即化,與醋飯互相輝映,味道鮮美微酸。北海道馬糞海膽壽司北海道馬糞海膽色澤黃,味道濃郁甘甜,鮮味十足,口感豐腴嫩滑,餘韻無窮。面層置上山葵,增添輕輕的辛辣芳香。右口魚邊壽司右口魚外型扁身,師傅於表面輕輕微灼以,使肉質稍稍結實,同時把魚油分迫降。肉質軟腍嫩滑,魚油豐富甘香。配上青蔥點綴、使口感味道更為豐富。椀物碗內盛裝着食物則稱為椀物,是日的椀物是大蜆麵豉湯,飲用味道清新鹹香,配料有兩塊蜆肉,其肉質肥美飽滿,口感鮮甜彈牙,滑嫩爽口,整道菜式鮮味可口。甜品甜品共有三款,分別是靜崗蜜瓜、特濃朱古力蛋糕、草莓。靜岡蜜瓜口感結實濕潤,爽脆濃郁,味道清甜多汁。特濃朱古力蛋糕色澤深啡,口感鬆軟綿密,朱古力味道香甜濃郁。草莓味道清新香甜,細膩多汁,果香氣味濃厚。總結而言,裝潢以木材為主元素,配搭柔和燈光,感覺舒適放鬆,環境整潔衛生,整體感覺富有日本風味,店內食材用料新鮮,味道高質出色,是與家人朋友吃日本菜的好地方。 continue reading
(The above review is the personal opinion of a user which does not represent OpenRice's point of view.)
Level4 2021-01-01
260 views
今日一次過挑戰左15件壽司🍣師傅整得好有心機,性價比亦相對唔錯.整體來講,壽司刺身都幾鮮甜,除咗佢嘅帆立貝相對地比較淡味之外,其他都做得幾好!至於壽司套餐入面就必定會有海膽同拖羅壽司。.特別一提佢嘅甜蝦壽司,平時嘅餐廳都會用蝦膏去增加蝦嘅鮮味,而今次師傅就用咗壓縮嘅蝦膏mousse去做。食落有啲似法國菜上既foam,加上個mousse既蝦膏味亦非常濃郁!真係好唔錯.拖羅壽司就用左中拖羅配炙燒大拖羅~呢個配搭幾好,本身拖羅嘅油脂再配上灸燒後油脂香味,層次感好好.其他魚類壽司既水準保持得好好,而當中有一款魚係我第一次食而且覺得好特別❣️石鯛❣️佢爽口嘅程度直情同貝類有得比較,但又有魚肉嘅鮮甜.♦ 壽司十五貫 ⋆ $520 continue reading
(The above review is the personal opinion of a user which does not represent OpenRice's point of view.)
Level3 2020-12-18
408 views
係一間推介嘅omakase 臨時臨急book,好彩book到❤️識人好過識字!錯過咗上次海膽宴🥺今次試返🤣係好新鮮,今次主打蟹,亦都係有我最怕嘅海鰻,不過又係無骨嫁,醬汁好yummy不過今次無太多uni遜色不少🤣好飽! continue reading
(The above review is the personal opinion of a user which does not represent OpenRice's point of view.)
見Openrice 評價唔錯,諗住試一下 點知伏到一個點早三個星期前訂枱 訂星期六午市時間 壽司吧枱呢間餐廳有兩個lunch session: 12:00-1:30 / 1:45-3:00 我訂左1:45時間早左15分鐘要係餐廳出面等 之後大概1:48分安排入座 壽司吧枱Order左 Omakase 15件壽司Set $520 另加10% 服務費壽司吧枱全面座 大概有 14個位左右 有三個師傅坐陣 大概一個師傅 對 5個左右當時負責我地餐既師傅係 餐廳既二廚黎 叫 Sam (全鋪壽司師傅得佢係帶眼鏡) 前菜沙律 - 中規中矩無乜特別之後個沙津未食完個師傅就開始搓壽司 搓壽司前佢同我地講 壽司全部調左味 試左第一件之後 再調整 感覺上服務都有板有眼 之後就係不幸既開始第一件壽司:真鯛 配 海苔醬真鯛同海苔味道係分開 唔明佢點解要咁配搭 仲有我同朋友既壽司飯 兩件可以唔同形狀 真鯛上既醬油只有集中係魚身中間先有 壽司飯上既山葵 每一舊都可以份量唔同 完全free style 食完第一件已經出左事 之後個Sam師傅 好似趕收工咁 急急腳咁開始開Turbo 搓壽司第二件:紋甲魷魚呢件壽司飯形狀同山葵都係有呢個問題 魷魚切到好似魷魚麵咁一條條 口感唔錯第三件:甜蝦配飛魚子食之前個師傅語重心長話 飛魚丸好咸 點知佢落啲豉油仲咸 完美將甜蝦個味道蓋過哂 第四件:北海道帶子好地地一粒北海道帶子 比佢火炙到不似人形 仲要係燒到全熟 再配個唔知乜野既醬(條友無介紹到)無哂帶子本身既甜同口感 難食 第五件:剝皮魚配鮟鱇魚肝醬得罪講句,佢同場既師傅都係配番剝皮魚肝醬 你走去搞搞新意思 配鮟鱇魚肝醬 仲要完全唔夾 另外剝皮魚本身都唔靚 咬唔開第六件:深海池魚 配上少少柑桔皮呢件佢無搞咁多Topping正常味道第七件:金目鯛 配 梅醬金目鯛個邊有做火炙 魚身有少少都過熟 搽上醬油 再加個梅醬 又咸又酸 破壞哂魚既味道第八件:石鯛配鹽水海膽啲海膽拎出黎已經出哂水 無味道可言 唔知加黎為乜 加上去感覺似清舊貨第九件:松葉蟹腳配馬糞海膽佢松葉蟹腳本身已經有調好味 加上係雪左好耐 仲凍既 但佢又加海膽 畫蛇添足第十件醬油漬鰹魚本身鰹魚佢係漬緊,一拎出黎用廚房紙印一印 唔錯第十一件:赤鯥平時食開都係燒個邊 師傅玩火槍燒上癮 燒到70% 熟 食落去口感係 一邊熟魚 一邊好凍既生魚 遺憾第十二件:九洲赤貝佢擠左過量既青檸汁落去 赤貝食落去係苦既 第十三件:大拖羅師傅又繼續玩佢支火槍黎火炙 燒到全熟 好地地一舊大拖羅 食落去成口油 垃圾第十四件:馬糞海膽好凍,唔鮮甜,食落去無after taste 既香味 紫菜好彩仲係脆第十五件:右口魚佢又拎支火槍黎火炙,可能知最後一件 個味道都正正常常卷物:拖羅蓉手卷 配 天婦羅碎及小黃瓜味道係錯,但個手卷個底 師傅求奇捲埋就算 一咬落去 成手都係天婦羅碎 茶碗蒸個蒸蛋硬到好似啫喱咁,不評也罷麵豉湯同AEON 即沖個啲差唔多波蘿雪糕成餐最好食係個雪糕由開始食第一件壽司 到 食完最後手卷 只係過左 52分鐘 個師傅好似好趕時間咁 趕收工咁 同場佢另外兩位師傅都有整壽司Set 但佢地係慢慢整 完全係客人就廚師 而唔係廚師就客人 另外你唔同客人互動都算, 佢由處理食材,握壽司,調味,火炙火侯控制 都睇唔出係有心去做 Omakase (廚房發辦)直頭覺得佢無資格企係壽司吧枱去整食物比客人完全感覺上似係食緊放題 求其整完啲壽司出黎比你食填飽你就算 比$500幾蚊食啲咁既服務同食物 完全係貼錢買難受 災難級既用餐體驗同場樓下附近 立鮨,十和田,鮨廷既壽司店 價錢又平過你 但味道同服務遠勝過呢間一幸多多聲 下次請我黎食都不了其他朋友如果考慮食呢間壽司 勸你地唔好要求呢位Sam師傅去負責你地既Course, 唔係既話一幸會變成不幸 continue reading
(The above review is the personal opinion of a user which does not represent OpenRice's point of view.)
Level2 2020-12-07
441 views
今次係第一次在香港食omakase, 果然冇令我失望。今次揀左set lunch 壽司十二貫($420),仲包埋味僧湯、雞泡魚乾、沙律、茶碗蒸和雪糕,女仔食既話就一定夠曬飽。師傅一開始就問我地有冇咩想食/有咩唔食既,由於我地都冇咩特別要求,所以就直接全交由師傅發板。當日我地食左石坦鯛、北海道帶子、紋甲魷魚配北海道海膽、赤貝、甜蝦加甜蝦蓉配柚子、深海池魚配紫菜醬、黑鯥配松露醬、松葉蟹加三文魚子、油口魚及群邊、左口魚邊、中拖羅、北海道海膽,以及吞拿魚蓉手卷。每件壽司都十分新鮮,好似去左日本食咁。另外,整餐飯都唔會食得好急,師傅會等我地食完一舊後,先會再慢慢整下一舊,非常之享受整餐飯既時間。最後上卷物時,師傅都好貼心問我地需唔需要多飯/ 少飯,呢一點絕對係僅得稱讚。餐廳環境非常舒服,店員態度親切,我唔小心將筷子跌左落地,佢地都極快速比過對新既我,非常醒目。下次有機會都要試下食晚餐,但一定要預早點book 位。🔸🔸🔸🔸🌟價錢 - 9/10 🌟回頭指數 - 10/10🔺地址: 尖沙咀金馬倫道33號The Cameron1樓102號舖 continue reading
(The above review is the personal opinion of a user which does not represent OpenRice's point of view.)