88
9
3
3-min walk from Exit D, Jordan MTR Station continue reading
Telephone
2314 9190
Opening Hours
Mon-Sat
11:00-14:15
18:00-23:00
Sun
11:00-14:15
18:00-22:00
Payment Method
Visa Master AE Cash UnionPay
Number of Seats
40
Other Info
Alcoholic Drinks
May Bring Your Own Wine
Parking
10% Service Charge
Review (102)
情迷井橋 Featured Review
Level4 2016-10-14
2269 views
平時約朋友食飯多數會避開繁忙時間 ,早食早享受,食得又舒服,唔使同人逼,輕輕鬆鬆多好喎 海鮮鍋好鮮甜,唔似一般嘅味噌湯咁濃味咁咸,幾個朋友一人分一碗,都好滿足。 其實佢啲海鮮比如鮮蝦,魚呀,都好新鮮鮮甜。但係我自己覺得食海鮮鍋重點反而係豆腐同埋菜呢,呢兩樣嘢索曬啲湯汁,先係最美味。 這個串燒拼盤感覺比較輕量, 一半日本蔬菜一半肉類, 燒得剛好,唔會太濃,香口惹味。 特上刺身拼盤,每款兩件比較適合兩位點餐, 今日我哋剛好三個人食起上嚟有啲尷尬,大家都唔知點分好😂, 突然個個都好禮讓,哈哈~ 刺身係每日新鮮運到,所以特別鮮甜美味,其中我最欣賞佢嘅牡丹蝦 同埋海膽,牡丹蝦大大隻,夠哂味美, 海膽口感有如置身日本食既鮮味, 一點腥味也沒有,入口即溶,超正 冰凍嘅日本鮑魚非常爽口,每人得一少份食還真不夠滿足喔😂 胡麻汁番茄蟹籽豆腐沙律 近期愛上日本豆腐超級嫩滑, 加埋日本蕃茄 同埋蟹籽撈埋胡麻汁一齊食, 是我最喜愛嘅沙律之一😍😍😍 不知不覺就完結咗今晚嘅晚飯又是滿足的一天 continue reading
(The above review is the personal opinion of an user which does not represent OpenRice's point of view.)
宵夜時段更抵食 Featured Review
Level4 2016-10-06
1554 views
行街行到夜左,肚仔又打鼓,一於去山林道搵食。見到呢間「井橋日本料理」開到半夜兩點,唔駛食到趕頭趕命,就入黎試下啦。 餐廳地方唔大,只有10張枱左右,仲有一間細細既VIP房。最開心既係,夜晚十點後原來係宵夜時段,食物設有優惠價。 日本冷番茄 $38番茄清爽,配以柚子汁,個汁酸酸地鹹鹹地,帶出番茄既鮮甜味。 三文魚刺身 $48;油甘魚刺身 $68 珍寶帆立刺身 $38;珍寶牡丹蝦刺身 $68 之後點左一系列既刺身,印象最深刻係帶子,勁厚肉,味道鮮甜;兩塊帶子中間夾左一塊檸檬,有提鮮既作用。油甘魚夠爽口,唔錯;牡丹蝦有蝦春,甘香味美。 燒味醂魚乾 $58最鍾意食魚乾,但有時會食到D硬柴柴既好把鬼,呢度既就好食啦,魚乾較厚身,質感似軟既肉乾,味道豐富,點埋沙律醬食更一流。 明太子雞翼 $28;燒牛脷串 $28;燒雞皮串 $12 燒A4和牛串 $58 燒雞腎串 $18;燒煙肉蠔卷 $28;大蔥雞肉串 $15 串燒有特價,梗係瘋狂咁叫一轉。鍾意呢度既雞皮,好薄好脆,而且燒到好香,必點;明太子雞翼辣辣地,啖啖肉,食肉獸之選;A4和牛肥瘦適中,一咬落去,啖啖油香,唔怕肥既記得點;煙肉蠔出面比較少見,鹹香惹味。 日式燒飯糰 $10 想飽肚D,可以叫個燒飯糰。師傅好俾心機咁慢慢加醬油燒,先可以令到外層脆卜卜,入面仲保持軟綿綿熱辣辣。飯糰入面有木魚絲,鹹鹹地更好味。 日式紅豆年糕 $28之後到甜品時間。年糕外層燒到微焦,脆卜卜,好有米香,上面淋滿甜絲絲既紅豆,一甜一清淡,味道啱啱好。 椰子雪糕 $58;北海道白葡萄酒雪葩 $58推介椰子雪糕,用原個椰殼上,雪糕creamy又幼滑,椰子味非常香濃,必食;葡萄酒雪葩味道比較清新,感受唔到酒味,反而係食到香甜既提子味,相信小朋友都啱食。 continue reading
(The above review is the personal opinion of an user which does not represent OpenRice's point of view.)
佐敦山林道食肆臨立,是筆者常訪的落腳點之一。是晚與友人宵夜相聚,亦選了山林道的餐廳。井橋日本料理是一間綜合型日本料理,由刺身壽司、燒物炸物、鍋物串燒等等一應俱全。餐廳內設三四十個座位,裝潢簡潔。放眼壽司吧的珍寶刺身,實在大隻吸引,不能不試。珍寶帆立貝刺身色澤潤白富光澤,賣相十分新鮮。入口細嚐,甜爽食感填滿整個口腔,滿足感十足。珍寶牡丹蝦刺身的質素與珍寶帆立貝刺身不遑多讓,從蝦頭的外觀已可確認刺身的鮮度,蝦肉濃香爽滑,推介!吃畢刺身,一眾串燒熱食也源源送來。燒海虎蝦雖不及牡丹蝦吸引,但其結實彈牙的口感仍令人滿意。 A5 和牛肥美可口,但同時難免予人較重的膩感,有見及此,A4 和牛往往是更平衡的選材。這串燒 A4 和牛串,牛脂仍然豐富,牛香濃郁。燒黑豚肉串以黑豚豬扒製作,相比 A4 和牛脂肪含量明顯低很多,肉質稍實。豬扒還是以炸煮方式製作理想一點。燒雞軟骨串是筆者喜愛的串燒款式,愛其脆脆的口感,這串串燒沒有令人失望。紐西蘭羊架食感比較乾身,沒有羶味,中規中矩的水準。燒原條茄子水份豐盈,塗沫帶甜的醬汁後更為美味。燒原條粟米甜感充實,推介! 燒免治雞肉串內含少量雞軟骨,微微帶脆,建議追加玉子作醬汁以添加滑感。燒金菇牛肉卷是遠較預期佳的作品,亮點在於卷中的金菇,十分爽口,配上的甜醬汁很美味。燒雞中翼即燒即食皮脆內嫩,香口惹味,讚!燒鰻魚是好友至愛,選材厚身肥美。燒銀鱈魚雖然外皮稍稍焦黑了少許,但無阻油香白滑鱈魚肉的發揮。 最後是焗雙蠔,黃金焗生蠔以蛋黃沙律汁作醬,味道酸香醒胃。生蠔經焗煮後未有大幅收水的情況,肥美鮮香對辦。煙肉焗生蠔做法相像,以芝士煙肉醬取代黃金蠔的蛋黃沙律醬,同樣美味。整體而言,餐廳的食品質素比預期理想,定價合理,可以一試。 [26/9/2016; Mon] continue reading
(The above review is the personal opinion of an user which does not represent OpenRice's point of view.)
Level3 2017-02-03
1527 views
喺佐敦行完街步行過去尖沙咀搵食,經過山林道就望吓有無嘢想食。好想食日本嘢,尤其係刺身,見到呢度門面都唔差,就入嚟試吓啦。呢個特上刺身拼盤,有牡丹蝦、三文魚、吞拿魚、劍魚腩、海膽、油甘魚、帆立貝及深海池魚。厚切刺身,整體亦幾新鮮。油甘魚同牡丹蝦我就最喜歡!本身唔係好肚餓,食完個刺身拼盤差少少就夠飽,所以叫多客火灸三文魚腩壽司。三文魚腩油份超多,魚香濃厚。 continue reading
(The above review is the personal opinion of an user which does not represent OpenRice's point of view.)
Level4 2017-02-03
1000 views
同事話尖沙咀有間日本野非常抵食,所以今晚就去一試。燒多春魚:食落不但多魚子,咬落非常有口感,而且燒得香口,唔會太濃,加試檸檬酸既汁,令到多春魚更加有味道。明太子雞翼:將雞翼骨起掉,再釀上明太子,食落不但有雞翼的味道,而且還有明太子的香甜,加上蜜汁既甜味,令到明太子都吸收了,所以食落好特別。燒栗米:用上日本的香甜栗米,所以好大粒,加上再面上用上香味粉,食落將甜味帶出,比一般更加香甜可口。柚子雪巴:不可不食既甜品,不但用上整個柚子來製,而且用上正終日本貨,所以有別於其他,加上柚味香濃,絕對係飯後必叫。這裡環境非常大,而且服務一流,絕對係要一試。 continue reading
(The above review is the personal opinion of an user which does not represent OpenRice's point of view.)