一輪 (一門町市場)

Open Now

Now Closed

北海道十勝和牛係稀有的高級和牛之一，品質控管嚴格，肉質細緻柔嫩，估唔到喺荃灣可以用一百蚊鬆啲嘅價錢，就食到3款唔同味嘅和牛漢堡套餐，真係抵到爛呀！餐廳入面有兩個輪，顧客圍住坐，店員就喺中間煎漢堡所有套餐都有麵豉湯、中華沙律、日本生蛋同埋日本珍珠米飯。麵豉湯都真係好足料㗎，有豆卜、雜菌、海帶等，仲好大碗添！至於生蛋就喺撈飯食嘅，因為打得太偏，就唔影相畀大家睇了套餐D $128三重芝士和牛漢堡+微辣番茄和牛漢堡+原味漢堡：啲漢堡真係好厚身，同埋好軟嫩，入口即融！身為芝士控的我最推芝士味，鹹香惹味，配飯一流！番茄味都唔執輸，辣辣地，又酸酸地，非常開胃！套餐C $118甜洋蔥燒汁和牛漢堡+黑松露忌廉汁和牛漢堡：覺得餐廳真係好有創意，連黑松露忌廉都有，高級配高級！豬雞漢堡 追加$45呢款係期間限定的漢堡，以北海道戶米豬同免治雞肉混合而成，同樣都係頂級豬肉，入口甘甜，比較有口感！炒野菜 $32健康啲加道菜，又幾新鮮，食落好爽脆，同埋特別清甜！烤鱈魚乾 $28魚乾香脆，送酒最岩！

呢間「一輪」主打食日本和牛漢堡，聽講亦是香港首間和牛漢堡專門店。顧客可在座位上觀看師傅整個煎漢堡過程，每個顧客面前都設有一個預熱的鐵板，師傅把煎完的漢堡直接放到預熱鐵板上，確保顧客食到每啖都是熱騰騰的漢堡。我今次試咗期間限定嘅套餐「黑松露忌廉汁和牛漢堡和甜洋蔥燒汁和牛漢堡」，套餐還包咗麵豉湯，泡菜，日本雞蛋和白飯。師傅在食客面前把黑松露忌廉汁淋上熱騰騰的漢堡上，黑松露忌廉汁充滿奶香和菌香味，非常濃郁醇厚。而另一塊漢堡係甜洋蔥燒汁，咸中帶有香濃洋蔥甜味。主角漢堡扒肉質好鬆軟多汁。另外叫咗一杯Asahi桃味有汽果酒，整杯充滿濃郁香桃果肉嘅有汽果酒，非常香甜，略有點兒蓋過咗Asahi酒味。

荃灣荃新天地2期地下商店改頭換面，煥然一新，店舖林立，美食一條街！呢間位於商場一門町市場內嘅“一輪”，裝潢時尚簡約，係香港少有嘅手打和牛漢堡專門店，一於試試！叫咗兩set套餐，均配前菜、日本國產生蛋、麵豉湯及珍珠大米白飯(任添）套餐C→黑松露忌廉漢堡+甜洋蔥燒汁漢堡(各100g) $118（額外另加一件北海道和牛漢堡 $35)套餐D→北海道和牛漢堡+微辛蕃茄汁和牛漢堡+北海道三重芝士和牛漢堡(各100g) $128明太子雞翼兩隻 $32炸雞軟骨 $26牛肉薯餅 $18頂級食材漢堡厚度十足，香濃牛味又夠juicy，配搭不同口味醬汁能突顯不同口感，Oishi😋簡直係大滿足！物超所值，用呢個價錢可以食到自家農場養殖十勝產和牛，仲要係香港首間手打和牛漢堡專門店，唔使飛日本，荃灣就食到，ichiban😋👍臥虎藏龍，荃灣呢間手打和牛漢堡專門店真係不得了，一定要大力推薦畀朋友食😋

荃新天地一門町市場入面嘅一輪，係香港首間手打和牛漢堡專門店。店內設計好有日式風格，兩圈吧枱圍住中央廚房，睇住廚師喺你面前煎漢堡，煮完直接送到你面前嘅鐵板上，熱辣辣即刻開餐。北海道十勝和牛漢堡主角當然係呢款自家農場養殖十勝產和牛做嘅漢堡扒！和牛肉質鮮嫩多汁，煎到外層微焦，內裡仲保持住嫩滑嘅油脂香味，咬落去啖啖肉汁，好食到停唔到口。而醬汁係呢道菜嘅加分位，唔同套餐分咗幾款口味：原味突出咗和牛本身嘅鮮甜同油脂香，啱晒鐘意原汁原味嘅人。三重芝士芝士濃郁得嚟唔會太膩，融化後包住漢堡扒，每啖都係軟綿綿嘅幸福感。微辛番茄番茄醬帶少少微辣，酸酸甜甜好開胃，平衡咗和牛嘅濃郁味道。黑松露忌廉松露香氣十足，忌廉滑口，呢款醬汁高貴又滿足。甜洋蔥燒汁燒汁帶有少少甜味，洋蔥嘅香味滲透入醬汁，令漢堡扒更惹味。配料方面，珍珠米飯粒粒飽滿，帶住少少黏性，配埋漢堡扒非常夾；日本蛋係半熟狀態，蛋黃流心，拌飯一流；麵豉湯味道濃郁，帶有豆香，飲完暖晒個胃；泡菜酸辣適中，為整餐加咗啲清新感。小食： 煙三文魚沙律三文魚夠鮮，配埋清新嘅沙律菜同和風醬汁，味道清爽，食完覺得好解膩。牛肉薯餅外層炸到金黃香脆，內裡係嫩滑薯蓉同牛肉粒，咬落

慢燒d肉以為會燒乾晒不但無燒乾仲好多汁黑松露味唔會過重，剛剛好，較淡蕃茄汁微酸三重芝士正常另外枱面仲有燒汁d燒汁就咁撈飯都好食另外每位仲會俾生雞蛋不過泡菜有奇怪唔太夾

星期六見有位，所以同屋企人一齊黎食，叫左3個set 同2個小食，侍應（身高比較矮嘅女仔）上牛肉餅時，服務已經麻麻，啪一聲放喺我側邊，而唔係放客人嘅中間，然後我request 要沙律醬，佢遞黎嘅時候仲攪笑，放喺條橫博上面，咁嘅服務要收加一服務費？？我唔要求好似高級餐廳嘅服務，但最基本禮貌，人地問你攞野，都唔會求其咁樣放掛？如果咁唔願意服務客人，一係就唔好收加一，我唔介意自己去攞，又或者你轉行唔好做服務業。

我一直心心念念喺日本食過嘅和牛漢堡扒，估唔到喺香港都比我揀到間性價比高嘅和牛漢堡扒專門店「一輪」，佢地係香港首間手打和牛漢堡扒專門店，以自家農場養殖十勝產和牛使用，提供多款口味嘅和牛漢堡扒套餐同小食，套餐包括泡菜、麵豉湯、日本蛋同無限追加嘅珍珠米🍚每次食親漢堡扒我都要追加米飯😆套餐C黑松露忌廉汁｜甜洋蔥燒汁｜追加原味呢個套餐包括兩款口味嘅和牛漢堡扒，大食嘅我再追加多一件原味😋食客圍住圓型餐枱可以見到店員即燒漢堡扒，確保每一件上碟時都係熱氣騰騰，之後就會淋上不同口味嘅醬汁，先食咗原味先再點上蛋汁，蛋汁令和牛更加軟滑，原汁原味👍🏻松露忌廉汁香味濃郁，但又不會搶過牛味，鍾意食黑松露嘅必點，洋蔥燒汁係咸甜嘅口味，洋蔥嘅清新，令肉嘅鮮味更加突出，兩款醬汁拌飯一流套餐D原味｜三重芝士｜微辛蕃茄汁芝士迷推介👍🏻店員將溶化嘅芝士淋上漢堡扒，之後再刨上芝士碎，creamy幼滑嘅芝士包裹住每一啖和牛，芝士同牛肉真係絕配😋蕃茄汁味道酸酸辣辣，配上和牛可以解膩仲更加開胃，原味仲可以自行配搭燒汁、黃芥末、日本辣椒油，每一啖都試到不同嘅口味薯仔沙律我最愛嘅日式沙律😆粒粒嘅薯仔加上雞蛋、青瓜、紅蘿蔔、蟹籽，口感綿密

【荃新天地和牛漢堡扒驚喜店🔥 百元食到日本風味】 📍 荃新天地二期真係臥虎藏龍！呢間和牛漢堡扒專門店，$100套餐竟然有驚喜～ 🍔「三味漢堡扒盛宴」 • **蕃茄惡魔漢堡**🍅：用新鮮茄蓉熬製醬汁，酸甜濃郁到黏嘴唇！微辣漢堡扒肉汁💦同蕃茄醬上演完美二重奏 • **芝士火山漢堡**🧀：師傅即席刨芝士碎成雪山，超邪惡 ，滿滿熔岩芝士醬，芝士碎慢慢在你面前溶掉，再一大口吃• **原味和牛漢堡**🥩：簡單蘸他的秘製醬汁，食到100%和牛香 🍚 套餐暗藏彩蛋： • 前菜溫泉蛋麵豉湯🥚 • 珍珠米任裝！粒粒分明 •👨🍳 開放式廚房睇住師傅手打漢堡，200g肉扒足足3cm厚！～ #荃灣隱世和牛 #芝士控必試 #超高性價比 💡 秘技：午市有特價$68套餐

今日同家姐去荃灣覓食，行過荃新天地見到有間手打和牛漢堡專門店人氣幾旺，門口仲有人等位，我哋都跟風試吓！ 我哋嗌咗兩個套餐，呢度嘅套餐每個餐都包咗泡菜生雞蛋,麵豉湯同埋白飯，抵食！ 套餐A係原味和牛漢堡配微辛番茄醬汁，牛肉juicy得來唔會太膩，個醬少少辣幾開胃。套餐B係三重芝士漢堡，芝士控必試，拉絲效果超正，仲有微辛番茄汁好好味。 小食方面，炒野菜用牛油炒香味十足，即使用牛油炒都唔會太油膩；明太子雞翼炸得脆口，入面餡料足，食到粒粒明太子。最驚喜係個清酒煮蜆，湯底清甜帶酒香，蜆肉又冇沙，飲晒成碗都唔口渴。 服務態度好值得讚，同員工傾開計先知佢呢間係自家農場養殖十勝產和牛，香港首間手打和牛漢堡專門店，真係抵食！如果喺荃灣想食手打和牛漢堡，呢間可以encore😋

荃灣隱藏版和牛漢堡扒專門店🔥性價比超高‼️今次發現荃新天地2有間超正嘅和牛漢堡扒店「一輪」🤩 最平$68就有100g和牛漢堡扒套餐 仲包前菜、日本蛋、麵豉湯同珍珠米飯🍚 坐吧枱仲可以睇師傅即場煎 超有儀式感✨和牛漢堡扒用北海道十勝同澳洲A5混合🥩 煎到外脆內嫩 juicy到爆💦 筋位有咬口又唔會太肥 正到癲啊！我點咗微辛蕃茄汁 微辣帶蕃茄香🌶️🍅 配飯一流～飲品推薦葡萄味梳打🍇 清新唔會太甜 UCC無糖烏龍茶茶味濃郁🍵 2人食到飽飽都係$3**加一服務費都抵！整體評分9.9/10🌟 和牛控必試！快啲bookmark低

今日我終於黎食呢間想食好耐既香港首間手打和牛漢堡專門店，呢到主打係用自家農場養殖既十勝產和牛，有唔同既套餐揀我地分別點咗套餐C同埋套餐D，全部漢堡都係見到佢即刻燒，所以都要等一陣先有得食套餐C有2件漢堡，但就係唔同既口味，第一件就係洋蔥燒汁和牛漢堡，洋蔥燒汁漢堡味道好香，煮得岩岩好，肉質好鮮嫩，而且咬落去係爆汁，搭配埋洋蔥燒汁，個感覺好清新，可以同漢堡既油膩感相抵消，令人食得好順滑！至於黑松露忌廉汁漢堡，呢個真係驚喜！忌廉汁好濃郁，加上另外加既黑松露油，有種好獨特的香氣，令到成個漢堡好高級，食落去好享受另外叫既套餐D就有3件漢堡，分別係原味和牛漢堡、微辛蕃茄汁和牛漢堡同埋三重芝士汁和牛漢堡，微辛蕃茄汁漢堡帶有少少辣味，搭配上新鮮的蕃茄，有種西式既感覺，而且酸酸地好開胃，至於三重芝士汁漢堡係今日既MVP，因為個芝士汁味超濃，佢仲係面頭再刨左芝士碎，芝士碎因為好薄，個口感好輕，但芝士味就好濃，包著左件漢堡咁，食落去每一淡都好滿足，芝士控最愛另外，我仲加咗免治雞肉漢堡，呢個選擇亦都唔錯！雞肉漢堡鮮嫩多汁，燒到外皮煎香，口感反而比較扎實，搭配上特製的醬料，味道清新。最後，清酒煮蜆亦都好好味，蜆

下午去荃灣行街街平時大排長龍的和牛漢堡竟然唔洗排隊即刻衝入去和牛漢堡係自家農場養殖十勝產和牛即日手打，即叫即煎店員燒好後，會放係座位前的獨立鐵板上確保食個陣仲會熱，可以慢慢細心品嚐。分別叫左套餐D同期間限定餐套餐D有3塊漢堡原味和牛漢堡，三重芝士汁和牛漢堡，微辛蕃茄汁和牛漢堡期間限定係2塊北海道千歲米豚鷄肉漢堡2個套餐都附送前菜，日本國產雞蛋，麵豉湯，同白飯(任添)漢堡厚度十足，牛味香濃加上微辛蕃茄汁，甜甜辣辣好和諧，再撈飯食一流三重芝士汁直頭視覺美覺大享受，米豚雞肉漢堡同樣鮮嫩多汁配上店鋪特調燒汁，令整體肉味更突出或者點番微辛蕃茄汁或三重芝士汁連同撈左蛋既飯食，真係停唔到口另外叫左2款小食清酒煮蜆清酒味香而唔會太濃，蜆肉鮮甜炒野菜椰菜加上菇同紅蘿蔔一齊炒，未等到漢堡到已經食得7788最後叫埋原味波子汽水+葡萄味波子汽水呢個午餐超級滿足

推介: 明太子雞翼好好味!點左套餐D, 3件和牛漢堡 (原味 / 香辣番茄汁/ 芝士汁)我較會選原味, 香辣番茄汁&芝士汁, 不是不好味, 或不太合我個人要求, 原味獨自更精彩.如再來食, 我會揀走醬. (卵建議醬另上)湯: 可以.泡菜:沒問題.飯: 大大碗的.和牛漢堡: 都好味. 但唔好同大佬比.在旁有三款醬料(醬油, 辣油, 黃芥末)供應,  最讚有壺水在旁, 唔使走幾轉, 夠細心, 我是有暗示的.抽櫃內有湯匙紙巾提供, 夠細心, 我亦都是有暗示的.係唔同的, "大佬"有"大佬"應有水準, 但唔想排隊, 又想食, 都是可以的選擇.

套餐D有3個漢堡，原味、三重芝士汁同埋微辛蕃茄汁各一，個漢堡係用北海道十勝和牛去整，加咗少量洋蔥、香草同其他調味料，味道唔錯，望住廚師喺席前一路燒，真係會食指大動🔥三款入面最鍾意蕃茄汁，蕃茄嘅酸味同輕微嘅辣度減輕咗漢堡嘅油膩感，至於芝士汁都落得好足，廚師仲會即場刨啲芝士喺面，味道相當濃郁，仲做到拉絲效果🧀套餐仲包括泡菜、日本生蛋、麵豉湯同埋白飯，麵豉湯入面有海帶同菇，唔夠飯可以添加🍚除咗漢堡套餐，仲有啲小食叫，今次叫咗炒野菜同埋明太子雞翼～

朋友成日話要食香港首間手打和牛漢堡專門店～佢地係自家農場養殖十勝產和牛！ 我地終於食到啦😍叫咗套餐A和套餐C❤️套餐A有原味和牛漢堡同微辛蕃茄汁和牛漢堡。原味漢堡肉質鮮嫩多汁，保留了和牛的濃郁肉香，加埋隻生蛋， 令和牛更滑嫩! 唔落任何調味， 已經好好食！ 微辛蕃茄汁和牛漢堡酸辣平衡，非常開胃。❤️套餐C有黑松露忌廉汁和牛漢堡同甜洋蔥燒汁和牛漢堡。黑松露漢堡香氣濃郁，忌廉汁滑順卻不膩，好惹味；甜洋蔥燒汁帶有微微焦糖甜味，與和牛的油香好夾。每款套餐均配前菜、日本國產生蛋、麵豆湯及珍珠大米白飯，米飯可無限續添。❤️炸雞軟骨，外皮酥脆，內裡軟嫩帶嚼勁，調味岩岩好！ 送酒一流。❤️Asahi熱情百香果有汽果酒清新的百香果香氣，酒精感溫和，入口清爽! ❤️明太子雞翼炸到外脆內嫩，入面有濃郁的明太子，鹹鮮中帶有微微辛辣👍🏻