仙葉 (17W大樓)

Open Now

Now Closed

今日經過科學園，下午茶時間見到呢間餐廳又有野飲買又有下午茶餐，所以試下～.食物就正正常常，蛋餅幾好食，好足料又好味，不過個麵就麻麻地，漿住個口但又無乜味道。鹽酥雞同鹽酥雞扒都可以，雞扒都幾大塊～抵食'珍珠奶茶就唔錯👍🏻幾好似，推介白桃黑糖麻糟烏龍拿鐵，桃味好足 叫左少甜唔會太甜～如果去科學園想食個下午茶係ok的 平平地

今日去踩單車，順便入科學園hea 下，再食 Tea。見到有大路牌介紹餐廳，同埋位置，原來有好多餐廳係入面啲座數。跟住地圖慢慢行，最後去咗仙葉食，因為有大大杯台式飲品，同埋環境舒服。- 巨人鹽酥雞扒拼炸地瓜條 及 迷你田園沙律地瓜條比較乾，同埋硬，食唔慣，都係薯條好食啲。鹽酥雞扒份量夠，外脆內嫩，味道幾好。- 醬燒豬軟骨肉燥飯豬軟骨好硬，咬唔開，食咗兩舊，就已經放棄。肉燥飯比較好，夠味道。- 符碌茶 (Fruit Tea)符碌茶，即係水果茶，玩英文食字。水果種類算多，賣相都ok，味道清新。

💛大雞排肉燥飯大雞排肉燥飯絕對是令人垂涎欲滴的美食。一大塊金黃酥脆的大雞排放在熱騰騰的米飯上，它的外觀就令人垂涎欲滴。大雞排的肉質鮮嫩多汁，炸得恰到好處，每一口都帶來了滿足感。米飯上的肉燥和滷汁更是為整體口感增添了豐富的層次和風味。肉燥醬汁濃郁，帶有微微的甜味和香氣，與大雞排的鹹香完美結合。每一口都讓人愛不釋口，讓我一試難忘。💛鹽酥大雞排湯新竹米這道鹽酥大雞排湯米粉絕對是我品嚐過的最特別的湯品之一。當湯碗端上桌時，一股濃郁的香氣迎面撲來，讓人垂涎欲滴。湯裡滿滿的大雞排塊肉質鮮嫩，外皮酥脆，每一口都帶來了濃郁的口感。湯頭清爽，帶有微微的鹹香味，與大雞排的香脆完美搭配。米粉的軟滑口感與湯品的濃郁口味相得益彰。湯裡還加入了一些蔬菜和配料，如豆腐、海帶和蛋花，增添了湯品的營養價值和口感層次。每一口都散發著濃濃的家常味道，讓我感受到了溫馨和滿足。

這間店好像一直很多人排隊，應該不會太難食，但實則不然。紅燒半筋半腩湯麵（78元，包一瓶樽裝飲品）：- 湯底：沒有什麼特色，略帶鹹味，失敗。- 麵底：較淋，不爽身，沒有什麼味。- 雪菜：一般，正常味道，略膩。- 牛筋：有異味，但軟淋，比正常差。- 牛腩：肉質鞋身，味道一般，比潮式粉麵牛筋差，有點像煲湯肉，也沒有什麼脂肪位。- 紅蘿蔔和白蘿蔔：比較好的食物，淋滑，也軟淋，不會有苦味。奶茶：茶味欠缺，奶味較重，但有點怪味，差，也有點過甜。總體：最後只吃完所有牛腩和牛筋，麵沒有吃完，奶茶只飲了幾啖，因為實在不合格，不會再光顧。而且，因為科學園很多人食午飯，所以待應好像想將翻桌率提高，竟說這枱（我們的枱）就快走人，有點不禮貌。

今日叫左四份套餐，一份系豉油雞腿肉燥飯配時令果茶，味道可以，另一份系咖喱牛筋腩飯配即磨咖啡，味道可以，重有兩份鹽酥大雞排湯麵，番茄濃湯，轉左豬排，好味配台式奶茶，最後一份都系鹽酥豬扒湯麵，麻辣湯新竹米粉配台式奶茶，超級好味，但係米粉分量較小

我到底食咗啲咩？叫熊貓外賣價錢貴過堂食我明吖，但係收$90個麵俾啲咁嘅嘢我？打開碗蓋差啲講粗口，我叫咗五香肉丁麵咩？-半筋半腩？佢哋肯定？牛腩 = 4粒牛肉粒，係粒呀牛筋 = 2條手指尾咁上下大細粗少少-蕃茄湯底甜到糖水咁-麵粉湯麵可以腍到一pat嘢咁真係-磁-能-線-呀！至於杯茶...同個麵比叫做入得口囉厚乳茶？色水睇落似好多奶，但一定唔係厚乳，茶味冇乜，芋圓煙韌不過冇味，唔好期望太高。唔會再有下一次！

喺科學園，想飲珍珠奶茶真係無咩選擇！台式飲品店真係得i.teeea🥲（如果唔係就要飲Mccafe嘅珍奶）今日係星期五 happy Friday 梗係要飲返杯～佢哋最近仲要轉左新Menu，我就叫咗黑糖仙圓厚鮮乳（其實即係黑糖珍珠鮮奶）已經叫咗少甜，都係超級甜！我已經係好鍾意食甜野嘅人，連我都覺得甜，咁真係太甜下次如果再飲分分鐘要叫走甜！可能因為佢d珍珠本身已經有黑糖浸過所以咁甜不過佢地就真係比咗好多珍珠，大概三分之一杯都係！所以呢杯嘢飲完真係唔洗食dinner都得

今天中午我和一班同事去這間台式餐廳吃午飯，這間餐廳的位置不多，但很感謝當時很快就可以也找到位置坐。進去餐廳後,，我便叫了一碗招牌炸雞扒肉醬飯和一杯珍珠奶茶，因為我朋友有免費甜品票，所以便換領了一個芋頭仙草甜品。😍下單後不到五分鐘就上菜了，肉醬味很濃，而炸雞扒很香脆，份量也很多，再配上一些胡椒粉來吃，味道會更佳。很可惜的是奶茶太甜😖，喝一啖已經感到很甜，所以學到一半就沒再飲了。多食芋園仙草甜品裏的芋圓很好吃😋，煙煙韌韌的，口感很好，感覺也很豐富。整體而言，用餐感覺也不錯，食物不差、環境不錯，可惜比一般餐廳的價格稍為昂貴，所以自己也不會經常來這間餐廳吃🙏🏻

📍 @i.teeea in ShaTinTaiwanese #仙葉 Food: 💛💛💛💛🤍Décor: 💛💛💛💛🤍Service:💛💛💛💛🤍Price Value: 💛💛💛💛🤍Price Range:💰 $100-$200Favourite:💖 Curry chicken rice ------------------------------- located in Science Park 17W, around 30 minutes walk from University station, suggest to go there by minubus / bus/ taxi-Near the cycling route, you may have a nice cycling experience / little walk along the harbour and have nice tea at this restaurant - The menu offers a wide variety of delicious and mouthwatering choices f

今日中午叫咗B餐日式錫紙豬軟骨好好食，味道好特別，好美味，冇令我失望！俾附近餐廳更用心烹調！值得欣賞照顧到科學園上班人士需求，所以特登留言支持你哋，請你地繼續加油！

平時都好少機會經過沙田，今次踩完單車就去左搵野食。今次試咗佢地嘅巨人鹽酥雞扒，份量真係好多, 而且炸得好香脆，但係肉質又唔怕乾。同埋會配埋沙律同埋炸地瓜條，真係好抵食

疫情終於開始冇咁緊張，住附近咁耐都係第一次見到海傍嘅單車徑從琴日開始就人山人海，見到間間餐廳都幾乎開始排隊嘅感覺真開心，而且仲聽講疫情會喺今年內完結，心情仲好添。所以今日帶着美好嘅心情，再次嚟到呢間台灣餐廳仙葉食嘢，困住自己喺屋企兩個月冇出過街亦都唔敢四周圍去食嘢，一見到呢間餐廳個肚已經開始飢腸轆轆，流晒口水。所以諗都唔諗就叫咗一個最抵食嘅套餐大雞扒飯，再加多一杯黑糖珍珠奶茶。呢件久違嘅雞扒依然都係咁大塊，大到我一個人真係食唔晒，不過今日我係懷着極度飢餓嘅心情當然就食得晒啦，味道同兩個月之前嚟食嘅一模一樣，外酥內嫩，又够juicy, 真係人間美味。希望疫情快啲結束啦，咁我就可以日日都唔使提心吊膽咁樣嚟食飯喇！

聽朋友講仙葉嘅下午茶餐☕️幾抵食，所以今日就去買外賣嚟試試😋～仙葉雪糕🍦一口吐司🍞配迷你田園沙律🥗及炸地瓜條🍠（$48）一口吐司🍞同炸地瓜條🍠，都係炸到金黃色，非常鬆脆～吐司配埋雪糕🍦一齊食，食落就好似冇咁油膩🤤。田園沙律🥗醬汁似乎太甜，如果醬汁係酸酸甜甜應該會好食啲…芝士🧀海苔肉鬆蛋捲餅🥚配迷你香菇肉燥米（$46）蛋捲餅🥚裡面都幾多芝士🧀，但係就唔太食到肉鬆，menu圖片個蛋捲裡面明明有超多肉鬆😶…而肉燥米粉就硬左少少…

一直都有外賣食呢仙葉嘅鹽酥大雞扒肉燥飯 份量夠足 覺得外賣收$78好合理 點知突然塊雞排大細變左1/3 好失望🥶仲要收一樣價錢$78 如果以後仲keep住呢個份量 唔該改名唔好叫做大雞排

成日都想飲珍珠奶茶🧋，所以今日lunch就去左買台灣野嚟食～😙鹽酥大雞扒肉燥飯（$68）+珍珠奶茶（+$5）一打開盒飯真係嚇親😂，估唔到咁大盒，超大塊鹽酥雞扒🐥，肉質鮮嫩、酥脆香口，一啲都唔硬，調味岩岩好👍🏻；肉燥飯嘅肉都唔會過肥，豆腐鮮嫩，滷蛋🥚都非常入味，呢個價錢食到咁有質素、大大盒嘅台灣風味，都幾抵食😋買午餐加$5轉飲珍珠奶茶，我覺得佢偏甜，因為平日飲珍珠奶茶會揀無糖😂，但呢度無得揀甜度。呢間餐廳嘅珍珠奶茶用左「巨型益力多」形狀嘅膠樽嚟裝，外型都幾cute😆