I-O-N

位於觀塘九龍東如心酒店2樓的「I-O-N」，係一間主打半自助餐的餐廳🍴晚市半自助餐成人每位$458烤日本宮崎A4和牛西冷日本宮崎A4和牛西冷烤至五成熟，厚薄適中，脂肪雪花比例均勻，口感香軟，牛味好濃郁，不得了哦法式原條龍脷魚原條龍脷魚份量十足，賣相吸引！肉質軟腍，滿有魚鮮味，幾好食！伴碟仲有烤蔬菜及牛油薯蓉，滋味飽肚又健康澳洲水耕蔬菜沙律吧、雜錦刺身、冰鎮海鮮及中西餐湯都係自助形式～沙律菜選用澳洲水耕蔬菜，口感爽脆，夠晒新鮮健康，配埋煙三文魚就perfect match凍海鮮包括有蟹腳、蜆、青口同蝦雜錦刺身有三文魚、吞拿魚、甜蝦、北寄貝、馬刀貝、𩶘魚、八爪魚及希靈魚，每款都富有光澤，充滿鮮味另外餐湯都係必飲的！中湯：佛手瓜栗子甘筍湯；及西湯：法式海鮮湯，兩款湯都勁足料，好好飲！亦設有自助水吧及咖啡機，食客可以自行調配奶茶、檸茶及咖啡等等飲品仲有大廚即場烹調更多美食：酸辣青口、蝦多士及經典法式橙酒煮班戟最後仲有多款新鮮水果、精美甜品及Häagen-Dazs雪糕總括而言，食物質素有水準，店員服務周到，係一間性價比高嘅餐廳…Read More

星期日食半自助餐午餐，前菜種類唔算多，除咗蝦同青口外其他質素都只係普通，我只係食咗一轉就冇嘢再食啦！坐低無奈已經俾人催落單寫主菜，偏偏我朋友食完佢份魚，我份和牛都未到。主菜我揀咗和牛，同佢講五成熟，嗰種五成係中間五成，旁邊十成囉！成嚿牛都幾嚡，要多啲咀嚼！而咖啡啲味比較淡，味道亦都麻麻地！雪糕係dry，有三款味道揀，對於唔識咖啡味嘅我就冇乜味好揀啦。兩款蛋糕賣相唔係好吸引，所以放棄咗。旁邊有一台六個大人三個細路，係一個U字型嘅位置，佢哋啲聲傳出嚟都相當嘈，我想同朋友傾吓偈都有啲困難。…Read More

見食評有讚冇彈.今次即本試下!半自助午餐12:00開始,入埸只見幾枱客,環境幾清静,座位間格都好寬濶,分左幾個區,就算滿座都唔覺人頭湧湧!食物方面,有cold cut,撈好嘅沙律幾款,煙三文魚,凉拌菜,中西湯各一,有茶/啡,但冇果汁,腐竹糖水做甜品,西餅/蛋糕欠奉,亮點只有哈根大師雪榚四款!主菜就點左黑松露意粉$228,味噌比目魚$258,慢煑牛肋條$258.....味道正常,唔算有驚喜!一週每天有不同優惠,當天週二就係牛扒七折,但佢牛扒配葱油$308,牛配葱油怪怪的,所以冇揀!整體來講,不用預購各大平台券,因為買券只包最平的一款主菜,其他全部都要加錢埋單!總结,午市半自助餐,食物質素算新鲜,招呼殷勤,但唔算超值,一試冇妨,再食就....註:飲品加番果汁,甜品加番西餅/蛋糕....會合理啲囉!…Read More

買二送二優惠，所以價錢算超值，再加錢食斧頭扒，四位用，我們聽從店員建議點五成熟，但都係太熟，且有點硬，可能同店員燒得太耐有關，所以我寧願食普通牛柳好過。buffet bar算係咁，選擇唔算多，但應有嘅海鮮、湯、沙律、刺身、甜品及咖啡茶，你都可以找到，味道算唔錯。尤其凍熟蝦，大隻之餘，肉質亦鮮甜彈牙。環境及服務亦算滿意，但可能位處偏僻，在觀塘Nana hotel樓上，行過都唔會留意到，所以客人真係唔算多。…Read More

週年午餐, 揀選了觀塘如心酒店I-O-N, 勝在夠近. 差不多一年沒來午飯了, 中午的半自助午餐食物種類比往年的遜色.  自助的頭盤款式, 有十多款可供選擇. 青蘋果提子沙律, 藜麥沙律, 泰式沙律, 酸青瓜木耳涼拌菜, 煙三文魚, 火腿, 芝士等等…湯類: 中西式各一, 我選了薯蓉湯,  可以. 糖水: 腐竹糖水, 稍嫌口感比較黏, 沒有腐竹的味道, 甜得來不夠清.Haagen-Dazs 有三款: 士多啤梨, 曲奇, 咖啡味. 水果:  原個香梨, 西瓜, 哈密瓜, 菠蘿主食:羽衣甘藍菠菜忌廉意大利粉菲達芝士香烤卡真燒雞(半隻)焗三文魚配是拉差蛋黃醬菠菜蝦仁茅屋芝士燴飯港式咖喱燴羊膝配馬鈴薯香煎斧頭豬扒配港式豬扒汁烤澳洲肉眼牛扒配港式蔥油豉油王大蝦配XO醬撈粗麵就是沒有看過菜單,  就衝著來, 想好的牛扒,  竟然配上蔥油. 新菜式也試一下,  試了一口, 還是喜歡蔥油配雞呢~ 幸好有禮的服務員送上燒汁. 牛扒五成熟似七成熟, 外皮如牛肉乾, 不好吃. 加配了玫瑰露煮青口, 味道清甜. 肉質可以. 份量比預期中的多. 匆匆一小時就過去, 還是努力去工作吧. …Read More