I Love You Dessert Bar (Closed)

好朋友知道我鐘意食「梳芙厘」，佢就帶左我黎依間只有外買的I love U，黎到門見到好多人向門口企響度食，你一啖我一啖咁好滋味！我都忍唔住立即去買翻個試吓先，門口有兩個坐位及有部風機！唔錯！好關心客人！第一啖放入口感覺上好似食緊芝士軟蛋糕，芝士味香濃，我額外加咗錢，加左個雲呢拿雪糕球，兩樣味道加埋顯得相得益彰！最重要係佢呢個價錢非常大眾化，仲要有期間限定！真係值得推薦比大家去食！如果兩個女仔去食可以叫一個，因為佢份量都唔細！情侶更加唔使講啦！好想快啲再去試吓其他味道！

哩間已經食過好幾次，真係一試難忘！而且價錢真係好抵呀！之前食過其他味同拿破侖，最推介嘅都係原味梳乎厘pancake！蛋味好香！食原味唔會比其他味道搶晒啲味。texture 正，有空氣感，但唔會食完好似冇食過咁！又唔會太實，啱啱好！搖嘅時候仲會震下震下😆最正係個價錢😂而家仲邊有咁平嘅甜品?!!!!出面嗰啲差唔多都要$80至$100🤦🏻‍♀️而且好多一係就食完好似冇食過，一係就太實。呢個原味梳乎厘性價比真係超級高，一定會再嚟食！最可惜係佢冇坐位嘅，而且現整嘅，都要等比較耐。附近仲成日滴水🙈 不過咁嘅價錢咁嘅質素，真係冇得再挑剔啦😆

Original Soufflé Pancakes ($29) + 豆腐雪糕 ($8).未獲米芝蓮推薦前已經想試，好彩而家仲係廿幾蚊就食到😍好fluffy好有蛋香味，唔會淨係食空氣😂配上豆腐雪糕，簡簡單單最好食💕(不過下次都想試下其他味xd)

經過白布街, 無意之間發現呢間小店賣pancake, 女朋友明明話好飽都要食叫左個原味忌廉pancake..勁鬆軟。。。蛋味濃郁 白噴噴原來係米之蓮推介正呀 仲要唔貴。下次試埋其他味先。

黃昏時間Tea 一 Tea~堂食的只有一張細枱加兩張櫈, 環境較遜色,外賣取走又會影響味道, 一般都是買完企門口即食, 街頭小食。花多眼亂~~樣樣都想食最後清清地點了忌廉芝士梳乎厘班戟 & 榛子吉士班戟拿破崙, 梳乎厘等了很久很久。。。差不多25分鐘, 食好野就是要等待。。。。1份有2塊, 份量真的不能看少, 足料厚厚的, 起初的5口真的好滋味, 啖啖班戟, 啖啖口感, 不會像有些別的一陣風似的, 唯蛋香不算很香濃。 5口後已經很開始滯, 吃完一塊要投降了。。建議一份2人食好了。拿破崙餅好脆但榛子十分甜。。

久聞哩間甜品小店常常有一條人龍，之前更獲選為米芝蓮車胎人推介街頭小食店之一。呢排趁天氣唔係咁好，理應比較少人排隊，所以今晚好好彩可以唔洗點排隊。店鋪只做外賣，由於店內只得一個爐頭位，每次能夠出品的最多是兩至三個order。所以雖說不用排長龍，但係由點餐到領取食物都需要等半個小時。賣相不錯，都好大件。我們點的是芒果梳乎厘班戟配雲呢嗱雪榚。班戟內部好鬆軟，但係不會一pat 槳糊咁,表皮煎得煙靱蛋香味不太重，但配合雪榚及芒果一齊食就好好味。最重要是價錢唔貴，對於現在的梳乎厘班戟動輒五六十蚊，這裏的甜品可以說是超值臨走前仲比我地見到另一個朱古力梳乎厘班戟好似好好味，下次去一定要試一試這個朱古力味！

天使梳乎厘班戟: 面層由焦糖脆脆、士多啤梨及忌廉組成，梳乎厘班戟充滿蛋香而且輕型綿密，配以酸甜的士多啤梨漿及奶滑的雲尼拿雪糕，令口感豐富起來，喜歡梳乎厘班戟的朋友可以一試!

食完晚飯再食甜品，呢間人氣小店，要等都合理，日本來梳乎厘班戟甜品店，價錢唔平又係要等，呢度原味班戟一份有兩件，只係＄29 ，厚身班戟既鬆軟又充滿蛋香，唔太甜，淡淡忌廉一齊食，啱啱好，另外呢個綠茶班戟都係加多$10，入面有粒粒紅豆丶綠茶湯圓再加一個雪糕，甜度合理，食完飯再呢甜品，超飽！呢個質素同呢個價錢—抵食啦👍🏻

啱啱經過旺角，見到有間米芝蓮得獎的甜品外賣店，一睇，係我最鐘意食的梳乎厘。由於平日下午，幾乎唔駛等。今次點了期間限定的日本水蜜桃梳乎厘，好軟身好味道，同油麻地另一間外賣梳乎厘店的好似樣。水蜜桃係當造，所以好新鮮！

話說有日加班，加到九點，兼夾未食飯餓到唔餓，心情鬱悶。一定要排解下對我來講食好野就係最快開心既方法馬上查一下有甚麼甜品店想吃又不遠重點可以一個人快手手過下癮而又不惹來異樣目光。結果就找上這裡。門口有高腳椅，落單後坐著等選了日本蜜瓜梳乎厘pancake配蜜瓜雪糕主角pancake好普通..沒蛋香...蜜瓜份量不少，但望下張相就知出事，係冰到硬哂，質地都變埋...泡既.....蜜瓜雪糕？真係唔係雪糕泥，但又唔係sorbet，因為係粗粒既冰....蜜瓜同「雪糕」都超級凍....我既敏感牙齒呀.....明白既呢個價錢.. 呢個質素都叫食左甜野.. 心情好過無食，但無幸福感...食完閃人。甜品界的快餐哈哈。

面卜見到有人介紹，又發現原來咁近屋企，拿拿聲拖老公陪我試😁我地去到唔太多人，基本上冇人龍，但仍然要等二十分鐘，我想像唔到有人龍要等幾耐😱老公本身想食其他味，話原味冇特別但我覺得原味先至食到係咪真係好食所以嗌左原味，另加豆腐雪糕😍老公話麻麻地因為空氣感太重，但佢不停咬冇放過隻叉囉🤨都晤知係咪嘅🤔就係呢種空氣感先叫疏乎里吖嘛都不知幾好食，蛋香味重，比起真正疏乎里冇咁空氣，加上個豆腐雪糕，正到爆炸😋😋係個cream太溶，一攞上手已經水流流Anyway我率之明白幾好食嘅野都會有人話唔好食，個人問題🤫不過呢度堂食只有兩個位，食完應該要自己執手尾，不過咁輕盈嘅食物，邊行邊食都okay 嘅老公話下次唔好預佢，咁我下次自己獨試其他味先🤤🤤

之前見過好多人排隊, 難得今次行過見冇乜人, 諗住試下, 叫咗一份骯髒朱古力味pancake加豆腐雪糕同男朋友share, 等咗大概二十分鐘... 原來好期待但食咗第一啖有啲失望...pancake 完全冇蛋味...可能朱古力味太重又可能我唔應該用日本嘅pancake 作為標準... 不過真係好普通亦唔覺得自己食緊pancake...男朋友俾嘅comment係唔明白點解可以係米芝蓮推介... 價錢都算合理喇... 但下次可以唔洗試喇

呢幾日天氣咁熱，真係唔多好胃口，經過旺角食肆雖然多，但係都唔知食啲咩好。突然經過一間甜品店，見到好多人排隊，作為一個咁八卦嘅我就梗係要睇下有啲乜嘢咁吸引啦。原來係食梳乎厘pancake,嘩.........好似好好味咁喎，佢個外相咁吸引，而且我仲見到佢攞咗米之蓮，咁我就梗係要一試啦。除非唔試，一試左就真係好難忙，因為佢真係做到好厚身，好鬆軟，而且震騰騰，好QQ.....仲要好重蛋香味，而且配上香滑嘅忌廉，香得黎又鬆軟👍🏻。而且價錢好大眾化，不過好可惜唔可以堂食，只可以企喺門口食，而且佢嘅pancake係即叫即做嘅，所以都要等20分鐘真係小啲耐性都唔得呀雖然等得耐，但係都覺得值得，因為自從喺日本食完之後，返到香港就好難搵到一間咁有水準嘅pancake

I love you dessert bar身為一個甜品狂，點可以唔試晒所有soufflé pancake，不知從幾時開始，呢股熱潮就嚟到香港，女仔總係有兩個甜品胃，一直都好想試旺角呢一間米之蓮街頭推介街頭小吃。旺角呢一間平民小店，其實可以叫做一間外賣店，因為只有門口的兩個座位，牆上貼滿了各式各樣soufflé pancakes 的照片，相當吸引。呢度選擇都幾多，除咗原味，仲有抹茶忌廉芝士味、忌廉芝士味、D24榴槤（配榴槤趣筒、雲呢拿雪糕）、日本紫薯味（配甜番薯、豆腐雪糕）、香濃朱古力雪糕、天使梳乎厘（配雲呢拿雪糕、焦糖脆脆、士多啤梨果醬） 剛來到嘅時候都約有10個人在等候，由於即叫即製關係，都等左超過15分鐘，每次望到其他食客的soufflé pancake 都忍唔住嘩嘩聲。等左20分鐘，我哋兩份soufflé pancakes終於嚟到。-📍外型：每件高度差唔多有兩吋。大小相若。-📍搖晃度:七級地震咁震😂(向左滑有片睇⬅️）-📍口感:-同am.pm. / bove 可以歸納同一類，都係偏向蛋糕質地。-都幾鬆軟，蛋香一般。-蛋糕中間部份帶點濕潤，但唔會有一種唔熟嘅感覺。-既然係蛋糕質地，

九龍東一日遊之甜品篇：行過路經旺角見到一間極不起眼既米芝蓮嘅梳乎厘班戟店，即時有衝動入去試一試，價錢亦都好平民化。我同我朋友就嗌叫咗兩款班戟，(朋友A)食日本紫薯梳乎厘班戟配甜蕃薯加豆腐雪糕，(而我)就食天使梳乎厘班戟配雲呢拿雪糕(裏面有焦糖脆脆加士多啤梨果醬)，係個咁熱辣辣嘅30度街上面 ，面對住一啖又一啖震震下嘅梳乎厘班戟入口即溶，涼浸浸嘅雪糕勁透心涼，簡直係一件賞心樂事。