阿鴻小吃 (Moved) New Location

#鹵水鵝片 🦆 ($218)去食潮州菜一定要試鹵水😏 雖然價錢唔平但份量都唔算少😅 鵝片肉質一啲都唔韌👍🏻 食落啖啖肉😋 鹵水夠哂入味✌🏻 唔會得個咸字😛#素鵝 🐦 ($68)招牌菜之一😎 其實係秘製腐皮🤣 豆味好重👏🏻 配特製醬汁甜甜地😊 同素鵝好夾🤤#招牌撈麵 🍜 ($78)有櫻花蝦、銀芽、葱同芝麻以XO醬炒🍝 味道帶微辣🌶 不過撈麵帶少少鹼水味🤔 食完會有啲口渴🤔#芥末雞腳筋 🐥 ($78)係出面未食過既小食😏 腳筋類似鳳爪但更爽口彈牙👍🏻 配芥末好開胃😋#蠔仔粥 🦪 ($68)同平時食既唔同😳 呢度既蠔仔粥偏向杰身🍚 而且帶有魚湯味🐟 蠔仔都唔算細粒🦪

慶祝牛一，有政府一幻資助所以食豪啲。今次點咗凍蟹、鹵水腐皮、南乳粗齋、雞飯、雞腳筋同招牌撈麵，每樣食品都非常出色，優良品質非常美味，侍應亦非常有禮貌同客氣，好食過上環角褲丞幫襯名店多多聲，一星美滋蓮實至名歸。

再普通不過的得獎潮洲菜館1️⃣素鵝(秘制腐皮)$68 👍🏻唯一認為不錯的小菜。軟滑腐皮卷味道吸收了秘制滷水汁的味道；份量也足夠2️⃣南乳粗齋$78南乳汁味香，但很清淡；還配上了心型紅蘿蔔片裝飾🥕3️⃣鹵水鵝片$218鵝肉肉質較諧；有滷水豆腐鋪墊底；滷水汁不過不失；整體而言較失望，性價比低4️⃣招牌撈麵$78（櫻花蝦、XO醬、銀芽、蔥、芝麻）味道普通，讓人想起了某牌子鮑魚撈麵的味道，但多了蔥絲和銀芽的豐富口感；另附上一碗火腿茸上湯，味道也只是像普通細蓉湯底 ————————————————————環境：5 /10服務：6 /10衛生：4 /10味道：5 /10性價比：低回頭率：5%

外賣餐牌左：千層朱大腸中：鵝翼右：鵝掌滷水鵝4份1下庄五香牛展麻香雞腳筋南乳粗齋由於疫情關係，屋企有老有嫩，真係唔適合外用膳，既然屋企人但想食好嘢，咁就辛苦啲，自己買外賣啦，我自己比較小食中菜，但都欣賞呢度既千層朱大腸，同麻香雞腳筋，好特別，係其他店都未食過仲有五香牛底超級腍，無牙都啱食

呀鴻小吃中式環境夠乾淨鵝翼比鵝掌好吃鹵水汁撈白飯一留鹵豆腐索曬鹵水汁好入味涼拌青瓜脆但略嫌唔夠入味醉鴨舌 酒味重夠juice蟲草燉湯 味道清甜足料 暖胃養生

從前於和富中心附近常光顧的阿鴻小吃原來搬了來觀塘，今天才被我發現，故此二話不說便決定入內回味一下鴻師傅的巧手造詣。還記得此小店當年已小吃作主打，到今天已經發展至有各式小炒餸菜的小酒家，厲害厲害。雖然菜牌琳瑯滿目，但我仍然鍾情於其小吃，當中首推雞腳筋、和鴨舌，這兩項是我當年必食。久別重逢未有令我失望，雞腳筋仍然是爽口彈牙，配以芥茉醬，很好；至於鴨舌亦仍然保留當年水準。最後，大家不可不知的就是此店的滷水豆腐，外皮的滷水固然香味十足，更重要的就是內裏的豆腐仍然很滑，難得。

阿鴻小吃，十幾年前細細個喺北角已經成日幫襯佢，嗰陣時最鍾意佢啲滷水野同埋嗰碟免費嘅鹹酸菜，不過自從佢搬走左之後都冇再食過。咁啱同朋友揸車經過觀塘，見到個招牌即刻諗住落去重拾舊歡，好在附近泊車又幾方便。講返菜色方面，阿鴻最強都係做滷水野，唔係一般市面上嘅可以比擬 － 佢用了好足，尤其是係嗰啲陳皮味同八角味好出。佢經典菜式係滷水鵝片，不過我個人就比較鍾意食佢嘅滷水豬腩肉，肥得來又爽口，加埋啲滷水味完全入晒去，食落特別開胃。另外值得一提嘅菜式係南乳粗齋，又係超入味，差不多剩返啲汁都想撈埋！除咗嘢食之外佢嘅湯水同糖水都非常唔錯，尤其是而家係秋天最適合整返碗蛋花腐竹糖水滋潤吓，價錢超值都係廿零蚊一碗。整體來說，阿鴻小吃係一間保有傳統風味，而且價格合理嘅精品小店，絕對地值得一試！

食物是不錯，可惜垃圾服務！當日好靜，得幾張枱有客，我地叫左幾個餸，食到一半都冇半個鐘，侍應已經係咁執枱，已經叫佢暫時唔使執住，唔聽，仲要黑面！我哋傾緊計俾你打斷幾次！到最後差唔多準備埋單，當時未夠一個鐘，又過黎執，我地講左句，唔使執住，唔該，我地準備走～ 佢竟然開聲鬧客！乜野事呀？！食飯未夠半個鐘，係咁執枱趕客走係咩玩法？仲要閙返個客轉頭？？？呢d侍應去到邊度做嘢都死。奉勸大家唔好去呢度幫襯 - 當天埋單$5xx~ 唔知以為免費！痴缐

今天中午經過這間阿鴻小食去了午餐食物方面總算可以，味道不錯，鴨舌 素鵝 、撈麵，麻辣雞腳筋 、鵝片味道算不錯，也過得去，但唔覺佢係米芝蓮嘅味道，最重要是待服務態度極非常差，食物味道品質再怎麼好也沒有用，服務態度對客人是很緊要的， 服務態度這麼差都會影響食嘢嘅心情與味道！唔知以為唔使錢食霸王餐😂😂😂Order緊嘢食侍應好似唔知要趕去邊甘，碗有食物殘留漬又洗得不乾淨，佢地行來行去好似好忙咁，倒水落水杯時成枱都係水，簡直就係貼錢買爛壽，想點啊？真係好似免費食咗佢餐飯，實在真可笑，本人奉勸大家大眾食家各位如果要食裝修服務態度千祈唔好嚟呢間阿鴻小吃

觀塘好多工廈餐廳，全都好有特色，不過好多是小店。但當中也有一間大名鼎鼎的米芝蓮星級餐廳「阿鴻小吃」。主打係鹵水鹅，潮州菜色。午市期間供應燒味鹵水碟頭飯。今午與两個男同事，共三條麻甩姥一起。三碟碟頭鹵水飯。滑雞鹵水墨魚片:雞件滑，墨片爽！鹵水鹅拼滑雞。鹵水鹅不傀為招牌菜式。一定要試！最重要係追加湯。好大碗，好足料！今日係蕃茄薯仔湯。阿鴻小吃是個經典香港人吃苦耐勞，白手起家，從路邊小攤而做到揚名世界的真人真事！

放工約老婆食晚飯，地點選在返工地點觀塘。想起阿鴻小吃，問老婆有冇興趣試試，老婆沒有異議，立刻起行。點了自己至愛素鵝，加招牌撈麵、鵝片拼掌翼及老火湯。素鵝保持水準，腐皮香滑，加上味道濃濃的滷水汁，不愧為我的至愛。招牌撈麵亦不錯。麵身非常幼細，但咬落非常彈牙。加上蔥絲及潮式辣醬調味，食落非常開胃。鵝片拼掌翼則有點失望。鵝片切得不夠薄，肉質亦不夠滑，加上有點肥，食落有點老，整體勉強合格。老火湯是粉葛煲豬骨，味道不俗。買單約$400 ，以質素來說， CP值尚可接受。

2019/07/28（晚）家人提議到觀塘鴻圖道83號地鋪的阿鴻小吃晚餐，這裡主打菜式以鹵水小吃為主。我們三個人，一共點了八份食物:①南乳粗齋 HKD $78②素鵝 HKD $68③招牌撈麵 HKD $78④（半）鵝肝 HKD $150⑤醉香鴨舌 HKD $80⑥海蜇拼墨魚片HKD $188⑦（例）鵝片 HKD $218⑧涼拌青瓜 HKD 38以上各款菜式，對於我的個人口味而言，感覺偏淡，尤其是招牌撈麵，幾乎係無乜味道，我未能感覺它的特色在哪裡？涼拌青瓜調味還行，不過就不夠入味。真要推薦的話，我覺得略帶酒香鴨舌還可，但不能說是最香。鵝肝入口即溶，點醋食口感更佳。

今晚終於去了阿鴻小吃，食物水準不錯，只是座位空間有待改善，全晚最得竟然係餐牌沒有的「义燒」肉質鮮嫩，甜度適中而且放入口中一㸃也沒有肥膩的感覺，今晚真係難得可品嚐，因為這道菜並不是日日有，聽聞今日有貴賓所以老板才一展身手不過價錢真的有點貴，除了义燒之外，值得推介係阿鴻撈麵，味道適中又有㸃XO醬同蝦米味，確實惹味，值得一讚.如果去，我提議一大班人去可以試多些不同食品。

今日我食滷水鵝片飯，肉質唔錯堅持跟白醋，有態度。素鵝，我說味太重。食完成口又乾晒...其實我都OK隔離枱就帶咗招牌撈面，有啲詐型話無味，問服務員有冇XO醬。其實蔡生原本諗住，可能要食出豬油原味！我呢餐冇詐型。環境可以啦，冇背景音樂，冷氣唔係好均勻，其實我要求都好高，服務員阿姐都算親切，但平時企埋一堆吹水多，滷水鵝飯伴菜喺扁豆，有制歌都是用心，湯係有味得紅蘿蔔粟米粉葛唔係好夾，湯就冇師傅，但其他菜式很多師傅！得閒試吓，冇問題。

連續五年米之蓮推介 阿鴻小吃非常有幸能一試鴻師傅親手主理私房菜好酒好菜、齒頰留香。私房菜的位置就在阿鴻小吃旁邊的大廈，同時也是他們的工場。叉燒素鵝 - 叉燒無敵，只嫌略肥。冰鎮鮑魚 - 花椒及滷糟味道做得剛剛好，入味爽口好吃。滷水豬大腸 - 腸穿腸，我吃過中的最好的。豬腳筋 - 輕輕有點日本芥辣的味道，很爽口，佐酒一流。滷水鵝肝 - 香中帶粉，但我還是稍為喜歡好蔡館的爽滑。南乳齋 - 簡單味美。現年六十六歲的鴻師傅，看起來10分年青，很欣賞他對食物的熱情和執着。聞說這裏的私房菜是有錢都未必吃得上的，實在是小女子的榮幸。