70
13
5
6-min walk from Exit C1, Whampoa MTR Station; 6 minutes walk from Whampoa MTR Station Exit C2
continue reading
Telephone
22525279
22525888
Opening Hours
Today
11:00 - 15:00
18:00 - 22:00
Mon - Sun
11:00 - 15:00
18:00 - 22:00
Above information is for reference only. Please check details with the restaurant.
Signature Dishes
Recommended Dishes
身邊的朋友都知我鍾情一盅兩件，更試過一日之內走訪三間不同級別的餐廳。位於紅磡Kerry Hotel的紅糖中菜廳，點心造型有心思，金魚餃、燒鵝酥、梨形咸水角同奶黃小柑都非常有趣，當然味道亦同樣出色，所以係自己同舊同事飲茶的好地方。而近日又有新點心出現，心思思又去試試。在蔚藍的天空下，四周景色都變得更立體，但30幾度氣溫，還是躲入酒店嘆杯茶更好。藕斷絲連（$78）蘿蔔絲酥餅食得多，之前是甘筍造型，今次加入芝士又幾有新意，依然用上日本大根，甜度有保證，賣相更是似迷你版蓮藕，切開見一絲絲蘿蔔，仲有芝士帶來拉絲效果，不單視覺效果一流，食落外層酥化而內裡是濃郁的蘿蔔香氣。雪山叉燒包（$88）很鬆化的外層，內裡是叉燒餡料，幸好叉燒醬未算太多，而且叉燒亦刴得夠細粒，我鍾意。巴馬火腿黃橋燒餅（$88）起初還以為是普通燒餅，但烘得色澤金黃，而且外層帶點酥化，餡料是巴馬火腿，揉合了中西食材的元素，雖然未必為大眾接受，但無疑肯嘗試是好事。鱘龍魚籽富貴蝦餃（$98）畢竟是酒店中菜廳，用料都份外講究，簡單的蝦餃都要加上鱘龍魚籽，矜貴之餘，餃皮搓得通透富彈性。蝦籽遼參和牛面札（$88）在傳統中注入新元素，是酒店中菜廳的玩法，似乎是淮山雞札的概念，以粗條蛋麵包裹遼參、鮮淮山以及遼參，淋上鮑汁與灑上蝦籽，賣相及食味都不錯，尤其是麵條沒太多梘水味，但似乎淋身些少，個人是偏好有嚼口的麵條。流心鵪鶉蛋燒賣（$88）細細個時，除了鍾意食舊式灌湯餃外，鵪鶉蛋燒賣是另一樣情有獨鍾的點心，一碟三件，但每次都係齋食鵪鶉蛋，置底豬肉通通奉獻比老爸，所以話每件點心都是回憶。今次將鵪鶉蛋釀入豬肉內蒸，而又能保持流心效果，即叫即蒸是正道，火喉的掌握亦見精準，豬肉份量啱啱好包裹整個鵪鶉蛋，好味。桃膠山藥魚湯泡時蔬（$248）是時候來點菜蔬清清味蕾了。莧菜蘸上了奶白的魚湯，多了一份鮮甜的感覺，加上健康的桃膠及山藥，真好。龍蝦湯蟹肉野菌炆伊麵（$248）始終都要有澱粉質打打底，驟眼看是平平無奇，原來龍蝦湯都給麵條吸去，食落好惹味，貪心一點，蟹肉重手一些更好。乾清棗皇糕（$78）黏性極強，口感Q彈，棗香味濃。紅糖甜品拼盤（$108）很喜歡紅糖的甜品組合，當中包括了琥珀合桃酥、奶黃小柑橘以及青蘋果菊花凍。建議大家由淡至濃去享受，尤其是合桃是蓮蓉及朱古力的組合，味道較重。今次幾款點心仍保持水準，未知下次又會帶來什麼驚喜？
continue reading
前排父親節唔知大家去咗邊度同爸爸慶祝呢？長輩通常會比較鐘意食中菜又要坐得舒服，所以我shortlist咗幾間中菜餐廳畀佢哋揀，點知有位嘴刁嘅屋企人原來一早已有心水，指名要去Kerry Hotel嘅紅糖 🫖 紅糖嘅點心賣相都相當精緻，燒味就更加出色，而且地方寛敞又有個大海景睇，的確幾適合家庭聚餐💁🏻♀️ 尤其是天氣好嘅時候去，沿路途經嘅海旁真係好靚 🌊📷 唯一有點小遺憾嘅係本身叫咗個龍蝦湯西施泡飯（屋企人話之前食過好好食）漏咗單無嚟，試唔到好可惜呀😿✧ 楓糖黑豚肉叉燒 $𝟛𝟛𝟠 （推介✨）✧ 脆皮醬油燒雞 $𝟚𝟡𝟠 （推介✨）✧ 原隻鮑魚燒賣 $𝟡𝟠 ✧ 七味椒鹽豆腐 $𝟡𝟠✧ 脆蝦紅米腸粉 $𝟠𝟠 （推介✨）✧ 海味雜菜煲 $𝟛𝟚𝟠✧ 菠蘿咕嚕肉 $𝟚𝟙𝟠✧ 雪山叉燒包 $𝟠𝟠 （推介✨）✧ 流心醬油包 $𝟟𝟠✧ 紅糖金魚餃 $𝟟𝟠-睇完記得 ƑօӀӀօա @todaynomnom ʕ•ᴥ•ʔ
continue reading
黎嘅時候都知價錢貴, 但係知道呢度有個靚海景, 同埋食評都有好高的評價, 所以都決定試下😜我地坐喺窗邊嘅長木枱, 好休閒好寫意咁嘆咗一個靚茶, 確實好有渡假feel🥰先黎三款醬汁分別係辣椒醬、醬油及自家製XO醬，我覺得自家製XO醬最惹味🥢😋雙籽鱈魚蟹肉餃$88餃皮薄得黎又煙韌彈牙好食, 餃面上層有蟹子同埋魚子已經非常吸睛, 咸香唔覺腥, 餡料非常充足, 有鱈魚及蟹肉, 鱈魚鮮味又好味, 蟹肉無鮮味, 味道適中, 又夠juicy🥢😋魚子金箔帶子餃$98呢個賣相又係冇得輸, 原粒帶子在面, 有金箔, 魚子及露筍點綴, 餃皮薄亦都係煙韌彈牙好食, 充足嘅餡料,當然有帶子及蝦在內, 調味唔濃, 食到佢嘅鮮味有肉汁🥢😋原隻鮑魚燒賣$98每粒燒賣配一粒鮑魚, 大概5cm, 同埋都幾厚, 食落有咬感但有少少鞋及韌, 鮑汁略甜, 但入味剛剛好, 燒賣皮蒸得唔太乾身, 啱啱好, 燒賣亦都大大粒, 豬肉爽口彈牙, 有肉汁, 有東菇香味, 調味過濃, 虾及豬肉大概6:4比例🥢😋紅糖蝦餃皇$88相當大隻, 賣相非常靚仔, 餃皮超薄, 彈牙煙韌好食, 餡料非常充足實揼揼, 食落juicy有蝦味, 蝦肉爽彈, 但無筍, 調味適中, 唔會影響到蝦嘅鮮味🥢😋紅糖金魚餃$78賣相滿分, 相當精緻, 金魚整得栩栩如生, 甚至連魚鱗嘅紋理都睇到, 確實好似响池塘裏面游水一樣, 真係唔捨得食, 但係餃皮偏厚, 而且過於煙韌🤪, 可以當作年糕咁食, 會感覺好啲😅🤣, 餡料係鱈魚欖菜, 同埋有少少薑味, 幾特別 , 口感嫩滑, 味道清淡, 配上偏咸嘅冬瓜湯底, 剛剛好🤣😂🥢😋松露鵝肝海鮮荔蓉盒$78炸得非常靚仔, 成個蜂巢型出哂黎, 芋角飛絲飛曬出嚟, 一睇就知正, 芋角外層夠酥夠鬆, 芋香濃郁, 綿滑, 炸得完全唔油膩, 餡料充足, 鵝肝非常大舊, 甘香無羶味, 有松露香味, 個人非常鍾意呢個荔蓉盒, 值得推介👍🥢燒汁廣島蠔春卷$78每條春卷都包得均稱靚仔, 而且炸得金黃, 唔算油膩, 春卷餡料有蠔肉, 杏鮑菇及肉碎, 原本幻想有原粒廣島蠔在內, 點知係攪碎左嘅廣島蠔, 因為燒汁比較濃嘅關係, 所以蠔嘅鮮味被掩蓋下去, 而且肉碎嘅比例比起蠔更加多, 所以食落去好似普通春卷咁, 可以話係燒汁春卷咯, 呢個就有啲失望🥢😋脆炸鮮奶紫薯盒$72蜂巢型又係非常靚仔, 外層鬆脆, 外層滿滿嘅紫薯蓉, 幼滑綿密, 中間鮮奶流心度剛剛好, 有啲似炸燉奶咁, 炸得完全唔油膩, 味道唔太甜, 唔太喜歡食甜品嘅朋友都可以一試叫左 8個點心, 除左廣島蠔春卷之外, 其餘每樣外貌精緻, 味道一流👍, 食物又可以打卡, 靚海景又可以打卡, 環境靚及座位坐得舒服, 確實高質, 所以貴少少都係值得!魚堅總評性價比 4👍(以5👍為滿分)
continue reading
.♦ 脆蝦紅米腸粉 ⋆ $𝟽𝟾腸粉每次都會叫🙈 紅米腸粉入面係炸蝦，外軟內脆好得意。同出面既腸粉最明顯分別就係個皮又滑又薄，唔會糊💯.♦ 汁燒廣島蠔春卷 ⋆ $𝟽𝟾春卷入面係切粒既廣島蠔，係濃味版既春卷～成個ᴄᴏᴍʙɪɴᴀᴛɪᴏɴ幾新鮮！.♦ xᴏ醬蘿蔔糕 ⋆ $𝟽𝟸蘿蔔糕夠軟，唔會實的的。可惜xᴏ醬唔夠香🙈早幾日係#糖水熊 廿零蚊既好食過佢😛ʏᴇᴀʜ!.♦ 松露野菌餃 ⋆ $𝟾𝟸 ♦ 羊肚菌雞湯小籠包 ⋆ $𝟽𝟸兩者我都好鐘意！小籠包皮好滑，羊肚菌味清清地，整體口味好ʙᴀʟᴀɴᴄᴇ 野菌餃比較爽，外皮煙煙韌韌咁。不過松露味唔算好明顯
continue reading
客戶請食飯嚟到呢一間，味道都幾好而且亦都有特色嘅食物，對於第一次黎食嘅我都係有驚喜嘅，最緊要呢個氣氛都好好而且有一個海景可以睇環境都唔錯，對於點心你講越式點心嚟講呢個價格算係貴㗎喇，不過有返咁上下環境都可以接受嘅
continue reading