洪記粥品 (華明商場)

Open Now

Now Closed

這裡的叉燒腸粉完美地結合了滑嫩的腸粉皮和風味十足的叉燒餡料。腸粉皮薄、滑、軟、軟糯。狀態理想, 呈半透明，能透出內裡的餡料, 明顯看到叉燒餡十足, 而且吃起來口感絲滑，入口即化。皮雖然薄身，但仍吃到濃濃米香。皮太厚、太澱粉感、太乾、不夠滑、有粉味等等問題都並不存在。這個叉燒餡吃起來夠香、滑、嫩。叉燒本身要不老不柴，帶有天然的油脂香和甜鹹適中的味道。叉燒是否肥瘦適中，甘香又不嚡不韌。叉燒的份量很足夠，與腸粉皮的比例協調得很好。淋上豉油吃起來咸甜適中，帶有豉味，但不會蓋過叉燒和腸粉皮的原味, 亦不會為太鹹、太淡、太甜或味道平淡。吃得出配料很新鮮，又炒得夠軟身，與叉燒風味完全融合。

朝早嚟到粉嶺呢做嘢 朝頭早想食翻啲傳統早餐 咁啱附近有朋友推介嘅呢一間洪記粥店 一入到去就聞到陣陣嘅油炸鬼香非常吸引 加上睇到加上價錢都幾合理 蝦米炸兩腸粉$18腸粉嘅皮做得好薄而且仲有米香 炸兩做得好表皮香脆仲保持到入面嘅鬆軟而且仲有蝦米鹹香少有做到炸兩腸粉嘅口感豐富層次 非常推介生滾鮮牛粥$33粥底方面做得好綿密 食落去好暖胃味道幾清新唔會有好重味 而且鮮牛份量好多 好抵食皮蛋瘦肉粥$27瘦肉皮蛋好多 瘦肉切得比較幼身所食落去比較爽口 粥底同樣都好綿密 值得一試 白糖糕$5白糖糕超抵食 都係五蚊一舊 做得鬆軟得嚟甜度又啱啱好

這間粥店門面光亮，非常易找，餐廳環境乾淨企理，店員也十分有禮貌。粥品我喜歡吃口感軟綿的，這裡的皮蛋艇仔粥除了口感綿滑，用料亦相當豐富，每啖都可以 吃到不同食材，絕無欺場。生滾粥更出色，鮮鯇魚腩粥的魚肉很大件， 生熟情度剛好，份量又多，性價比超高。牛脷酥是我至愛，外脆內軟，又酥又甜。鹹肉粽大大隻，軟糯又好吃。炸兩是正常水準，不過值得一讚的是混醬的容器都很乾淨，證明店員很用心清潔。在公共屋邨吃到這個質素及價錢的粥品很不錯呢。

今天剛好拜完山，肚子有點餓，去了華明商場附近的洪記粥品。鮮鯇魚腩粥粥的米粒煮得恰到好處，質地滑順，魚腩鮮嫩，鮮味十足，另外加咗生菜絲，好爽口。鹹肉粽粽子內餡的鹹肉味道濃郁，米飯香Q，咬下去時還能感受到肉和鹹蛋黃的鮮香，真的是一口接一口。韭黃鮮蝦腸腸粉皮薄透亮，裡面的鮮蝦彈牙爽口，好味道。白糖糕口感鬆軟，甜而不膩，實在係平靚正。牛利蘇外皮酥脆，甜度適中，，吃起來非常滿足。豆漿清新解渴，不油膩，剛好平衡了整餐的口味。

之前食過呢間粥 覺得幾好味今日病左 嗌外賣 食食下碗粥有條幼幼細細嘅頭髮 算啦撩左佢當睇唔到再食食下見到隻大黑色螞蟻 都諗住算數喇整走佢照食 點知撩多幾下 有隻細蟑螂好嘔心 唔怪之得食食下肚屙打電話去鋪頭投訴 呀姐態度好差 話搵唔到我單號 死話佢地單號係8字頭 但我個單號真係7字頭 仲話咁多單搵唔到最後cut我線 再打去幾次 唔再聽電話 喺外賣平台申請退錢 即刻退左 一句唔好意思/對唔住都無 病左仲要食到唔衛生嘅粥仲要被店員無禮對待絕對絕對唔會再幫襯

客氣的店員，感覺十分親切。速速點了幾款摯愛的粥品，棒喔艇仔粥份量多，夠惹味，適合愛吃濃厚味道，黃金比例，新鮮製作，棒菜乾猪骨粥粥底綿密與鮮味出眾，一碗靚粥最需要花的就是熬製時間。店子的猪骨粥鮮與綿，每口粥的鮮味，來自用心熬製成，粥體綿密順滑，絕對是用心及誠意之作。配搭粥品的食物種類繁多，如鮮炸油條，炒面，混醬腸粉等炸兩油炸鬼脆口，腸粉金順，滿分。齋腸滑香的米香，加上甜醬香濃紅豆沙紅豆香甜有口感，更顯味道！不會非常甜，陳皮味滿滿，感覺棒非常飽，忍不住再下單，外賣做早餐。

洪記粥品今日係粉嶺買完野，見呢間粥店幾出名心郁郁想試下，我自己都覺得呢間食物質素都算唔錯，環境空間感足夠，難怪夜晚九點都咁多人食。💫碎牛粥$25粥底綿密，表面已望到碎牛好足料～牛肉鮮嫩呈粉紅色💫艇仔粥$27（+$5配魚片）豬皮爽口無腥味，尤魚彈牙魚片新鮮滑嫩啖啖肉，約五片左右～岩哂唔中意𦧲骨既朋友仔～💫豉油皇炒麵$15望落上色，碟底無多餘既油係加分位質身幼細偏乾身，味道夠穫氣落埋芝痳仲好味～💫咸肉粽$19咸蛋黃大大粒，豬肉夠肥美，油香滲入糯米飯。糯米軟糯煙韌，口感入口即化💫蝦米腸粉$16蔥花同蝦米足料，唔會淡而無味～可能平時飲食偏重口味，自己中意落芝麻醬會更好味～💫叉燒腸粉$19叉燒蜜味好夠，肉粒足料＆肥瘦均勻。腸粉外皮透薄同滑身，唔會好似出面有啲糊口質感。💫紅豆沙$17非常足料，甜度適中～配料有蓮子、百合、花生同紅豆紅豆煲得好淋～💫豆漿$10豆香味濃郁，甜度岩岩好📍粉嶺華明路21號華明商場地下G23號舖

🚩洪記粥品發現呢個世界有分粥派同非粥派非粥派嘅人一定係要病先食粥我就係粥派代表 ど⁰̷̴͈꒨⁰̷̴͈う天氣凍就想食粥｜失驚無神都會想食粥今次介紹呢間餐廳喺屋企附近平時都會過嚟食做嘅都係街坊生意｜價錢好親民〰️〰️〰️〰️〰️〰️〰️〰️〰️〰️〰️〰️〰️🌈豬紅碎牛粥 $29🌈狀元及第粥 $39大家通常會食咩粥呢豬紅碎牛粥係無意中發現嘅組合｜一食就食咗幾年用料多｜而且粥底十分綿密⊂(˃̶͈̀ε ˂̶⊂) 及第粥裏面有豬潤｜肉片｜肉丸｜粉腸全部都好新鮮好大片🌈炒米粉 $15炒米粉一定要落麻醬甜醬｜有冇朋友喺度不過略嫌硬身咗少少｜要落多啲醬撈一撈🌈韭黃鮮蝦腸粉 $22🌈牛肉腸粉 $19估唔到腸粉都有咁多選擇有啲似酒樓嗰啲｜不過個皮再滑啲薄啲價錢亦都冇得彈‼️🌈油條 $10🌈鹹煎餅 $10食粥少不免嘅油器呢個價錢份量好多｜上枱仲微微暖熱唔會話好油膩 (っ‘ヮ‘c)

一向都好喜歡食粥今日嚟到粉嶺嘅呢一間洪記粥麵叫咗一碗生滾及底粥一碗艇仔粥加粉腸另外再叫多份蔥花炸兩同埋豬潤腸粉。首先講咗腸粉非常之細緻，粉腸皮做得好嫩滑，豬膶腸粉裏面嘅豬潤非常之新鮮，一啲都唔會苦同埋硬，處理得相當之好，好少食到咁高質嘅豬潤腸粉，蔥花炸兩嘅腸粉皮同樣高質，配埋裏面嘅油炸鬼整體唔錯。及抵觸雖然份量唔多，但係裏面嘅材料非常充足，豬潤、粉腸、豬腰、豬肉片、豬肉丸全部都好新鮮，而且調味都非常之好，粥底好綿密整體非常之高質。

行完流水響水塘出粉嶺, 時間尚早, 就走到華明邨巴士總站附近找地方吃晚餐, 再乘巴士回家, 看到這粥店排長龍買外賣, 我們就坐下試試豬肚粥+蠔豉+豬紅+生菜絲 $52份量十足, 豬肚爽脆可口, 蠔豉鹹香, 醇厚滋味有口感, 豬紅爽口嫩滑生菜粟米瘦肉粥 $28足料好味豉油王炒麵 $15香口味美又夠份量蒸蘿蔔糕 $16有驚喜, 大大件上桌, 很有吃蛋糕的儀式感, 店員說這個跟一般不同, 吃過一定讚不絕口, 我們立即襯熱吃, 切開看到有蘿蔔絲的, 吃起來很有層次感, 口感紮實, 恰到好處, 不會過於軟綿或鬆散, 必吃之選蝦米腸粉 $16腸粉質地軟滑, 蝦米鹹香鮮味十足豆漿 $10一支清甜味美非常抵吃的一餐, 座位有舒適, 姐姐的服務態度又好, 笑容滿面, 難怪人流不絕, 外賣亦排曬長龍

今日去咗一間粥店，試咗佢哋嘅鹹蛋瘦肉糭、油條、蘿蔔糕、生滾鮮牛粥同埋生滾肉片粥，真係好滿意呀！先講鹹蛋瘦肉糭，鹹蛋香濃，瘦肉鮮嫩，真係一口咬落去超滿足油條酥脆不油膩，配粥食真係一流。蘿蔔糕煎得金黃香脆，內裡軟糯，蘿蔔味濃郁，口感豐富。生滾鮮牛粥好滑好香，牛肉嫩滑，粥底綿密，每一口都好有幸福感。至於生滾肉片粥，肉片鮮嫩，粥底煲得好入味，係暖胃好選擇。總括嚟講，呢間粥店嘅食物質素高，口味正宗，值得一試。希望大家都可以試下，感受下呢間粥店嘅美食魅力！

-返工附近開咗間新嘅粥麵舖💯性價比方面好高 平均一碗粥都係30幾蚊 而腸粉、油器等等都比坊間嘅連鎖粥舖更抵🫣臨近冬天飲返碗熱辣辣嘅粥真係一流‼️而且佢哋又好多間分店 行過可以買返碗返屋企-⚜️生滾鮮牛粥 ⚜️鮮鯇魚腩粥我哋叫咗兩碗唔同味道嘅生滾粥 粥底好綿 而且係即叫即煮 出到嚟熱辣辣 而且鮮味十足🥰鮮牛味好濃郁 配埋粥一齊食就唔會好單調😎鯇魚腩啲骨都係非常長 唔會有碎骨 $40都唔使真係好高質👏🏻-⚜️油條 $10食粥點可以唔配埋油條 熱辣辣又脆 好香口～-⚜️蝦米炸兩腸 ⚜️九皇鮮蝦腸鍾意食腸粉嘅都唔可以錯過 腸粉皮好薄 鮮蝦腸好新鮮 炸兩好大份$20 出邊真係搵唔到😂😂值得一試

而家天氣凍凍地，最好就係食碗粥暖下個胃，有時食下呢啲野真係好舒心。依間舖頭好似係新開，環境夠光猛，又乾淨企理，令人感覺舒適。菜乾豬骨粥：好多材料， 除咗有菜乾同豬骨之外， 仲有蠔豉同果皮，好揼本。鯇魚腩粥加鯪魚球：有3舊魚腩，加咗6蚊鯪魚球，都有3大粒，粥底煮得剛好，滑溜溜，鯪魚球鮮味十足，咬開有汁。叉燒腸：腸粉滑溜，叉燒唔肥得黎，又唔會韌，甜甜地，好好味。豬膶腸：食豬潤火候好緊要，太生我又唔敢食，太熟又唔好食，呢度處理得恰到好處。豆漿：依度嘅豆漿係支裝嘅，乾淨衞生，又方便拎走。味道又香又滑，甜而不膩。整體來講，洪記粥品嘅食物質素高，價錢又抵。店員服務態度親切，點完餐後，食物好快就送上。推薦！

我們品嚐了幾道清淡而豐富的美食。雖然缺少了黃糖和白糖糕(一早沽清, 要下次再來試)，但其他的選擇完全彌補了這一遺憾。狀元及第粥，是一道非常具代表性的粥品。粥底濃郁，內臟的鮮味與米香相互交融，讓人感受到了一種家常的溫暖。大塊的內臟口感豐富，增添了吸引力。特別是在未來寒冷的天氣中，這碗熱粥彷彿能驅散所有的寒意。生菜鮮鯪魚球粥🍲🥬，鯪魚球的彈性令人驚喜，不僅大而且鮮美，讓人一口咬下去就能感受到那種鮮香直擊味蕾。與一般市場上常見的重調味品不同，這道粥品保持了食材本身的鮮美，讓每一口都充滿了清新的滋味。韭黃鮮蝦腸粉🍤🌿，腸粉皮薄而軟滑，蝦仁新鮮且彈牙，搭配韭黃的香氣。蒸蘿蔔糕，味道也相當出色，蘿蔔絲的量讓人驚喜，混合了少許臘肉的咸香，味道偏甜，但搭配白胡椒粉後，更加層次分明。微糖的豆漿🥛，作為結尾，口感滑順，與上海館的豆漿相似，清新可口，為整頓餐點畫上了完美的句號。

粥底夠綿，足料，食材新鮮，不過，豉油皇炒麵質素飄忽，有時麵質太硬，夾雜乾咗的細麵碎，好似食鐵絲咁，菜乾豬骨粥的粥，冇肉食！豬膶粥試過一次太生，需更換，以上問題有待改善！服務態度非常好👍值得一讚👍👍👍