How To Live Well (希慎廣場)

繼上次嚟 How To Live Well 飲咖啡☕️之後，今次同朋友再嚟嘆返個 chill lunch！真心推介俾大家！💖餐廳環境以溫暖嘅木系🪵為主調，柔和嘅燈光💡令人感覺好舒服，好啱同朋友傾吓計hea吓✨。我哋叫咗半隻「柚子蜜烤雞」 share。雞肉烤得啱啱好，外皮香脆，入面嘅肉質鮮嫩多汁，柚子蜜嘅甜味滲透晒入雞肉裡面，非常惹味！😋 配菜方面，烤薯仔🥔同烤蕃茄🍅都好出色，簡單調味就已經好好食，份量都好足夠！另外仲跟一碗甘荀薑湯🥕，暖胃又健康！Pizza🍕方面，我哋就揀咗雙拼口味（加$28），可以一次過試晒「水牛芝士薄餅」同「海鮮薄餅」兩種口味！ Pizza有 9 吋同 12 吋揀，我哋叫咗 9 吋，兩個人 share 啱啱好。薄餅餅底香脆，餡料豐富，水牛芝士嗰邊奶香十足，海鮮嗰邊就充滿鮮味，兩個口味都好好食！👍🏻飲品方面，朋友叫咗期間限定嘅 Charcoal Latte🖤，咖啡味香濃，帶有淡淡嘅炭燒味，幾特別！我就叫咗 Seasonal Special Drinks 嘅 Circular Cocktail🍹（Gin + Lime + Pineapple Juice + Soda），酸酸甜甜，非常清新，好啱夏天飲！☀️餐廳仲有無限 free wifi 提供，朋友走咗之後，我仲留低做咗陣嘢💻！整體嚟講，環境氣氛同食物都好正！👍🏻 下次會再嚟！…查看更多

銅鑼灣的世外桃源：Chill 爆款美食How To Live Well 銅鑼灣的隱藏美食天堂：有驚喜🌟喺銅鑼灣咁繁忙嘅市中心，How To Live Well餐廳就好似一個隱世秘境咁，行入去一秒Chill Mode開啓！環境簡約但又有格調，無論你想同朋友chill住嘆世界，又或者一個人hea一hea，都真係啱晒。呢度啲菜式選擇多，有創意又美味，全部都係味蕾新體驗！每道菜都超精緻，完全feel到廚師心機。🍅 蕃茄湯 一開始就有開胃蕃茄湯，蕃茄香味超濃，每啖都感覺暖晒胃，飲完好有滿足感～🥗 沙律 沙律賣相好正，新鮮食材勁吸引，口感清爽，少少甜又健康，成個人都refresh晒！🦑 墨汁意大利粉 x 巴馬臣芝士 x 炸魷魚 x 南瓜 呢個墨汁意粉係店內人氣王！麵條完全吸晒墨魚汁，夠晒濃郁，每啖都咬到層次。炸魷魚好脆，入面又唔鞋口，配埋甜甜南瓜，真係爆like！🤤🐟 麵豉鱈魚柳 x 車厘茄沙律 x 青醬發辮豆 鱈魚柳煎到金黃香脆，再加埋特製麵豉醬，冧！配埋清新車厘茄沙律同青醬發辮豆，鮮味又健康，一食難忘。🥤 特式飲品推介 CHARCOAL LATTE 竹炭咖啡 視覺一流又健康！竹炭咖啡飲落香滑，層次感好，飲完超有驚喜；仲有好多款唔同手工咖啡，等你慢慢試！🍓 新鮮雜莓特飲 Mixed Berry Fresh 鮮果雜莓色彩繽紛，賣相 already win！甜甜地又帶啲微酸，飲完少女心都爆發～sooo good ,sweet！✨總結一下，How To Live Well真心值得一訪！環境靚，食物正，飲品有驚喜～menu選擇多，無論朋友聚腳定輕鬆下午茶都完全啱fit，喺銅鑼灣想搵個Chill位食飯飲嘢，呢個就係首選啦！#howtolivewell #howtolivewellhk …查看更多

🎂 老公今年生日仲未食過蛋糕，咁點可以唔安排一場有蛋糕嘅生日飯！上次去完荃灣分店，覺得好正，佢話想試吓其他分店，於是今次嚟到銅鑼灣HYSAN分店，畀老公一個驚喜！😍今次HYSAN分店真是一個大亮點！門口佈置同杯墊都跟商場展品嘅theme走，超可愛！同荃灣分店嘅主題一樣咁吸睛，滿滿少女心💖。雖然晚市超忙，但店員服務態度依然一流，仲同我一齊夾好點樣畀老公一個生日驚喜！🎉 佢哋幫手喺抹茶慕絲蛋糕同雪糕上寫咗「HAPPY BIRTHDAY」，仲好用心畫咗忍者龜，儀式感爆棚！真心多謝店員嘅細心安排🙏。老公平時係牛扒控，但今次為咗就我，佢揀咗海鮮類嘅「香辣蕃茄大蝦波浪粉」。佢話呢個波浪粉造型前所未有咁得意，份量又夠！仲好貼心幫我哋remark要少辣，食落真是一個窩心嘅體驗🦐。我哋仲試咗新出嘅飲品：我點咗酸酸甜甜、賣相超girly嘅Mixed Berry Fresh，超啱我嘅少女心！老公竟然都「入鄉隨俗」，同後面一枱女仔點咗同款唯美嘅Time for Tea-quila，簡單得來有種優雅嘅feel🍹。食飯唔單止係滿足口腹之欲，仲係一個開拓視野嘅機會！How To Live Well喺香港，唔淨係靠自己嘅心去面對挑戰，仲要抱住好奇心，試新嘢，同陌生人互動，感受生活嘅小確幸💫。今次嘅生日飯，唔單止畀咗老公一個驚喜，仲讓我哋感受到HYSAN分店嘅用心同溫暖。…查看更多

都市人太忙碌，都想搵個可以放鬆既地方，呢到就帶住呢個宗旨，以木系🪵裝潢營造出舒適寫意既氛圍，有梳化🛋️位可以揀，亦有老虎🐯同龍🐲既玻璃畫繪，幾有特色～ 野食就主打西日Fusion美食，會有新鮮感啲又唔貴，味道幾和諧～(5 😍 係滿分，🤩係半分） 扒日本豚肉220克 · 肉桂蘋果醬 · 烤南瓜 · 法邊豆 🐷🍎🫛🎃 - $178 (好味指數：😍😍😍😍🤩)塊豬扒🐷🥩幾厚身，豬味🐷濃郁，肉質緊實柔軟，鮮甜多汁，煎完更加香口同有油香～ 而旁邊配左肉桂蘋果醬🍎，味道清香，酸酸甜甜咁可以解膩～ 亦有甘甜粉糯既南瓜🎃同埋清新爽口既發邊豆🫛都幾飽肚～墨汁意大利粉 · 巴馬臣芝士 · 炸魷魚 · 南瓜 🫟🍝🧀🦑🎃 - $158 (好味指數：😍😍😍😍🤩)個墨汁🫟🍝唔會腥，有獨特既鹹鮮味，亦令到意粉🍝比平時更加有咬口🤩 配埋有鹹香同有堅果🌰香味既巴馬臣芝士🧀、Q彈香嫩又鮮味既魷魚🦑，同埋香甜粉糯既南瓜🎃，配搭特別但味道和諧Golden Heart Tea Latte 🌾🥛🍎☕️ - $68 (好味指數：😍😍😍🤩)呢杯latte係由焦糖糖漿、博士茶☕️、燕麥奶🌾🥛、肉桂同蘋果脆片🍎調配而成，有多種層次，焦糖有回甘既焦香，博士茶☕️味道甘醇，帶有天然的甜味和堅果香氣，用左燕麥奶🌾🥛會輕盈啲，又有清香既玉桂同香甜既蘋果脆片，口感溫和順滑～蕎麥茶 🌾🍵 - $68 (好味指數：😍😍😍😍)都幾大壺，有濃郁既穀物🌾同堅果🌰香氣，味道溫潤，口感清爽，清新淡雅，幫助消化又可以降火🔥好味指數：😍😍😍😍推介指數：😍😍😍😍…查看更多

《木系fusion菜🪵》———————————————-#HowToLiveWell 💚-早排喺銅鑼灣希慎商場搵到間環境舒適嘅餐廳，裝潢得幾有格調，而且樓底好高，空間感十足，非常適合朋友聚餐👯-🖤墨汁意大利粉意大利粉軟硬度煮得啱啱好，而且相當掛汁，黑色嘅墨汁令到整個味道更加濃郁，裡面加咗馬臣芝士，咬落去滑口又香濃，仲有口感脆脆嘅炸魷魚，配埋南瓜嘅甜味，食到我唔停口🍝-🍕 SEAFOOD PIZZA薄底嘅披薩外脆內軟，海鮮新鮮得嚟仲唔油膩，都好鮮味，配上特製嘅番茄醬，味道非常均衡，仲有啲木魚絲點綴，增添咗日式風味🇯🇵-飲品方面我選擇咗Cocktail Breeze Season，呢杯飲品色彩繽紛，味道清新，果味十足，尤其適合夏天飲，真係好消暑☀️另一杯Coffee Jelly Affogato咖啡裡面嘅啫喱滑溜溜，淋上熱熱嘅濃咖啡，配搭雲呢拿雪糕，甜中帶苦好夾☕️-💰 參考價錢墨汁意大利粉：$158巴馬臣芝士、炸魷魚、南瓜SEAFOOD PIZZA：$138Breeze Season：$88Coffee Jelly Affogato：$78🍌 抵deal 指數：7/10…查看更多