熱點點心專門店

Open Now

Now Closed

因疫情關係，已有一段時間沒有約朋友出來聚一聚，是夜與友人短聚，來到大家都方便的太子區，看上了這家新開不久的點心店「熱點」。甫入內，地方都頗大，兩側是卡位，中間則是二人枱，而且，環境整潔、光猛，又做足防疫措施。在門口已貼出了放大版的點心紙，一眼就看齊所有點心款式，接近50款，定價算是相宜。我們一口氣下單，點了7款點心，是明顯多點了的，難得一聚，想是吃得開懷、盡慶嗎！點心款式包括：熱點蝦餃皇、鮮蝦菜苗餃、山竹牛肉球、蘿蔔千絲酥、紫薯炸煎堆、雪山叉燒包、韭黃鮮蝦腸，連茗茶合共才$149，叫我們也吃得飽飽，整體味道有水準，製作認真，我倆也認為甚是划算。雖然只是小店，但服務殷勤、有禮，值得再光顧的點心專門店。

約左朋友一齊相聚，嘆返餐久違嘅下午茶。今次叫左茶芥($5)*2、熱點蝦餃皇($9/件)*2、蟹籽燒賣皇($9/件)*2、醬汁蒸鳳爪($20)、韭王鮮蝦腸($28)、豬仔鹹水角($28)、賽螃蝦春卷($22)、雪山叉燒包($18/2隻)、日式鰻魚飯($38)韭王鮮蝦腸：腸粉類別最中意就係食蝦腸，呢到d蝦都大大粒，個皮入口夠滑，不過如果皮可以再薄身d就口感更加好👍🏻醬汁蒸鳳爪：醬汁味濃，所以d鳳爪都好惹味，底下仲有d花生可以食下😋豬仔鹹水角：3隻豬仔好可愛得意，賣相一流😍外層香脆，內層鹹水角d餡料都唔錯夠香口熱點蝦餃皇、蟹籽燒賣皇：食得點心邊少得蝦燒賣😜蝦餃蝦肉彈牙，而燒賣就大大粒幾好食，肉質食落唔會梅👍🏻賽螃蝦春卷：春卷皮夠脆兼且唔油膩，內裡蛋白整得好嫩滑，點埋個喼汁食更加滋味😁雪山叉燒包：個包大大件，外層夠脆酥，內裡叉燒味香濃。雖然外表簡單，但食落絕對出色🤤日式鰻魚飯：份量足超大碗，冇諗過食點心嘅地方居然都有鰻魚飯食，仲要水準唔錯😋黎張大合張😁呢到逢星期一至五都係免加一，埋單$200，喺呢段期間可以同朋友嘆返一盅兩件，舒解下D壓力同生活中嘅苦都唔錯🥰補MENU

疫情下成大半年冇飲過茶，呢日早收工飲個靚茶先👫🏻。.試咗幾款傳統點心，都好有水準，價錢都唔貴，仲要係即叫即蒸👍🏻。.是日最推介紫米脆網卷（$20），外層香滑似腸粉又帶淡淡紫米香，中間夾住香脆金黃嘅脆網，仲有同埋彈牙嘅蝦仁🦐。清淡之餘唔單調，而且口感層次仲好豐富。.另外推介超抵食嘅八寶籠仔飯（$48），估唔到份量大到夠兩個人食。八款食材有濃味肉類，亦有清甜嘅粟米🌽粒同鮮味嘅冬菇粒🍄，食落豐富之餘又唔會過鹹。啲配料好食，所以唔一定要落豉油。.最後食埋楊枝甘露糕（$21）。夏天食夠晒透心涼🧊，啖啖果香亦唔會過甜。因為傳統點心都係偏濃味，水果🥭製成嘅甜品食落份外清新。.🔥熱點 太子彌敦道782號麗英大廈地下C號舖

位於太子嘅🌟熱點🌟係最近新開嘅點心店！💕#魚翅灌湯餃 $38灌湯餃大得誇張🤩，用湯羹係無辦法原隻拿起！😂 餡料豐富，湯底清澈甜美！❤️ 仲有一大片魚翅呀！ 💕蟲草花燉雞湯 $28湯底有濃厚雞油香味🐓，仲有好多蟲草花，感覺滋補！🥰💕雪山叉燒包 $18/兩隻雪山皮夠香脆，好味道！👍🏻💕豬仔鹹水角 $28造型好可愛，有心思！🐷 💕蟹籽燒賣皇 $9件鮮味十足！😋💕豉汁蒸排骨 $20排骨份量多，而且蒸得剛剛好！😄💕紫薯流沙包 $18/三隻雖然無想像中嘅流沙, 但紫薯蓉香甜軟糯, 都唔錯!💖

限聚令之下要搵朋友同我一齊出嚟飲茶其實都幾困難，所以今日決定自己一個都要飲茶，食返餐好嘅，下次仲可以打包啲點心返屋企添，咁就可以一大班一齊食啦第一次係茶樓見到有得食日式鰻魚飯，依家做茶樓影真唔簡單，連日本菜都要提供埋嚟得飲茶必定要嗌蝦餃試吓呢度嘅手勢，呢度最好嘅地方就係一籠真係可以得兩件，唔使我一次食四件，咁我就可以試多啲款啦，仲要呢度嘅點心係即叫即蒸，所以大家要耐心等候蝦肉爽滑彈牙，仲好大粒添，呢個價錢真係算唔錯燒賣都大大粒，不過不失菜苗餃脹卜卜，裏面仲有唔少菜同蝦蝦米腸有成九大條，我都差啲食唔晒最後就梗係要叫返個甜品先夠完美啦

呢到的一大特色，係唔一定要哂一籠四件，可以單點一件、兩件、三件咁，岩哂我呢啲款款都想食下但個胃又唔大的人🥰今日都係第一次得兩公婆拍拖飲茶，叫左一盅鳳爪排骨飯，點心就食蝦餃、燒賣、菜苗餃、叉燒包、叉燒腸。點心都有水準，餡料充足飽滿，飲茶又可以解油解膩🙂價錢方面亦都唔貴，例如一籠四粒彈牙鮮蝦餃都係$36、一盅鳳爪排骨飯都係$27，質素有返咁上下。呢度茶介每位$5，仲有玄米茶揀👍，平日去仲免收加一👏🏻