Hot Dog Formula (Closed)

未到食飯時間，想找些輕食，經過這間熱狗店，有下午茶，被蘑菇粟米熱狗吸引了，入去Order叫2個下午茶，還想加蜜糖雞翼及咖啡。6點02分，店員說現在沒有下午茶了，心想吾緊要，能理解的。但肚子還是雖要填飽。但你這店員用不著"返白眼"來跟我說沒有下午茶，而我們真的並沒有怪罪於你沒有下午茶。被你"返白眼"來跟我說沒有下午茶。打亂了一下我的陣子，我雖要一點時間重新看Menu，看看要order什麼。而你這店員又再一次"返白眼"來看我們。哪時我身後並沒有其他客人雖要點餐，我並沒有阻礙你做生意，我也並沒有跟你問東問西，要東要西。這時你跟我們說蘑菇熱狗今日做緊特價，我眼前一亮，只要我extra加粟米，我又能夠食到我們想食的蘑菇粟米熱狗。我能清晰地說出我要的Order，但可能我講話有點細聲，而你又再一次"返白眼"跟我說"咩話"。老實我們心裡有點難受。。。埋單92蚊，我給你100，說我有零錢2蚊，你又再次"返白眼"把我要找回的10蚊拋在枱面，我們是來消費的，不是來受你氣。熱狗包能食得出吾夠新鮮，雞翼也是返熱到油跟蜜糖都能分離得出在碗底，咖啡就跟喝奶水一樣，但92蚊這價錢我還是能接受。並沒有要求太多。當取餐的時間你跟我們說少收了我們4蚊，要我們補給你，這時我看一下收據，蘑菇熱狗你並沒有給我們特價，是收我們正價，這時我們心裡不只是難受，是一肚氣，問回公道，原來特價熱狗是不能加extra topping的。回想當初，我們是被蘑菇粟米熱狗吸引，你極力推介我們蘑菇熱狗，說正在做特價，特價熱狗不能加topping，你從來沒說過，還"返著白眼"收我們錢。可能menu有註明的，而我們並沒有注意，但你這店員或跟本是老闆的服務態度，足以我寫下這篇幅。。。。👎👎👎👎👎…Read More

與朋友睇完戲，又點餓。 便想找一些宵夜吃。在戲院往前行二十多步，便找到這間專食熱狗的店。我們與友人便一起進去。 舖位比較少，但是也不多人，所以可以不用等位，便可直接內進。它的熱狗有很多款式，而每一款也好像很吸引。熱狗來到了，十分多醬汁，賣相也十分好。 我們很快便品嚐了他。 若果熱狗能夠增加更多餡料，必定會更好吃、更有口感，吃落更有層次感!薯條新鮮， 不會放到出曬油，變了泥黃色的樣子。味道不錯。而職員態度ok，可以接受 ：) …Read More

中午還在鴨脷洲海怡半島麵包店買麵包，然後準備在戲院買票看電影。可惜場次時間太晚，為免逗留在海怡半島太久，索性坐地鐵回到牛頭角淘大。反正海怡半島跟淘大影藝票價幾乎一模一樣，如果同一套電影在牛頭角淘大跟海怡半島都有上映的話，回到牛頭角看電影我也沒所謂。都不知道為什麼，我抱着少食多餐的心態，中午在西貢吃了一碟少量雞飯，再在鴨脷洲又犯了口癮，吃了兩個鹹味麵包加一杯凍奶茶。到了差不多晚上時間回到牛頭角淘大，在晚飯開始前先看電影，再在附近買個麵包再填飽肚子。結果淘大「大X樂」對面，找到一間賣熱狗的快餐店「Hotdog Formula」。「Hotdog Firmula」令我想起淘大以前有間賣美式潛艇三文治的快餐店「Subway」，怎料現在已經失蹤了，到底是結業了還是搬走了？怎麼開飯網完全沒有「Subway」在淘大的記錄和食評？講起「Subway」其實我挺氣憤的，以前我還在沙田上班前，總會在西貢分店買個潛艇三文治再上車。現在西貢分店又結業了，牛頭角分店亦消失了，現在我想吃潛艇三文治變得越來越困難。潛艇三文治現在吃不到，暫時只能借美式熱狗三文治作替代品。「Hotdog Formula」的下午茶餐，價錢勉強算是合理，不算昂貴。選美式熱狗下午茶餐連飲品的話，收費大約三十餘至三十多塊左右。當然，「Hotdog Formula」下午茶餐不只得有熱狗，還有多士、意粉、薯條、雞翼或雞塊可以選擇。跟「Subway」最不同的地方，是「Hotdog Formula」是不單只有美式熱狗外賣，店內還有座位提供堂食。所以點意粉下午茶餐，又還有時間留低享用，放鬆身心的話，「Hotdog Formula」的堂食座位是一個不錯的選擇。「HotDog Formula」源用以開放式廚房，製造熱狗跟其他食品。如果你坐在廚房旁邊的座位，不太張揚的話，要偷看廚房的人製作食物過程絕對不成問題。受近年大熱的韓國食品潮流所影響，很多餐廳都喜歡甚麼食物也加上芝士作配料，熱狗本身就屬於可以加上芝士作配料的食物，所以看到濃味的芝士熱狗，並非甚麼荒天下之大謬的事。一隻「芝士熱狗」賣$32，如果熱狗用料屬於真材實料的話，並不至於太昂貴的價錢，至於芝士熱狗是否抵食，就要視乎試食試到的味道和效果。我的「芝士熱狗套餐」，芝士熱狗配凍朱古力飲品一杯，另加港幣六元正。芝士熱狗的芝士醬汁，於我而言，已經很多很多，真的很邪惡。不過芝士醬汁於我而言，絕對是「韓信點兵，多多益善」，再給我多點芝士醬汁我也沒有問題，沒有異議。凍朱古力飲品用了不少朱古力，味道很濃很甜，飲品亦有一定數量冰塊，所以朱古力飲品肯定能保持理想冷凍温度，凍朱古力飲品變得凍、濃、甜三者兼備。說回套餐的主角「芝士熱狗」，熱狗維持温度在微熱至中熱之間，熱狗雖然不算辣手，但是仍能令芝士不會過早冷卻，沒跟熱狗腸分離解體。「芝士熱狗」本身的芝士味道頗濃，正合我的口味，熱狗腸雖然已經開始轉涼，不過有濃厚偏熱的芝士醬汁搭救下，熱狗腸的問題最後得以解決，沾上芝士醬的熱狗腸口感還是很脆，很香濃可口。其實「Hotdog Formula」熱狗的味道其實還可以的，當然價錢再平點可能更好，不過在淘大花園營業，不收這個程度價錢的話，恐怕不容易賺錢啊。…Read More

五·一翌日，悠閒hae的一天。黃昏時間與男友在思考晚餐食甚麼好的時候，在openrice無意中發現這間hot dog formula，價錢不太貴又有特色！由於二人都不太肚餓的關係，一人一隻熱狗跟餐飲，加一份中薯條(忘記了影薯條，黑椒味的薯條即炸夠熱又脆，最愛那些粗粒黑胡椒，令味道提升)。飲品配果茶，熱辣辣的熱狗上淋了滿滿的千島醬及蘑菇片好足料，包身是脆的加上果茶又不會太飽膩，味道出奇的夾！不過略嫌餐廳環境比較細小，但價性比同物值都挺好，全單計都$100不用，人均消費50之內，會再去的:)左：蘑菇熱狗配千島醬右：酸瓜熱狗配沙律醬餐飲：凍蜜桃茶及熱藍莓茶…Read More

其實之前經過淘大花園好多次 都有見到哩間野都想試下 前幾日終於有機會去下 餐牌有好多款的熱狗 所以揀個時都要啲時間的哈哈 最後還是揀了車打芝士熱狗 還加了粟米 哈哈 有好豐富的芝士 但吃起上來好似無咩味咁 麵包方面的口感 我覺得似生命麵包蜜糖味個隻 嘿嘿 吃起來都幾軟 不過唔夠熱 如果熱返啲會不錯 腸仔都幾好 跟餐配了粗薯條 好好食啊 真係新鮮熱辣炸出來的 嘿嘿 另外 加錢配了一個秘製肉醬 又幾好味喎 粗薯條真係幾okay👍🏽👍🏽 餐飲係熱豬古力 有啲淡 如果味道濃郁一點就好喇…Read More

又係一個人嘅晚餐，呢間熱狗店之前想試，但我去到已經截單，今日再接再厲， 店面好細，座位唔多，去到已經8成滿，主要係後生仔！ 紅色主調，美式快餐店格局，先去櫃檯落單，再等叫號碼，食物好快到！ 調味料區有齊食熱狗嘅調味，可以自助攪掂！ 招牌熱狗（$32）秘製牛肉醬，烘熔車打芝士，烤蘑菇片，賣相靚，我加了黃芥辣醬，咬一啖，香腸衣脆口易咬，香腸有肉汁，牛肉醬香濃，加上半溶芝士，麵包烘過鬆軟，整體好味！ 厚切薯條（$19）薯條粗身，可惜表面唔脆，薯味唔重，點茄汁好味！ 凍蜜桃茶（$4）蜜桃味唔重，茶味清爽！微甜！解膩好過汽水！店員有禮有笑容，落單上食物有禮！專做熱狗店唔多！呢間都唔錯！…Read More

我好鐘意食薯條。而食薯條呢方面我都好奄尖。唔粗嘅唔食。唔熱嘅唔食。乾得滯嘅唔食。無薯仔味唔食。太多鹽太多味精唔食。呢間位於淘大嘅Hot Dog Formula, 佢地嘅薯條就無以上嘅缺點。我都幾滿意。佢地有好幾款醬汁俾人揀，貪得意揀左個肉醬汁，味道有進步空間。可能我個人比較傳統，覺得薯條始終都係配茄汁好。店內仲有鹽呀胡椒粉俾客自己加，認真唔錯。…Read More

3:30下午茶時間，專程約埋朋友去得寶商場試食新開的漢堡，點知話做完午市要等到6點先再開，唯有行去淘大商場揾食啦～食吾到漢堡，朋友介我呢間食熱狗，大大個餐牌附清晰相片在餐廳門口外牆，裡面大概5一6張檯，只可容納十幾人，我見都有專業咖哩機，熱狗材料早預備好，即叫即砌。落單至領取食物，只是幾分鐘。我的甜酸瓜熱狗賣相與相片相似，很吸睛，面包軟熟稍為微微烤過，最怕有D熱狗包乾晒皮實的的。甜酸瓜除了薄切4塊放在包邊，也有切成小粒混入沙律醬中，食落甜甜酸酸，自然醒胃及減少油膩感，熱狗腸長長一條，只是水煮熟，不是烤焗或油煎熟的，整體而言，熱狗放涼了! 又或熱狗包可至少烤久一點及熱狗腸可至少叮熱，讓溫度帶出及提升包香丶腸味丶醬料味，現在完全冇腸仔味，只有沙律甜酸味，我似在食沙律醬，浪費了軟熟的包和特長熱狗腸。我的萍果肉桂茶值得一讚，濃濃肉桂味，令人有一種窩心滿足感，萍果的果香又令人清新舒暢，萍果與肉桂永遠都是美麗配搭。朋友的芝士熱狗，同樣大大個，男孩子也一定夠飽，朋友同樣覺得敗筆在於溫度，芝士的確溶在腸上，可惜腸仔及包沒有烤熱，完全沒有芝士咸香滿溢或拉芝情況，也沒有腸仔味，光有賣相，味道卻失色。最慘是杯咖啡，溫暖的，不是熱的，水溫調較拿捏得不足夠。…Read More

今次嚟到九龍灣食熱狗，叫咗個二人套餐，熱狗上面係肉醬加芝士非常惹味，加上配嘅薯條同埋加嘅肉醬薯蓉，非常美式嘅美食， 本身驚只係食熱狗會唔夠飽，點知食咗大半個呢就已經唔係好食得落，但係好彩肉醬夠濃味，配住尼食減輕飽濟感。…Read More

本身餓住個肚諗住去M記買$21餐食, 但俾熱狗方程式的鋪面色彩吸引, 決入來一試:)是日興厚多士, 就叫左個新加坡咖椰厚多士, 加配一杯凍朱古力新加坡咖椰厚多士厚多士塗上一層糖醬, 但味道淡淡的, 浪費了多士的熱度及脆皮但朱支力就濃到不得了, 香濃滑溜拍得住G記杯朱古力, 性價比超高但點解我會食多士唔係食熱狗… 我都唔知, 下次補番隻熱狗先…Read More

之前外賣過佢啲薯條 好好食 今次試下堂食！兩個人叫左蘑菇熱狗 芝士肉醬蜜糖腸意粉 芝士薯條！熱狗係是日精選 $22 個包烘熱左脆脆地 入面有好多片蘑菇加千島醬 正呀 意粉叮出黎就算係ok喇 蜜糖腸少少辣 好惹味薯條始終係粗薯條 薯味係有嘅 不過竟然無上次外賣咁正 可能因為杯載個surface area無咁大 啲芝士好似得面頭中間個堆有咁 ><…Read More

HOTDOG FORMULA @ 九龍灣曾幾何時，foodki 仲係中學生既時候，銅鑼灣開左間愛爾蘭瘋薯，排曬長龍，之後熱潮冷卻，瘋薯都執曬，foodki一直好鐘意食唔同種類既薯條。HOTDOG FORMULA，顧名思義就係買熱狗既地方，foodki 當日去到九龍灣見到出面有個牌，有好多唔同種類既熱狗，仲有薯條，就快忍不住，狗衝左入去叫左兜薯條。七味薯條(6.5/10)$25等左大約15分鐘，新鮮即炸既薯條終於整好。個盒好熱！未打開盒已經好香，一打開盒就真係忍唔住啦！嘩！M size 已經咁大兜，foodki見到都嚇左一嚇。粗薯條表面灑滿七味粉，仲有芝士，咬落口好脆，入面好軟，勁香薯仔味。佢介附送墨西哥芝士醬，芝上加芝，食完好滿足好飽。一個人一定食唔曬，最好搵人分享一齊食。…Read More

咁耐冇食的美食, 上次冇位坐只外賣左個熱狗, 當然唔係好夠喉...難得今次行過冇咩人..大把位..就決定坐低舒舒服服咁食個set....今次同老公叫左二個set, 有肉醬熱狗, 磨菇熱狗, 一份雞塊, 汽水同蜜桃茶肉醬熱狗的醬好多, 老公一路食仲一路會流出來, 我見咁晒當然用來點雞食la...haha, "襯"熱食點芝士同肉醬好香, 但又唔會好"漏", 就算冇熱狗腸就咁夾包食都好正我個磨菇熱狗都唔錯, 好多我鍾意食的千島醬, 磨菇都唔少, 加埋腸食好豐富, 簡單得來都好好食佢個雞塊睇落好似麥樂雞咁, 但食落好大分別, 佢呢個比起麥樂雞睇落黃點, 食落入面鬆點軟身點, 冇麥樂雞咁硬咁實....味道普通la..但質感個人鍾意呢個多點蜜桃茶其實我有點期待ga....因為攞餐的時候一直有好香的蜜桃味, 諗住會好好飲, 但放左一陣后蜜桃味已經冇咩la..到飲落的時候可以話係一點味都冇la....本身隻茶冇果味得來..茶味都唔好...個人覺得仲差過一杯熱水, 之前試過佢另一隻味又係唔好飲....雖然佢有几隻唔同的味....但我諗下次唔會再試lu...應該係佢呢隻牌子的花果茶唔好飲.....不過我食呢間的目標都係熱狗...只要熱狗有水準就夠了...其他配菜不過不失la…Read More

香港唔係好多地方食到熱狗，經過過呢到好幾次，今次終於可以入黎試下啦，平日夜晚7點幾到，都唔洗排隊。我同朋友點左夏威夷熱狗同蘑菇熱狗，我地分別配左A餐同B餐，小食揀左薯蓉同乳酪，飲品我地叫左朱古力同埋可樂。隻熱狗條腸仔好好味，個包又夠新鮮，配埋3種醬料真係好正，可惜D醬落得多得濟，食果時唔係太方便。至於個肉醬薯蓉，個汁係OK，但係可能食完隻熱狗先食佢既關係，個薯蓉凍左唔係太好味，下次可能會試薯條。…Read More

幾年前食過一次, 但一直都冇去開九龍灣, 今日難得有事去淘大, 決定去回味一下本來想舒舒服服坐低食個set, 但舖頭好細, 一個位都揾唔到, 唯有買外賣。叫左個甜酸瓜熱狗同一個法蘭克福熱狗。個包有烘過, 一開始食時脆脆地, 但好快就俾點醬搞到淋晒。法蘭克福熱狗只有簡單的茄汁同法蘭克福腸, 但簡單得來都好食。甜酸瓜熱狗就有大大塊德國甜酸瓜, 再加上滿滿的酸瓜醬, 酸酸甜甜的配搭好夾, 再加埋法蘭克福腸好好食。甜酸瓜同腸都好脆, 加埋軟熟的熱狗包真係覺得好滿足外賣用紙盒裝住, 可以用盒邊托住個熱狗來食, 就算一路行一路食都好方便, 唔會搞到好"呢hea"…Read More