合興粉麵家 (Closed)

本來食附近茶餐廳，但聽街坊介紹話，附近有間合興正野，有奶茶有乜有乜，滿心歡喜咁就黎試下。想話比杯水洗下筷子都話無，算啦，用紙巾自己抹。咁想食粒藥既話，咪水都無杯粗麵無乜特別，如當茶餐廳水準，牛腩厚身有點難，同偏乾身，咬落有肉條絲痴住牙。想話叫杯熱奶茶飲下，伙計話無，得汽水。得碗麵，要飲就飲汽水。可能近小巴站，所以人流都有既。但茶餐廳就真系講唔上，叫做食碗普通粉麵飲可樂。可能其他野比較好食未試過唔知。

講真只要唔係行入觀塘街市就比較少幫襯佢，雖然其實佢真係好好食，我到而家都覺得佢係觀塘入面最好食嘅牛雜~ 今日同女朋友行過，女朋友就淨係會食粉麵，梗係行入去食間好食㗎喇，我叫咗牛雜米，而家感覺佢比以前他淡咗，唔知係因為市場對健康需要呀定係佢哋師傅係唔同咗喇，，不過依然啲牛雜仲係非常之好食； 女朋友要咗個魚蛋米，其實佢已經飽飽哋㗎啦，應該係要淨魚蛋先啱，佢嗰啲魚蛋好好食 魚味濃蛋牙又唔硬，我話100蚊斤啱唔啱~佢又有啲嫌貴~ 呢間最正係佢有魚露喺度，絕對係幫碗粉提升到另外一個層次~

作為觀塘長大的孩子，一定對這間粉麵店十分熟悉，可以說是中學時的回憶。那時一到食飯時間總是幾個同學仔一起排隊，吃完一碗粉麵便滿足地回去上堂。每次經過合興總會被香濃的牛味吸引，於是忍不住進店了。選擇不少，但我通常都選擇牛類。今天我點了牛腸米粉，而男友選擇了魚皮餃河。牛腸很入味，沒有騷味，口感不錯。而魚皮餃粒粒飽滿，十分足料。可惜炸蒜放少了。湯底仍然很香濃，平時不飲湯的我，每次吃合興都會飲掉最少半碗的湯，滿足。總結味道一如既往地好，更重要的是那份回憶。

觀塘區的老字號, 原本在裕民坊的一條横街窄巷, 因為裕民坊的重建工程而要結業。後來發現這老店在瑞和街街市附近重開了, 每隔一段時間都會來的, 因為湯粉麵係香港人的至愛, 簡單美味又方便。每次來這兒, 例必叫墨魚丸, 豬肉丸或牛肉丸的, 今次改了試牛腩。在這店吃牛腩要碰運氣, 有時會食到又韌又鞋的, 食完就會同自己講下次食返丸類穩陣 D。今次呢碗算 ok, 湯夠濃, 雖然每次食完都會口渴。牛腩有少少咬口, 但整體算 ok!牆上掛满雜誌的訪問及老店的歷史, 可供食客緬懷觀塘區的面貌及變化。這店價錢不貴, 還會再來的。

呢間位於觀塘 超過40年歷史嘅粉面家一向以牛腩牛丸出名😇😇😇😇入到店舖有兩個牌匾 ，一個寫住「極品牛腩」、一個寫住「牛丸大王」。因此我就叫左呢兩樣野黎試一試！🎃牛腩面賣相好靚，咬落林滑；湯底有濃郁牛味，果然係極品！！！！！👍🏻👍🏻👍🏻👍🏻👍🏻分量亦唔少，$34抵食！😻😻😻另一碗係牛丸米，但就比較遜色一啲牛丸咬落唔夠彈牙，牛味亦唔太濃。👋🏻比佢好食嘅牛丸仲有更多其他選擇，失色失色！😿😿😿😿同場加映墨魚鬚一碗，湯底好鮮味！而且份量亦足夠，值得一試！👍🏻👍🏻

以前老字號舖頭我都有幫襯過，自從區內重建拆咗之後輾轉搬到觀塘街市對面，如果唔係咁啱經過，都唔知道這間老字號牛雜牛腩麵家再重生了，興之所至入去食返碗牛雜粉回味一下，眼見舖內的人好像是他們家族的後代吧，反而是老頭子不見了。還記得當年最鍾意在河粉中加入辣油再配支汽水，今次繼續牛雜河粉加支凍忌廉，辣油仍然好辣，牛雜依然入味，肉質有咬口，湯底濃郁，保持了當年的水準，尤其是他們keep住用支裝汔水，味道令回憶回來。

係觀塘住的九成知道合興，以前巴士站未拆之前就係公園隔離第一檔，中午午飯時候十分旺，有四十年歷史。每次我都只會食牛腩河粉，唔知點解，咁多年都係，可能無冒險精神，實情唔係經常黎，每次都食穩陣野算了。他們的牛腩河炆得好軟身同埋好入味，個腩汁好有牛味。河粉質感有韌力，不太軟，不太硬，連埋D湯一齊食，一流。可惜太肚餓，食完成碗粉先記得影相。係粉面檔當然要飲返支玻璃樽裝可口可樂，夠氣有夠味，絕配。大家得閒可以過黎試試，就係街市旁邊。但環境以及衛生不是想像中好，要注意。

起官塘未重建之前，依間鋪係開起裕民坊嘅巴士站附近，一到中午就會有唔少人幫襯，果陣一碗麵只係賣$22左右。但係因為重建嘅關係，佢被逼要搬走。一開始仲以為佢地唔會再開/唔會開起官塘，原來佢搬咗去官塘街市，圖書館對面嘅鋪位。一入到去就只到大部分客人都係中年人士嚟，比係以前冇咁多客。我同朋友叫咗牛腩河同雲吞河。雲吞河($34)雲吞主要係豬肉餡，有一兩隻細細隻嘅蝦，味道偏咸。湯底唔係清湯而係加咗腩汁，想食清湯底嘅人可以同店員講聲，佢就會幫你轉。牛腩河($34)牛腩未去到好淋，不過同其他鋪頭比已經算淋，可能因為我地11點左右就嚟，午市嚟d牛腩應該會再炆得淋d。牛腩嘅份量算多，菜亦都新鮮。食得辣嘅人記得落佢自家製嘅辣油，食落會香好多。不過記得唔好落太多，因為真係好辣嫁。

今晚突然想食麵，所以去了合興到食。我同男朋友分別叫了一碗金牌牛雜河及一碗潮州四寶麵。金牌牛雜河十分足料（有牛肚、牛腸、牛膀），麵湯底十分濃郁，牛肚及牛腸好好食，牛膀我唔食，但男友話牛膀味道都唔錯。潮州四寶麵裏有2粒魚旦、2粒豬肉丸、2粒魚皮餃及1粒墨魚丸，魚旦及墨魚丸彈牙有口感，豬肉丸亦爽口有豬肉味，魚皮餃好食。還有麵質彈牙沒有鹼水味，不錯的一碗麵，可惜湯底比較多油如果湯底少D油就會更好。還有一提，店內辣椒油好好味，辣得來不會太咸，配合荔枝醋一同食用令整碗麵味道增加，更加好味道。

今日嚟合興又唔想撩咁多牙，所以無揀到牛腩河，第一次試試佢呢度嘅紫菜四寶，以為佢個四寶河會有埋紫菜喺入面，點知原來加紫菜要加成8蚊，一碗紫菜四寶河咁就48蚊喇，同佢張單上面嗰兩個雞乸咁大隻嘅多謝兩個字相映成趣，真係赤都肉埋。不過估唔到無咗腩汁之後嘅河粉都依然夠哂味道，四寶裏面有兩粒魚蛋兩粒豬肉丸兩隻魚皮餃但係只係得一粒墨魚丸，仲以為得嗰一粒要好矜貴啦，點知原來呢粒墨魚丸係四寶之中最差嘅，啲粉多到無朋友，喺對面街市求其一間買嗰啲墨魚丸都好過佢一百萬倍，魚皮餃就個皮太厚，反而魚蛋同豬肉丸都叫做食得吓人，不過四寶成40蚊，雙丸都只係32蚊，仲要係魚蛋同埋豬肉丸添，下次嗌雙丸咪算囉。

呢間牛腩麵舖經過裕民坊遷拆嘅洗禮，如今仍然屹立不倒喺度重開，老老實實舊舖我就未食過㗎喇，不過見佢咁多支持者都好想黎試下。點知一行入舖頭就聞到好大陣臭味，呢隻味好明顯係收舖洗地嗰陣啲漂白水啊梘液啊同埋地下原本嗰啲牛腩油撈埋一齊，再經過長時間醃製嘅嗰種益益哋嘅臭噏味，雖然入嚟一陣之後嗅覺就會漸漸疲勞，不過話哂都做飲食加嘛，衛生啲好。嗌咗個牛腩河，牛腩方面味道唔錯，不過就靭咗啲，湯底亦都交足功課，其實碗粉嚟講係唔錯㗎，不過鋪頭陣味太大囉。

叫咗牛根雲吞河同埋墨丸雲吞河加紫菜 , 見到賣相已經涼咗一截兩碗河粉個湯底好漿口，混濁之餘唔覺係大地魚之類湯底，食完都覺得幾口乾墨丸食落粉下，而且煮到一粒淋一粒死實實牛根嗰碗冇腩汁味道，而牛根煮得淋但唔入味 , 只有雲吞係傳統細細粒有蝦子味較可取。

雲吞牛腩米線($36)對於住喺觀塘或者好熟悉觀塘既朋友，大家都一定好清楚裕民坊重建之前，有一條內巷，而條內巷有好多粉麵食。但至從重建清拆之後，成條街都冇左。而司令今日就係介紹搬左喺瑞和街街市個邊既合興粉麵家既粉麵喇！司令今次叫既係牛腩雲吞米線，米線一嚟到就即刻試下個湯先，加左腩汁之後個湯特別香濃，配埋蔥、香蒜，個湯就更加香。牛腩方面唔肥，至少冇一嚿嚿肥膏，食落好香又清爽。而雲吞係鮮蝦雲吞，蝦好新鮮，咬落彈牙，米線又煮得岩岩好，唔太淋又唔太硬。好味道！

路過觀塘，老母話附近有間麵鋪幾好，不如去試試。啊，係咩，我唔多黎哩頭，你決定啦～咁佢就帶我黎哩度了一間我之前冇聽過嘅老字號，不過既然自稱有40年歷史，我都放心啲老母話要碗【牛雜河】，我都唔知食乜好，聽落唔錯，就前後兩碗啦～上檯喇～賣相唔錯，一件件擺得好整齊，試試啲湯先～ 湯幾濃，但腩汁俾我感覺有啲寡唔夠香，味道ok，但冇乜驚喜，起碼我屋企嘅老母牌牛腩味道好過佢，不過算啦，開檔做生意，同屋企煮嘅牛腩又點一樣吖，屋企煮落嘅配料都多啲啦～ 牛雜都幾入味，件件都煮得好淋，但因為腩汁寡係死症，冇得夠，早知要多蔥，多多份清脆感 不過已經唔錯了～ （唔記得幾時開始牛雜入面會放【肺】的，冇記錯我細個食嗰陣牛雜係冇哩樣料的，宜家周街都有了）河粉係幾令人滿意嘅一環，窄身嘅河粉煮得軟得黎又保持到口感，唔錯，果然係老字號，有水準～整體黎講真係唔差，對做街坊生意嘅鋪要求唔好太高，灣仔【華南】牛腩味道俾佢好得多，但亦貴得多。一分錢一分貨，將貨就價，可以收貨了

紮根觀塘四十年的合興粉麵家一直都是觀塘人心中的"名店"算是觀塘最著名的一間粉麵店之前的位置是在觀塘重建項目之中是在觀塘人心中的集體回憶在Youtube更有一段舊店最後一天的短片http://youtu.be/3se9vL1iauQ重開後的合興我卻未有一次到店今次到來,雖然裝修失去了老香港的味道但湯底的氣味卻始終如一餐點上的擺位,跟之前亦無大分別在店內,當然要點招牌的牛腩,牛什等麵食我就點了一碗牛什麵一如以往,出菜的時間十分快只需數分鐘一碗熱騰騰的麵就已經出現眼前可能這幾年吃慣了日式的拉麵我都先試了口湯底除了大地魚外,還有香濃的腩汁一種傳統的香港味道這一種包含了觀塘多年的人情味即使用料最昂貴的餐廳亦絕不能代替我加了一點的醋這是多年的習慣聽說醋的酸能中和麵的鹼水但我就覺得醋能讓整碗麵的味道更加的昇華我覺得有時侯食物不一定是味道十分優秀才讓人愛上反而是除了味覺外的"味道"更能令人回味