虹橋小館 (Closed)

眾香港人認識的馬鞍山，只有馬鞍山市中心一帶可以叫做時尚一點，商店吸引一點，值得流連一下同容易找到食得落肚的餐廳。後來，鳥溪沙站開了新商場，各屋邨商場又大翻新了，似乎是多姿多采了。再多了幾分姿的，就是 We Go Mall 的出現，彌補了錦泰一帶連一個中型商場都沒有的可憐。去年冬，仔仔在附近上完游泳班，我們就決定在這個說小不小，說大不大的商場找地方晚餐。我們被一個光頭佬的公仔吸引了，我們就一於試這一間感覺似上海菜的《虹橋小館》吧。執筆時，此《虹橋小館》已搬了到石門，並易名《光頭佬》，轉營為一間茶餐廳。當日，一家三口去吃，我們就點了一個二人套餐。奪餐有兩個小食，小食一號是唯一啱太太食的四喜烤麩。濃濃的醬烤麩，有著微微甜又有可口的豉醬味，作為餐前小吃，很好。太太以其伴飯吃，也是不錯。小食二號是花彫醉雞。雞皮同雞肉都好嫩滑，酒味濃香，令整個醉雞都很味美。兒子對此酒味有少少抗拒，所以這雞就是我一人享用的美食。套餐有兩碗宋嫂魚羹，此羹有魚肉片，有很香的魚味。不用加醋，直接吃入口反而更香口，感覺不錯。菠蘿咕嚕肉，是套餐中的唯一主菜。這兒的咕嚕肉大大件，做到一條一條的。而咕嚕汁就偏甜，好啱小朋友的口味

同女朋友去屋企附近食晏，因為汰弱留強，商場淨返一間上海餐廳。餐廳午市套餐星期一至日都有，除咗傳統上海粉麵飯之外仲有麻辣米線揀，而家仲免茶介免加一添。嫩雞煨麵($48)。清清地，唔會太咸。個麵好夠份量，有菜有雞肉，不過不失，未見驚喜。濃茄牛肉麵($58)。唔係淨係得pat茄汁，真係有蕃茄粒，好似有啲蔬菜咁健康啲。牛肉大大塊又淋又無筋，湯底唔會太鹹，下次可以再叫。鮮肉小籠包(+$18/兩件)。雖然個皮唔算非常薄，內餡充滿肉汁，加返唔少分。餐飲熱豆漿($0)。算夠豆味，如果減少少甜就更好。

紅油抽手 $42辣辣地，肉料少，皮度適中有瓜子都ok。蒸銀絲卷 $28練奶配食之選，夠軟既。練奶少左d，不過算啦。高湯火腿津白 $68湯底好咸，菜量少，應該2-3條到。蔥爆牛仔肉 $88牛仔肉比例唔多，蔥比較多。味道不過不失。白飯 $10，份量ok。服務超級差，非必要不會再光顧。我地說想要杯水。店員就搶走我正在倒茶的茶胡。她說那你地唔要茶嫁啦。我說要呀，但想要杯水。她說咁你地好難服待喎，她走開。我地當場o哂咀，同場另一位店員之後拿水給我地。

同朋友仔到we go mall玩，求其入一間餐廳食lunch。嘢食ok，小籠包有驚喜，皮薄有湯😋青瓜&粉皮都好鮮好開胃👍🏼而豆沙鍋餅最遜色，個皮又厚又硬，唔太啱我口味😅最開心可以係度吹埋蠟燭食自帶蛋糕，無額外收費，仲提供埋碟&叉🥳🥳🥳

今日湊左姨甥仔放playgroup, 等齊屋企人行去WeGo Mall lunch, 嘩勁大個吹氣跳彈床area呢. 之前食過兩間餐廳都唔錯, 今次試下li間先. 原來11點半到4點半都係午餐/下午茶menu, 抵食😋. 原本坐近落地玻璃圓枱, 點知枱面太易郁同好曬, 就轉左大卡位枱, 完全fit到5大1b.>🌶四川擔擔麵 (HKD38)有粒🌶辣椒, 真係勁辣🥵, 麵質好索湯底.>滑蛋叉燒飯 (HKD40)叉燒, 炒滑蛋蓋滿整碟飯, 芡汁好味.>雪菜肉絲炒年糕 (HKD58)年糕軟腍腍, 份量仲勁多添.>虹橋小館炒飯 (HKD58)店家signature炒飯, 有蝦肉, 雞肉, 雜菜粒, 炒得非常均勻, 味道豐富.>豆沙鍋餅4件 (HKD8)Mini豆沙鍋餅, 豆沙餡OK多.>蒜拍青瓜 (HKD8)大粒切青瓜, 香口蒜味.>涼拌粉皮 (HKD8)粉皮口感爽滑, 花生🥜撈得匀循.>鮮肉小籠包2件 (HKD18)多汁👍🏻.

環境裝修唔錯，位置近窗望街，有天然光，感覺舒服，坐位闊落，枱夠大卡位舒服， 唔使限時限刻催交枱。 搽幾好飲似麥茶。 炒飯夠乾身幾好食， 一篤先有鹹肉同普通豬腩肉，肉非常多， 湯幾好飲。 糖醋炸魚，魚偏林。 水煮牛肉牛肉好多，非常辣。 素卷分量非常多。 嫩雞煨麵唔錯湯底幾好。 口水雞唔正宗。 甜品係桂花糕普普通通。 六個人食四人餐再加多一個嫩雞煨麵， 幾乎食唔曬食到好飽。 埋單要自己出去埋排隊等好耐收銀唔係太熟手， 其實信用卡係唔使簽單就咁碌卡就得。

最大問題係等候時間，明明12點半落單 但係唔知點解拖到12:48先入電腦(張單寫嘅)但係餐廳冇乜人，真係等左好耐 等到人都燥🔥等得來不特止 入單仲要入錯晒，明明叫咗三碗麵兩個小菜，但係張單就唔知點解多咗一碟乾炒牛河，冇入到兩個小菜，凍飲熱飲搞亂晒，最後仲要找錯錢。嘢食方面，啲面全部林晒，好似食粥咁，嫩雞煨面啲湯，基本上全部都係味精湯，啲雞仲要得幾粒，抄手拌麵啲面完全冇咩剩係得啲色，唯獨是個擔擔麵還可以接受，所有嘢食份量極少，性價比低，啲嘢飲份量連個杯六成都冇，大部份都係冰，杯汽水都要等15分鐘。真係唔食好過食

今日一大班朋友探完BB，就落咗樓下附近嘅商場食晚飯。呢度開咗間新嘅上海菜，朋友提意，我哋今晚試吓佢。我哋一行九人，今晚就叫咗兩set四人套餐。以下就係我哋點嘅嘅食物。D菜都上得幾快，食唔切🤣水晶肴肉口水雞雞絲粉皮每款都好夠味，又唔會太咸，醬汁落得剛剛好。手抓蔥油餅炸春卷生煎包小籠包炸物不算太油，蔥油餅都煎得幾脆。小籠包勁多汁，一咬，d汁就彈到我成件衫都係。蒜泥白肉炒菜火腿津白菜炒得好清，至於個蒜泥白肉，辣辣地，好正！賽螃蟹冇乜蟹味，蛋白就好多。糖醋魚塊酸酸甜甜，好醒胃。韮黃炒鱔糊炒得好友火喉，好有獲氣。虹橋小館炒飯終算炒得乾身，一粒粒。紅醋冰梅骨上海粗炒酸辣湯紅醋骨嘅皮炸得好脆，加埋啲醋汁，又真係幾好食。醃篤鮮清清地，係雞湯，冇乜汁，唔錯。甜品係桂花糕整體上，呢間上海店嘅菜都幾好，味道又唔差，喺馬鞍山來講，總算係一間有水準嘅食肆。終於馬鞍山有好嘢食啦！

又來到這商場，特別鐘情上海菜，喜歡這裡的環境夠雅緻，裝潢偏向摩登又帶點懷舊風格。小館共有三層，一般都是讓客人集中先坐滿最高層。一入門口，有位就像「小二」的人像禮貌地向你鞠躬，很有趣！第二層的座位，寬躺舒適👍第三層有六人卡位座位這裏的茶很清香每次來都點一個雲吞酸辣湯麵，味濃又夠辣，湯底稠，麵質軟，4隻雲吞，好夠食！鹹肉白菜炒年糕，連年糕都非常入味，帶點鹹又彈牙，不錯！我最期待的時候！必點這個甜品高力豆沙！在馬鞍山不是太多地方可以食到，如多糖霜更好下次會再來可試試其他菜式，份量和價錢都合理！

放lunch同同事一齊試新上海野！本身馬鞍山都多上海菜，而佢個位置又係入商場必經之路，幾方便。我地一行5個人叫到成枱都係野食，皆因佢有個套餐有小食加主菜又有飲品！首先要講係佢兩碟炒飯分量十足！個飯炒得有鑊氣，一碟好野味，一碟清清地好足料淡淡飯都有餸落口😋我地又叫咗個小籠包，不過就普通左少少啦。至於個口水雞配上海麵幾好，唔會好辣又好味😃其他小食就一般啦冇乜特別，我叫咗個雲耳冷盤，竟然食晒所有嘢先到😅any肥會再encore!

今日下午黎到馬鞍山依個美食沙漠之稱既地方，搵到個新開既商場wego mall 見到依間依上海菜既餐廳，因平日關係唔需要等位就入得對於肚餓既我好需要唔洗等位既餐廳🍴環境比較闊落，一個都可以坐到四人位置同普通餐廳一樣格式，附上熱茶另外有一張點餐紙比你去填寫點餐就叫多一杯熱辣辣既蜂蜜柚子茶栗米豬扒飯（$38）份糧唔算少，可以少飯粟米香甜，豬扒比較滑口另外加多$8叫左個涼拌粉皮（不過掛住依忘記影相）算係依區內比較高質既餐廳👍

見 Yahoo 團購有75折優惠，兩位朋友又住在食店附近，就比藉口自己，約了她們出來晚飯聊天。我是第一次幫襯，食店裝修很時尚，卡位設計很寬敞，約朋友在此聚會真不錯呢！我們下單後，大約10分鐘，食物就送上。四小碟 \^o^/ 我們揀了 :☆ 蒜拍青瓜 (爽口新鮮)☆ 四喜烤夫 (味道OK)☆ 雞絲粉皮 (芝麻醬汁味不夠香濃)☆ 虎皮素鵝 (像腐皮卷，不似素鵝)鮮肉鍋貼 \^o^/ 皮不油，肉不肥，夠健康。津白肉絲湯年糕 \^o^/ 味道偏淡了些。瑤柱蛋白炒飯 \^o^/ 味道合適。高力豆沙 \^o^/ 不夠鬆化，失敗之作。最後總結 : 食物只是一般，但這裡食客不算多，又沒有交枱時間，吃飽後可以傾好耐偈才離開！真是聯誼飯聚的好地方。

見佢有午市套餐去試一試， 叫了一個煎蛋番茄豬扒飯， 番茄汁完全沒有蕃茄味， 煎蛋 是燶的， 另外飯是凍的， 餐飲叫了一個西洋菜蜜， 有顏色但味道像滾水， 完全沒有味的， 員工態度不好。

被團購廣告吸引，買咗【虹橋小館】現金劵  -  有免費泊車， 食店環境裝修正， 食物多元化...... 原來， 唔買團購劵仲抵， 因團購劵只可食指定正價食物， 不包括特價食物及lunch set。食店環境舒適， 招呼都OK。  講到食物， 3人點了糖心薰蛋、餛飩擔擔麵、上海排骨粗炒、燻魚及四小碟前菜。必食糖心薰蛋，擔擔麵(湯不大濁)及上海排骨粗炒(排骨幼嫩麵不肥膩)都有水準。其他菜式一般。下次都會再試其他菜式。

今日老公要OT要自己食自己。突然之間好想食上海嘢就去咗呢度叫外賣自取。落單之後等咗大約15分鐘就有。職員都有禮貌叫我坐低等。買咗三樣嘢食，餐廳會分開三個膠盒裝，每個外賣盒1蚊。上海春卷(三件$32)。春卷有蘿蔔絲，椰菜絲，冬菇絲，仲畀埋一兜醋，好細心。皮夠脆，餡料夠味，再多啲料會更好。上海生煎包(三件$38)。生煎包底煎到脆卜卜，入面粒肉唔係太肥，幾好，但相對就冇乜肉汁。紅油抄手(六件$42)。抄手夠麻，夠辣。上面有花生粒，松子粒，辣椒同青蔥。入面有菜有肉，味道豐富。總結係，雖然唔係最好，但都可以頂到吓對上海嘢食渴求嘅引。