香港人生煎包 (Closed)

難得今日去馬鞍山行街，咁啱路過見到有兩餸飯賣～好奇心下，睇下有咩餸食～～見到舖面都好乾淨，食物方面都好多選擇～～分別叫咗2個3餸飯同一盒6件既豬肉生煎包外賣返屋企～～3餸飯既份量剛剛好～西檸雞同黑醋排骨比想像中無咁酸，味道剛好～粟米魚柳：炸皮薄，魚肉厚實，粟米汁略嫌少咗啲🤣整體都唔錯～佢哋菜式仲有好海鮮類選擇，係坊間比較少見～希望可以繼續都有🫶🏻豬肉生煎包：可能我令返屋企需時，所以包入面既湯汁就少咗，豬肉餡唔太肥，味道偏溫和，唯一可以改善既係個包底可以再薄返少少就好啦～～期待下次再幫襯😁

佢轉返雙餸飯之後啲質素好返啲！起碼食完之後唔會覺得難食！今日去咗食佢嘅薑蔥魚豉椒豆卜同埋椒鹽豬扒！呢三樣嘢食落去味道唔錯！唯一一樣嘢要講嘅就係好似保溫得唔夠！呢樣嘢要改善！改咗做雙餸飯之後佢仲有買生煎包！生煎包維持一樣質素！總體而言，價錢合理！可以俾多次機會佢哋！

喺新港城住宅地區開舖，都係諗住做街坊生意，見到有新嘢諗住試吓啦，點知出事。1. 好焗好似冇冷氣咁，抬頭一望，兩部冷氣機都開咗(好似咋，見有着燈) 仲有埋風扇。未食已經開始流汗，直到離開舖頭。喺室內流汗食飯真係會好辛苦。都唔識點形容，你行入去叫外賣就知。2. 食下午茶餐，飲: 呢間舖有樣好，飲品可以揀豆漿/紅棗水(幾特別)/可樂。叫咗豆漿正常。食: 生煎包—-內餡有少少汁，但肉汁一啲味都冇，唔知點解。唐記做得比較出色。 雪菜肉碎米線—— 湯底冇味，米線過腍，好似煮咗好耐咁。夾起嚟碎碎地。雪菜正常偏淡，肉碎好多肥膏。總之成碗嘢都係冇味。3. 環境重點想講，師傅喺其中一張4人枱搓麵粉糰。可能廚房冇位呱。重點係冇鋪枱，冇鋪枱。直接喺餐桌表面上搓粉團。衛生欠奉。質疑枱表面的乾淨程度。4. 服務女侍應服務還可以，見到有客人在外看餐牌，會主動介紹。高大男職員，冇表情，冇服務，最尾俾錢嘅時候唔該! 多謝乜都冇！

外賣買翻屋企食原先滿心歡喜，見到係美食沙漠到開左間新嘅餐廳，點知好失望😭因為本身好鍾意食生煎包同小籠包，點知小籠包無論係口感定係味道都係同超市買既南翔小籠包一樣味（叮叮小籠包）好重味精味🤮好失望生煎包味道還好，都香既，不過肉比較少，咬落去會有少少空虛嘅感覺至於雪菜肉碎蔥油拌麵 ，佢係用油麵做面底，但食唔出蔥油既味道，但值得一讚既就係好彩佢畀既雪菜同肉碎都夠撈埋一齊食先冇咁寡整體嚟講 如果突然好想食生煎包都可以去食既 不過小籠包就不值一試😣

呢排日日都叫外賣食 都唔知揀咩好 咁岩見到呢間新開嘅餐廳就諗住試試佢 叫左個蒜香豬扒煎蛋菜飯同腩片酸辣粉套餐 但整體都好失望-煎香豬扒煎蛋菜飯睇樣係炸豬扒 但外賣上黎已經唔脆身 亦冇乜蒜香味 不過味道口感都正常 煎蛋入面仲係流心 撈飯食都唔錯最失望係個菜飯 根本稱唔上係菜飯😓啲菜少得可憐😓腩片酸辣粉套餐套餐有酸辣粉 麻蝦肉生煎包同豆漿朋友話酸辣粉係無味 只得好微微嘅酸 酸辣粉嘅口感唔似平時食開咁 有啲似瀨粉咁椒麻蝦肉生煎包就正常發揮希望餐廳會改善下😓

從外送平台 order咗兩個餐 小籠包+生煎包+糖醋排骨菜飯。小籠包漏咗送，生煎包係又燶又硬（有圖），菜飯嘅飯係生㗎（生米心….有圖 明顯見到啲米係實白色）！發現漏小籠包時已立即聯絡佢地，但打咗兩次都冇人聽，直接app退款。然後食飯再發現生米心，點比小朋友食丫？！再打比餐廳，都係冇人聽。又再app退款。終於餐廳打返黎比我，好冇禮貌咁問「我想瞭解下咩事？」我講完發生咩事之後餐廳直接cut我線，冇道歉，冇話唔好意思，態度差到恐怖。我絕對會black list呢間餐廳！冇飯食 仲要成肚氣 想經歷下嘅 就試下叫佢地外賣啦😤

等左20分鐘都無野食到，先發現漏單，小籠包乾爭爭，豬扒無味，生煎包吾錯，重新洛單得10分鐘到有野食，等多20分鐘再發現小籠包又漏單🙄掛住執外賣單，眼見不小入黎嗌外賣既由我到食嘢到食完野都未有，考慮下加人手啦，同埋2部冷氣開17度都好熱