香港地 (Closed)

千色匯這港式茶餐廳都是好地方。首先店員記性不錯，會介紹推介到你想吃，和你上次食過邊款菜，驚一驚!幾枱服務員和客人都有講有笑，很熟呢!今日做完護膚療程已經晚上9點，就準備別頓普通的。選了星洲炒米和港式奶茶。通常茶餐廳我比較喜歡喝奶茶或燕映先說星洲炒米，用料很足有香味，看到大大碟都擔心食不晒，結果我居然不知不覺清了。印象最深刻蝦仁很隻，有火腿，义燒，芽菜。奶茶很滑，一包糖剛剛好，茶餐廳必飲香港地的名字很親切，很喜歡!

有冇人好鐘意飲湯呢🙊最近 香港地 推出新menu🎉主打老火湯 款款都份量十足 尤其個 花膠上鮮鍋😍.🍜花膠上鮮鍋(配布包豆腐及米線)🍜魚湯底先加分 個鯇魚餅非常足料🐟真. 鯇魚肉 而唔係溝好多粉 所以好彈牙 亮點 4大大舊厚厚花膠 同樣很彈牙假如煮得再軟淋啲就好🙊鍋底仲有索滿湯水嘅娃娃菜🌱.🍲原煲老火湯🍲就係婆婆煲湯嘅味道 好鬼多湯渣湯渣控應該好愛😂.🍚蟹籽蛋白飯🍚好簡單嘅一個炒飯 但勝在飯粉分明不油岩曬撈湯/辣椒油食 .最正係嗰薑汁好立克 同 特濃阿華田奶昔😍😍超級濃郁同夠冰涼呀!!❄❄

今晚同個朋友o係荃灣睇完戲，差唔多晚餐時間，朋友話想簡簡單單食餐便飯就要趕全返屋企交人。於是我哋就入左「香港地」諗住食啲中菜晚飯醫下肚咁。我哋叫左「煎封倉魚」、「XO醬西蘭花炒蝦球」、有個麗湯配埋白飯就一餐了。講講個「煎封倉魚」先，唔知是咪煎封既關係，唔太新鮮，啲魚肉真心硬，每次夾魚肉都要兩個人用自己對筷子互相幫手，先可以成功咁夾起到魚肉，真心無癮而且麻煩。「XO醬西蘭花炒蝦球」叫做好得多，佢既蝦都好大隻，蝦肉都算彈牙，而西蘭花都好爽口青脆，用XO醬去炒非常香口而且入味。送飯黎講，如果佢份量多啲，我哋應該可以送到每人2碗白飯的。如果晚飯黎講，我哋應該唔會再黎食了，或者早餐/下午茶之類佢會好食少少掛。

Maxim's is an interesting company. Sometimes they are pretty good. And sometimes, it's beyond horrifying. And then there are times you get both in one setting.Boyfriend and I arrived in Tsuen Wan and I was SUPER hungry. So we just randomly ate at the nearest place and that was Hong  Kong Day. A cha chan teng concept from Maxim's.During afternoon tea time, they have various afternoon tea sets. Menu is in English and Chinese. There is no 10% service charge.  You order at the table and pay on your

所謂平民食堂，平靚正！最鍾意嚟呢度叫條魚食，但一定要係八點半前先有得食，一行四人叫咗四個餸剛剛好！值得一題係嗰個香港地小炒王，炒得好有水準，好似去酒樓咁，另外叫咗個豉汁蒸倉魚，不過條魚有啲蒸過龍，仲有個椒鹽四季豆豬扒，豬扒都好林夠入味！個鹹魚雞粒豆腐㷛，送飯一流！

叫幾個小菜都無水準可言，欖菜炒四季豆出到黎水浸四季豆，唔夠味，其他送都係超多油食過第一次都還可以 第二次去差到無輪，仲要待應姐姐比左隔離台既單我地 無禮貌咁樣拎返我地台既單拍落黎

13-1-2019 (Sun)晏晝,同老公買餸前食tea,由於老公o既男友人NT送o左個呢o度o既厚蛋三文治配絲級奶茶俾我o地,所以o黎呢間食,我o地去到,差幾分鐘就到下午茶時間,於是睇睇menu,見到沙爹牛肉麵o既常餐係$58.00,而牛尾湯班尼粉同椒鹽豬扒麵o既就$56.00.夠鐘喇,我問侍應攞下午茶menu,一對之下,上述牛尾湯班尼粉同椒鹽豬扒麵餐都只係$48.00,平o左$8.00,咁份量應該係少啲,好彩我o地等,否則老公就叫o左個$56.00o既餐.最後佢要o左牛尾湯班尼粉o個個,要熱檸茶,我就要$28.00o既厚蛋三文治配絲級奶茶,侍應問我三文治留唔留邊?我答留.落完單冇耐,兩杯飲品好快到o黎,老公o既熱檸茶變o左凍檸茶,重要有飲管(佢o地聲稱日日冇飲管,如要飲管就開聲).=.=”我o既絲級奶茶好夠熱,口感滑,茶味唔係好濃,唔加糖都唔覺苦,ok.味道: 3.5分厚蛋三文治到o黎,同一個侍應話落o左留邊,但廚房太忙,唔記得o左.是但啦,睇睇啲蛋,係全熟,但好彩未o鞋,方包軟熟,呢個亦OK.味道: 4分老公o既牛尾湯班尼粉,味道算濃郁,班尼粉軟硬適中,牛肉粒都夠腍.味道: 4分

坐低叫左個脆皮雞扒黑椒汁意粉 一上菜 賣相不錯 雞扒是即叫即炸 幾新鮮 皮脆肉嫩 不過個意粉就冇乜味 靠個黑椒汁吊下味 位置坐落幾舒服 唔會話太逼 服務態度都幾好 價錢同翠華差唔多 不過要揀 應該都呢間 因為地方乾淨舒適好多

12月24日下午2點15分，到上述分店用餐，一入門口冇人理，成長吉位任你坐，但係門口嘅侍應同收銀淨係掛住喺度傾計，完全冇理過我哋。入到黎咁耐，水都冇杯，之後諗住搵人落單，啲侍應淨係識行行企企，叫咗5分鐘都無人應！跟住個收銀死死地氣行過嚟，態度又差，我係消費者有冇需要睇你面色做人？估唔到美心集團而家搞餐廳啲服務咁差，唔會再幫襯！

早餐差，選擇少，分量小，食物凍，服務差，吾好來。。。今天星期六8點幾，周圍茶餐廳都爆，走上三樓香港地，有位，是但啦，無想過比以前上水果間仲衰好多，以後吾來。從來沒有見過一板餐牌已經寫曬所有早餐選擇，勉強叫了兩個36塊的早餐～雪菜肉絲麵 ～ 雪菜味道是不錯，但肉絲真系放大鏡都搵吾到。～ 只有一塊火腿和雞蛋，仲系"凍"咖。 ~ 茶走是OK～ 咖啡也是不夠熱，太多奶所有waiter 都沒有睡醒一樣，反而執抬的姨姨是最落力的，哈哈。

今日趕時間要快食，見到香港地茶餐廳就入去試下🤓🤓🤓環境方面，午市黎講都幾full，但枱與枱之間都有啲距離，唔算好逼✨menu上面都幾多選擇，常餐有叉燒龍蝦湯意粉比較特別💖😍但係今日想食飯所以就叫左麻婆豆腐飯$53可選例湯或者熱飲好快就上菜，麻婆豆腐飯熱辣辣，啲汁辣辣地幾惹味，令人愈食愈開胃。因為好肚餓同幾開胃，所以差唔多食完先記得影相，哈哈😂🙈奶茶方面就比較遜色🤓香港茶記特色就係奶茶，但呢杯奶茶夠熱，但就無茶味又無奶味，似飲梗杯奶茶色既熱水。朋友叫左瑤柱肉鬆蒸水蛋飯 $62蒸水蛋黎講真係幾貴🙈🙈🙈不過唔錯既地方就係即叫即蒸，所以都等左一段時間（又有可能等埋幾張單一次過蒸）$62可能貴在有瑤柱係裡面，所以係水蛋裡面搵到少少瑤柱碎，色水都唔錯💕如果午市要快食既話都可以建議黎，因為都坐得舒服同上菜幾快👏👏👏👏

一個字, hea.飲品杯有咁窄得咁窄, 飲管有咁粗得咁粗.碟星洲炒米有咁 hea 得咁 hea, 仲衰過唐人街呃鬼佬果D. 粥檔炒麵好過佢.服務, 環境, 衛生都 ok.食品質數就不敢恭維, 冇下次.

行左陣街見肚餓，去茶餐廳醫肚，行過平時好多人排隊嘅香港地，好彩今日冇咩人，就同家人入去食個午餐蝦頭油雞粒炒飯睇左一陣⋯究竟係「蝦頭+油雞粒+炒飯」定係「蝦頭嘅油+雞粒+炒飯」呢原來係後者⋯賣相就同平時咸魚雞粒炒飯差唔多，食落就知真係有料到好香，飯粒粒分明，米係泰國嘅米！呢種炒飯最好食，雞粒都好入味，整體都炒得有獲氣家人就食常餐，龍蝦湯叉燒意粉個龍蝦湯底唔錯，真係濃郁唔頹，滑蛋亦炒得好靚，叉燒亦不錯

今次嚟美心食素翅🤓65蚊有翅有飯有嘢飲，都ok啵🤔#花膠竹笙海皇素翅 ($65)😋好味指數：(7/10)配xo醬炒飯 飲品一杯見到啲紀錄片，拎走魚鰭就dum番條🦈落海真係好慘😢雖然呢個係素翅，不過都幾足料，有不少嘅花膠係入面，仲有其他海鮮😗加埋xo醬炒飯，略厭xo醬味唔夠🤣不過勝在大大碟😚食完表示覺得好飽飽😚💨

今日係千色嘅大減價，同老公掃完貨，就係e肚嘅時間🤣🤣🤣香港地，擺到明就係港式茶餐廳🍴人手好似唔係幾夠，我地都係自己攞餐牌😕唔好理。。。叫下d茶餐先食下先都係一般茶仔嘅價錢👇🏻揀咗兩個餐先黎個豬扒意先賣相一般，味道。。。冇特別😕🙁麵包好硬😅反而雞翼好夠味，似McDonald’s 雞翼👍🏻有一刻，有諗，其實係未來自McDonald’s?豬扒好厚，好重豬肉雪味😣我最後都沒有食哂最好，應該都係呢杯紅豆奶茶，加返1分😂