1-min walk from Exit C1, Mei Foo MTR Station; Walk along Lai Wan Road
continue reading
Telephone
27432793
Opening Hours
Today
07:00 - 22:00
Mon - Sun
07:00 - 22:00
經過香港地，見又多咗啲新嘢食，於是就入嚟試試佢！晚餐先有嘅冬瓜盅都幾大盅，應該有成半個冬瓜，夠3-4個人食。一撈就撈到大堆材料，有素翅、蝦、火腿等等，又幾足料喎冬瓜燉到好腍身，容易起肉，飲完應該幾下火。呢個窩蛋蝦炆飯食落都唔錯，有大蝦、蝦乾同蝦籽，三重鮮味。似炒飯咁粒粒分明，飯底應該用上湯煮，好入味，鍾意食窩蛋飯應該都幾啱食。仲嗌左個乾炒牛河，好快送到，味道就正正常常啦。呢個咖喱豬扒飯竟然最有驚喜！塊豬扒有隻手掌咁大，仲有成兩塊，豬扒外脆內嫩，幾juicy。50幾蚊食呢個飯食到飽一飽好抵食！見呢個維他奶沙冰又幾盞鬼，我地三個就每人一隻味嗌嚟試下。結論係紅豆沙冰最正！好似紅豆雪條咁幾特別，而其餘兩款都唔差嘅～
continue reading
喺美孚周圍望吓有咩食，就見到間都頗為多人食既餐廳，就係<<香港地>>，入到去先知原來係連鎖茶記，但個感覺好本土feel😳頭抽乾炒M8和牛河呢個牛河炒得好有鑊氣🔥，條條分明，色水啱啱好，啲牛肉唔韌又有肉汁，爽🥳加埋芽菜一齊食😆夠哂唔錯，不過有個牛河通病，就係有啲碎濕濕，食到最尾就好難夾！😂😂重量級咖哩豬扒飯呢個一上枱就超驚喜，有兩塊大大既吉列豬扒😍😍直情個飯都見唔到，呢兩塊🐷排都好鬆軟，入面又夠moisture，好食👍🏻個咖哩好夠辣度又夠香，撈埋飯食簡直係享受😚😚招牌常餐－沙嗲牛肉即食麵其實有兩碟都已經夠食，但我太耐冇食過沙嗲牛麵，忍唔住叫埋🤣牛肉都好多吓，個麵雖則食唔出係咩麵，但比用出前一丁or蟹皇麵更加好味，唔會得味精，搶哂啲沙嗲味😋紅荳沙冰奶（$38）呢個見佢幾得意咁所以嗌😅，佢係非常大杯，絕對抵飲，而且佢個紅荳已經打碎咗，直接可以飲到，唔駛舀出嚟咁麻煩🤪我地食完埋單都仲見到人等緊位，睇嚟呢間真係受唔少美孚人既愛戴😘😘
continue reading
兩位兩個套餐埋單$96蚊，真係好抵食👍🏼！今日繼續同老婆拍拖更去見客🥰，中午由尖沙咀K11殺到去美孚，見完攪掂晒所有文件已經成15:45，當響起歸家的信號先醒起今日未有野落肚，咁啱經過間<香港地>就唔理三七廿一冲左入去。個下午茶餐好抵食，一個粉麵飯主菜加一個小食再加餐飲都係$48由於餓得淨，除左主菜外乜都冇影底😅不過總括嚟講係好抵食！
continue reading
同老公喺美孚工作完，諗住去返之前食過果間日本餐廳食野，點知撞啱人地落場時間，於是去左附近既「香港地」食，超有驚喜，除左好味之外，仲要抵食，一個細既乾炒牛河+2隻單骨雞翼及薯條+雜果啫喱都係$48咋！性價比超高！
continue reading
成日都黎食飯, 香港地每次出面都會好多人等位等叫飛 證明幾受呢區既人歡迎同質素都有返咁上下先多人幫襯，雖然多人等位 但都好多有位 等左唔洗15分鐘4個人黎食叫左二人餐有紅蘿蔔百合湯 好甜 好多舊紅蘿蔔湯渣可以裝到5碗雲耳勝瓜炒魚鬆家常便飯 唔會有重味精味 都可以煮出幾香既味道 不過唔鍾意呢個餸咁多汁 鐘意乾身d茶樹菇南瓜牛肉幾鍾意茶樹菇既口感 南瓜較爽身 無煮到好林物 牛肉恰到好處肉唔會韌魚香茄子煲惹味茄子煲 一啖魚香茄子飯再配一啖白飯 美食享受 就 只有呢一個餸飯黎食都滿足煎蛋免治牛肉炒底飯 每次黎都必點呢個飯 賣相已經好吸引 黃白鮮明既煎蛋 令人好想一啖食左佢，煎底飯好香配埋免牛 肉同汁食唔停口，呢個飯都推介要食。
continue reading
You may be interested in