19
15
13
Telephone
29819916
Opening Hours
Today
11:00 - 23:00
Mon - Sun
11:00 - 23:00
Payment Methods
Cash
Number of Seats
100
Other Info
Phone Reservation
Outdoor Seating
Review (53)
跟朋友一行8人去長洲食海鮮,點左個888 - 包4款海鮮及3款小菜既套餐,當然我地都再另加幾款小菜,以價錢黎睇的確係幾平民化,當然所謂既海鮮餐餐牌都相對地真係好平民化。當中4款我地點左豉椒炒聖子,蒸魚,加錢先夠8人份量既扇貝,椒鹽鮮魷,而3款小菜係沙爹牛肉粉絲煲,蒜蓉炒通菜,西檸雞…, 另加辣汁海螺,豉油王炒麵,粟米魚皮羹,金銀蛋浸唔知咩菜同埋椒鹽炸豆腐。先不談每道菜色都只有微温……, 除了羹,魚,鮮魷及炒麵之外其他餸都不合格甚至可以稱之為"貨不對辦"!! 1.) 聖子只有豉汁味同泥膠既口感…2.) 沙爹牛煲無沙爹味…3.) 個炒通菜又係無味…4.) 海螺肉似死螺肉…5.) 西檸雞……係雞扒黎…都算…但佢浸左起西檸湯入面……其實味道係剛好,唔差,但浸起湯入面冇左炸過既口感6.) 椒鹽炸豆腐就經典喇…迷你豆腐加上極微量椒鹽,誇張d 講…豆腐貌似仲多過椒鹽既粒數…兩種味亦互不相干…簡單d講好似一個冇拍子感既人去唱K, 歌聲同音樂各有各進行一樣……最後我地要試下浸辣椒…沙爹汁等去自誤下…7.) 金銀蛋唔知菜我冇參予…但朋友都係劣評如潮,都不意外…8.) 呢個簡直係成晚既終極大佬,就係要加錢既扇貝,一上枱面,完全係眼力大考驗,碟上似一堆人地食完既聖子殼同粉絲再排返靚仔從新上菜一樣,我地真係乜都睇唔到…當然思心d 揾係見到既,只有粒厚d 既一毫子size 咁上下,朋友都終於忍唔住問聲職員:"你地係咪過份左呢??" 職員都解無可解,只係不段話唔會重用扇貝殼,但事實都幾明顯地証明扇貝同殼係完美地分離,貝殼超級乾淨,連一絲既裙邊都冇留底!!最後職員都放棄抵抗,送多一碟稍為僅僅合格既小炒王俾我地…出街食咁多次飯…都真係未試過又唔飽又成枱餸咁離開,都幾折墮,但真唔想放入口……此次用餐大約$1,300 的確係平民價錢,但我地點既送都唔係d咩大魚大肉,如果揀多次我地情願等第二間食貴d, 但食得開心d, 所以要食好d 既真係等下位啦。當然,如果你地唔在意味道同份量,只係單純要快同填飽個肚既話,呢間野就真係幫到你~~~~~最後醒起我地本來有叫左4碗飯…但追多兩次先知原來無晒飯…當時只係8點半,但又好神奇地15分鐘後,佢又上左3碗俾我地…到底邊度黎?仲要得3碗……點啦…唔諗喇…冇肚痾就算啦… continue reading
(The above review is the personal opinion of a user which does not represent OpenRice's point of view.)
📍康記菜館📍Hong Kee Restaurant .🇭🇰香港長洲北社海傍道11A地下🇭🇰G/F, 11A Pak She Praya Rd, Cheung Chau, HK人均消費: HKD320.味道: 👅👅👅👅賣相: 👀👀👀價格: 💰💰💰💰環境: 🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.眼見海旁每家都差不多,真心隨便選跟大排擋差不多,主要以套餐為主.⭐️#芝士龍蝦伊麵龍蝦係店員在外面買回來加工的,他說自己的不夠新鮮😂我覺得味道不錯!龍蝦的確好新鮮好甜,芝士汁亦不會太濃味搶風頭我都吃左兩碗伊麵,不錯不錯.Ⓜ️#薑蔥炒蟹 ⚠️為什麼香港的薑蔥炒蟹變成這樣的😂其實國內的薑蔥炒蟹都是這樣沒多少汁,就只有幾條蔥而且感覺會覺得薑蔥跟蟹係兩個世界的人🤣蔥好似好隨便似的😂不過份量真的很少,蟹是挺鮮甜的,味道都不錯,希望可以多點蟹和蔥.Ⓜ️#椒鹽瀨尿蝦 其實長洲的海鮮都不算是特別新鮮瀨尿蝦小小的肉唔太多,無膏但椒鹽味十分入味,舔蝦殻才是最惹味,以價錢來講算是可以啦.⭐️#椒鹽鮮魷 椒鹽鮮魷係我細個最喜歡食😋依個要讚下😍外皮好薄好香口👍🏻條條都金黃色🤩入口又香又好味🤤同似好多大排擋炸到粉厚過魷魚🦑配埋啤酒一流🍻.其他的都普普通通,前後點了9個菜加十多瓶啤酒,買單HKD1600左右都算平宜雖然質素普通但不過不失👌🏻餐廳整體我覺得價錢合理💰你當他是普通大排檔就可以,不要期望太高😂老闆人好好,知我地拿啤酒回酒店,特意送了個開瓶器給我地. continue reading
(The above review is the personal opinion of a user which does not represent OpenRice's point of view.)
其實去過長洲都知夜晚去大排檔食海鮮係非常常見既,所以點解海傍會有咁多間俾大家去揀🤭🤭每次入去唔特登記錄低我相信大家都未必記得清楚上一次係食邊間,食過咩餸😅 我地一樣,都唔記得食過邊間,所以今次去完記一記低呢間 康記菜館 先😬😬我地叫左個2款海鮮加1款小菜既餐(套餐本身附送一碟炒時菜,本身我地想架個湯飲架,不過個侍應話兩人咁叫會太多,所以好好人咁送左個份量少啲既粟米羹俾我地🤭👍🏻👍🏻) continue reading
(The above review is the personal opinion of a user which does not represent OpenRice's point of view.)
Level4 2020-03-09
125 views
同朋友去長洲玩咗大半日,決定留低食埋晚飯先返市區,誤打誤撞就嚟到呢一間康記菜館,其實都冇做過research唔知邊間好食,價錢就間間都差唔多,見呢間個阿姐把口又幾得,所以就坐低咗。先嚟個粟米羹,份量都多,每人飲咗一大碗都仲有淨,魚肚配罐頭粟米湯,味道當然好!扇貝就好細隻,而且唔算好新鮮。白灼蝦大小適中,應該都有半斤嘅份量。豉椒炒蟶子嘅汁煮得幾惹味,少少辣,蟶子爽口冇沙。椒鹽鮮魷份量都足夠,應該每枱客都有點呢碟,大人細路都啱食。因為冇蜆,所以叫咗條蒸紅友,肉質一般。小朋友最愛嘅生炒骨,酸味味好開胃。墨魚腐皮卷,就係平時魚蛋類嘅朋友,都ok嘅!最後係清炒生菜,菜夠新鮮,加咗少少蒜蓉,清哂!呢餐風味平民海鮮餐,埋單只需五百幾就有咁多嘢食,都算抵食嘅! continue reading
(The above review is the personal opinion of a user which does not represent OpenRice's point of view.)
Level4 2019-11-20
265 views
入黎長洲除了要食大大粒魚蛋之外,食海鮮亦係大家首選,近海邊有多間海鮮酒家,而且間間都有平價套餐,要揀一間食都真係有點困難,而今次同友人黎到都係求其試一間,睇下會唔會中伏!今次因為帶埋狗狗,所以就坐酒家外的位置!有多款不同的海鮮套餐,而我們揀選了4款海鮮加油菜的套餐。椒鹽鮮魷,炸野都唔會話太難食,鮮魷唔會太油,椒鹽味道都好夠,魷魚彈牙!白灼海蝦,份量唔係好多,但食得出係新鮮,彈牙有蝦味!豉椒炒蟶子,蟶子整得過火了,好韌,但醬汁係OK的,送飯係唔錯!清蒸海上鮮,魚係豉汁蒸倉魚,魚整得剛剛好夠熟,魚肉鮮甜!炒油菜有多款菜可以揀,而我就揀選了炒白菜仔,夠鑊氣而且味道剛剛好,軟硬度亦適中!我地仲叫左可樂同白飯!這家酒家的海鮮整體還可以的,係份量唔會話好多,但餸菜夠熱!店員們都好熱情,而且仲有機會見到流浪貓貓討吃呢! continue reading
(The above review is the personal opinion of a user which does not represent OpenRice's point of view.)