53
25
11
Telephone
3428 2383
Opening Hours
Mon-Sun
11:30-15:00
17:30-01:00
Payment Method
Visa Master AE Cash UnionPay
Number of Seats
350
Other Info
Open Till Late
Alcoholic Drinks
Phone Reservation
10% Service Charge
TV Broadcast
Signature Dishes
人參雞湯 三文魚刺身 韓國泡菜
Review (107)
喺銅鑼灣shopping,行到肚仔餓,加上天氣又熱又翳焗,於是就喺身處位置嘅渣甸坊搵食!渣甸坊雖然有好多食肆,但weekday lunch time到處都係人龍,我同個fd搵左一陣先決定去漢和!眼見漢和就喺屈臣氏樓上,但原來佢嘅入口,係要through屈臣氏裡面搭行人電梯上去嘅!我地唔知,仲以為係由鄰座大廈搭電梯上去,後來問個保安哥哥先知!嗯,漢和都算指示唔清晰,幾難搵!。。。一上到去,成間店烏燈黑火,就連附近都冇咩租舖,人氣欠奉,感覺就似一個清盤嘅簡陋商場咁! 唔講商場,講下漢和店內環境,佢樓底矮、裝潢簡陋至極、店內海報、餐牌、食物點選紙同座位都有豉油漬/油漬,污污糟糟又立黐黐,地下又有肉碎同廁紙。。。 咁嘅情況,唔怪之得喺呢個"黃金時間"都只有小貓三數食客,可以講係侍應仲多過客人!(雖然係咁,但侍應唔係個個應你,你要一直舉起隻手,叫了幾次先有人黎serve你!)店舖環境同服務如此,當堂令食慾減半,希望陣間黎嘅食物能夠為漢和加分啦!我同個fd分別叫了午市飯餐:鍋燒牛肉飯+冬瓜人蔘雞湯+豆漿,及鍋燒雞肉飯+冬瓜人蔘雞湯+豆漿!每個$38(要加一,即每人埋單$42!)先講講前菜!通常韓食店都會有三數碟前菜俾客人(如泡菜、銀魚仔、綠藻、豆腐乾等等選擇),呢度都有,不過只有白菜同大豆芽,連韓式食店必有嘅泡菜都冇,咁同普通酒樓食肆有咩分別!仲有,我地見每張檯(無論有冇客人喺度都好)都預先放左一碟"前菜"喺度,冇遮冇掩,其實咁樣會對味道/衛生方面好影響架!!!除左前菜,每檯都有一壺茶,但倒出黎居然有好多油漬浮面,嘩,真係好得人驚!唔知係D茶唔乾淨定係個杯有油漬!。。。 鍋燒牛肉飯/鍋燒雞肉飯:(讚)夠晒熱,夠晒大碗,飯多餸多。(彈)唔夠汁,好難拌晒成碗飯,食到咁上下,就會覺得好乾好滯!另外,D肉質素好參差,大部份都好韌,咬唔開! 冬瓜人蔘雞湯:一如飲味精湯,冇人蔘味!湯內冇冬瓜冇雞肉! 豆漿:唯一覺得ok,可以放心飲晒成杯嘅東西!總括黎講,無論喺店舖環境、裝潢、服務、食物等方面都唔ok,睇怕都唔會再幫襯啦! continue reading
(The above review is the personal opinion of an user which does not represent OpenRice's point of view.)
Level2 2011-07-15
2126 views
朋友從外國回來,心思思很想吃korean bbq!到了這間東西...原來好多人等緊!!!等了十分鐘有位了!就立即入坐埋單位位140幾蚊連+1有小小貴,但是affordable因為有好多野食!dinner 有很多選擇還有三文魚sashimi !!!而且是無限量供應!ok新鮮!而meat 方面亦都好好味!!亦有我最愛的牛舌!好脆小食方面,燒賣就唔好食啦...真係好難食但係粉絲好好食,泡菜都係,唔會好salt !btw!!個到仲有雪糕食!有chocolate 同埋應該係牛奶味!唔錯嫁!!!不過唯一有小小唔係好高興就係坐後房個到d人好嘈...仲要成日bang 門!!! !!! !!!! 真係好嬲下....建議佢增設更多野飲!!!服務再好d就好! continue reading
(The above review is the personal opinion of an user which does not represent OpenRice's point of view.)
Level2 2011-05-15
1511 views
由於太耐冇去食韓燒,於是相約好友去再戰地址算易搵,而午市仍有空位,人流唔算多,所以都叫坐得舒服整體環境都可以接受首先講下服務,本身見到好多食評都話服務一般,所以去之前都有少少擔心不過今日去果時叫佢換板都好快手(可能因為唔算多人)態度上都冇咩點其次,衛生真係要改善下地下好黏我都可以接受,但係碗碟同盤比我感覺真係接受唔到,拎上手D碟感覺污糟而廁所衛生情況都係麻麻地不過,整體食物質素都唔算,而且款式多肉類方面都係不外乎肥牛,牛肉,雞肉,羊肉,五花腩,魚同魷魚等等不過原本打算燒住腸仔食先,點知真係麻麻地反而意外地五花腩同雞肉就真係唔錯,味道真係推介食物係雞肉!! 醃得幾好味而除左肉類外,仲有好多熟食選擇..我記得既包括壽司,餃子,炒飯,燒賣,薑醋 ,炒粉絲,泡菜,沙律,年糕等等韓式前菜就真係一般,不過壽司我個人幾鐘意食,都唔錯但唔見有三文魚刺身,原本個位放左D紫米糕..可能因為午市關係唔放出黎?總之有少少失望而甜品方面有紫米糕,豆腐花,西米露同雪糕,仲有西瓜等生果不過雪糕就得原味同朱古力味飲品方面可選豆漿或酸梅湯,豆漿有怪味我明係用水溝出黎,但都冇理由咁難飲,所以最後放棄左豆漿而湯方面有老火湯,碗仔翅,參雞湯等碗仔翅都幾足料,味道唔錯,同街邊果D好似有少少唔同..而參雞湯都還可以,但唔算好多料係入面整體而言,熟食都係麻麻地而肉類都唔錯,不過燒既以似為主,菜就少左D午市成人$78+1都係以前食既漢和比較好食 continue reading
(The above review is the personal opinion of an user which does not represent OpenRice's point of view.)
Level1 2011-04-21
742 views
很久沒吃韓國燒烤,所以就到漢和一試。自助形式,每位$118,二至四人限食個半鐘,五人以上則限食兩個鐘。地方很大,坐得算係咁,不過通風不如理想, 太焗。三文魚刺身不夠新鮮,refill速度唔夠快,搞到時時要同人搶。其它只有三款壽司,選擇太少了吧燒烤食物都比較少,以肉類居多,醃法通通一口味唔夠特式。太多人,人又貪心既,個個搶食物唔夠派!泠熱盤就唔錯,有不少選擇,有豬腳薑、炒瀨尿蝦、人參雞湯、碗仔翅、炒菜、醃菜、醃青瓜。個人認為泠熱盤重好食過D肉類飲品方面有豆漿、酸梅汁任飲。個人認為酸梅汁較好。甜品有豆腐花、糖水、涼粉、西瓜、雪糕等等。大至上食物口感同食物REFILL方面較差,還有環境及洗手間衛生問題(根本長時間沒人處理!)。 continue reading
(The above review is the personal opinion of an user which does not represent OpenRice's point of view.)
Level4 2011-03-25
576 views
對上一次光顧這間韓燒餐應..已經係上年, 時間過得真快~ 當時覺得幾抵食, service OK, 而且食物的質素亦有水準~ 然而, 事隔一年... 往惜的種種一切都已改變... 先講一下服務: 這次, 服務員的態度係 視而不見-聽而不聞~ 我的烤板已經黑過鑊撈,要求換板..不論是舉手或是揮手也好, 服務員老是直行直過 扮作看不見~ OK, 終有一位走來...但答複是 「吓! 要換板呀? 我好唔得閒呢?」 真吹脹!! 然後又閃開了, 我等了很久才有另一位來幫我換板. 衛生: 絕對欠佳!! 近乎惡劣!! 地板(油笠笠)的, 有垃圾, 也有食客不慎掉在地上的生肉~ 我當然明白午市時段人多... 但, 總要處理吧!! 更嚴重的是..洗手間!! 可以用嘔心‧恐佈來形容!! 我跟服務員訴說有關washroom的衛生問題...他竟對我說出 「依家好鬼忙呀,幫唔到你呀」... 真惡劣! "第13星座 " 真的一肚氣...唉! 真掃興! 不過, 除此之外~ 食物仍然是有質素, 是美味的 依舊吸引 正呀!!! 好多肉呀!! 吃!! 吃!! 吃!!本人的推介是: 肥牛、雞肉、牛肉、五花腩、魷魚、牛舌、冬菇、 泡菜、薑醋~我和太太還是會再次光顧的~ 不過, 有錯就要改! 我們是顧客...而非(出氣袋), 請改善吧~ 此外, 環境衛生是絕不能忽視的! 尤其是washroom 請改善吧... 我是善意的. continue reading
(The above review is the personal opinion of an user which does not represent OpenRice's point of view.)