Video
Introduction
This Korean restaurant offers a variety of authentic Korean food, such as Pork knuckle in Korean style and Korean Ginseng Chicken soup. There are also set meals for different number of people.
continue reading
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
-
Online Booking Service Not Available
好耐無幫襯過呢間韓式小店了，應該都有六七年甚至更耐。見到個二人套餐A有炆牛肋骨煲，就叫二人套餐A（$228）啦。有三個主食，兩款前菜，一碗白飯，兩杯餐飲。前菜係韓式泡菜同涼伴海帶，餐飲要咗凍蜂蜜蘋果茶同凍蜂蜜紅棗茶。炆牛肋骨煲，上枱個煲入面啲湯仲滾緊，有4舊厚切牛肋骨，一舊紅蘿蔔，一件冬菇。牛肋骨炆得好軟腍，兼且十分入味，牛味仍保持到。湯底咸咸甜甜，加落白飯變湯飯，最後啲湯飲哂。韓式煎海鮮蔥餅，微微香脆，餅底口感軟糯，粉漿唔糊口，海鮮配料及蔥唔算好多，味道正常。石頭傳統雜錦豬肉飯，好耐無食石頭飯了，石鍋超熱，所以鍋底有少量飯焦。除咗豬肉片，仲有大量配菜（翠肉瓜、紫菜、芽菜、菠菜、紅蘿蔔絲、白蘿蔔絲、雞蛋），加埋前菜嘅泡菜，再唧埋石頭飯嘅靈魂「甜辣醬」，將所有嘢撈呀撈呀撈，口感十分豐富，多重味道層次。PS：沒有加一服務費。收現金、八達通、支付寶，滿$300接受信用卡。
continue reading
位於荃灣平民價錢既韓國餐廳平時都有唔少附近打工仔光襯今次試咗豬肉鐵板燒飯上菜時仲維持住個熱度它豬肉個份量好多醃得好入味又唔會太鹹😋😋味道啱啱好配上芽菜菠菜翠肉瓜等配菜送飯一流🤤🤤對得住呢個價錢唔錯值得一試😎😎
continue reading
小喇叭 禮拜六 lunch 行過見到鋪頭入邊都叫多人 入去試下兩個人嗌咗個拌飯， 海鮮湯烏冬同飯捲痴_線, 啲青口嚟到有三隻有一隻唔開口 蝦仁上到嚟黑同霉嘅 個拌飯啲飯一啲霉到 一啲就硬到傻 啲牛肉就係呀婆啲腳皮感 又乾又柴 再乾少少就可以pack埋做美真香.仲有個飯捲，零麻油味，d飯又濕，最最最重點係竟然比日式壽司鼓油你點，係前所未見嘅crossover個拌飯…係咪基本連飯都唔識煲，太多水啦，d飯一pat pat不可一不可再 千祈唔好嚟食
continue reading
呢間韓國餐廳嘅海鮮豆腐湯真係好正！我哋今次外賣咗一碗，湯底濃郁，味道非常香，新鮮嘅海鮮味。湯裡面有好多海鮮，豆腐又滑，真係好正而且，佢哋嘅份量都幾足，食完全唔會覺得唔夠。配埋白飯，真係一餐好滿足！再加上一啖泡菜，味道更加出色。外賣方面，包裝都幾好，唔會漏，送到時都仲熱熱地，食落去都幾有韓國風味。如果你鍾意韓國食物，想試下好味嘅海鮮豆腐湯，呢間餐廳絕對值得一試，不過以荃灣區既餐廳外賣價錢稍為貴左少少，但我都覺得值得
continue reading
一早訓醒，失驚無神想食海鮮豆腐湯，即刻上openrice睇吓，原來呢個位有間韓國野，一直無留意。11:30開門，我係第一個客。豆腐湯呢D咁standard既野，只要足料，好難唔好食，呢間亦處理得宜， 而且62蚊真係唔貴。呢個海鮮豆腐湯都算足料，豆腐一大舊，有蛋，青口有4細隻，其中一隻DND🤫。八爪魚仔蝦有幾隻See you tomorrow食韓國野，通常都有kimchi任食，呢間lunch就冇。想食泡菜要另外叫，呢碗要15蚊，味道一般。凍檸茶加3蚊，最憎用不銹鋼杯，睇唔通睇唔透，督檸檬好唔方便。枱底櫃桶有紙巾結果湯飲清，飯食晒😋 韓癮起可以隨時翻兜👍紙巾提供: 有，枱底櫃桶自取廁所狀況: 冇去過回味指數: ****翻兜指數: *****備註: 收八達通，300蚊以上收咭
continue reading