98
5
2
9-min walk from Exit A1, Tai Po Market MTR Station continue reading
Telephone
66026675
Introduction
The Western restaurant in Tai Po offers all-day breakfast, handmade spaghetti, handmade pizza, etc. Angus beef burger is highly recommended. They offer a series of craft beer too. continue reading
Opening Hours
Today
12:00 - 14:30
18:00 - 00:00
Mon - Sun
12:00 - 14:30
18:00 - 00:00
Payment Methods
Cash
Number of Seats
55
Other Info
Online Reservation
Alcoholic Drinks
Phone Reservation
Reward Dining Points
About Reward Scheme
Review (118)
記得第一次大埔之行,可謂人生路不熟,在開飯網上找到不少好評的 「Homeland」!果然是受歡迎的小店,尚未屆晚飯高峰時間,登記後等了二十分鍾方可入座!小店氣氛不錯,而顧客多是年青人,偶有較年長的來撐場!防疫軟硬件也做足,年青侍應們態度親切有禮,就連玻璃水樽也經花心思設計,富有香港味道,的確有家的溫暖!下一步則要看看食物水平。先來啤一啤吧,「Homeland」提供香港製造的手工啤酒,手工啤漸漸成為一個飲啤的趨勢,而我們當然樂意支持本地出品!原先欲試的「港女」暫時缺貨,侍應於是推介了口味相近的「早晨」 HK$68 ,而老公則要了 「黑鳶」 HK$68。Cheers!「早晨」帶有小茴香、花椒、乾果皮的香氣,口味清爽怡人,絕對是瞄準女士味蕾而製作!而 「黑鳶」屬於啤味濃厚的選擇,咖啡、焦糖及朱古力混合起來有點 Man,也頗有新鮮感,作為女性也感覺不錯!Mussels in Spicy Tomato Sauce HK$88 是餐廳推介,價錢不貴,但份量蠻多的!這道香辣蕃茄白酒煮藍青口餐前菜式,除了藍青口十分新鮮、熟度掌握得恰好、入口啖啖鮮嫩的海洋味道外,香辣蕃茄與白酒的醬汁肯定是焦點,酸甜茄香帶微辣,十分惹味!一向喜歡麵食與 Pasta,眼球旋即被餐牌上的 Homemade Ink Udon with Seafood HK$118 吸引了!首先坊間自家製烏冬不多,有的亦是日本餐廳的專長, 再來烏冬竟由西餐廳製作,兼且是混合墨汁的西日版本,賣點鮮明亮麗,所以特別矜貴。面前烏卒卒配上鹹蛋黃汁的墨汁烏冬,以大蝦、藍青口、鮮蜆、帶子和八爪魚等海鮮相伴,海鮮雖美,但仍敵不過自家製烏冬魅力。墨汁烏冬的彈性、筋性和嚼感均很強,如果我懂得意大利文 Al Dente 的加強版詞彙便好了,現在只能說 Al Dente X 3。如果您是超喜愛彈牙,或超討厭軟乎乎、無牙阿婆食物的口感,必定要一試!墨汁烏冬帶點輕鹹,可惜已分清不分鹹味是來自墨汁,還是鹹蛋黃汁,雖然鹹蛋香並不明顯,但卻令我十分難忘,加上每款海鮮也經過獨立烹調,具誠意、亦具創意,值得推介!再來一道肉肉,點了 Pan Fried Black Angus Striploin HK$158。Medium Rare 的澳洲黑毛安格斯西冷 ,切開見桃紅的色澤,十分漂亮!肉質和牛香不算突出,也許煎與燒的烹調方法,在某程度上也有著關係,不過只是百多元的西冷,配備薯蓉、新鮮雜菜和牛肉汁,勝價比總算不錯!或許烹調前,可考慮先以海鹽和黑椒調味,海鹽用作提升牛肉香氣的效果不俗!每次到訪氣場高的黃店,都會有一種令人心安舒暢的感覺,「Homeland」也不例外,怪不得深受關注,緊記要繼續努力為我們的家扎掙啊!除了多發掘及嘗試元朗區的黃店,有時間亦會跨區覓食,記得兄弟爬山各自努力麼?誓要一步步將黃色經濟圈振興起來,發揮自己香港自己救的精神,Hong Kong, Our Homeland! continue reading
(The above review is the personal opinion of a user which does not represent OpenRice's point of view.)
母親節帶偉大既母親黎撐黃店, 五一黃金週撐黃店!咁homeland咁黃,又咁多人排隊, 咁我地就預早左就訂位一黎到坐低 見到有連儂牆,又播港台節目,好黃!餐牌都多選擇既 價錢都非常公道同合理唯獨佢無手工啤酒飲住 即使佢有寫係drink menu、 依個有少少失望既 不過算啦咁佢都提供水有 同埋我見其他人有飲花茶呀咁先上沙律 叫左蝦同八爪魚都係用意大利醋 甜甜地既如果你唔鍾意依個sauce, 咁你就無菜食喇叫左依個蜆手工意粉 簡左小辣佢個手工意粉好似上海麵/油麵咁粗幾得意 但唔係al dente意粉依個菠菜意大利飯係好味 推薦!後面既蠔湯都好鮮既依個忌廉湯 好重忌廉味 都推薦!依個牛排等左好耐 不過係好值得等既牛味好重 煮得岩岩好 唔靭不過肥左啲但另一個更好味 係好味到我影唔到既係佢個豬肩 個個係必叫!!!!好重豬味 同埋好柔嫩嘅肉!本身冇諗住要依個鰻魚全日早餐食,不過我哋等個薄餅等左成40分鐘,都未到嘅時候,就覺得唔太飽其實佢嘅份量都比較少,所以我哋就再加點左薯條同依個鰻魚全日早餐法包唔脆,滑蛋夠滑,鰻魚正常,份量都多其實如果係一個人食都會飽。等左四十分鐘既pizza終於登場佢其實幾好味 不過真係等太耐其實等既期間 我見其他枱既客都無野食緊我見佢又出沖緊外賣單而外面人龍又多 打哂蛇餅咁個廚房似搞唔掂咁多野做 依個係我地既唯一投訴佢服務係好好架 因為佢咁遲上pizza俾我地時 佢都有唔好意思同埋幫我地落單既眼鏡哥哥 係唔洗用紙寫低我地叫既餸 都記得到 都好抵讚架!聽爸爸媽媽講 佢地其實早早黎過食晏就佢地話人少啲服務都快啲嗯 加油呀homeland! continue reading
(The above review is the personal opinion of a user which does not represent OpenRice's point of view.)
呢間黃店開左冇耐 有文宣模型同文宣畫!雖然當日都幾多人懲罰但因為高質 覺得大家可以支持下💛(Yellow restaurant)兩個人食左咁多野😂:-1️⃣「鰻魚炒蛋開邊法包三文治沙律🥪($108)」又係鰻魚蛋🤪炒蛋好香 配法包正 btw個沙律醬係有黑加侖子味嘅醋 好特別🥑🍇🥗Eel and Scrambled Egg Sandwiches-2️⃣「香煎帶子菠菜意大利飯🌱($98)」芝士同牛油味略微掩蓋左菠菜嘅味🙈Scallops spinach risotto-3️⃣ 「海鮮自家製墨汁烏冬🖤🦐($118)」好似手工意粉好好咬口 番茄汁酸甜開胃🍅Homemade Ink Udon with Seafood-4️⃣「法式鮮蠔忌廉湯🦪($68)」超高質😻每一啖都有蠔嘅鮮味 仲要原隻蠔上👍🏻French Oyster Bisque-5️⃣「海鹽奶蓋抹茶🍵($38)」奶蓋有3cm咁厚 抹茶頗濃略帶回甘 小編好少飲晒成杯🤤Seasalt Dalgona Matcha-6️⃣「榛子奶蓋美祿🌰($38)」奶蓋一飲就知係美祿 都係必試🐷Hazelnut Dalgona Milo-7️⃣「朱古力脆片蛋糕🍫($38)」脆底有1.5cm厚!好香金莎味 朱古力味濃到傻💩Feuillantine Cake-💰:$100 - $150 (+10%)📍:大埔 Tai Po性價比CP value:🤤🤤🤤🤤⚪️飽肚fullness:🤤🤤🤤🤤🤤味道taste:🤤🤤🤤🤤⚪️環境environment:🤤🤤🤤🤤⚪️(🌈闊落)服務service:🤤🤤🤤🤤🤤Score:89/100 🔖 (bookmark) continue reading
(The above review is the personal opinion of a user which does not represent OpenRice's point of view.)
Level4 2020-05-07
174 views
呢間係大埔嘅黃店自家製意粉好出名lunch time成日都好多人 今次食到因為早左黎所以好開心😍😍入去見到佢嘅裝修好友歐陸風情而且佢有兩層上面嗰層嘅掛畫令人眼前一亮😳😳連玻璃水樽都有香港加油字樣😚😚lunch time會有lunch set 但係呢排因為疲情影響lunch 唔會有snacks 講返食物方面我哋叫咗四個lunch set😙第一個係芝士焗蕃茄醬闊條麵 有少少辣佢係入口一陣之後有一陣辣味湧返上嚟 再加埋番茄酸酸甜甜味道幾過癮 🍅🍅第二個係牛肉意大利飯嗰份係啱啱好唔會太飽亦都唔會因為有cheese而太heavy 😍😍 成個意大利飯都好友牛肉味應該係用咗佢嘅肉汁精華加入醬入面整既第三個係黑毛豬配薯菜有一晚食晚飯嘅時候叫過薯角 同呢個都一樣咁好食 豬肉好厚身但係如果細食嘅朋友應該會食唔晒 好抵呀🤪🤪最後一個係班尼廸蛋 成個擺盆都好豐富唔好以為剩係得兩隻蛋其實仲有煙肉腸仔煙三文魚沙律菜等等 做lunch嘅話一定食得飽 🥳🥳最後每個lunch set送一杯嘢飲🤩 continue reading
(The above review is the personal opinion of a user which does not represent OpenRice's point of view.)
以往嘅大埔東昌街,都係以租單車同埋食魚蛋粉而聞名。就係早幾個月呢條街悄悄地開咗一間黃店!呢度平時日頭經過人流並唔算太多,但係一入夜餐廳嘅人流就車水馬龍!好在事前有訂台,一入餐廳店員就細心幫你量度體溫以及提供洗手液搓手。餐廳裏邊播着輕快嘅音樂,另外亦以工業風為主題,牆上亦設有連儂牆以及多幅同路人深刻難忘嘅掛畫!餐廳提供多款嘅菜式,而今晚我就點了一個意大利飯同埋豬肩肉⭐️香煎西班牙伊比利亞豬肩肉豬肩肉煎煮嘅時間適中,切開之後亦見到肉質同埋油脂嘅分布平均;配菜以牛油搓成嘅薯蓉加上清炒嘅菇鮮蔬。如果嫌肥膩嘅話就一定要點一點酸味味嘅香菜中和油膩感⭐️香煎帶子菠菜意大利飯佢出邊餐廳都比較少食菠菜配搭意大利飯,第一次嘅嘗試我覺得菠菜嘅味道融入左意大利飯嘅感覺!意大利飯嘅咬口啱啱好,而且煮食嘅帶子口感亦都非常之一流,成件事喺好夾!🍹日月潭紅玉個人認為並唔係太有自然蜂蜜以及水蜜桃香,但係都感受到啤酒麥芽嘅清香!⭐️清甜的水另外,餐廳嘅衛生功夫亦做得非常之足!有晒膠板隔開座位!👍🏽亦都要提提大家,暫時餐廳並未接受信用卡結帳,記得帶定現金🤓—————————— 食物質素:9/10 環境衛生:9/10 舒適度:9/10 服務:9/10 性價比:9/10 總評分:9/10 ——————————#foodblogger #foodlover #foodie #hkfoodie #相機食先 #大埔 continue reading
(The above review is the personal opinion of a user which does not represent OpenRice's point of view.)