Video
4-min walk from Exit E3, Sheung Wan MTR Station
continue reading
Telephone
23623830
Opening Hours
Today
07:30 - 17:30
Mon - Sun
07:30 - 17:30
Above information is for reference only. Please check details with the restaurant.
About Reward Scheme
Video
Photos
Sunny Day 藻藍蛋白椰香鮮奶特飲
+214
+50
Recommended Dishes
慢活中環 @home.aday 踏入餐廳柔和色調與溫馨擺設令人有「返屋企」的感覺。係繁忙鬧市中，一個令人放鬆、適合朋友傾偈、歎健康食物的好地方💕🍳All Day Breakfast 全日早餐： 煎蛋香口、雞肉腸入味，仲有牛油果、煙三文魚砌成玫瑰形，非常精緻。配埋牛角包、焗豆，真係一餐暖笠笠🥰🌿 Thai Basil Omni Minced Pork Stir-Fry with Rice & Sunny Side Egg 泰式新辣肉碎飯配太陽蛋： 燶邊太陽蛋啱晒，香氣四溢，新豬肉照顧素食人士，夠誠意👍🏻🧆 小食： 泰式魚餅：外層微脆、口感紮實，香料味溫和，係一款輕鬆食落、唔會搶味嘅小品🤤日式牛肉薯餅：薯蓉滑身，牛肉香氣突出，係佐餐或配茶嘅不錯選擇。 🥤 飲品少女心 x 清新系兼備 😍🐋 Sunny Day 藻藍蛋白椰香鮮奶特飲 (Blue Spirulina Coconut Fresh Milk Drink) 藻藍蛋白椰香鮮奶特飲夢幻粉藍色，仲有乾花瓣加持，少女心即刻爆發，打卡一流～ 🍊 Bittersweet Day 紅西柚梳打特飲 (Grapefruit Soda) 清新解渴，氣泡感夠，醒神❤ 總結：傾偈健康之選・慢活打卡之地。食物整體味道樸實，但擺盤用心有誠意。餐單健康，選擇多，素食者都照顧到。加埋特色飲品，創意十足，打卡吸引。喺中環繁華之中送上慢活節奏，舒服環境，非常適合約朋友慢慢傾偈，歎杯靚飲、享受個輕鬆午後
continue reading
落堂經過見到呢間餐廳，以中上環呢個位置價錢合理一於入去試吓， 估唔到性價比真係高仲驚喜喎。餐廳以白色為主，感覺很乾淨清新，樓底高坐位舒服令人很放鬆。🔸️酸奶燉牛尾配旋鍋蛋包飯賣相不錯幾吸晴，螺旋形蛋很有趣，螺旋蛋都幾滑，牛尾燉得軟腍又入味，醬汁甜甜地配飯一流😋🔸️櫻花蝦海鮮喇沙喇沙湯椰香味香濃帶微辣，份量都幾多用米線底幾掛汁，材料勁多，青口，大蝦，魚蛋，帶子，豆卜等,湯面灑上櫻花蝦更添惹味😋🔸️雜菜湯材料勁多每一羹都有都有湯料，湯微酸很香濃😋🔸️炸手打蝦餅。加$28叫了一款小食，蝦餅炸得香脆，蝦肉足料好彈牙🤩🔸️Supper Raw Cocount Latte 特濃生椰拿鐵咖啡配上椰奶充滿異國風情，一d都唔甜，咖啡同椰子味平衡得很好很清新。我勁欣賞呢個椰子脆片，香脆可口超好味，超有驚喜🤩🔸️Bittersweet Day 紅西柚梳打特飲天氣咁熱嚟個西柚梳打特飲，酸酸甜甜令人非常開胃，打卡又透心涼飲品😊
continue reading
喺中環行街行到肚餓, 唔知食咩好?嚟依間餐廳絕對係一個唔錯嘅選擇.呢度菜式多元化, 總有一款啱你口味.餐廳環境舒適, 亦都好啱打卡.我哋今次叫咗一個主食、一個下午茶餐, 仲追加咗小食同飲品.叉燒蛋香脆薄餅 (HK$98)第一次見薄餅上面有叉燒.呢個配搭真係好驚喜!店員話呢款薄餅係同華豐燒臘 crossover. 叉燒係由華豐燒臘自家調製醬汁同燒製.薄餅上面隻流心蛋, 配上肥瘦適中嘅叉燒同埋芝士, 個味道真係估唔到咁夾.而且個薄餅烤得好香脆.真係幾好食.南瓜湯 (Lunch Set)味道好濃郁, 飲到有細細粒嘅南瓜肉.韓式泡菜炒西班牙黑豚肉意粉(HK$178)一上枱就聞到好香泡菜味.意粉彈牙, 帶有微微辣味.西班牙黑豚肉嘅份量都算多, 而且索晒泡菜嘅辣味, 成個意粉令人食到停唔到口.值得一試!炸手打蝦餅 (HK$28)呢個係追加嘅小食.蝦餅裡面係滿滿嘅蝦膠, 好彈牙.Chill Day (Lunch Set +HK$25)呢杯白桃乳酸特飲真係好啱打卡.飲落幾清新, 亦都帶少少乳酸味.Aloha Day (HK$55)呢款係菠蘿沙冰.顏色好sharp, 賣相一流!最正係用新鮮菠蘿而唔係用罐頭菠蘿整.幾有誠意.值得一讚係餐廳有專為素食者設計嘅Menu.仲要有好多選擇.食素嘅朋友應該會好開心.總括嚟講, 呢間餐廳無論環境食物定服務都令人滿意.菜式創意同質素兼備.價錢合理, 真係值得去試吓!
continue reading
今日拍拖日💕小妹二人先去《香港醫學博物館》參觀，比$20入場費但都幾多野睇喎，臨走仲買咗個腦公仔掛飾🤣！之後沿路行咗去PMQ、中環街市行下涼下冷氣，因為當日又熱又濕❤️🔥真係著咩衫都濕晒🥵~行到差唔多見開始有啲肚餓，就去咗附近一間西餐廳《Home A Day》食個遲來的午餐😋，入舖頭後的第一句不是歡迎光臨，而是歡迎回家「welcome home」，感到窩心呀🥰餐廳主打亞洲多國菜，喇沙、冬陰功、韓式、泰式，做番香港口味又保留番當地原味👍🏻👍🏻仲有全素餐牌「green is the new yum」，其實比較少見，通常都只有一兩道菜係素食，呢度有專給素食者的餐牌可以選擇😲小妹共叫咗兩款主食、兩杯飲品同兩個小食🤤🤤🧡喇沙大虎蝦帶子忌廉意大利麵喇沙意粉超掛汁，份量又多，賣相襯色都好靚，幾好食甜甜忌廉汁、香濃喇沙，不過辣返少少就冇咁滯！🧡叉燒蛋香脆薄餅Home A Day首創的叉燒蛋香脆薄餅，與中環街市附近嘅華豐燒臘聯乘出品，嫩滑叉燒、流心雞蛋、拉絲芝士，三者配脆薄餅非常好食，一啲都唔膩，可以encore喎！🍤 炸手打蝦餅手打炸蝦餅啖啖肉，沿用新鮮食材即叫即整❣️🐮日本牛肉薯餅呢件牛肉餅，食落薯仔份量比較多，多番少少肉碎會更好食🤤🍹HomeADay Special 有外觀有內涵的打卡飲品，使用新鮮水果，並唔係用罐頭水果💛甜心鮮菠蘿特飲新鮮菠蘿汁加綠茶底，配搭一串三件菠蘿肉，有得飲又有得食😋真係新鮮菠蘿嚟㗎，冇嗰種死甜，反而係清新嘅甜味！🤎香濃朱古力真係超濃丫，仲配上一大劈忌廉及朱古力粉，平時老公好少飲晒一杯朱古力奶，都飲得晒呢杯堅香濃朱古力🍫以中環地段嚟講，Home ADay係一間對得住價錢，又鄰近中環街市的休閒文青Cafe，午餐仲包前菜及飲品，主食份量又多，食過返尋味🥰下次再嚟食先😳
continue reading
✨中環黎講 價錢相當不錯坐低之後 經理親自介紹餐廳特色多國菜 包括星加坡 馬來西亞 素食者 咖喱(港式) 樣樣俱全 想不同國家嘅人嚟到都可以嘗試唔同風格👍🏻即使係當地人 因為香料 配菜都會港式化 所以不會太重口味 迎合香港人需求.另外仲有素食者餐牌見到隔籬枱叫咗肉碎太陽蛋飯 好吸引 下次試.同朋友吃午餐時 就快走嘅時候下午茶時間 見到隔籬枱有好精緻嘅食物😍決定下一次要返嚟試！.🍽️酸奶燉牛尾 配 漩渦蛋包飯 $128🐂呢個牛尾超級腍👍🏻 自動骨肉分離 目前香港cafe食過最腍嘅🤤.🍽️全日早餐 (選了西式炒蛋) $148這盤早餐擺盤精緻 色彩繽紛超豐富 份量亦比想像大.🥐 牛角包 外層酥脆🥓 培根 煎得微微焦香 鹹香酥脆🍳 炒蛋 可以選擇太陽蛋🐟 煙燻三文魚 油脂豐富 咸香鮮嫩🍅 番茄+沙律 增添爽口感 平衡油膩🌭 香腸 飽滿多汁 芝士餡 香脆🍲 蕃茄豆 無特別.🍽️冬陰功單骨雞中翼（4件）+$18冬陰功味重 雞翼香脆.🍽️日本紫薯栗子薯餅（1件）+$18好推薦！真栗子🌰 紫薯味濃 好鐘意.✨飲品 加配特飲 正價-$10☕️生椰latte 原價 $60 特別推介 特濃版本 聽完立即下單！ 仲有椰子片做零食🍍菠蘿特飲 原價 $55 ¼個菠蘿真材實料 果然好飲又岩打卡
continue reading