77
20
3
3-min walk from Exit J, Tsim Sha Tsui / East Tsim Sha Tsui MTR Station continue reading
Telephone
38918732
Opening Hours
Today
07:00 - 22:30
Mon - Sun
07:00 - 22:30
Payment Methods
Visa Master AlipayHK Alipay Cash AE UnionPay JCB Apple Pay WeChat Pay
Number of Seats
208
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting
VIP Room
Delivery
10% Service Charge
Outdoor Seating
Review (124)
上次去過香港瑰麗酒店的ᴛʜᴇ ʙᴜᴛᴛᴇʀғʟʏ ʀᴏᴏᴍ吃下午茶,這次便去旁邊的 • ℍ𝕠𝕝𝕥𝕤 ℂ𝕒𝕗𝕖✨• 試一試! 餐廳的裝潢靈感源自香港茶餐廳文化,但設計風格並不平凡。設計師把茶餐廳融合高級和型格特質,黑白主題,令人令不住打卡拍照呢~ 餐廳提供多款地道又經典的粵式美食,同時亦有西式餐點提供😆,完完全全展現香港中西文化融合的特色! 周末的中午時段光顧,可以選「sᴜɴᴅᴀʏ ʙʀᴜɴᴄʜ ᴍᴇɴᴜ $598/位」🧡!套餐包括: 海鮮拼盤、無限仼食小碟、主菜、甜品、咖啡或茶、汽泡酒或無酒精雞尾酒。 鮮味十足的海鮮拼盤,質素相當不錯✌🏻! 有波士頓龍蝦🦞、生蠔、帝王蟹🦀 和 大蝦。冷盤的海鮮匀很新鮮,特別是帝王蟹,蟹肉又厚又結實!!! 無限仼食小碟😍,有蒸蝦餃配燒賣、豉油雞、法式鴨肉批、意式芝士炸飯球 和 蜜汁叉燒。每款的質素也不俗,當中以蝦餃、豉油雞 和 叉燒最有驚喜😝。蝦餃厚薄均勻,蝦肉鮮香。豉油雞超級滑嫩,帶有適當的脂肪。叉燒則很甘甜,不過有點過軟,欠缺應有的口感。 主菜方面,我們選擇一份和牛芝士漢堡,一份照燒比目魚。和牛芝士漢堡賣相不錯,和牛扒帶有微微的炭烤香,肉汁豐富。而麵包鬆軟帶牛油香,為漢堡畫龍點睛🤭。而比目魚則非常美味,魚肉超嫩,多汁鮮味,但底部的油份略多啦~ 甜品環節,我們點招牌71.5%朱古力撻和招牌雲尼拿拿破崙🍰。朱古力撻比想像中好吃多了😍,濃香而不甜不膩,而且有脆脆的夾心和莓醬在內,好吃唷~ continue reading
(The above review is the personal opinion of a user which does not represent OpenRice's point of view.)
Level4 2022-01-01
1943 views
✨黑松露栗子濃湯黑松露唔香唔突出 栗子味香濃湯稀穠度適中 味道唔錯✨神級叉燒飯叉燒 偏瘦 肉質軟腍中上水平 神級真係稱不上脆邊煎蛋 豉油帶啲蔥香飯 用上日本米 軟硬適中 有米香整體都算唔錯✨鮮茄焗西班牙黑豚豬扒飯煎蛋賣相唔算好靚仔 同埋叉燒飯隻蛋相比有啲失色茄汁 番茄味唔算好濃但調味略嫌過濃 偏甜 偏稠身豬扒 吉列做法 外層鬆脆豬扒唔算厚身 肉質結實 口感軟腍炒飯 夠乾身 飯粒分明整體只屬普通✨芒果新地有三大球芒果雪葩芒果雪葩 質感綿密 密度高 冰感唔重芒果味濃 味道唔係好假啲種芒果味忌廉 帶微微雲呢拿香 質感偏厚 但食落有啲怪味杏仁脆片 香甜 脆口另配上芒果汁 香濃 稠身✨法式栗子櫻桃酒慕斯蛋糕栗子粒 栗子蓉 香甜櫻桃酒慕斯香滑 帶少少櫻桃酒香餅底鬆脆 整體唔算好甜✨Latte賣相同上一次一樣差咖啡味唔算好香 帶甘奶泡夠厚身 普普通通食物中上 冇乜驚喜環境可以 卡位私隱度幾高 但座椅太腍冇彈性 亦同張枱有啲距離感覺有啲迫 唔算坐得好舒服服務唔錯 但五星酒店服務就稱不上價錢合理 但以食物水平會有更好選擇 continue reading
(The above review is the personal opinion of a user which does not represent OpenRice's point of view.)
Level4 2021-12-30
1575 views
已經唔係第一次過來食飯, 真係可以講會食上癮, 重點係今次過來無預先訂位, 真係 walk-in, 一踏入門口, 親切友善既員工就話今日既 Afternoon Tea 已經 full 哂, 因為我去到既時候係 1 點半有多,  但我話我想食 Brunch, 唔知仲有無得食, 估唔到竟然答案係有, 而且仲可以食 2個鐘, 咁就順利入左去 ! 其實呢度星期日既 brunch 基本上網上都係 book 唔到, 主要係呢個 brunch 有齊中西美食, 而且留言都係個個讚不絕口, 所以一定要來試試 首先來既係最喜歡既海鮮併盤 - 波士頓龍蝦, 生蠔, 帝王蟹, 大蝦, 非常新鮮, 之後係 5小碟, 呢 5小碟係無限任點, 包括 : 豉椒炒小墨魚, 豉油雞, 蕃茄布拉嘉芝士沙律, 法式鴨肝凍批, 蜜汁叉燒,  5款味道都非常好, 個人最愛係法式鴨肝凍批同埋豉椒炒小墨魚, 隨後就係主菜, 每人 7款揀 1款, 我揀左煙三文魚牛油果多士, 屋企人就揀左黃金蝦球配白飯, 一邊吃主菜, 一邊再加添幾個小碟, 最後真係食到幾飽最後 3款甜品中揀左紅豆沙芝麻湯丸, 如果連紅豆沙都可以無限任點就好 ! 加埋杯 Mocha, 呢餐係完美既完成, 結果係食左成 4 點先蕫離開, 另外要讚既係呢度每一位員工, 每次過來都感受到好 warm, 好親切, 笑容滿面, 簡直係無可能唔會再來 continue reading
(The above review is the personal opinion of a user which does not represent OpenRice's point of view.)
Level4 2021-12-20
1116 views
喺Rosewood住咗一晚,包早餐。我哋9:30左右落到去,喺餐廳嘅門口排咗一陣隊,幾分鐘,就被安排了入去。題外話,見到有兩位住客着咗拖鞋落去,比一位女接待員溫柔地告訴他們需要玩密頭鞋,才可以符合餐廳的衣着規定。經過餐廳嘅路係一間買朱古力嘅位置,黑白嘅格仔磚色調十分之鮮明,而且周圍都有淡淡的貴族從聖誕樹香味。入到去, 餐廳嘅面積真係好大。侍應帶我哋行到最入嘅一個位置二人枱。設計帶點懷舊味道的西式餐廳。佢係半自助餐嘅形式。有一個早餐Menu,俾你揀主菜,小食,再配飲品。然後出面就可以有自助食物俾你任拎。主菜我揀咗豉油王炒麵,再加蘿蔔糕。朋友就揀咗Egg Benedict配有一條黑椒腸、薯角、同埋幾粒蕃茄。雞蛋配有一條黑椒腸、薯哥、同埋幾粒蕃茄。Egg Benedict個外型幾討好,顏色繽紛。雞蛋都做到流心嘅效果,而且配合一層ham再加包食,鹹鹹地,口感好, 味道好!豉油王炒麵夠新鮮,因為佢都係比較熱嘅,芽菜炒得夠爽, 但係整體就油咗少少!個蘿蔔糕味道就好嘅,但係就幾凍下,食嗰陣時,佢啲邊邊有啲硬。跟住出去攞嘢食,主要非熱食為主,例如有沙律, 三文魚沙律,有好多款嘅麵包,水果都有幾款; 熱食就有少量,有五款嘅蒸點,當中有燒賣蝦餃。攞咗一粒燒賣同一個蝦餃,呢兩個幾難食下,好鬆散,燒賣同蝦餃都有少少散開嘅感覺。所以都冇再試其他3樣點心; 水果唔錯,食咗菠蘿同埋蜜瓜,都幾甜,新鮮。沙律菜都有試過少少,都夠新鮮。整體味道平均黎講算OK,但係覺得以五星級酒店來講,個水準其實可以再高啲。 continue reading
(The above review is the personal opinion of a user which does not represent OpenRice's point of view.)
Level4 2021-12-03
2022 views
早前男友book 咗rosewood比驚喜我~ 包早晚餐,晚餐在Holt's Cafe進餐。先黎麵包有兩款,硬法包&軟包,都幾大個,硬法包同坊間麵包店一樣咁硬。。。不過軟包堅鬆軟唔錯。蘑菇忌廉湯 - 菇味重既,外間中上價cafe質數,沾包食唔錯。里昂沙律 (煙肉、半熟蛋、法式芥末醬) - 最特別係所謂的煙肉,其實似燒腩仔,不過就唔脆皮,燒肉好食d香煎爐魚/法邊豆、初榨橄欖油醬煎到魚皮脆脆地,魚肉厚滑,法邊豆帶著濃郁的牛油香,以小蕃茄墊底配搭唔會膩。美國肉眼牛扒 (8盎司)配法式蛋黃醬叫咗5成熟,不過肉質非常柴,無乜肉汁,好失望。個人亦不喜歡個蛋黃醬,配搭太膩,寧願要返黃芥末。另外亦有幼薯條,不過上枱唔算好熱,應該係炸定,都係麻麻地。🍽甜品分別是紅莓撻和朱古力撻。正正常常,其中比較驚喜係紅莓竟然完全唔酸,仲帶甜。晚餐送兩杯意大利汽泡酒,要飲其他野就要額外比錢啦。 continue reading
(The above review is the personal opinion of a user which does not represent OpenRice's point of view.)