Video
Telephone
66266909
Payment Methods
Above information is for reference only. Please check details with the restaurant.
💿📀陪朋友去旺角血拼，我哋決定去荷里活冰室填飽肚子。👭朋友食得滿頭大汗，讚不絕口。今日咁岩叫既兩道都有梅菜，都係好食既！🥘 梅菜蒸鯇魚+白飯🥘………份量十足，鯇魚鮮美無比，佐以梅菜調味，色味並濃。做得仔細。🍛梅菜扣肉飯🍛…肥瘦適中嘅扣肉，有梅菜提供點綴。濃郁香味，喺口腔裡面散發出黎，再配上香軟嘅飯，果然無敵。📀📀飲飲食食咁多年，我都覺得荷里活冰室絶對值得再去。喺外邊食得舒服嘅港式快餐唔多，但佢哋一定可以符合我哋嘅口味。其中對師傅烹調嘅用心更加讓我讚歎不已。下次我哋一齊再嚟挑好嘢食！👍🏻
continue reading
好彩未食撈緊啲醬 撈撈下有🪳 open rice要最少80字食評 我諗都唔需要多講 焗豬有曱甴焗豬有曱甴焗豬有曱甴焗豬有曱甴焗豬有曱甴焗豬有曱甴焗豬有曱甴焗豬有曱甴焗豬有曱甴焗豬有曱甴焗豬有曱甴焗豬有曱甴
continue reading
屯門商場呢個位置嘅舖，都一定係好味嘅早餐餐廳，今朝心血約咗fd去食一次，我朋友話佢成日食，我就今日遲咗去，第一次食。估唔到啲公仔麵浸咗一陣都冇特別腍，都keep到個水準喺度，牛肉都比想像中入味，炒蛋超級滑，咖啡都係正常水平，作為一個港式早餐真係唔錯
continue reading
好朋友放假,約埋一齊去行山,出發前食番個豐富嘅早餐。係海翠坊開咗間荷里活餐廳,地方乾淨,餐廳有4人卡位,人多可以坐圓枱,枱與枱之間都幾濶,環境舒適。我地叫左2個A1港式早餐,每個早餐$34粟米火腿絲通粉:有大量的粟米粒和火腿絲,通粉爽口,唔會淋。另一個係粟米火腿絲米粉:米粉爽滑,有質感,好食。炒滑蛋:炒蛋好滑,又有蛋汁,將滑蛋夾係牛油方包內就做成蛋治,正呀。牛油方包:牛油方包有D硬,好像是隔夜的。熱咖啡:咖啡唔夠濃,但都好滑,不過不失。
continue reading
上星期堂食午餐已覺得服務態度差，明明有位，又唔安排入座，只叫客人在外面排隊。點餐時搵姐姐，個個都十問九唔應，講野似鬧人，唯獨收銀姐姐溫柔客氣地叫我哋等等，再幫助我哋，蒸飯好味，凍檸檬茶都好飲，同行朋友食雞髀飯，佢就話勁咸。諗住今日比多次機會，外賣早餐返去慢慢食，今日收銀姐姐同上次唔一樣，今次個姐姐態度一般，外賣沙嗲牛肉米回家發現竟然變成火腿通粉，好一般既家庭通粉，炒蛋好味，但個餐包係凍同埋無牛油，熱奶茶夠熱，但唔滑，茶澀口。唔會再比機會，下次只會揀返兆禧間荷里活。
continue reading