荷里活冰室 (青衣商場)

Open Now

Now Closed

📍 荷里活冰室 (青衣)青衣楓樹窩路10號青衣商場地下S6-S7號舖✨黑椒蜂蜜薯仔牛柳粒 (送例湯＋白飯)💰86呢道菜就係黑椒同蜂蜜嘅完美結合，牛柳粒嫩滑，黑椒味道強烈，但又唔會太過辣，反而有啲微微甜味。薯仔煮得剛好，外脆內軟，食落好有口感。例湯清淡，配合白飯，整體好滿足。✨西蘭花炒鮮魷 (送例湯＋白飯)💰91呢道西蘭花炒鮮魷色澤靚，鮮魷鮮嫩滑，西蘭花嘅脆口感提升咗整體味道。炒得適中，保持住食材嘅原汁原味，搭配白飯好好食。例湯再次唔錯，清爽可口，真係好適合配飯。✨咸檸七💰9咸檸七就係經典！咸檸嘅酸酸咸咸味道配合七-Up，飲落好清新，特別係夏天飲，真係消暑之選。每一口都有啲咸檸嘅香味，令人一飲再飲。✨檸檬可樂煲薑💰9呢杯檸檬可樂煲薑有啲特別，檸檬同薑嘅搭配令可樂飲得唔單調，薑味有啲暖意。飲落去有啲微微辣味，清新又唔膩，仲可以暖胃。回頭:yes，荷里活冰室嘅食品都好有水準，無論係味道定係配搭，都值得食😚😚💕

天氣悶熱，在家煮午餐真是很辛苦，於是與爸爸一同到青衣商場的荷里活冰室吃午餐。冰室位於商場地下，環境闊落，桌位挺多。我們看看餐牌，有各款食物和特飲，不知如何挑選。最後點了招牌吉列魚柳和西芹炒斑片套餐。招牌吉列魚柳～果然是招牌吉列魚柳，魚柳面積猶如我的手掌，絕不誇張，大大塊，又炸得香脆。切開能看見一片片魚肉，醮上沙律醬，非常美味。雖然是冰室，但是食物賣相也很用心，魚柳放在生菜上。西芹炒斑片套餐 (配白飯、老火湯和餐飲）～爸爸喜歡吃魚，他讚賞西芹炒斑片炒得很好吃。斑塊多，又香滑無骨，與蒜粒、西芹、燈籠椒粒和韭黃一同炒，很惹味，又不太鹹，是不錯的健康菜式。餐飲～兩杯熱鹹柑桔爸爸和我都鍾情鹹柑桔。冰室提供的鹹柑桔不但大大杯，而且酸中帶甜，可能加了蜜糖。滋潤之餘又帶點鹹味，很好喝。享用午餐期間，食客絡繹不絕，有些食客點全日早餐，有些食客點飯麵餐。相信他們都是附近的街坊，也相信他們喜歡這間冰室的美食才常來光顧。

近排好多地方都有新開嘅荷里活冰室今日就試左青衣商場嘅分店，現場環境新淨光鮮價錢大眾化，食物種類都算多晚市時間都幾多家庭客幫襯😍🌶️🐔麻辣鮑魚雞煲雞煲賣相吸引、水準甚高上菜時已經聞到雞煲香味麻辣味道不算過辣，老少咸宜雞件大小適中，惹味十足，分量令人滿意鮑魚對切分半，入味之餘口感煙韌🤤🍜乾炒牛河即叫即炒，上菜時鑊氣四溢牛河炒得色澤均勻牛肉份量不少，呎吋大片，口感甚好🥣老火湯跟餐附送老火湯湯料十足，養生健康🍹紅豆冰港式茶餐廳風味，紅豆起沙而甜美夏日消暑之選

我約好友去位於青衣楓樹窩路10號青衣商場地下S6-S7號舖的<荷里活冰室>食晚飯，環境舒適，坐得舒服。晚飯套餐有老火湯和白飯各一碗，熱飲（熱檸檬茶）+$3。我哋點咗2個晚飯套餐：🥢豉汁蒸立魚 $109立魚的size 好大條，師傅火喉掌握得十分好，魚肉剛剛離骨，魚肉十分嫩滑好味。老火湯係紅蘿蔔蜜棗，青甜好飲。🥢地寶魚湯腐竹浸時蔬 $86地寶魚湯十分鮮甜，魚味香濃，腐竹幼滑，時蔬揀咗油麥菜，青綠鮮甜又好食，送飯一流。

今日就同朋友去左荷里活冰室食飯鹽焗流心蛋蔥油豬扒飯豬扒煎到外脆內嫩，配撘蔥油，惹味香口，加埋流心蛋，令整體口感更加豐富沙嗲金菇肥牛煲份量相當足，煲內既金菇鮮甜多汁，肥牛有豐富的脂肪香氣，2樣都索滿沙嗲醬汁，味道濃郁，食到最尾都仲係熱辣辣，岩哂同朋友share日式鰻魚鬆炒飯超級大碟，炒飯粒粒分明，面頭有大量木魚絲，鰻魚肉質軟嫩，加上日式醬油一齊炒，油脂香氣和醬汁既鹹甜味融合在飯中，帶來一種獨特既風味

呢間餐廳真係大份夾抵食，青衣邨居民勁幸福，見到佢全日Menu選擇多元化，價錢又抵食。同啲朋友去食早餐，一人一個餐都飽到不得了招牌吉列魚柳 $48 巨型勁大塊仲好厚肉，外脆內軟仲好Juicy，配新鮮沙律菜好fresh，套餐配嘅炒蛋麵包放埋落個碟，成個all day breakfast咁勁靚😁懷舊沙嗲牛肉湯米粉 $39 沙嗲花生味好重，牛肉份量多又夠晒腍好味！番茄湯通粉 $40 呢碗係大碗的過分，我哋幫手一人試咗啲，但個friend都差啲食唔晒，佢仲要眼闊肚窄（佢都唔想冇諗過咁抵食😂）揀咗雙拼 +$7 叉燒餐肉以外仲有大量雜菜，煮到好入味，每一啖都充滿蕃茄濃郁所有早餐都配餐飲同炒滑蛋＋牛油餐包，餐包可轉方包，滑蛋夠晒濕潤，配麵包勁夾大推暖心養生特飲，雖然而家天氣回暖，但養生係一年四季，餐飲轉配只需加$9，但勁大杯叫咗枸杞雪梨銀耳茶同山薑檸蜜，兩杯都好足料，啲渣有咬口，山薑好重味，亦係少見特別之選👍🏻

CP值是真的高，每個品項都相當慷慨，份量很大保證飽足！座位也比想像舒服，地方乾淨企理，整潔明亮。服務還不錯，不像一般茶記粗聲粗氣🍲沙嗲金菇肥牛煲72.00- 沙嗲入口香濃，巨量粉絲非常掛汁，還有滑順金菇，真的很下飯，而且很飽！🍲鮮魚湯海味粉絲雜菜煲85.00- 份量也有夠多！粉絲 菜心 白菜 🥬冬菇 魷魚🦑 蝦乾🍤 - 粉絲掛著鮮魚湯超好吃😋還有碗白飯🐷芝士焗豬扒飯63.00- 有番茄🍅茄膏酸酸的很開胃🤤，飯是炒底，很滿足了😌

公司最近接左青衣外展工，忙完一日在找食的途上途經之前光顧的餐廳合併了旁邊的麵包店，店舖空間擴闊了，座位也寬敞而且舒服！便坐低吃頓個晚飯！這裏餐單比較豐富，有聯歡到會,素食齊菜,有時令嘅菜式羊腩煲&雞煲,亦歡迎自來海鮮!我地2個人食得不多，簡單叫了2個餸個黑椒蜂蜜薯仔牛柳粒 地寶魚湯腐竹浸時菜😋黑椒蜂蜜薯仔牛柳粒 薯仔帶微脆質感亦充滿黑椒同蜜糖香甜😋地寶魚湯腐竹浸時菜地寶魚湯好鮮好甜美，時菜我要了唐生菜,加鮮腐竹/草菇香滑好多，好喜歡這個魚湯!每碟好大份，適合簡單2人晚飯🥣！

冷冷的天氣，要吃暖暖火鍋：） 話說，不少地區也有荷里活冰室，早上吃的是茶記早餐，晚上則有小炒和蒸魚，但我想不到的是，竟然有明爐羊腩煲！ 這家餐廳我們常來，價錢不貴，街坊生意，常常滿座，繁忙時間總是排很久；最近推出羊腩煲，價錢十分實惠，就和小朋友二人前點個「細」的「嘆」一下！湯底濃香，羊腩大件厚肉，帶皮的部分入味軟腍，細煲里肉量不少，也有腐竹和冬菇等配料，每個羊腩煲配一碟生菜，滾著滾著真不錯！記得，套餐還有例湯和白飯～抵食！

住在青衣邨的舊同事，今晚約我食晚飯，我地去左她邨內位於青衣楓樹窩路10號青衣商場地下S6-S7號舖的荷里活冰室用膳，環境舒適，坐得舒服。我地點左個 中式牛仔骨（王牌小菜套餐）$95，西芹炒斑片（青衣柳）（超值晚飯套餐）$85，套餐奉送白飯及老火湯各一碗，餐飲係暖心養生的熱山薑菊花蜜 $9，熱紅棗桂圓茶 $9。中式牛仔骨份量不少，牛仔骨牛味香濃有咬囗，配菜有洋葱和菠蘿，中式芡汁惹味；西芹炒斑片賣相吸引，斑片煎得外脆內嫩，新鮮又好味，西芹青綠好食；兩款熱飲潤喉好飲。

冬天到了最愛吃羊腩煲，暖笠笠又好味。呢一晚跟爸爸到了屋企附近的茶餐廳吃晚餐，平時看到這間茶餐廳都食客滿滿，今日都只是平日的晚上，而且我們都很早進餐廳，所以就不用等位，但過了一會兒，食客便開始越來越多了。看過餐牌後，有多款經典小菜，又有煲仔類，應有盡有，又可以點一些晚市精選，很多選擇。由於天氣凍了，我和爸爸都想吃羊腩煲，羊腩煲分為大份或細份，我們二人點了細份羊腩煲，細份羊腩煲配上了一碗例湯和一碗白飯。細份羊腩煲價錢抵吃，而且份量很多，我也沒想到細份的羊腩煲其實也十分大煲，而且內裏的食材很多種類又多，而且羊腩件數也超級多的。羊腩煲放到枱面後，用Gas爐加熱着，所以暖暖的超啱冬天吃。羊腩超入味又腍身，一件又一件的美味羊肉，仲可以點埋腐乳醬來吃，超級惹味。羊腩用來送飯簡直一流。除了羊腩外煲內還有其他多種食材，有超入味的枝竹、爽口清甜馬蹄、又香又大隻花菇等等，仲配上了生菜，把生菜放入鍋中一同加熱超吸味，超惹味，超滿足。羊腩煲讚口不絕，我們還點了另一款名物～吉列魚柳沙律薯條，賣相超吸引，一大條金黃色香脆的魚柳，魚柳脆卜卜，入面的魚肉超嫩滑，點上了沙律醬來吃超惹味，大人小朋友也十分喜歡。除此之外，仲

老實講都唔係第一次，已經去到忍無可忍先會上黎openrice到打食評。老實講去得茶記都唔預有咩服務有咩食物質素，大家都係求食餐安樂茶飯維持生命就算啦，依間咁既野收得貴不特只，食物普普通通都算，畢竟茶記嘛，合格就得啦，但係樓面d員工服務態度真係差到一個點，做野慢十問九唔應，唔係繁忙時間卡位係有位但係唔俾人坐迫食客坐圓枱無限搭枱，一張圓枱幾個唔識既搭埋一齊迫住食飯，跟坐吉左張卡位出黎無人坐，客人要求坐卡位話唔得，卡位要留返3-4個人一齊黎先可以坐，都係果句，去得茶記都係求餐安樂茶飯，都已經唔係同你講質素，依間咁既垃圾錢識收但係連一餐安樂茶飯都俾唔到人，難為了住附近既街坊真係無選擇迫住俾錢仲要受佢地氣。依個問題已經由佢第一日開舖直到今時今日都仲係咁，已經去到忍無可忍先會係openrice到俾個食評佢，可憐既係佢既食物普通到無咩值得評價，但係服務態度真係可以差到寫多幾百字都寫唔完！

特惠午餐：銀芽肉絲脆脆麵（$56）即製，麵底脆，麵條偏幼，減少口感。銀芽、韭黃、菇片、豬肉絲，份量足，調味可以，芡汁適中唔會太傑太稀。熱奶茶用厚身杯，茶味不錯但滑度差啲啲。

過完農曆年都未同屋企人食過飯，今日特登返去食返餐，屋企人話呢間〈荷里活冰室〉好食，我就決定去試吓去到門口都已經排左十幾廿人，都要等成差唔多半個鐘先入到去第一時間睇下個餐牌，有冇搞錯，晚餐點解可以咁平？小菜+例湯+白飯，最平由$65-$148？係咪抵到咁呀？第一樣上嘅係啫啫雞，熱辣辣，個汁好惹味，雞肉都好多舊下，送飯一流味道唔會太辣，同樣惹味，但可以多啲鹹魚就會更好沙律醬同芒果，酸酸甜甜，好醒胃呀，豬排又夠淋，老人家食都咬得到等得最耐，不過係好新鮮嘅，又滑又好味最估佢唔到係呢個炒米，汁同餸係分開，唔會令啲炸魚同炒米粉因為索左汁變淋好多豆，飲落口有陣香味，不過講唔出係乜味五個人飯埋單四舊多少少，碟碟都夠大碟，食到捧住個肚，開心

最近全家人去咗食佢嘅六人餐，加咗個羊腩煲，份量都足夠味道都唔錯，有四個餸加隻雞加條魚。見佢新開，所以入嚟試吓。青衣好耐都冇新嘅餐廳啦，希望會越開越多啦，咁就唔使日日食一樣嘅嘢