荷里活冰室 (麗閣商場)

Open Now

Now Closed

野食又返咁上下水準 唔會特別難食 社區黎講都真系ok 平喇 間野裝修都好靚 員工服務態度就麻麻地 叫左炸雞比同薯菜 有埋沙律 沙律我個人就唔太喜歡個沙律醬 薯菜就就係薯角 普普通通啦

由開業開始天天在這食早餐，午餐除蘢仔蒸飯可以之外，其他食物都一般，每次進來都要帶件手衣無論冬天夏天都非常凍，外面32度感覺這裏是16度，是趕客嗎？這是我全家感覺

今日去買外賣，等到外賣出黎，個阿姐羅住兩個外賣叫號碼，我都唔記幾號，我當一個123，一個124，咁我就同阿姐講我係124，講真，我用正常聲線講我係124，個阿姐當時聽唔到，我就遞張單俾佢，再講多聲我係124，結果佢俾左個外賣俾我，仲大大聲話九我，佢話‘講得咁細聲咁純情做咩‘，態度超差羅，我當時正常聲線，可能現場有d嘈，佢聽唔清楚，但係我覺得就算真係我太細聲佢聽唔清楚，都唔應該咁話個客姐，已經唔係服唔服務業問題，佢連做人嘅基本禮貌都無間野又唔係非常好食，服務態度仲要咁差，以後都唔會幫襯，茶記咁多，唔係一定要幫襯佢如果大家有興趣俾錢買難受就去幫襯下

麗閣商場外觀幾有特色，不過入面無乜野睇，主要其實被附近街坊使用。行左一陣見到荷里活餐廳，地方幾企理就入去食個Tea. 因為疫情，可座檯同唔多，人手都唔多。卡位有點污糟，忍唔住叫阿姐掃地，佢話頭先有小朋友玩，食物跌晒落地。我地下踩到舊雞，污糟呢件事真係頂唔順。其實唔係好吸引，價錢都唔算抵，是但叫個蕃茄通粉算，起碼叫飽肚，唔難食，無特別。附上厚多士加蛋腿，又係果句，唔難食無特別。此下午茶盛惠HKD 45蚊，唔係算好貴又唔算抵，不過又係果句，無特別。

話說前排去左新蒲崗某某冰室食左個芝士西多士，果次係我第一次食芝士西多，舊芝士已經溶到完全同塊包連成一體，一啲芝士味都冇，都幾唔好食😅之後過幾日行過荷里活冰室，唔信邪又試多次，但竟然幾好食😯😯😯呢個係流心芝士西多士，切開真係有少少芝士流出黎，質感類似pizza上面既芝士，比較厚身，可以明顯見到多士同芝士間既分層，而且多士冇乜燶邊添新式茶餐廳，裝潢新淨，坐位寬敞舒適，🥰求其食個下午茶都幾開心

趕在6點前吃個下午茶餐，幸好趕上了。五香肉丁太陽旦公仔面37肉丁帶少少辣，不是凍躺在面上般的死寂，能感受到它的靈魂互相融合，產生暖意，沒有白色恐怖的肥膏。面生硬恰當，旦是可愛靚絕，賣相最突出可取之處。煎豬扒五香肉丁米粉47煎得平均，好漂亮喔，那豬扒😻又不勁肥，雖然不是好厚，但不死實，亦有嚼口。我是職員來了一段時間才開始吃這粉，上枱時還有湯，我吃時粉索了些，賣相發大了，卻還吃得出是新竹米粉，彈。本來想嚐下店子的辣油，亦是無機會，因已好足夠味道了😈我是重口味小妹。跟餐凍奶茶加2大大杯，特點了少冰，店也有照做，不會太濃茶味，也不過甜，冰涼剛剛好。食後感：看見裝修像是坐得好舒服的樣子，大，光猛，卡位多，環境不嘈，食客算不少，而店小二好好態度，招呼不催促，不敷衍。價錢正常，坐得舒服，吃完收餐具都慢慢的，不會令人產生討厭的趕客節奏。

長沙灣新開咗呢個麗閣商場， 以貨櫃碼頭作主題，幾有特色， 吸引咗唔少人過嚟呢邊打卡同食嘢。 夜晚想食啲家常小菜，於是就揀咗呢間荷里活冰室， 雖然openrice另外兩個食評都係負評， 但我自己其實覺得幾好食，價錢亦很貼地， 食物質素算係水準之上。我哋叫咗兩個65蚊晚市套餐， 分別係A11鳳梨咕嚕肉同A14口水雞。 65蚊套餐， 包哂白飯+老火湯+熱飲，同一道小菜， 非常抵食。最先上菜係兩碗老火湯，本身我係唔飲餐廳的湯的， 因為覺得充滿味精，但由於太凍， 就飲住嚟取暖，反而覺得呢間老火湯冇咩味精，湯幾有鮮味， 不過餐廳嘅湯應該唔多唔少都有落味精， 但佢相對其他應該少好多，值得讚揚。口水雞個人覺得唔辣，啲汁唔夠口水😂，但反而雞上面既 (麵豉醬？) ， 唔太肯定係咩嚟， 但配埋雞同埋啲汁，就好惹味好夾，好下飯。 而啲雞肉，從張相都可以睇到， 啲雞冇咩骨，而且雞肉幾滑幾嫩。至於咕嚕肉， 落咗單之後侍應話冇曬肉，就問我地轉做魚柳好唔好， 第一次食咕嚕魚柳， 比想像中好食， 本身唔鍾意魚柳嗰種腥味， 但佢炸完加上啲咕嚕汁， 完全食唔出腥味， 而且魚柳係即刻炸起， 好香口好好食， 口感都好似原本嘅咕

📍長沙灣工業風打卡地點📍最近發現有個屋邨商場裝修後了變得很型格的工業風，入面仲有food court 茶餐廳仲有打冷，所以經開都去睇下有咩睇📍麗閣商場📍商場外圍是整棟充滿工業風味，亂影都可以拍出型格感覺，商場入面有幾個打卡位，有貨櫃箱的牆身📍最得意係有香港風貌的佈置，見地下有放大版線碌，啲線可以拎出來，見到有個媽咪綁住佢個小朋友，勁攪笑📍荷理活冰室最尾無食到food court 食左冰室，食左啫啫滑雞煲，同小炒王兩個餐，滑雞煲無豬潤呢個精髓已經唔好食，仲要唔夠熱，唔啫的，小炒王幾香口，咸左少少，食食下個飯入面有條膠袋，嚇死人以為食左個 comdom ,嬲到俾店員睇佢話係保鮮紙，太核突無影到，雖然即刻換左個飯但已經無曬胃口📍幾有趣的一個商場，由於地方唔係好大，所以唔洗特登去，如果經開果頭值得參觀下的

本來見新開，諗住去試下就中伏了首先唔比湯，問佢一句「無呀」就唔理人菜：佢唔係伴碟，人地話「沙律」黎，d菜係苦既豬扒：嚴重梳打粉，彷彿好似用梳打粉做炸粉咁 仲要係番炸，勁油薯角：又係番炸，又油又硬雞翼：完全咬唔入，又乾又硬意粉：嘩，不得了，好似7仔個肉醬意粉咁 （7仔可能仲好食d) 意粉脹晒，淋ber ber 果pat肉醬係唯一入得口（入得口咋）餐飲：紅豆冰完全無味，無奶味，無紅豆味 只係染咗色嘅水咁總之一句，不知所謂🤢🤢🤢🤢🤢🤢