北海道牧場餐廳 (Closed)

有待改善聽朋友一直都講北海道牧場餐廳啲野幾好食,今日經過決定入去試一次!叫左一個焗芝士肉醬通粉配凍檸樂,通粉既份量唔小,雖然有啲小失望係上面既芝士同肉醬唔夠撈埋一齊食,食到一半就開始冇肉醬,不過整體味道不錯,通粉焗起來也不會乾.肉醬既蕃茄味好濃郁,芝士仲可以拉架!如果肉醬份量再多就完美。至於檸樂就不過不失,。見到隔離枱既湯通粉同煎蛋都好吸引,整體價錢唔貴,下次再食會試其他野,

為什麼那麼多負評呢? 我最近食的幾次都OK喎! 早餐: 奶醬多 + 炒蛋 + 火腿 + 熱奶茶 $26也許是前一天吃的早餐太差了，覺得非常好吃。抵食過茶記又好味過茶記。雖然奶醬多的多士烤得不夠脆，但勝在花生醬與煉奶夠多。炒蛋也很嫩滑。火腿就正常，所以不多不介紹了。以後若是早起了去上班，還是會再去吃的。因為早餐吃過覺得不錯。第二天就去吃了個午餐。午餐: 多士 + 炒蛋 + 火腿 + 肉丁意粉 + 凍奶茶 $43 (凍飲加$3)牛油多士很香脆，炒蛋跟昨天一樣很嫩滑。肉丁意粉辣辣的，挺惹味的。順便說一下，可以跟通粉或者意粉。用金屬杯裝的凍奶茶好像特別凍，茶味奶味都濃。

因為想吃炒蛋，星期四澳洲例休息，行過咪去試下，第一次食，估不到巧難食。叫左蕃茄肉醬通粉炒蛋餐。炒蛋老左一 d 不滑，重有 d salt 冇打散，一口咸一口淡，片多士林的。個通粉中伏了，一口吃下，死la, 牛肉，本人不食牛，即時望下餐牌，無,註明牛肉，心想算 la, 不吃也擺。同個 waitresses 提議在 menue 詿明牛肉，因為有客人不食牛，咁大家好。點和回答一句系人都知肉醬系牛肉。

初次去北海道牧羊餐廳食，叫左一個咖哩漢堡扒飯，食落口時覺得件漢堡扒有點唔熟，咁我就叫侍應生過嚟幫我換過啦！佢話幫我整一整，攞番我都係感覺漢堡扒有點唔熟😤我當然冇再食，從未食過咁難食嘅漢堡扒，又唔煎味道又so，下一次一定唔會再去食，得個嬲字

今日諗住去食點知俾個人叫落order 先有位而且態度好衰，又話坐低都係一樣要出來order真係勁過澳洲牛奶唉即時無晒胃口走唉價錢己經唔係平架啦仲要受氣 自己番去屋企煮算

食品質素下降，服務員態度差。高瘦的那個侍應好似欠咗佢咁，她煑的火腿蛋一丁是生硬未成熟的。還有因不太想吃生蛋，所以要太陽蛋轉雙面蛋，之前是一直可以的，但可能她怕麻煩就說不能轉!! 唉！

由最初只有銅鑼灣一間分店食到依家咁多分店，最差今次。通粉湯底超淡，已經冇左以前果種味道。炒蛋仲衰過茶仔... 又唔滑，又咸！Never come back again!!!

無來已很長時間, 已記不起之前是否以此落單方式, 先付款, 拿數子牌, 找座位, 等店員送上食物. 凍咖啡, 走甜, 是近來飲過最差的一杯的走甜凍啡, 十分稀的咖啡味, 奶味超淡.五香肉丁通粉, 份量中等, 不算多, 但水準佳, 辣味不重, 肉丁肥九瘦一, 好滿意, 通粉與一般茶餐廳的不同, 比較薄身, 但也好彈牙, 滿意. 這是整失望的炒蛋多士, 加錢轉了"奶油多", 多士連皮, 烘得極求其, 仍是白白的表面, 烘焙指數只是3分(10分滿分的話), 火腿兩塊, 入貨的, 無意見. 那件炒蛋, 就真係與我想像有太大差距了, 與之前來吃過的, 完全不一樣, 並非那種炒滑蛋, 而是全熟和乾涸的炒蛋, 叉了些少入口, 無心機食下去, 今次比面個"肉丁通粉", 下次一定負評

第一次吃北海道牧場餐廳是多年次在銅鑼灣店，是在報章上看到食評，跟佐敦道一間知名茶餐廳比較，蛋冶多士奶茶均能比美，雖然價格較高，但環境及用餐時間較好，也是物有所值。今早跟友人途經山林道此店，見不用排隊就入內一試。飲料及食物都很快送到，先上的是一凍一熱奶茶，一看顏色不對，入口凍的像有色糖水，熱的則像未有放奶。點餐時加$4把多士改為奶油多士，但送到時未能找到奶油的蹤影，入口時隱約吃到奶油的甜味。炒蛋也未能吃到蛋香😰，每位近$60實在失望，最慘，浪費了一個午餐的quota....朋友立即檢查餐廳是否轉手而我們未注意。今次是我第一次投稿，以往我都認同蔡瀾先生的做法，香港經營餐飲並不容易，好吃就多加讚賞，不好的就少提則可。是次發表只望東主用心經營，保持開業畤的熱誠，讓香港多一間品牌,我們也多一個好去處💪

今日晏晝係尖沙咀搵地方食晏，俾我見到佢早餐去到12點，即刻入去食。(因為今日好想食早餐，但又就快12點，好多地方都無晒早餐) 所以我幾欣賞早餐可以去到12點既餐廳既，哈哈！入到去叫左個北海道早餐。有炒蛋，火腿通粉，兩塊多士同一杯野飲。味道方面我覺得幾多食，個炒蛋有奶味好好味，多士好厚，將d 蛋同火腿放落去一齊食好好食啊！不過炒蛋我食食下食到蛋殼，不唔係好大塊既，可以接受。另外，店員都好有禮貌。食物份量我覺得算幾多，呢個早餐都幾豐富幾飽，如果中意奶既應該幾中意食佢個炒蛋。店舖又唔算多人，坐得幾舒服。一份早餐$32，價錢合理。下次會再去試其他野。

來到北海道牧場餐廳 當然要叫個常餐LA成個餐都好大份, 食完都應該好飽火腿正常LA炒蛋幾香滑，有濃郁蛋味 又夠份量 但唔太熱义燒通粉樣都OK，湯底好濃 通粉硬度適剛好，多士，牛油唔多 幾脆身奶茶大大杯又夠滑-正 下次经过再來食过

前幾日買左個團購現金券來到叫左個日式牛肉飯， 計返團購都只係~$40， 好抵。牛肉飯一上台時，已經好香， 因為飯上灑左一大片木魚香氣飄飄。 牛肉切到一粒粒， 有好咬口， 吸收左好多濃濃既燒汁， 配飯一流。 而且配上少許青䓤， 唔怕會太濃味， 為今餐帶出點點清新既點綴。下次再去食過！！

都鐘意食西多，但怕肥，如果落少啲牛油同糖又點好味呢！所以一係唔食，食就要落本。雙層麵包，炸得通透，金黃色吸引，冰凍牛油磚，杰杰厚厚的糖醬，仲要加埋一層花生醬餡料，咁樣先至滿足，只好今晚跑多幾個圈消化佢！

記得第一次食北海道牧場餐廳係響中環，當時通粉炒蛋都好好味而今次試尖沙咀山林道餐廳，只可以用普普通通黎形容北海道早餐 $29 炒蛋唔算香滑，亦冇濃郁奶香味蛋味~火煺通粉賣相唔錯，通粉硬度適中，湯底冇咩特別~多士唔係脆卜卜，口感軟軟，牛油份量剛好，味道OK~奶茶做到奶香、奶滑，嫌唔夠熱~

初三大部份食肆都暫停營業我一向覺得... 初三大部份有名+好吃的食肆都暫停營業。今晚, 偶然來到這裡吃晚飯, 沒什麼特別想吃, 卻被"特飲"上的忌廉吸引, (最近特別愛有忌廉的食物/飲品😝😅)於是餐飲轉了"榛子燕麥3.6牛乳"下單時還要求"多cream" (侍應說嘗試幫我要求一下😍) 怎料......飲品送來時....完全是2回事 !!!!!!!! 真係O晒嘴😰😣😭侍應說沒有忌廉......眼看當時整個餐廳只有我和友人2個人, 聰明的我們還是算了吧,沒要求更換 (你懂的 😒)初三雖是赤口,也不想勞氣了。相片雖然僅供參考,也不致於相差那麼大吧!!?