7
3
1
Review (11)
Level2 2018-07-30
390 views
芒果熱情果蜜糖忌廉蛋糕 $112上個月在凱施餅店買過一款"比利時層層朱古力"的蛋糕,吃過之後對其蛋糕的出品有了信心,近來看見凍櫃內的蛋糕又有了不少新面孔,今日假期就再去選一款和家人一起嘗嘗。今日買了一款"芒果熱情果蜜糖忌廉蛋糕",價錢同樣是$112, 選中它是因為蛋糕上面的一個個白色忌廉很是吸引,而且我也是芒果愛好者。蛋糕上的白色忌廉果然沒令我失望,除了忌廉打得很柔滑輕身之外,原來是帶著淡淡的蜜糖味的,這確實有點意外驚喜,因為購買的時候從未有留意到蛋糕名字的"蜜糖"兩字,而有蜜糖味的忌廉蛋糕倒是第一次吃的,味道很香,好吃。芒果亦一點也不酸,甜甜的不錯呢。蛋糕部份也同樣是朱古力海綿蛋糕,蛋糕吃下去依然挺軟熟,口感沒有乾。 海棉蛋糕夾著兩層忌廉,首層忌廉入面有些熱情果片,味道雖有點酸酸的,卻有中和忌廉和芒果的甜度之用,次層忌廉則有些朱古力脆粒, 加添了一種口感,整體依然很滿意。 continue reading
(The above review is the personal opinion of a user which does not represent OpenRice's point of view.)
Level2 2017-09-27
353 views
之前有次黎左銀行中心呢間凱施買D麵包食, 順便買多個流心奶皇月餅走. 我上年第一次食凱施既奶皇月餅,  上年就未係流心, 只係普通奶皇餡, 但比我既印象都唔差, 奶皇餡幾香既不過就有DD碎散.今次知道佢地出左流心版本, 就比次機會試下啦! 番歸後唔食D麵包住, KO個月餅先. 呢個流心版本比上年果個正好多, 切開之後側邊D奶皇餡都完全冇碎散, 質地亦唔會黏+唔會漿住個口. 中間既流心奶皇真係一切開就有漿慢慢流出黎, D奶皇味流心漿好好味,  味道自然又唔會好甜, 同時都夠鹹蛋黃香+夾雜D蛋黃粒粒, 口感滑身之餘又有D咬口咁. 整體都幾好, 手掌心大細, 過到口癮又唔會膩, 會考慮買盒裝送比屋企人. continue reading
(The above review is the personal opinion of a user which does not represent OpenRice's point of view.)
Level2 2017-06-29
276 views
今日3點3下午茶有我既好同事請我食酥皮蛋撻, 第一次食呢間既蛋撻, 原來都好好食喎!! 同我一向幫襯開既豪華餅店有得fight! 不過豪華已經加到成8蚊一隻..有D貴..又要去九龍城先有得食..先睇賣相都幾吸引, 蛋漿飽滿, 色水幾靚...即刻咬一啖試下, 隻蛋撻起酥水準唔錯, 酥皮層數夠多, 食到一層層, 咬開鬆化得黎有陣陣酥香, 但又唔覺得膩口. 另一重點蛋漿都正, 蛋漿質地豐厚, 唔係稀liu liu, 蛋味亦都好香濃, 味道帶微甜, 入口滑滑, 連啪兩隻蛋撻超級滿意+滿足! 雖然食既時候已經唔係熱到辣手, 但已經食到質素係相當唔錯, 如果新鮮出爐即刻食應該不得了!  continue reading
(The above review is the personal opinion of a user which does not represent OpenRice's point of view.)
Level3 2017-06-22
249 views
今日女小編係工作上出左小小錯....心情認真麻麻但工作還工作,放左工就唔應該再帶住唔開心既心情返屋企,為左tum返自己,經過餅舖就買返件蛋糕歸家做甜品!!!!今日既目標唔係麵包,係cakeeeeee!!!!買成個蛋糕好似有啲過份啵>_<“““都係平平地買件細細地既凍餅自私食算啦~係眾多件西餅入面,女小編睇中左件:黑糖栗子cake 都等唔切返去做宵夜啦,反而返到屋企都仲未食得飯,咁我就食左件cake先雖然賣相幾靚,但栗子同黑糖既味都唔出,黑糖味接近係“零”幸好入面既蛋糕都叫鬆軟嗯!食完甜品就要開心返聽日繼續努力 continue reading
(The above review is the personal opinion of a user which does not represent OpenRice's point of view.)
今日去左屋企附近間凱施睇下買邊款生日蛋糕為母親慶祝生日之際, 竟然見到凍櫃入面有一樽樽布甸賣  (我一向以為這間餅店只售麵包和蛋糕)...最鍾意食呢D一杯杯既野, 價錢又唔貴, 就買左杯焦糖香草雞蛋布甸試下啦.返到屋企立即試下, 一打開樽蓋已經聞到好香vanilla味, 幾吸引!馬上食一口, 口感是意料之外的正~ 質地幼滑, 口感軟綿綿creamy, 最緊要係甜度恰到好處,  好好味!  食到最底有一層薄薄焦糖, 以香濃焦糖味作結. $13有如此質素, 我覺得好抵食! 絕對值得再幫襯~下次會試埋另一款綠茶紅豆布甸  continue reading
(The above review is the personal opinion of a user which does not represent OpenRice's point of view.)