279
5
3
Restaurant: Hocha.Elite (MOKO)
Info:

To promote a new salt and sugar reduction (RSS) dietary culture and living style to the people of Hong Kong, the Food and Health Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department has launched the "League of RSS-friendly Restaurants" ("League"). Restaurants participated in the League will offer less-salt-and-sugar options to the consumer or even tailor-make less salt or sugar dishes in designated restaurants. Participating restaurants will be granted with the League Labels for displaying in the premises for public identification. For details, please click here, https://www.fhb.gov.hk/en/our_work/feh/rssf.html

Exit B2, Prince Edward MTR Station, Exit B3, Mong Kok MTR Station, Exit D, Mong Kok East MTR Station continue reading
Telephone
31534979
Opening Hours
Today
12:00 - 21:00
Mon - Sun
12:00 - 21:00
Payment Methods
AlipayHK Alipay Cash
Other Info
Spot payment
Review (300)
Level6 2021-09-16
393 views
食友知我老婆喺講健康嘅人士,又知小弟都喜歡飲吓啲台灣花茶、果茶,就介紹我試試呢一間「好茶養生」,主打一啲健康、養生嘅中式茶飲,真喺,正合心意。佢仲話,呢間茶飲店以前喺網購店,依家做到開實體,就自然喺有一定嘅實力。餐廳採開放式環境,所以,予人感覺開揚,而一室淺灰配白,簡潔明亮,讓人有一種提起勁嘅感覺,加上餐廳位處商場一角,而到訪時人客又唔多,更加寧靜盎然。就在近入口旁嘅用餐區,有一組陳列櫃,趁等候茶飲時走一圈睇睇。櫃上放有好多唔同種類嘅產品,都喺店家自家工場調配嘅茶飲,有小包裝,有禮盒裝,以花果茶嚟講,定價都唔貴。 睇相就睇唔清有啲乜,幸好佢哋都備有產品單張,貼出嚟俾大家參考,產品真喺多元化,而且,除圖文並茂之餘,仲介紹埋有咩配料同功效,真喺按圖索驥,揀番自己嘅心水。不過,現買嘅茶飲就無咁全面,包晒所有店家出品。但喺,可供選擇嘅款式都唔少,亦確喺幾特別,有別一般台式茶飲店嘅款式,更可選熱飲,同樣可以揀少甜少冰。此外,仲兼營甜品,款式唔多,但勝在精緻。不過,此刻就只剩兩款甜品而已。茶飲定價$35-$38,而蛋糕賣$48件,故此,Tea & Cake Set就最抵嘅,每人自選飲品一杯及蛋糕一件,都喺賣$58。士多啤梨千層批(散點價 $48)佢哋每一件蛋糕都喺獨立盒裝,予人感覺衛生,內附小叉仔,食用都方便。而望上去外型做得有板有眼,酥皮烘得金黃,層次都分明,入口都算酥脆且富牛油香,中間嘅士多啤梨吉士亦做得香滑,士多啤梨味都十足,整體亦唔會太甜。玫瑰荔枝慕絲(散點價 $ 48)蛋糕做成一朵玫瑰花形,賣相自然搶到唔少分,加上以少女嘅粉色系,就更増加咗打卡度。單睇外面唔知葫蘆裡面賣咩藥,一切開,底層喺海綿蛋糕底,中間仲有一層玫瑰味嘅果凍,酸香醒胃,而粉色嘅荔枝慕絲做得既柔滑,又有淡淡嘅荔枝清香,整體感覺好清新。  桂圓紅棗茶(散點價 $36)小弟一向都偏愛桂圓,所以,揀咗呢一款以桂圓、紅棗、枸杞、冰糖所做嘅桂圓紅棗茶,但有別一般好似泰式嘅龍眼冰咁,杯內唔多見桂圓肉,但飲落又有一陣陣桂圓嘅清甜,感覺好清潤,嗰陣甜味又好純香自然。桂花雪梨茶(散點價 $38)老婆就好鍾意桂花陣香氣,佢本身都有買啲桂花嚟自己沖,不過,未試過配雪梨,睇樣同我杯桂圓紅棗茶好似樣,不過,唔睇張單張真喺唔知裡面除桂花、雪梨乾之外,仲有橘皮、甘草、菊花及冰糖,飲落確喺幾清甜芳香,味道多變不單一。雖然只是一杯茶飲、一件蛋糕,但感覺已寫意悠閒,心情放鬆,香港人實在太匆匆忙忙,慢活一下亦是養生之道。 continue reading
(The above review is the personal opinion of a user which does not represent OpenRice's point of view.)
Level4 2021-08-13
33 views
依間茶飲店以白色及金色為主調,設計簡約型格,買完飲品仲可以坐低同朋友邊飲邊聊天~小店主打健康養生茶,店內仲有售賣甜點、茶味gelato、養生茶包及食品。行街經過見到依家做緊優惠,$58就可以享用到飲品加蛋糕,好抵呀~❀ 桂花雪梨茶近排食得熱氣野多就揀了依杯中式養生茶,佢有清熱潤肺及養陰生津既功效,而且配料好豐富,有桂花、菊花、橙皮及雪梨乾。飲落好清甜,有淡淡桂花香及果香味,清涼解渴❀ 士多啤梨茶本身以為泡泡系列係氣泡茶,但原來泡泡係指打入氮氣令綠茶飲落更順滑。杯內有士多啤梨片及青檸,飲落士多啤梨味突出,配合埋茶香,感覺好清新又解膩❀ 玫瑰荔枝慕絲粉紅色玫塊花造型既蛋糕,賣相好精緻~切開蛋糕會見到明顯既分層,外層係荔枝慕絲,入面夾住一層玫瑰啫喱及海綿蛋糕,底部仲有餅底。整體酸酸甜甜,荔枝味較突出,味道清新,甜度適中❀ 士多啤梨千層批賣相同樣吸引~千層批上有一層層既士多啤梨cream,表面仲有開心果粒粒及士多啤梨作點綴。cream有香濃又酸甜既士多啤梨味,夾埋酥皮食口感豐富,而且食完唔會膩 continue reading
(The above review is the personal opinion of a user which does not represent OpenRice's point of view.)
Level4 2021-06-17
980 views
商場減價血拼, 隻腳攰到無朋友,要找個地方歇歇腳。無意中發現呢間位於一樓的好茶養生以飲茶和食甜品為主, 即刻衝入去坐低呢度既茶同平時飲開個d xx奶茶唔同, 以養生茶為主, 呢d養生茶以天然花果為材料, 對養生美容特別有效, 好啱女孩子飲用另外仲有特別的泡泡系列和好似mocktail 的特飲甜品方面。有造型好靚既蛋糕, 款式就日日有d不同的。 仲有茶味既雪糕添鋪頭有個茶加甜品的套餐, 一茶一蛋糕,只係$58蚊, 比單點抵好多呀。 皇牌氣血茶 $38材料有桂圓、紅棗、千日紅、康仙花、冰糖、金盞菊、玫瑰、黑枸杞 。可以補血補氣、調經止痛、理氣散瘀、暖宮驅寒 ,好適合女生日常飲用(飲熱飲比凍飲好呀) 呢個熱飲杯的份量都唔細,有平時熱奶茶杯的double size。 平時飲既花茶都會有陣草腥味同花澀味, 但呢個皇牌氣血茶就完全無呢個問題, 材料之間的味道互相中和,好易入口。 加上冰糖的清甜, 好味我點左熱飲, 店員教要先焗一焗, 等d材料更出味才飲用呢。可惜熱飲用上了紙杯, 未能欣賞茶的色彩繽紛美態。 士多啤梨Mojito $38份量是超大的一杯, 可以飲足成個下午呀 新鮮士多啤梨配以有氣的特飲, 酸酸甜甜的,非常開胃消暑玫瑰荔枝慕絲 $48玫瑰的造型已經好吸引,味道一樣咁好 有少少似蛋糕狀的慕絲, 入面仲有酸酸的啫喱夾心餡。 底部仲有一個餅底,上軟下脆野莓忌廉朱古力泡芙 $42泡芙入面是滿滿的朱古力慕絲, 配以白色的忌廉同食, 美味但不膩。而且佢既甜味唔會好甜, 一個人食哂成個都無問題呀。 甜品每個都放入有蓋的膠盒。 膠盒內更配有小叉, 方便隨時外賣拎走。呢度既茶全部都係自家工場調配, 獨立一包包的。如果覺得好飲。更可以買回家自己沖, 價錢更優惠。之前每次黎呢個商場行街, 行到攰都唔知可以去邊度歇下, 又唔想下下去食野咁飽肚。家下搵到呢個地方, 茶好飲,蛋糕好食,而且坐得舒服。下次可以行足一日都無問題啦。 continue reading
(The above review is the personal opinion of a user which does not represent OpenRice's point of view.)
Level4 2021-06-16
265 views
香港人越來越關注養生,健康飲食跟適量運動🏃🏻‍♀️已逐步成為生活的一部份雖然市內有不少🧋台飲店跟特色飲品店,不過不少飲品的糖份偏高,取而代之養生茶開始大行其道💪🏻香港一直有不少自家生產的養生茶🍵茶店,除網上有售外還可以在大大小小的市集找到她們的踪影👣現在更有實體店可以選購及即場調配適合的養生茶黑枸杞洛神花茶 $36店家提供不少養生茶跟果茶,一場到來就揀選了最愛的🌸洛神花茶洛神花茶味道偏向酸甜,帶點利X納的味道😆炎炎夏日來一個冰的應該還不錯除黑枸杞外還加入少量玫瑰花🌹,視覺效果加分💯聽說這杯是有疏肝解鬱、排毒通便之效啊!而黑枸杞本身就是補藥💊,降血脂降血糖,又有抗癌防癌作用,還可以補血安神,改善睡眠😴重點的是含有大量花青素,保護👀眼睛非常重要,對「📱機不離手」的現代人來說是恩物看似功效很多,味道也很不錯不過💰價格偏昂貴,因為店員都只是將養生茶茶包加水放到杯內,而一包茶包的價格只是這杯價錢的一半🥲要是想初嚐一下養生茶的味道,或只是偶意路過想買一杯飲品的話是👌🏻無問題的⋯店家是完全是「Made in HK」,一般售賣金花茶還有特色零食等,亦提供禮盒、婚宴回禮小禮物🎁這店是店家的第一店,以淺灰和白色作為鋪面主調,裝潢明亮簡潔,感覺清新雅致😌除了養生茶外,店家還供應餅食方便客人坐下來在鋪內邊嘆茶飲邊吃甜點🍰如果喜歡店家的茶飲,還可以在養生茶包專區購買不同的功效或口味,送禮自用同樣出色! continue reading
(The above review is the personal opinion of a user which does not represent OpenRice's point of view.)
嚟咗旺角MOKO行街,行到熱熱地,想搵杯嘢飲吓,見到呢間好茶養生,裝潢風格充滿現代感,高級有格調😎,於是決定飲杯野嘆件cake😚同埋依家一杯飲品加一件甜品只係要$58咋😆士多啤梨千層批 (單價:$48)- 呢個千層批望落去visuals已經好邪惡好吸引,食落味道果然都係冇得彈;啲cream帶住香甜嘅士多啤梨味,質感都rich,連埋鬆化酥脆嘅酥皮層,口感層次好多元,好好味啊😋水果茶 (單價:$38)- 平時都鍾意refreshing嘢飲嘅我,呢杯水果茶就啱晒我,水果款式多元,有火龍果、橙等風,酸酸甜甜,入口仲食到啖啖果肉,簡單係夏日炎炎嘅消暑佳品之一💛玫瑰荔枝慕絲 (單價:$48)- 呢個慕絲口感細滑,香甜細膩,仲帶有一絲絲玫瑰同荔枝嘅香味,而且入口即融,香氣隨即係口腔內爆發,幸福指數飆升🥰士多啤梨MOJITO (單價:$38)- 呢杯特飲都份外清新,MOJITO嘅味道突出,飲落去格外醒神,而且仲帶點香淡嘅士多啤梨香,互相配合,味道組合得宜😚甜品同飲品嘅質素都幾有水準,而且好多靚靚嘅擺設,仲有個選購zone可以比人買吓各種嘅養生茶包,遲啲經MOKO會再嚟飲番杯,嘆件靚cake😋 @hocha.elite #好茶養生 #hochaelite #香港品牌 continue reading
(The above review is the personal opinion of a user which does not represent OpenRice's point of view.)