好到底麵家

Open Now

Now Closed

去到元朗除左食B仔涼粉🥣梗係要去有80年歷史嘅茶餐廳🍴，店內有上下層，保留傳統歷史文化裝修，我上到上一層，係好有懷舊味度係送餐通道，食物都可以撘lift上樓😝已經無咩地方有呢個特式✨🤭‼️*餐廳環境衛生*雖有好有歷史，但絕對唔會污糟邋遢，有啲殘舊古代風，企理乾淨💯入到餐廳仲有一個女士穿旗袍👘🤩好好好有味道🤣🤣*食物貌相味道*1️⃣牛腩撈麵$52🐮🍝有米芝蓮頭銜一定不簡單，呢個🐮腩好入味，煮得又夠林，完全唔會韌，又唔會太肥，岩岩好‼️👍🏻👍🏻👍🏻2️⃣蝦子撈麵$60🦐🍝蝦子鋪滿成個撈麵🦐🦐🦐🦐🦐🦐好多好多蝦子，超級香口，每一啖都痴住啲麵，啲麵仲要長到成尺長，如果唔剪，就要自己咬斷，所以如果想方便啲，落單前記住叫佢”剪”麵，唔係就長到水蛇春咁長😂😂😂3️⃣豬手撈麵$52🐷🍝豬手🐷大大舊，係咁多碗撈麵之中，呢碟係最大碟😝好似有3,4個麵底‼️啲豬手好林，好”將”口，食幾舊感覺啲骨膠原就補充咗好多😚😚😚飲晒成支可樂，個口都仲好膠🥳🥳4️⃣淨雲吞$32🥟雲吞入邊有好多蝦🦐，🦐多過肉，皮薄餡靚✨💯🥣仲超級彈牙。每一個湯底都冇味精，所以食完完全口渴😋😋5️⃣淨水餃$48🥟呢度嘅水餃同出邊嗰啲完全唔同，出邊嘅水餃通常用水餃皮包

【爆汁水餃💦米芝蓮的元朗麵家】去黎食好耐，今次去好到底麵家，從裝修都可看出係好有歷史韻味既餐廳，外牆掛上足10年米芝蓮推介獎項。叫左水餃同雲吞，一於等hkdine360嘴刁點評💬啦！✏✏✏✏✏✏✏👅味道：8/10 🌌環境：7.5/10👍🏻推薦：8/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作細淨雲吞 $20 (5粒)細淨水餃 $33 (4粒)hkdine360嘴刁點評💬：初初問店員幾多粒時，感覺叫水餃唔抵，點知上枱一刻加食落正好相反！水餃size大過雲吞size，水餃皮唔係麵粉皮，係魚皮餃皮水餃皮一咬係爆汁架！！入面既材料多過雲吞，有木耳、原隻蝦、肉，調味都好過雲吞，雲吞就無乜味既雲吞皮薄，有蝦，但味道較淡口較遜息所以我會推薦水餃，雲吞就好普通，可以不叫______________________________(📍元朗) 好到底麵家元朗阜

下巴仔評分（5星為最高）味道：🌟🌟🌟🌟環境：🌟🌟🌟服務：🌟🌟🌟🌟抵食：🌟🌟🌟🌟重點推介🤤👍🏻 水餃撈麵水餃非常特別 係店家特製魚皮水餃🥟三角形既外表 咬落去皮較煙韌 入面餡料豐富 有蝦、豬肉等 仲有木耳絲為水餃提供爽脆既口感 撈麵份量幾多 麵屬較爽身 需要啲牙力 老人家可能都係選擇湯麵會比較好👵🏼👴🏻不過我自己就好欣賞佢既蛋香同彈牙感覺 隨麵附送一碗湯 非常鮮甜 有大地魚既香氣🍜👍🏻 牛腩蘿蔔牛腩煮得腍身 入口即化 見到店家選擇既部位都唔錯 肥瘦相間 唔會散晒😇腩汁蘿蔔真係好正 雖然蘿蔔未到超清甜 但食落順口無渣 正💕注意事項⚠️- 麵店於1946年開業 店內有出售自家工場製作嘅乾麵🏛- 樓上2樓為雅座 食客會坐得比較舒適

特地落元朗買材料打邊爐，並問了一位元朗朋友，介紹元朗哪一間既雲吞出名。經介紹便來到好到底，並買了兩盒其出名的雲吞。試完雲吞後，十分失望。雲吞細隻不在話下，而且很貴，味道不如屋企樓下街市阿姐包果啲味道。

入去元朗買啲嘢順便食下嘢，經過一間港式粉麵舖頭， 被拒出面嘅懷舊裝飾吸引，望一望有變更加懷舊， 一向喜歡特別裝修設計同埋港式懷舊嘅我於是便入去試一試。裝修絕對係港式懷舊茶餐廳就唔使講，重點係見到佢連續攞咗多次嘅米芝蓮獎，於是就膽粗粗叫咗幾樣嘢食下。 一間小店能夠屹立一個地方幾十年， 仲要保留60年代嘅裝修味道， 呢種情懷已經喺香港買少見少，入得嚟食，已經唔係淨係買佢食物嘅味道，仲有昔日嘅香港人情味。由於當日在元朗shopping，揸住一袋一袋咁樣入去食嘢，有帶住個女，員工都好禮貌地幫手安排座位及協助放置我一袋一袋嘅收穫。 「炸醬麵」麵條好食非常彈牙，軟硬適中，絕對無鹼水味！炸醬麵酸酸地令人開胃，肉絲唔會太肥膩，份量亦十足，果然係老字號。「豬手撈麵」南乳炆製嘅未到已經入曬隻豬手裏面，豬手亦炆到非常軟淋淋，絕對唔會令人失望，加埋個麵底，係一個絕配！ 「牛腩撈麵」😍牛腩麵嘅牛腩絕對係軟硬適中， 加埋啲腩汁係好食， 不過同出面平時食嘅牛腩湯麵嘅牛腩係有啲分別，認為邊種味道比較好食就因人而異。 「蝦子蘿蔔」 😍😍蘿蔔清甜無渣，加埋啲蝦仔望落去有啲似日本餐， 味道就絕對係港式， 蝦仔加蘿蔔絕對係

恕小第認知不足，用蝦子麵黎做雲吞麵？！我唔知點評…可能係我無知…做傳統雲吞麵，係用鹼水蛋麵…走鹼過水！用蝦子麵，我唔識點講！成碗麵白泥曬！無耐…米芝蓮一星…香港人點解要淪落到咁

原本想食倆口小吃，但撞正人手不足沒有營業，但元朗咁多好野食，唔怕無選擇。這家好到底麵家創於1946年，已經有超過70年的歷史，係我爸爸年代已經聽過。裝修保留了舊年代茶記的風格，餐廳設有閣樓，這日平日的中午人都算多，樓下剛好滿座，被安排到樓上閣樓。我和朋友各叫了一碗雲吞麵和豬手麵。雲吞麵有4粒雲吞，每粒唔算好大，但好足料，食到蝦好鮮。個麵無梘水味，但都做到爽，食完唔口渴。湯底略嫌有點淡。我無試豬手麵，朋友話好食，豬手夠大隻，炆得好腍和入味，麵底與雲吞麵一樣，都無梘水味，店員招呼很好又細心，比埋骨碟可以放豬手骨，值得一讚。沒想過食品質數高而且價錢親民，還多了一份情懷和侍應的親切招待。誠意推介未試過的過來試下。

老字号麵店，老舊的裝修。餐牌麵配搭選擇不多，貴精不貴多。~ 豬手麵 ~ $38滿滿的骨膠原？定係脂肪？都唔理得咁多，最緊要好食，巳經豁出去果然沒有失望，用南乳炆製的豬手非常入味，連骨都入味，豬手外皮口感軟綿，冇牙都食到，份量只是剛飽，一人可以食兩碗都可以，麵底好食，但又冇咩特別到只此一家的感覺。

今次唔係大鄉里出城而係大鄉里走入元朗國😆試左哩間開左超過70年 連續10年入選米芝蓮推介餐廳嘅好到底麵家 裝修類似舊式冰室 仲有閣樓 好有風味！💚·雲吞麵 $30估唔到細細碗都有5粒雲吞 雲吞皮夠薄 每一粒都有爽口蝦仁 麵底冇鹼水味 口感煙韌而帶蛋香 湯底好清 不過lunch嚟講就應該要加餸先夠飽～·牛腩蘿蔔 $30腩汁夠濃郁 蘿蔔都好甜 但牛腩就唔算好腍 要咬多幾啖先可以吞落口～*臨走前仲可以買唔同款嘅生麵返屋企煮 肥Glor就買左佢個蝦子麵 跟足指示煮都有幾分似餐廳堂食效果㗎（自我感覺良好🤣）📍 好到底麵家 (元朗)元朗阜財街67號地舖

好日去元朗行下，🌾🍂🎋老元朗人推介了這老字號麵店，愛吃雲吞麵水餃麵的我，當然要去喇！🌞世紀大決擇！🥊雲吞麵 VS 水餃麵🥊是 幸福的選擇😌識食當然會兩款都食喇！🦐🥟🦐🥟🦐🥟🦐🥟🦐雲吞麵 $30一碗5粒雲吞，每粒都香滑冇比，又有濃濃的蝦子香。水餃麵 $38一碗4隻，水餃就較外間的有特色，口感似魚皮餃，爽口的外皮。裡面的木耳豬肉蝦子內餡都又香又甜😋呢款湯底不是一般的韮黃蝦湯，而是有著濃郁的骨湯味。麵的韌性亦是無得頂 👍🏻每口麵我都拌著一湯匙的湯汁一併放入口！用的醋是黑色的，不是紅色。🪑店內的環境是保留了歷史的印記，「樓上雅座」馬賽克樓梯，舊實木傢俬，一路沿用至今的樓面裝潢。🥡食唔夠喉，仲可以買乾麵餅回家，亦可以是一款過節佳禮。我每年都會有幾次專程入元朗買麵！👍🏻

1946年開始知而家，真係叫做老字號！一邊角落掛滿連續10年入選米芝蓮推介餐廳嘅獎牌，同老字號嘅裝修形成一個強烈嘅對比；另一邊角落也擺滿了不少社區服務嘅獎座。話明係好到底嘅麵家，當然要食麵啦。我叫了一碗雲吞麵。記得頂爺話過傳統嘅雲吞麵應該係細細粒，一口一粒，同呢間老字號買嘅雲吞係一樣。湯底清，味道濃郁，雲吞皮夠薄。試過兩粒，其中一粒充滿蝦仁，蝦仁亦都好爽口。不愧係屹立不倒嘅老字號，屬於上等嘅雲吞麵。

呢間屹立元朗幾十年嘅麵店，店面細細，保留60年代嘅裝修，每次黎食，都特別有情懷。味道地道，雲否彈牙無雪味，30蚊一碗好味細蓉，宜家邊度搵到。其他野食價錢公道，落街食碗細蓉就係咁幸福。

禮拜六既夜晚六點左右路過呢頭有啲餓，一直聽說呢間歷史悠久嘅麵店幾好食但一路都未有機會試，決定入去一探究竟～不過天氣實在太熱。。。唔想食湯麵所以叫咗酸酸may may比較開胃嘅炸醬麵 (碗上$34)見到碗麵第一個感覺就係“果然好的骰”😅😅湯既味道清得黎帶啲鮮，唔覺有味精，幾好飲👍即刻試下啲麵條！果然好食，非常彈牙，無鹼水味😋炸醬麵雖然細碗但炸醬份量好足，老字號既特色👍肉絲肥瘦大約係七三黃金比例，肉質唔韌，非常唔錯👍個汁唔會太辣，有類似番茄絲既物體喺裏面，酸味幾出，幾好食，不過敗筆之處係太油膩，愈食愈口渴🙈🙈(老字號可能唔太著重賣相唔會抹一抹個碗周邊😅 我移動個碗去正中間方便自己食果陣hi到成隻手都係🙈)如果無咁油膩呢間既炸醬麵應該可以榮登我心目中既no.1😆😆

細細個爸爸就成日帶我哋去依間面店，到今時今日我都咁大個，味道依舊同當年一樣🥲雖然好到底曾經入選米芝連指南，但價錢嚟講好貼地。〰️牛腩撈麵 $50面食落無鹼水味，彈牙，而且帶有蛋香。連平時唔會食幼面/粗面嘅我都抗拒唔到🥺好到底嘅牛腩係有些少𡁻勁，需要多咬幾口，並唔係腍到入口帶點化個種。撈麵的話會附上一碗湯，某程度上來講其實可以一面兩吃。〰️牛腩麵$36 〰️淨雲吞（8粒）$30雲吞雖然細粒，但勝在皮薄餡靚。除咗蝦肉同豬肉之外，內餡亦都加入左粒粒蝦籽，蝦嘅鮮味十足。店員會比兩個碟仔你自己調醬，我嘅調配方式就係細個個時跟爸爸學嘅。用嚟點雲吞食，即刻提升到另一個層次😎店舖仲有唔同種類嘅乾面買，唔使額外過水，都無鹼水味道。買咗兩盒瑤柱蝦子麵，（$70一盒，12隻面）配上屋企整嘅雲吞、牛腩，食完覺得好幸福啊❤️〰️〰️📍 好到底麵家 (元朗)元朗阜財街67號地舖

Went to this long lasting and traditional noodle shop in Yuen long. Greeted with the same decor since 10 years ago and same friendly staff. Ordered the wonton noodles. The noodles arrived hot and served in the tradition way with wonton on the bottom and noodle on top to preserve the firmness of the noodle. are made by them daily and are firm in texture. The wontons are perfect size with right amount of fresh prawn and pork filling. The soup is clear and subtle taste of dried prawn eggs and dried