Video
4-min walk from Exit B2, Tsim Sha Tsui / East Tsim Sha Tsui MTR Station
continue reading
Opening Hours
Today
Open 24 Hours
Mon - Sun
Open 24 Hours
Above information is for reference only. Please check details with the restaurant.
怱然想食吓篤篤，就去咗尖沙咀呢間24小時營業嘅港式沙嗲專門店。店主推介咗佢哋一系列自家研發新菜式：💯 炸蜂巢魚肉豆卜 - 必食之選外層卜卜脆嘅蜂巢豆卜咬入去中間係彈牙嘅魚肉 … 真係好好食！🦆 招牌沙嗲燒鴨絲米通粉 - Yum 鴨殼慢煮出嚟嘅湯底，明爐燒鴨絲 + 吸收晒湯汁嘅Q彈米通粉 … 湯底鮮香濃厚，米通粉滑捋捋味道濃郁，正！🍳 招牌菜脯蛋煎腸粉煎香咗嘅腸粉加上菜脯蛋同自家製嘅蔥油豉油又香又惹味。呢個組合係好療癒嘅港式 Comfort Food！🍢 最後就係呢間食肆嘅靈魂沙嗲醬出場 … 每朝自家炒沙嗲，味道帶甜口。篤篤選擇超多，配上呢度嘅港式街頭沙嗲，質感厚身味道香甜惹味，配上牛柏葉、魷魚、齋、魚蛋幾款索汁既小食，係港式街頭小食嘅超惹味大匯集！下次一定要再嚟encore 佢哋嘅炸蜂巢豆腐，同試埋呢度嘅招牌炸小食：🥟炸鮮蝦雲吞同🍡炸手打大魚蛋。
continue reading
有時口痕，想食啲濃味嘢，今次食呢間尖沙咀24小時營業嘅沙嗲店😆招牌鴨嗲粉有幾片燒鴨件，Q彈米通粉口感都幾特別，滑身小彈👍🏻 加咗個沙嗲汁落去撈咗之後，食落沙嗲香味夠，本身有菜譜，撈落都幾好味，無想像中咁濃味，佢個汁係偏湯多少少🤏🏻小食拼盤當中有魚蛋、燒賣、牛柏葉、水魷魚、齋，滿滿一兜，樣樣都有少少，味道尚可☺️整體我個人覺得偏貴，不過喺尖沙咀地段，又要開24，定價上可以理解。除非你好想食呢類Comfort food，如果要當正餐嘅話，一碗粉份量就未必夠，建議叫埋小食就會滿足🫢 喺呢區確實好難得有呢啲特色小食👏🏻老闆話佢哋出嘅辣椒油係最熱賣，下次堂食再試吓，堂食都有少量座位。朋友見到我哋買，佢哋都買咗嚟，都話okay😉
continue reading
睇到介紹而去，行咗兩轉，第一轉超多人排，冇買，今日再去，冇乜人，就買咗，點知原來係伏！外賣咗幾樣食物，四粒炸手打大魚蛋要38蚊，打開個兜，長條形仲幼過平時小食檔一串串嗰啲！就算話圖片只供參考，但爭咁遠真係太過份！50蚊沙嗲拼盤，個汁勁甜，微辣，一啲沙嗲味或花生味都冇，唔明點解沙嗲汁會係甜，總之難食。介紹仲話之前唔知咩展銷會上大獲好評，難以置信。38蚊菜脯蛋腸粉，只能講極普通，蛋唔知有冇一隻，只有一啖左右，腸粉亦好實好硬，豉油只俾咗一小兜，完全唔夠。街邊小食質素都冇，但收酒樓價，差。同場加映，見到應該係碌卡機，問可否Paywave，收銀嗰位乜都冇答，隻手伸去牆最埋邊張貼紙指下，似係表達「自己睇」，真係有禮貌。等攞食物時見到有貨送入店，兩大箱一盒盒似酒樓定燒味店嘅外賣膠盒，入面好似係已煮嘅鴨件，用黎整鴨嗲粉之類？總之個feel有啲怪，啲鴨肉絲唔係自己煮，係現成撕開only？
continue reading
尖沙咀厚福街搵食，冇食過「浩銘記」嘅招牌鴨嗲粉同埋菜脯蛋煎腸粉，真係唔好話去過厚福街😂，新開張冇幾耐，已經超爆人氣，每晚大排長龍，之前喺Complex Con已經大受歡迎，實體店更加不得了，而且仲係廿四小時營業，早午晚餐、下午茶、宵夜，隨時隨地都食到咁正嘅港式味道！招牌鴨嗲湯用上鴨殼熬湯，加上小店研究多時既港式沙嗲，味道係以前細個喺戲院門口手推車嗰種風味，你話正唔正，配上各種串串，例如魷魚、牛柏、齋、鵝腸和燒賣等等，加上大量沙嗲汁真係好味道到癲，另外三款炸物都係必食，尤其係炸蜂巢豆腐，豆腐反轉再包住魚肉炸香，酥脆到不得了😋除咗沙嗲靈魂醬汁之外，「浩銘記」自家研發蔥油豉油、蝦皮菜脯、香辣菜脯，當然仲有香港最好食嘅「祖師爺」辣椒油，沒有之一我話嘅，醬料配合各款美食，真係將味道昇華到極致▪️招牌鴨嗲粉 $ 48湯底用上鴨殼熬湯，再加上香港地道沙嗲，明爐燒鴨肉絲每日新鮮人手剝製，配上吸晒汁湯汁Q彈米通粉，再加埋蝦皮菜譜和香蔥，真係好食到黐線▪️招牌鴨嗲湯 $ 48生菜魚肉變奏版，即是沙嗲燒鴨絲魚肉湯，這個鴨殼沙嗲湯底，配上新鮮鴨肉絲、魚肉湯和生菜，超惹味，又是另一種風味，一樣好食▪️招牌菜脯蛋煎腸粉 $ 38必食推介，腸粉煎香之後，加上雞蛋超香口，腸粉咬落外脆內煙靭，再配上蝦皮菜脯、香蔥和自家製嘅蔥油豉油，食咗一啖之後包你停唔到口，基本上每枱必點▪️炸蜂巢魚肉豆卜 $ 38豆卜反轉再包住魚肉再炸香，外層酥脆到爆燈，而且好香豆味，魚肉彈牙真係太好食，我encore咗多一份▪️炸鮮蝦雲吞 $ 38真係用雲吞麵舖，新鮮包嗰啲雲吞去炸，香口酥脆，蝦肉超彈牙，真係食得出新鮮嘅味道，再加上蔥油豉油，好正呀🌟招牌沙嗲小食原來靈魂嘅沙嗲醬每日一早，都會喺自家工場炒沙嗲，用老字號「綿香」沙嗲膽做基底，加上花生、蒜、洋蔥再用十多款香料慢火炒個幾鐘，慢工出世火又點會唔好食！小食種類超多，配上港式街頭沙嗲，質感厚身味道甜香惹味，配上呢幾款好索汁既小食，牛柏葉、水魷魚、齋、鵝腸、燒賣，完全與沙嗲汁融為一體，好惹味
continue reading
尖沙咀新開店, 主打港式沙嗲, 行過有位, 立即坐低試下, 唔好蝕底, 好在味道都唔錯, 可以一試 食物 : 招牌鴨嗲粉 $48 ~ 是主打就一定要試下, 沙嗲味道幾濃, 鴨肉絲唔會好柴, 米通正常唔算好Q彈, 重點是一定要加菜脯, 枱面就有, 菜脯好好味, 唔加就笨 招牌沙嗲燒鴨絲魚肉湯 $48 ~ 只是米通改咗魚肉, 魚肉口感正常 菜脯蛋煎腸粉 $38 ~ 好好食, 腸粉加蛋煎得好香, 是最大記憶點, 推薦 飲品 : 忌廉 $12 環境 : 小店比較擠迫, 但都算乾淨 服務 : 店員有禮貌 費用 : $156
continue reading
You may be interested in