何洪記

Open Now

Now Closed

🏆香港首間奪下米芝蓮一星的雲吞麵食府，聽聞人氣非常之高，🎉趁新春假期到希慎分店嘗嘗。👑店內裝潢有點浮誇，牆身鋪滿雲石，🏰配搭宮廷風吊燈，⛓️氣派豪華，吃個民間美食都如此有氣氛。何洪記菜單上除了最出名的鮮蝦雲吞麵外，單品項都非常多，🥣有粥、麵、腸粉、港式點心等等，但價錢絕不便宜之餘份量亦不多，中環出名的麵家也是更好的選擇，所以體驗一次半次就好。服務態度不過不失，🫖新春期間茶錢每位8蚊但枱面沒有茶壺，而且喝完茶侍應不會主動加茶。🍶每次執枱時杯碟大力碰撞，聲浪太大了有點煩擾。所以價錢貴都不一定有什麼良好體驗可言。🥩白灼鮮牛肉湯河 $70白灼鮮牛肉湯河清爽可口，鮮牛肉鮮嫩多汁，食得出是清鮮而不是清淡口味。🥓黃沙鮮豬潤腸粉 $80豬潤腸皮薄餡靚，味道爽嫩濃郁，米味腸粉皮下見到粒粒豬潤。🥟鳳城鮮蝦水餃麵 $72水餃入面有叉燒、木耳及鮮蝦，湯底用蝦子和大地魚熬煮，雖然都算有香氣，不過算不上特別出色特別厲害，其他麵家也是更好選擇。🍜正斗鮮蝦雲吞麵（小）$50小碗的雲吞麵為「細蓉」，4粒雲吞大小嬌小玲瓏，雲吞七分蝦肉、三分豬肉，肉餡甜美。麵底採用了竹昇麵，純手工製作，不過鹼水味稍重。#hkig #hkfo

下機就想食燒鵝，何洪記有雲吞麵加燒鵝，本來不會有錯。但係食到做人以來最屎嘅鵝！肉柴皮硬汁冇味，的雲吞湯又係冇味！咁樣晒咗一餐和二百幾，真係吊得少了。 唔識整鵝可以學，YouTube 教都唔會咁差！

推介指數 Recommendation Level : 🔥🔥🔥雲吞麵絕對是其有香港特色的美食之一，這間餐廳受到米芝蓮的推介，總店有水準之外，這間位於機場接機大堂的分店，亦提供水準高的食物，令旅客一抵步便可以一嚐香港的地道食品外，還可以讓一些在外多時返港的香港人一下機便可以即時一解思念之情。Wonton noodles are definitely one of the emblematic Hong Kong delicacies. This restaurant has been recommended by the Michelin Guide. The quality of the main branch is outstanding, and the airport terminal branch also offers high-quality food. This allows travelers to sample authentic Hong Kong cuisine upon arrival, satisfying both their culinary curios

飛完台北和富國島回來，機上沒有飛機餐，所以回到香港就超餓。拿到行李出了禁區後就要找間餐廳醫肚子 (`・ω・´) 因為太久沒吃港式料理，所以一秒鎖定了何洪記。一直以來都以為這間只是吃粥麵，然後發現原來有點心和小菜。🍜豬潤撈麵 (HKD 92)豬潤都切得夠厚身，口感鮮嫩，吃落不會粉粉或怪味。配撈麵的蠔油帶少許甜味，有提鮮的作用喔。🍜正斗鮮蝦雲吞麵 (HKD 67)一上桌就只看到麵，原來雲吞都在麵的下方。雲吞皮不會很厚，餡料也很豐富，鮮蝦和肉的比例剛好。加上大地魚熬製的湯底，整碗很解美。✨蛋黃千層糕 (HKD 50)甜而不膩的千層糕，口感也夠鬆軟。✨黃金流沙包 (HKD 46) 味道來說頗為鹹香可口，但沒有「流沙」。

幾個禮拜前去送朋友機。朋友見到呢間嘢有燒味食諗住最後衝刺食燒味。 點知一肚氣。首先食物質素唔算好食。 叉燒，燒腩仔尤其差，得個鹹字又乾又鞋。食左一舊已經唔想食第二舊。 淨雲吞係細細粒果種雲吞仲要得幾粒。一個食飯碗裝晒。好啦，喺機場食野都預咗啲野又貴又唔好食。 咁都算啦，講戲玉。我哋仲有叫左兩樣蒸點心，就係馬拉糕同叉燒包。 等左20分鐘都未黎，其他野已經到哂好耐咁我就搵個阿姐請佢幫忙跟一跟張單啦。 點知佢冷冷掉出一句“你都見到個廚房出菜位未有啦，有就拎比你啦”。 嘩! 當堂個人有啲㷫㷫哋。 跟住我走去出菜位問第二個阿姐我果兩樣點心幾時有。 佢答話有入機既， 所以只係等緊蒸啫。 好啦咁我放心返埋位坐啦。 點知一等再等。。 25 分鐘，30分鐘， 40分鐘。。都係未有。 大佬呀! 蒸兩碟點心真係要咁耐架咩？ 就當我正想去取消個兩樣嘢既時候突然聽到有個阿姐話“死啦! 原來部機壞咗呀，入左既單無印到出去比廚房呀!” 大佬，你哋班人玩夠未？ 叫你跟一跟張單又嫌啲客煩唔處理。 開得喺機場就預咗個個都趕搭飛機趕時間㗎啦。 最後梗係嗱嗱聲取消未黎個兩樣野埋單走人。 呢間野真係冇下次。

一家人開開心心旅遊返來，時間已經係香港八點幾想就腳機場食完返屋企直接休息，已取七人籌於門口候座（15/11/2023 D009），有位男經理安排就座，當然自然隨後跟據安排位置入場就座，就在坐低之時，忽然有另外一位女服務員（戴眼鏡金色短髮，豬髮夾）喝道「喂 未叫你啊 坐咩啊」當時還不以為意，以為有其他人打尖並未有理會，但呢位女服務員越發大聲「坐咩坐啊，叫你起身啊，未叫到你啊」原來係對我大聲呼喝，立即令全場目光注視十分尷尬！明顯樓面內部溝通混亂，事後其他職員過來開枱亦沒有任何一人來作解釋/道歉，我地因為唔想影響老人家心情並沒有任何即時既追究，唯有硬啃一頓臭罵一邊安撫老人家心情無謂破壞難得一次既家庭旅行，真係無下次呢間嘢！順道食評公道一言，唔難食，但米芝蓮級別就真係遠遠不及，一般般水平

從外國回來機場入境後, 很多時會在機場的餐廳解決回港的第一餐, 身心疲倦, 不想煮也不想選擇, 更不想搬着行李周圍去, 何洪記除了是在機場內少有的米芝蓮餐廳分店, 菜式選擇也和銅鑼灣本店差不多, 而非只有Grab to Go的輕食. 其著名的乾炒牛河和雲吞麵定價和本店相差不遠, 以粵式麵食來說並不便宜, 以星級餐廳來說，當然不能說是昂貴, 作為門面擔當的它, 水準依然參差, 如果是旅客覺得香港的粵式麵食思如此水準, 那就真的有點罪過.先說雲吞麵等的湯麵, 銀絲麵麵身夠爽, 也沒有令人討厭的鹼水味, 但湯頭味道平淡如水, 沒有大地魚等熬製的鹹鮮味, 只有淡然而平庸的鹹味. 雲吞蝦味不夠, 而且內餡一咬就散. 豬潤煮得過熟, 如紙皮一般, 沒有剛好熟的細嫩. 豬腰的問題更大, 就是內裡尿餲味還未清理, 吃了一口就差不多要放棄. 叉燒腸粉的腸皮夠薄, 內餡澎湃, 但少了米香而叉燒味道平庸. 唯一要稱讚的是乾炒牛河的鑊氣, 和河粉的完整性, 就是你應該期待的水準. 對餐廳而言, 機場分店也許是邊際利潤較高的, 而且食肆水準也不會要求太多, 但作為粵式麵食的代表, 也是作為旅客來到香港, 對香港

又係出發去旅行嘅季節，上飛機之前食飽啲先，一直都未食過何洪記點心，今次決定喺機場試吓佢～楊州炒飯💰HK$128炒飯足料，飯嘅質地偏乾身，好多蝦仁同叉燒～豉汁蒸鳳爪💰HK$48鳳爪好淋，啲骨好容易甩出嚟而且好入味～翡翠菜苗餃💰HK$52餃子皮偏乾身而且完全唔煙韌，菜苗餡有蝦肉但唔好食～懷舊鮮蝦餃💰HK$55餃子皮偏乾身而且完全唔煙韌，餡料嘅味道唔好食～五柳醬酥炸雲吞💰HK$158炸雲吞比較罕見，外表炸得好酥脆，冇乜油膩感～凍豆漿 💰HK$28豆漿充滿豆味，可惜味道都係偏甜～

去接機，見未夠時間打算食少少嘢醫肚。咁我哋就用手機落單，本身係想叫三碗雲吞麵, 落錯咗order，嚟咗三碗淨水餃。跟住問服務生未食可唔可以換翻，如果唔得，我地補錢加翻個麵都好。個服務生話佢話唔到事，要叫經理。好啦，個經理C過嚟，一嚟就好似審犯咁樣，問咁你想點（連續問咗三次，很惡）。我哋表達咗我哋想要啲咩，最後都有幫我哋換。咁之後屋企人到步，按餐廳指示，行李係要放喺行李擺放嘅一個暫存位置。跟住有個餐廳嘅服務生，無啦啦推住一個唔係我屋企人嘅行李手推車，跟住喺度鬧我哋可唔可以擺好啲自己啲行李。我哋啲行李明明就擺好左係角落頭，完全冇阻到人。我哋當然同返佢講件行李唔係我哋，跟住佢仲好理直氣壯話「咁我都係問吓啫」(未問就鬧咗先😂 )唔係話俾錢就大晒，話晒坐低都係一個客，你尊重我，我咪尊重你囉。總之食個飯，有啲咁嘅體驗。真係好難有下次😂

落機想醫肚， 去附近一間食， 點知這間服務員叫c 字頭態度超級惡劣， 叫客人放行李，我都未放好，就苦喝我又不停罵…（其實我都想放一個好的位置，不想阻住人，點知比佢狂罵） 還說吾想食，咪走囉， 好似趕客！問佢有沒有客服電話，點知答我沒有 真的沒想過食一餐飯會受氣

服务态度：对有大件行李的客人有明显意见！语气非常失礼！服务体验差 不推荐！对待顾客十分没耐心 味道：不好吃 很一般 品控不好 不如香港其他可以直接walk in 的店 点的饮品也是below average的水平！

-機場可以堂食嘅餐廳唔多，比較有質素嘅雲吞麵一定係何洪記，以前我都食過佢嘅其他分店。牛腩雲吞湯麵湯底一定係精華，傳統嘅湯底（大地魚乾的+蝦頭蝦殼+豬骨）熬製，都好有鮮味。牛腩方面，選用比較瘦嘅部份，一般般，但係有牛筋任為配搭。麵方面，都夠彈牙煙韌。最好食，一定係雲吞，雲吞選用醃蛋蝦肉，加少少蝦子，皮薄，細細粒可以一啖一粒。呢間店都有八成嘅水準，價錢一定貴，雙拼($95)加埋茶錢（$5），仲要俾埋加一，不過間唔中食一次半次都可以。

有人說，移民到外國的香港人最懷念的食物之一，是雲吞麵。也是的，香港各間有名的雲吞麵店，好像「麥奀雲吞麵世家」、「麥文記」、「羅富記」、「何洪記」等，都是歷史悠久，為眾多香港人熟知的名店。我雖沒有能力移民到外國，但這次外遊返港，抵港之後，已是飢腸轆轆，想起醫肚的地方，第一時間便是這間位於機場，除了銅鑼灣店外唯一的「何洪記」分店。既是開於機場，食物價錢當然比機場以外為貴，不過旅遊都已經花費了不少金錢，只是一頓晚餐，所費多極有限，可以在離港外遊數天之後，吃點好吃的地道香港美食，還是值得的。也許是人同此心，心同此理吧，這間「何洪記」的生意可真是夠旺場的，人流不絕，生意滔滔。「薑蔥雲吞撈麵」（$88）是我的選擇。蝦籽湯是及格的，麵也爽口，埋藏在麵底下的雲吞雖只是小小一顆，都有六隻，雲吞皮不算十分之薄，都還可以，豬肉與蝦的比例也算適中。蔥是多的，不過薑就不多，如果薑可多些我會更喜歡。老婆仔不想吃麵，就只點了「鴛鴦淨雲吞水餃」（$74）。雲吞與水餃各有四粒，相比起雲吞，她更喜歡有筍和木耳的水餃，喜歡它更加爽口，餡料也更豐富。不得不讚的這兒的「翠綠郊外蠔油菜」（$58）選擇，可供客人剔選的甚多，不但菜

落機好肚餓，掛住廣東菜，見到雲吞麵專家何洪記就入去試試。門口侍應好好人，見我哋車住兩個喼，幫我哋安排推去隔離巷仔，咁就唔會阻到人喇。以為喺機場食嘢價錢會好離地，但何洪記又唔算貴喎，幾十蚊碗雲吞麵算係咁。眼見食客普偏都係叫雲吞麵、燒味飯同點心，咁我又叫下囉。雲吞麵味道唔錯，份量都剛剛好，湯味濃、麵彈牙、雲吞鮮，十分高質。燒味飯我揀咗油雞飯，飯無一pat pat，仲要係我最鍾意嘅雞胸肉，好滑好滑，一定好食過太ｘ！最後食咗個燒賣，不過不失啦。見隔離枱兩個人叫咗乾炒牛河、切雞飯、油菜再加碟燒腩仔，兩個人晒唔晒食咁多呀？btw下次試下乾炒牛河，望落都好似唔錯。yummy~

🍴正斗鲜雲吞撈麵 $86 (7/10)雲吞有6隻，細細隻，但係偏鹹，入邊主要係蝦肉，好爽口！🍴柱侯靚牛腩撈麵 $88 (7/10)個面好幼滑，略爽口，但係都幾重鹼水味，個湯幾清香，牛腩煮到好軟腍入味，牛筋好腍！幾好食嘅但就貴咗啲同份量好少！食完唔飽！推薦指數: 7/10機場嚟講係貴啲，份量唔多，不過算係咁了！