Video
4-min walk from Exit B1, Kwun Tong MTR Station
continue reading
Opening Hours
Mon - Sun
08:00 - 19:00
Above information is for reference only. Please check details with the restaurant.
5月18號晚上，路經觀塘開源道，驚見洪瑞珍三文治喺香港出現，望真啲原來係話自己係洪瑞珍家族喺香港開嘅三文治店，話自己係洪二代嘅洪家手作。其實我又唔介意佢講嘅係真定假，只要係由台灣直接入口原材料做嘅三文治，我都有興趣試吓，所以就決定幫襯。見到佢總共有八款口味，每件$22 ，買滿六件就$20 ，所以就索性買齊八款口味，諗住第二朝同同事開心share。其實食落味道都正常，都係有奶油忌廉再搽果醬或者夾一塊芝士火腿之類咁，大家都覺得幾好味。點知喺當日下午開始，大家就開始覺得有點肚痛，同埋開始有啲肚瀉嘅症狀，開頭都不以為意，點知過得一兩日大家都未止瀉，仲有同事發埋燒添，過兩日就見到新聞話呢間無牌食物製造工場嘅出品搞到好多人食物中毒，真係嬲到震😡😡😡就係咁，我哋呢班打工仔就要集體請病假，前前後後搞左6-8日，我哋嘅腸道先開始回復正常，真係人都癲！其實最嬲係佢喺佢嘅社交平台專頁毫無悔意，仲話係因為疫情搞到政府遲遲未批出佢嘅食物牌照，真係離晒譜，咁搞法想再有人幫襯佢都幾難🤬🤬
continue reading
我驚再唔寫依篇文，間嘢好快會喺Openrice上面變「已結業」，我相信呢個機會極大，因為而家全香港無人唔識佢啲生化武器三文治🦠🦠，據知荃灣店已經拆緊招牌👎。作為三文治中毒群組嘅一員，仲要俾其他人評論點解我哋呢班苦主要買老翻三文治、又話唔明有乜好食、以及佢無牌都買等等😭😭😭，真係有苦自己知，後悔莫及。事緣我同朋友5月18號晚上喺觀塘工廈地下買咗4件三文治，第朝當早餐食。我總共食咗3隻口味，合共1.5件。進食時，味道無變味的。點知20號早上我開始發高燒🤒🤒(最高39度幾)，以及嚴重腹瀉。我先後睇咗4次醫生、燒咗3日、屙足1星期、屙咗合計100次以上，幾天都爬咗喺屋企個廁所，體重輕咗1.2KG。最終化驗報告(附上醫生紙作證明)證實我係染上沙門氏菌D組(英文: Salmonella)💩💩💩，我有生以來第一次食物中毒，第一次咁辛苦。除咗上述病徵外，我個肚勁勁勁痛，抽住，企都企唔直！我無諗過食件三文治會搞成咁，另外仲有2xx幾名苦主，當中包括小朋友同老人家。再者，令人憤怒無比😡😡😡係官方社交平台勁不負責任嘅回應，佢再次提醒顧客要保存好啲食物喎！勁無恥兼嘔心🤢。又會呢星期買嘅人先無存放好，又會咁多人通通有事？隻菌要有幾毒先搞到全部人咁辛苦？佢哋未深入了解整件事，就想當作係零星個案，推問題去食客到？無牌就賴政府唔做嘢！真係世界級厚面皮！洪家二代而家仲要刪專頁同潛水，我哋苦主完全聯絡唔到佢索償！真係好嬲。我而家諗返都覺得自己傻，我買嗰檔直頭係無牌小販車仔檔，有個勁頹廢唔知男定女嘅人半瞓半賣，後面仲有一箱箱三文治就咁放喺度，係室溫或更熱囉！諗起都覺唔衞生...。唯有當今次係買個教訓，但個代價真係好大，係身體健康😢。*****以上陳述，句句字字屬實！
continue reading
成日心思思想去台灣 呢排比我發現左 原來觀塘有自設工場 每日新鮮製作三文治! 以前去台灣點都會去買 所以一知道有工場就即刻去 過下癮 🤣一口氣買左7個 有滿漢 招牌起司 招牌火腿 藍莓起司 草莓起司 橙醬起司 同芝麻醬 ($22/個 $60/3個)好想食埋花生醬味 但個日賣哂😭唯有下次再去過!! 試左咁多隻味 始終滿漢都係最好味😋😋😋 佢入面有芝士同火腿 睇落好似好普通咁 但試過既人先知佢好味既地方!!! 唔明點解佢都係三文治 但可以好食過香港平時既三文治咁多😭
continue reading
洪瑞珍三文治喺台灣非常有名，唔少人去台灣都會專登帶返黎做手信！港版洪瑞珍「洪家手作」，係洪瑞珍既後人創辨，喺觀塘設工場，跟足台灣總店配方，食材也從台灣運到，每天新鮮製造，食落同台灣既相差無幾。三文治口感鬆軟，精粹係以甜甜地又creamy既奶油，好味之餘又冇牛油入口好油膩既感覺，無論配落鹹味起司火腿定甜味果醬都好夾！我最愛既口味係滿漢，有齊芝士火腿；甜口味推介草莓/藍莓起司，果醬酸酸甜甜，唔會好假，仲有果肉，但起司既味道就被蓋過；橙醬就類似蜜餞橙皮既味道，比較清新，偏甜少少。雖然$22一件比台灣定價高，但冇得去台灣，都可以買件過下口癮！
continue reading
一路都好掛住台灣洪瑞珍三明治既味道，好味既感覺不時浮現🤤近排發現原來香港都有，於是拉埋男朋友去食。一次過食晒八款三明治，有滿漢(起司+火腿)、招牌火腿、招牌起司、草莓起司、藍莓起司、桔醬起司、花生醬、芝麻醬。三明治基本上係由沙拉、奶油、吐司組成既夾層三明治。全部三明治都好鬆軟且帶甜味，奶油幾似麵包店奶油筒既味。我最鍾意滿漢(起司+火腿)同花生醬三明治😋其它味都唔錯，滿漢、招牌火腿、招牌起司三者味道好相似。果醬款就果醬味比較突出。花生醬、芝麻醬就好似港式多士甘。
continue reading