宏 (Moved) New Location

行過見唔洗排隊入左去，menu選擇少不在話下，叫左個R11，諗住有飯有麵幾吸引，誰不知一等就廿五分鐘。呑拿魚飯啖啖都有筋！鰻魚飯正路，最離譜係甜品，抹茶蛋糕完全0抹茶味，淨係食到百佳惠康一塊塊平價芝士味！性價比0係零！兩百蚊食個咁既餐，我寧願去食廿蚊燒味飯！！！！！！！！！！！！！！！！！！！！！！！！！！！！！！

約咗朋友喺尖沙咀K11食飯，揀咗日本餐廳"宏Horoshi" 。今次叫咗「彩」定食，當中包括沙律、蕎麥麵、吞拿魚蓉丼同埋鰻魚飯。前菜：沙律評分：🌟🌟🌟就係一般日式沙律，味道一般，食材都算新鮮。蕎麥麵 (Soba)評分：🌟湯底非常清淡，而且個麵煮得太冧，一啲咬口都冇，真係幾難食。吞拿魚蓉飯評分：🌟🌟🌟🌟成餐定食最出色一範，吞拿魚蓉幾新鮮，而且甜而唔腥，係值得食嘅主食。鰻魚飯評分：🌟🌟鰻魚飯得現盛鰻魚汁叫做okay，鰻魚味道同彈性都缺乏，其實都幾失望。

依間宏其實係主打食抹茶甜品，好多人都去食個抹茶蛋卷🍵不過除左食甜品之外都有主食嫁，選擇唔算話好多，佢地嘅熱門就係鰻魚飯，如果唔食鰻魚嘅話都可以揀蛋包飯或者咖喱飯🍛**********<大鰻魚飯套餐> $198個鰻魚飯係原條鰻魚上嫁，真係幾大舊下，依個燒鰻魚都幾好食，唔係好多細骨👍🏻個飯就係普通白飯淋左啲鰻魚汁上去，唔算好香！個套餐仲有配一個細嘅蕎麥面同埋沙律，但味道就正常無特別！價錢黎講加埋一要二百幾蚊，個人覺得就有啲貴啦🤔**********<炸豬扒蛋包飯> $128依個咖哩豬扒蛋包飯比起鰻魚飯黎講就有啲驚喜喎，個炸豬扒肉質好淋好juicy，個炸漿好薄食落唔會好大舊粉咁😋個蛋都煮得好滑又唔老，加埋日式咖哩汁真係好好食！

星期六約左朋友仔慶祝生日，想揾個地方坐下食下傾下計，又要夾下地點，我提議左來宏試下。😊😊✌🏻✌🏻訂左12nn ，準時來到，無人，其實都唔使book , 來呢度係因為俾佢個緣茶卷吸引左，打開睇下個menu 有乜食先，定食/烏冬，其實都有跟甜品嘅 ，yeah~~🎉🎉✌🏻✌🏻 最後我揀左醬油海藻烏冬麵，而朋友仔就揀左燒鯖魚飯套餐，配返斯里蘭卡紅茶同我地都期待既綠茶卷🍵🍵🍰🍰 yo~~先來我個海藻烏冬麵，同平時食既好唔同，我覺得似冷麵多啲，不過係有湯嘅，湯唔係好重味，唔會太鹹，個麵都好滑，唔似平時啲烏冬咁粗，而且叉燒唔係太塊，但好厚身，都幾好食👍🏻👍🏻👍🏻，仲跟左似salad, 普通不過都唔錯，斯里蘭卡紅茶第一啖唔係好飲得慢，總係覺得要落少少糖先好飲，但飲真啲，又覺得幾香，唔苦😊👍🏻👍🏻 最後就有我既綠茶卷，個cream 整得好好食，但個卷外面有啲乾，不過在cream 唔少，夾住食都可以，不至於好乾！😊😊食食下其實都多返好多人，希望下次過來可以約多啲朋友仔一齊啦。唔知幾時先可以聚下 😥😥😥

今晚食完晚飯係尖沙咀行，行行下the one覺得有D餓，剛巧黎到好多野食果層，呢間「宏」其實經過幾次都好想試架啦，今晚終於有機會！因為係食甜品既關係，就叫左一個抹茶甜品SET，不過唔好睇小，都好豐富好好味！首先一定要試呢件抹茶小蛋卷，濃濃既抹茶味滲透卷蛋入面，仲有Ｄ CREAM都係口感十足！然後有２件抹茶雪糕拿破崙，雪糕固然好食，我特別鍾意個餅皮，香脆可口！中間果杯係京都宇治抹茶奶配白玉丸子，熱辣辣既抹茶入口一陣溫暖透全身，白玉丸子煙靭有口感！而呢款北海道3.7牛奶布甸又係非常嫩滑，為全份抹茶甜品SET一種不一樣的點綴！可惜係呢件MACAON既味道怪怪地，否則就錦上添花啦！

今日約左朋友黎尖沙咀行街想食下日本野 就黎試左依間 宏 🤪餐廳環境幾闊落😙我就叫左個 野菜天婦羅冷烏冬🥬🥢 ($99)依個餐$99真係幾抵嫁有個一大舊野菜天婦羅味道黎講就麻麻地🤣🤣好似得紅蘿蔔絲🤣冷烏冬個質感幾好 軟硬適中💦佢頌包埋個沙律🥗 & 熱茶🍵😙最重點係 頌有個卷蛋!!🥳🥳我就揀左 抹茶味🤤好好食啊! 推介佢個卷蛋🤩

認識”宏” 這食店已是多年前的事，從他們第一間佐敦店開業，已被那綠茶蛋捲吸引住，之後他們從佐敦舖搬完再搬，到尖沙咀The One 之後，反而買蛋糕外賣比堂食的次數多。原因是在午餐時段，一般人來說都會喜歡作窗口位置，可恨的是，每每中午時段，太陽正直，囇著吃午餐，有點頭暈，但落窗簾的話，光線不足，真的有點難於取捨。朋友今天相約午餐，一行四位，看見太陽光線底下，都是決定選擇陰處較為舒服。由於朋友第一次到來，我們決定點四個餐分別”些牙” 一吓⋯⋯每樣試點點，大家開心下。炸豬排套餐定食$88~豬扒大大塊，炸得脆口乾身，不會油膩。而且更喜歡他們標榜是日本新瀉米，甘香，筆者大喜。迷你三彩定食$168~我們四位，點了兩份三彩定食，因為一人份量，午餐吃下三小碗飽肚定食，相當分量，大家分擔一下更開心。迷你三彩定食包括: 小碗呑拿魚碎飯、小碗日式鰻魚飯及小碗海藻烏冬、沙律菜。老實說，如果叫自己一個吃掉兩碗飯加一碗烏冬，就算一個大漢子也會覺得飽肚。小碗呑拿魚碎飯~小碗日式鰻魚飯~小碗海藻烏冬~昆布湯底配海藻碎，止乃是筆者所愛，但最愛是那些葱，新鮮香味，吃得出是日本葱。沙律菜~只是沙律菜加了日本沙律醬汁，所以不

吃過晚飯後，我們一行四人決定轉轉環境，到THE ONE的「宏Hiroshi」嘆甜品。「宏Hiroshi」是一間日本餐廳，不過店前的玻璃櫃檯就放了蛋卷等甜品，洋溢日本人的細緻，吸引我們諗都無諗就walk-in入座。嘆日本甜品，首選當然是抹茶系列。我翻了翻menu，就點了京都宇治抹茶軟雪糕芭菲（$88）。甜品來了，芭菲造型跟menu的照片相似，沒有掛羊頭賣狗肉之嫌。抹茶軟雪糕香滑得像奶油，上面灑了抹茶粉，味道更濃。軟雪糕插了脆餅，旁邊是小湯圓，煙煙靭靭，最底層是紅豆蓉，層次分明。不知何解，吃的時候心裡有些罪惡感，感覺似在破壞一座藝術品，哈！

陪大肚婆去 Shopping, 佢帶我去 “宏” 食午餐! 經過多次但從來都未試過, 大肚婆話坐得舒服, 要去…被安排坐窗邊, 近來天氣有點涼, 有太陽照射好舒服! 午市套餐包沙律及紅茶, 但部份並不包括蛋糕卷! 炸雞飯定食 $79 ~ 雞炸得香脆有肉汁, 雞肉嫩滑, 份量頗多! 炸豬扒蛋包飯 $128 ~ 蛋嫩滑有蛋香, 豬扒份量較少, 有咬口, 有肉味! 咖喱汁沒有平常日式咖喱般甜! +大抹茶卷 +20 & +大香草卷 +$20 ~ 忌廉好香好滑, 蛋糕唔夠鬆軟, 抹茶味蛋糕口感更實! 註: 有點少失望, 性價比超低

今晚係附近食完飯想搵間餐廳食甜品但平時食開個d又冇興趣走入the one搵下啦大部分已經last order經過宏俾佢d cake吸引住就入去食甜品啦！但限左每人有最低消費所以我地都叫左一份全部都好正！我叫左綠茶雪糕沙冰大約$90幾其實都幾貴但偶爾一次5太過份啦值得留意係如果黎食lunch or dinner set係包甜品嫁！所以抵d朋友叫左lee個d生果全部都好甜！另一位叫左紅豆白玉好味啊！！下次我要黎食晚餐包埋甜品抵好多！！！

煙三文魚海藻烏冬🐟同平時食開圓碌碌果種烏冬唔一樣,佢扁身得嚟但又好有咬口,而且入面仲加左一粒粒嘅海藻令麵質更加彈牙,令人食唔停口😍抹茶窩夫配抹茶雪糕🍵當抹茶雪糕遇上熱辣辣嘅抹茶窩夫,茶味嘅濃香停留喺口腔入面💞鍾意食抹茶甜品嘅朋友可以試下👍

梳乎厘這玩意從來都像風一般的食物，吃了也不覺。但這個梳乎厘班戟卻留有濃濃嘅蛋香，柔軟而有口感，因為pancake面煎得剛剛好，面那一塊……um...就像豆漿凝固在表面的那層薄薄的，總覺得特別好味。加上外加的Vanilla雪糕，一暖一凍，好好味！

同班朋友出黎玩就約系宏度食飯，系價錢方面都算唔錯噶了，幾抵食，食物質素都唔錯。我就叫左個炸雞飯，好味啊，而且分量都足夠，滴雞肉不會鞋。最中意系呢度噶抹茶味蛋卷，唔會太甜，岩我口味喇，下次再幫襯。

因為約左同朋友係紅館睇演唱會，所以同男朋友一齊食飯再join 佢地。原本諗住食南小館，但我前幾日先食完，咁就是但入左呢間食。啲野食出煙又唔熱，男朋友既炸豬扒飯都係。舊炸豬扒係冷藏貨色，試左一啖都係唔熱既...個甜品係ok 既。但食完主菜已經無心機影相。你食完個主菜班姐姐已經趕住幫你收盤。仲問你上唔上甜品。搞到你好趕咁，明明成個場無乜人。食完甜品又係，見你一食完就即收碟，又係趕人走咁...總括而言，呢一餐個價錢真係同食物質素差太遠，早知食番南小館好過🙄🙄

是日約咗朋友係尖沙咀睇戲，睇之前見到呢間好似OK就入咗去，點知原來中晒伏，諗住佢$99有咁多嘢食都好似好抵咁聽囉，叫咗個天婦羅野菜冷烏冬，啲烏冬完全係未煮熟，咁正常都知道煮熟左個烏冬要過冷河，但佢係完全沒有，咁就俾咗我食，然之後個天婦羅菜比我想像中出入好大，凍冰冰不特止仲要勁硬，仲要其實只不過係得啲蘿蔔絲，用料好cheap，叫咗斯里蘭卡紅茶，點知原來係茶包。問侍應攞紙巾，我哋有四個人，佢黑口黑面比一張我哋，無言。