隱啡

Open Now

Now Closed

Hidden Coffee & Roaster屯門嘅隱啡，確實係一間隱世自己炒咖啡豆嘅小店，佢哋冇好靚嘅裝潢同打卡點，佢甚至會張貼告示叫你唔好影佢做咖啡嘅地方（當然我影嘅相，係問過佢哋嘅😅）不過佢哋就真係好用心咁沖咖啡同埋為你解釋你叫嘅咖啡豆，亦願意同你溝通你對咖啡嘅問題，甚至一杯簡單外賣嘅凍咖啡佢都會解釋俾你知用嘅係咩嘢豆同埋點樣飲，佢嘅外賣杯好有趣，做到好似一罐罐裝飲品咁😍，令我都忍唔住買咗一杯外賣走😅佢嘅手沖咖啡除咗藝妓咖啡豆要$100，其餘都係$60. 咖啡師手勢沖得好乾淨個人覺得，如果有機會行開附近鍾意飲咖啡嘅人，真係好值得去飲杯你鍾意嘅咖啡❤️

隱啡喺正何福堂輕鐵站對面，其實唔太難揾。遠離煩囂一點，慢慢細嚐，心情亦好一點！幫襯期間客人不少，又有幾單外賣，生意唔錯。青瓜冰搖咖啡 $48整到cocktail 咁款，好靚～飲落好fresh, 不過面頭泡泡好快消失，要盡快享用。桂花釀·黑咖啡 $48咖啡香醇，桂花味清甜。繼續研究特別口味，繼續加油！杯墊好靚！p.s. 準時17:59 關門

呢間小店位於屯門洪福堂輕鐵站隔離，落車行3分鐘就到嫁喇！都好方便！佢店鋪細細間，大約有十幾個位左右，因為疫情原因就每枱限時60分鐘！Affogato 今次一早11點就黎到，見到有seasonal special ，就叫左佢！今期既雪糕係海鹽焦糖雪糕，係小店自家製既！好滑好濃郁！正！ 佢既食法係加埋一杯espresso落雪糕一齊食！今次既espresso就用左巴西既豆，好香烘培既味道！加埋落雪糕度真係一流！伯爵茶scone 呢個好香好香Earl grey味！如果你都係Earl grey愛好者就必點呢個呀！加埋熱情果果醬，好掂！

由屯門西鐵站再塔多2個站就到既一間cafe，未算太隱蔽咁係正輕鐵站對面。店舖唔大，位子由門口打直伸延到店入邊。 *要打卡就唔建議坐太入，自然光同燈光相對太暗。食物方面，當時試左daily selection 既蛋糕，無咩驚喜 但又唔會話差既。咖啡點左竹炭咖啡，咖啡味唔太濃，竹炭味亦都只有少少 所以飲落同latte好似差唔多咁。*總括係不過不失。店員態度好， 會詳細講解咖啡豆既分別令你知道點選擇,值得一讚🙆🏻‍♂️呢間會係一間如果咁岩經過附近，不妨一試既cafe。

小店11點開鋪，我同朋友11點黎到一個人都冇😍然後開開心心邊吹水邊飲咖啡邊食野就坐左2個鐘🥰超舒服寫意！青瓜冰搖咖啡 $48老實我唔識品嘗咖啡🤣 係咁岩見openrice好多食評都大推呢樣就試下😌 點之真係同啲食評形容既一樣🙀好fresh好清新既味道，飲到落底都咁始終如一，再飲都會飲番呢杯😽鬆餅（伴果醬） $28鬆餅佢配左個熱情果醬，冇咩特別🙈焦糖咖啡蛋糕 $38蛋糕明顯食得出好鬆軟😍但冇咩焦糖咖啡味🙈邊食cake邊飲咖啡真係好休閑既假日活動😀呢間啲咖啡好出名，如果識品嘗既人一定要去試下😜

之前去屯門行山順便支持下啲特色小店，呢間隱啡bookmark咗好耐喇，主打唔同特色咖啡飲品，將咖啡加唔同嘅ingredients變成好多款好有創意嘅飲品，有誠意。呢度位置對我呢啲港島人嚟講真係夠晒隱世🤣🤣係何福堂輕鐵站附近。舖頭入面有售賣咖啡豆同相關嘅products，仲會有啲良心嘅產品寄賣，而且佢哋係堅持唔恢復晚市堂食架，要支持下💛💛。隱啡桂花釀。黑咖啡呢款咖啡係seasonal menu其中一款，聽個名就好有特色，係一杯black coffee再加啲桂花釀，面頭有少少桂花花瓣，飲落味道好特别！係未試過嘅味道😂😂甘苦嘅咖啡撞上桂花嘅香味，原來係冇違和感，飲罷會有啲甘甘哋但油又唔係咖啡嘅aftertaste，創新得嚟係算幾好飲。凍薑汁紅糖牛奶咖啡另一款seasonal嘅飲品，用咗新鮮嘅薑磨成汁，令到杯咖啡飲落好重薑味，好特別，坊間一般嘅薑汁latte係無得比，鍾意薑味嘅人一定要試下。😗😗血橙卷蛋Daily special嘅其中一款蛋糕，賣相都幾正，真係成大舊血橙係中間😂😂原汁原味，卷蛋食落有少少奶香味，口感都算鬆軟，配埋酸酸甜甜好juicy嘅血橙，估佢唔到又幾夾喎。雜莓芝士蛋糕Dail

係屯門 想搵間又就腳 靜靜地既coffee shop 我淨係諗到呢間 又有d小食蛋糕仔 又有靚啡靚豆賣近年 我次次去coffee shop 點既coffee都係piccolo 我覺得沖一杯靚既piccolo唔易 至少打既奶泡要夠綿密 打奶泡既機都要有返咁上下啦 至少我屋企部咖啡機唔夠靚 打唔到😂 我唔係專業品啡之人 但都鍾意周圍去試下咖啡 隱啡既piccolo好夠綿滑 佢既houseblend咖啡偏nutty 而且有aftertaste 係一杯好好味既咖啡 不過呢日我無好著眼佢用邊幾款豆 只係想好chill咁慢慢飲杯啡+scone☺️

今日男友帶我去屯門間咖啡店 「隱啡」，假日下午時段都幾多人等位，但多數會唔等，轉外賣咖啡，我地等左15mins就可以入座，都唔算好耐，仲可以坐底試埋d蛋糕。homemade 多份暖心嘅感覺，估唔到賣相都好吸引。暗黑系-凍牛奶咖啡特別用左食用級竹炭，有助吸附身體雜質，幫助身體排毒，而且不含糖，加入咖啡度，除左好型格，仲對身體有好處。加左牛奶令咖啡更香更滑，也順喉易入口，係種幾溫和的味道，少飲咖啡嘅我都接受到。菠蘿反轉蛋糕估唔到焗熱左，外面微脆內裡鬆軟，有菠蘿酸酸甜甜嘅味，每啖都咬到菠蘿一絲絲的肉，而且個蛋糕好特別，唔係度度有，比較少見。抹茶麻薯卷蛋抹茶味偏淡，顏色也偏深，麻薯唔夠煙韌，似糯米團咁軟，太痴口，但卷蛋口感不錯，中間的cream也香滑，甜度唔高，食完唔膩。薑汁紅糖牛奶熱咖啡入口溫熱，薑味幾重，飲完個陣熱度由口慢慢落到肚，完全feel到的溫暖感，仲有紅糖香甜，咖啡酸度較高，味道係個種好易入口。

上OpenRice 睇到呢間café 個menu好特別，有平時係其他地方喝唔到嘅coffee, 所以就去試吓🙋🏻‍♀️環境：鋪頭長長窄窄，座位唔算多，假日泥就可能要排隊非常體貼，每張枱都有消毒用品鋪頭都有不同嘅咖啡用品賣，咖啡控嘅朋友一定唔好錯過飲品：(利申：我嘅咖啡知識唔多)1) 桂花釀黑咖啡 (Osmanthus House Black)呢杯黑咖啡係落咗佢哋自家釀制桂花糖，而且會將桂花同咖啡同一時間萃取，非常有心思喝落有唔同嘅層次，首先係有桂花淡淡嘅清香，再泥就係黑咖啡嘅甘味同香氣，最後就帶少少酸（唔肯定係糖嘅酸，定係fruity或蕃茄嘅咖啡豆酸🤔）如果你又唔係好受得黑咖啡同奶，我會好推介你喝呢個，甜甜地，又易入口👍🏻2) 青瓜冰搖咖啡 （Shakerato)呢個真係非常特別，喝落非常清新，夏天喝仲正🙋🏻‍♀️第一啖喝落去，竟然係覺得似台灣嘅蜂蜜白苦瓜汁，好fresh, 之後就有淡淡嘅咖啡回甘無諗過，咖啡都會有咁清新嘅感覺🙋🏻‍♀️食物：1) Upside Down Pineapple CakeTexture 有d 似鬆少少嘅muffin 或者牛油蛋糕，感

係一位住其他區嘅朋友話比我聽，我屋企附近原來有間咖啡店，仲要幾好飲，有時佢會專程過黎👀雖然我唔係飲開咖啡，無佢咁專業，但係比佢咁講完都book mark左想搵日試下；呢日同朋友tea time時間，少有地留返喺屯門，就過嚟試下啦朋友點左杯蜜瓜冰搖咖啡，雖然唔太飲得出蜜瓜味，但都幾好飲嘅；我就點左杯星空蜜桃檸檬特飲，有蝶豆花成份，所以杯飲品紫紫地色好夢幻，好靚，味道都唔錯，唔係好甜；.另外我地都叫左d輕食；伯爵茶鬆餅、Brownie同三層檸檬芝士凍餅，整體都幾好，係三層檸檬芝士凍餅覺得好酸，我同朋友都唔太好

呢一年香港人無得飛，但可以深遊香港都係好事，不難搵到好地方。對於我呢個九龍人黎講，可以出下新界已經好好，決定為啡行山。行完藍地水塘落番黎麥理浩終點附近，就可以見到呢間咖啡店。都幾多人，外賣杯啡就閃啦好詳細嘅menu，講解埋個比例，一目了然。叫左我最愛嘅肥威（右），佢有兩種豆可以揀，一聽到酒香即揀，另一種係偏酸，我就麻麻啦。好豐富嘅層次，每啖都有幾層味道，熱力尚可。左邊個杯好靚，係凍飲新包裝，有蓋，好似飲可樂咁，朋友話好飲。行完山飲到杯好啡，抵哂即刻！

特登走入屯門試吓啲咖啡、大感失望。限聚令下、成間店得大概十個顧客、職員有四個！等咗好耐先有杯啡、杯啡冇咩特別好飲。原本叫了件蛋糕,嗰餅底一半無咗、問下個職員、個高大女職員衝過來搶咗件餅、氣冲冲咁話係handmade ,所以係咁、最後一件、退返錢俾你、然後佢九秒九將件餅揼咗,即刻將啲錢擺喺張枱度（極差態度及黑面）。不會再嚟第二次!

為於何福堂附近嘅一間咖啡店，呢到有限時60分鐘，都有唔少人等候㗎～所以要準時交枱啊咖啡愛好者真心可以過嚟探秘一下。唔識咖啡可以叫佢介紹或者都仲有好多茶同其他飲品選擇呢到淨係得輕食，當日甜品可能會因應每日情況提供。食咗brownie同哈密瓜檸檬凍餅，都好好味。

今日放假，天氣又轉涼，所以遲遲都唔肯起身，一起身就想飲杯又熱又香濃嘅朱古力，所以係屯門市廣場行左一大圈，都係得連鎖式嘅店舖，所以就上網搵吓，附近有咩隱世嘅小店... ...終於俾我搵到，就係新墟何福堂附近，點都行去試吓啦店舖位置不算偏遠，都算靜中帶旺，店舖比較細，是小店形式，亦有咖啡豆及用品選購，而咖啡豆都有細包裝，可試岩味先買大包😎店舖都有cake 🍪🎂🍰選擇，店員會提意可供焗熱，非常細心,而且店舖有好多特別新口味，竹炭，桂花，薑汁。。。要試晒都要嚟多幾次熱朱古力🍫～一心好想飲熱朱古力，但又怕係朱古力粉沖開，咁就無意思啦，所以又想飲啡算啦，但又多口問店員，店員解釋係用比利時朱古力醬＋粉調制，比一段香濃🥰🥰所以終於點了朱古力，雖然拉花不太靚，但味道無失望，又香濃又夠甜，冬天必選👍🏿👍🏿可能天氣關係，好快就凍晒，所以一、兩啖就飲晒，飲完好舒服🥰🥰🥰

店鋪長長小小，大概有16個座位左右。咖啡除一般espresso、latte 等等之外，也有手冲咖啡、仲有一些花果茶。先點了冷泡咖啡果皮茶，果茶用小瓶子装著並配上有冰粒杯子，十分用心。果皮茶帶微甜微酸很清新解渴。然後今日特別想飲 espresso 店里咖啡底有兩款豆可選 （ fruity / nutty )先要了杯 fruity 啲嘅食物方面多款限量homemade 蛋糕今天試了伯爵茶芝士凍餅和菠蘿反轉蛋糕。菠蘿蛋糕上有菠蘿肉，帶有少少焦糖味。凍餅入口有花香，啲cream很滑又不太甜。兩件都好好味！然後試多一杯較nutty 啲嘅espresso，不過本人比較喜歡 fruity 一啲的味道，入口咖啡甘香，果酸中帶點香甜，咖啡味持久留在口中。☺️☺️我家姐就點了Latte ，咖啡杯好特色，拉花也不錯啊😍另外，店內有咖啡豆售買，喜歡的話，可以買回家自己沖煮咖啡☕️🥰