70
3
13
Opening Hours
Mon - Sun
11:00 - 00:00
Above information is for reference only. Please check details with the restaurant.
跟家人行完百萬行， 終點站係香港仔， 臨近午飯時間四圍都好多人，見到呢間有位我哋就來試試， 見有火鍋放題， 價錢大眾化， 我哋一行四人就點咗四個火鍋放題。 以這個價錢 ，整體食物質素ok， 但美中不足是原本有任食軟雪糕，惟雪糕機壞了未能提供，所以有點失望。牛肉套餐， 套餐每人跟兩包紙包飲品。豚肉套餐有幾種湯底可選擇，我哋選了蕃茄湯底。除了肉類有限之外，其他食品都是自助式，但種類不多。
continue reading
來到香港仔食lunch, 諗住搵間新野試下，見食評（好似）不錯所以去左呢間。呢排天氣凍凍地所以叫左牛肉壽喜燒，滿心歡喜諗住食個熱騰騰的牛肉壽喜燒＋白飯，暖在舌頭後再暖在心頭。可是，我錯了…我真的錯了….佢一放低，我首先呆左呆，點解壽喜燒下面無火燒住既？算，唔緊要，我諗可能裡面的汁／湯夠熱呢？我又錯了….望一望碗野，上面一層紅噹噹的生牛肉，旁邊係一隻全生既蛋。再深入研究一下，咦？ｄ汁／湯唔係滾既？當你將凍既生牛肉同一隻生蛋放落一碗唔熱的汁／湯裡面，學過常識既小學生都應該能告訴你咁樣做係會令成碗野溫度大大下降，佢地亦都應該可以告訴你進食未煮熟的食物好易出事的。我冒住生命危險試下ｄ僅僅變左色既牛肉，好 un……… 諗諗下實在唔值得用我生命去博去食佢d牛。好。我食菜，無死喇掛？我再三……..錯了。菜，是酸的。當時我真係好餓，但我硬著頭皮食左三分一已經好想嘔，真係頂唔順。我上面一路寫係用汁／湯，因為我根本唔知佢想碗野係點。話佢汁佢又唔夠濃，話佢係湯佢又太鹹。總之亂七八糟，一塌糊塗，不知所謂。最後好想多謝讀者睇到呢度，我寫到都驚心動魄因為從來無食過咁難食既野。我真係好希望有時光倒流，令我從來無入過呢間餐廳半步。奉勸大家，安全要緊，小心為上，飽讀常識，珍惜生命。
continue reading
今日下午突然好想食個熱辣辣嘅湯飯就諗起「囍」午餐有湯飯吃，我點咗一客（過橋牛肩脊湯飯),當個飯嚟到時一見D紅噹噹牛肉排在飯面，但見過湯係完全冇煙嘅，心諗：你啲牛肉係生上但係個湯系完全唔熱嘅咁你啲牛肉係點樣會熟呢？嘩，不得了，搞完碗飯，血腥水一碗，跟住叫個經理幫我叮熟D，但叮完還是一樣，唉！我發誓以後絕不再來了我之前晚市放題都試過，都已經覺得麻麻地，唔系咁好食，D食物擺放又亂又污糟，想唔到連個午餐都咁差
continue reading
放假同肥髀去香港仔攞眼鏡！順便食埋午餐！其實已經下午茶時間！呢間新開未試過！ 去到鮮藍色門面光鮮，上到去大堂好大，黑藍主色，桌椅唔迫，牆上畫咗啲食物圖畫！枱面有火鍋爐蓋，晚間做火鍋！午市同下午茶有套餐！落單後食物好快到大蝦野菜天婦羅冷烏冬（$42）冷烏冬加麻醬，肥髀話好味！天婦羅有大蝦、蕃薯、南瓜，我食咗大蝦+蕃薯，炸漿唔厚，但就軟身唔脆，而沾汁係熱到出煙（我第一次見天婦羅沾汁係熱到辣手架）六點壽司配魚湯烏冬（$42）壽司有：三文魚：正常白身魚：正常蝦：正常玉子：玉子太實，味道甜墨魚：有微腥酸薑腐皮：好怪呀，腐皮甜，但酸薑做壽司好怪魚湯烏冬：魚湯唔鮮，唔似鮮魚湯，粗烏冬好彈牙，配料有海帶、粟米、蔥條！正常阿華田（$6）肥髀飲話梅熱柑桔蜜（$8）兩粒話梅一粒青檸，青檸好香，加埋兩種酸味有層次，蜜糖唔多，唔會太甜，好味！日式蒸蛋（$10）個蒸蛋太少，連「茶碗」都不如，係「茶杯蒸」蛋幾嫩滑，但加咗嘅湯味道有啲怪！又唔係味淋嘅甜！係一皇好怪嘅味！店員上菜正常！食物正常，但感覺好港式嘅日本餐廳，食物係大路日本菜嘅款式，硬件裝修係新款，但服務就港式，即係店員會好似茶餐廳咁在大堂呼喚對話！上菜放低就走！又唔係無禮貌嘅！港式日本餐廳
continue reading
上次去過呢間食肆食烏冬，覺得抵食又吾錯，今次特登嚟試下套餐，竟然又給我另一次驚喜。原來有幾個套餐更做特價，我便揀咗其中一個套餐試下。吉列岩蠔丼 （特價 $43-）套餐包括面鼓湯、白飯、漬物，蒸蛋和吉列𧐢，而且湯、飯和漬物更可無限添加，相當抵食。面鼓湯濃郁，更有豆卜在內。漬物中有青瓜，海蜇頭和火腿，酸酸辣辣，都幾醒胃。蒸蛋嫩滑可口，送飯吾錯。講到主菜吉列蠔頗有驚喜，不但數量不少，而且亦吾算細隻，炸得好鬆脆，咬落又吾乾，沾上沙律醬一齊食，可減去熱氣感覺。本人不甚喜吃炸物，但都要給它一個 like 👍
continue reading