潯 (Closed)

搵石門有咩西餐食，意外搵到呢間 唔知係咪新開呢，之前好似唔多覺有呢間野咁。係openrice訂咗位先去，小店只有3 4張枱，不過當晚冇乜人食，得兩枱客。餐牌設計唔簡陋，都似食緊出面連續西餐廳咁嫁，價錢唔算好小店，唔會話五六十蚊就有，都係平時食開既中等價錢，尚可接受1800-2100送餐湯係南瓜湯睇落顏色好似好淡咁，點知都幾濃，幾好飲大蝦彩椒鮮茄辣汁意粉少少辣，唔係好勁，蕃茄醬亦唔會好酸，成個意粉幾濃味蝦有三隻，幾彈牙有蝦味煙三文魚卡邦尼意粉有兩至三塊煙三文魚意粉卡邦尼汁算多，但唔算非常濃郁，少許火腿配料叫左個小食黑松露薯條呢個反而意外地好好味黑松露醬味道適中，淡淡黑松露味，唔會太勁薯條好香脆，裡面好多薯仔另叫錢餐飲，梳打，味道唔錯總結食物份量適中，味道唔錯，價錢略高，不過可接受，不過食物選擇唔太多

飲茶無位 黎左呢度點左個漢堡包+ all daybreakfast等餐超時 成半個鐘先有得食......個漢堡包塊牛扒超多筋 切唔開 咬唔開，又超級鹹 ......All day breakfast 炒蛋又係多鹽 .............其他配料感覺都係現成，冇乜特別需要料理技巧既食物，但都唔覺得好食兩個餐入面係得薯條 同薯餅正常啲，雖然隨便揀 但附近一定有其他更好選擇..........No next time ......

2021年5月9日，今日係母親節但我要返工，放飯嘅時候我同同事去咗另一個同事推介嘅Here we are ，點知就中伏⋯⋯放飯時間得一個鐘，我哋等到咁上下發覺唔對路，就轉外賣，等到成1點半先出到外賣俾我哋⋯⋯星期日母親節去食可能係我哋唔啱，因為連個menu都係寫brunch，唔應該俾我哋呢啲趕時間嘅人食，唯有轉外賣好可憐咁返到公司一路做嘢一路食，點知都係中招⋯⋯我叫黑松露雜菌燴飯，變咗蝦籽蝦意粉都算，食到最後嗰隻蝦仲要係霉嘅🤬真心嬲咗！都係嗰句，星期日母親節加上食飯時間少係我唔啱，冇下次

一日兩餐都食佢地係咩玩法？我都唔知呀😂😂😂但真係好食既😋講緊既係沙田石門間💛Here We Are 潯💛見到佢地出咗個酸菜魚，超想食呀，咁啱約咗人交收，就順便訂埋酸菜魚外賣，等夜晚食，佢地個fb cs 超好，有禮貌，知我返屋企會再煮熱先食，就話幫我將粉絲另外裝開👍🏻👍🏻👍🏻去拎果時，又順便食埋lunch😂🍲煙三文魚蒜香忌廉燴飯，呢個真心正$58有湯/沙律，仲包埋飲品，抵到爆，最緊要係好食麻🤤🐷慢煮豬鞍扒配薯條都唔錯，個汁唔知係咩汁呢，好好味喎😋夜晚返到屋企，煮返熱個酸菜魚，同埋我家最愛既墨魚汁香腸個酸菜魚真係堅正，好好食，湯又濃郁，啲粉絲索哂啲湯...攪唔掂，我女不停食🤤🤤🤤墨魚汁香腸就唔洗多介紹啦，話明至愛，梗係好食啦🤣過咗幾日，同屋企人一齊又再食過😂，酸菜魚訂咗一個少辣同一個加辣，今次加多個紐倫堡蛇餅腸，屋企人話好好味😋佢地仲堅持緊唔開晚市㗎💪🏻午餐亦只係到3pm，所以去既朋友仔要留意返時間💛酸菜魚只限外賣，記住要預早少少訂#沙田 #石門 #京瑞廣場#潯 #HereWeAre#西餐 #酸菜魚

難得媽咪今日搵我食飯，帶佢去試一間黃店西餐廳🍽 — 「Here We Are潯」。鋪頭細細間坐滿食客，之前試過意粉都正常發揮，今次豪啲叫最貴嘅Lunch Set啦🤣！————————————————👅慢煮美國豬鞍配薯條（$88）👍🏻豬鞍賣相比牛扒靚得多，大大塊厚切豬鞍配埋色彩鮮艷嘅配菜，豬鞍火候啱啱好🐷，切開入面仲有啲粉紅，厚實肉感唔會鞋，醬汁甜甜地幾開胃，建議食豬鞍多過牛扒👍🏻午餐可選是日餐湯/沙律，嗰日嘅南瓜湯係水汪汪啲🎃不過都有啲南瓜蓉👍🏻包熱飲一杯，媽咪讚咖啡同奶茶都夠大杯👅半寸厚大西冷牛扒飯（$88）👍🏻兩大塊牛扒都有牛味，纖維相對粗少少，醬汁可選泰式冬蔭功/黑椒蘑菇/蒜香忌廉🧄，蒜香忌廉有驚喜，兩者味道配搭和諧，份量同飯量都好足，男仔都夠飽————————————————🚩總結：水準正常又份量足嘅小西餐廳———————————————— 🌟注意：外賣自取9折————————————————📍 Here We Are 潯地址：沙田石門安群街3號京瑞廣場1期1樓150號舖.

去到石門站搵食，就當然要試下一眾地區小店！京瑞廣場內的 Here We Are 潯，位置不太好 ，但水準不錯，值得支持Lunch Menu，around 50-70蚊嘅價位，已經有齊 starter, main and drink😊Starter 可選餐湯或沙律，筆者揀左南瓜湯，沙律係煙三文魚沙律，偷偷地望到隔離枱果碟都幾足料架🙈Main揀左「蒜香洋蔥白酒蜆肉意粉」，意粉咬落爽口，唔知有冇做到「過冷河」呢🤔 蜆肉量超多，粗略記得應該有20粒左右Drink揀左熱檸水，原來凍飲也不用額外加費，飲凍飲熱自己揀啦😋

想起沙田穩特色小店就一定要去石門今次咧間Here We Are都係一間良心小店請各位大大力支持佢地💪🏻- 蒜香洋蔥白酒蜆肉意粉 - 意粉一上到枱就已經好吸引食落就更加唔使多講3個字可以形容得到就係好好食😋因為睇得出餐廳好用心去煮d意粉每一條都煮得剛剛好唔會太腍亦唔會太過硬仲有好濃烈嘅酒香至於d蜆肉每一粒都吸哂蒜香同洋蔥嘅精華同意粉一齊食味道超夾絕對唔係分開煮咖仲有蜆肉一d腥味都無感覺非常新鮮同埋就係蜆肉嘅份量非常多每食一啖都會有鍾意食蜆嘅朋友一定要去試吓😜講咗咁耐大家係咪都好想知道個價錢咧😎我話你知咧個價錢係超值只需要58蚊就可以有咧個意粉，沙律同一杯飲品🧊冷熱🍵同價

經過石門想搵嘢食，就入商場搵下。石門其實都多餐廳，好多選擇。最後行咗好多間，見到呢間幾抵食，員工亦好熱情，就入咗去。入咗去坐低咗就叫咗嘢食，好快已經上咗餐湯。可惜，南瓜餐湯唔夠味。隨後，上咗蒜蓉蜆肉意粉同煙三文魚燴飯，呢兩個主菜真喺令到我地好失望，就算$58一個餐包餐湯同嘢飲都唔會再去食！！！！意粉完全無味，就連蒜蓉味都無！真喺差啲連食都唔想食。燴飯賣相成pat粥咁，完全唔討好，雖然有味，但味道並不濃郁。。。而且材料非常少，只有少少三文魚。叫咗燴飯先喺open rice見到另外一個食評話燴飯唔好食，而且賣相唔得，睇完張相發現同我叫嘅個賣相一模一樣，都喺唔討好，點解過咗咁耐都無改善？！其實意粉同燴飯都相對容易製作，今次真喺好失望。見到喺黃店，又幾抵，點知。。。石門有好多其他餐廳，質素亦高，黃店當然要支持，但食物質素必須對得住食客，先會有回頭客。希望以後會有改善。

其實我都明食物成本上漲，加上禁堂食，食店經營都好困難。我唔介意畀多少少錢，食個足啲料嘅飯。呢個飯，應該只能叫煙三文魚碎飯吧？本身由於三文魚已經少，加多少少菇，都可以充撐下場面。結果都係冇。黃店係要支持，但出品真係要改善

石門真係好多💛店 系列今次去咗呢間個名好型嘅 潯 Here We Are.慢煮豬安扒配雜菜薯蓉好鍾意！豬鞍超腍！又厚😍好難得呢啲小店都可以將豬肉可以做到呢個texture♥️👍🏼仲有伴碟嘅薯蓉都幾好唔係完全creamy果種 仲有少少粒粒嘅薯仔🥔 有啲咬口如果牛油味再重少少⋯更好.紅酒牛肋條燴飯燴飯食落唔夠濕 無乜紅酒味 似蕃茄燴飯多啲🍅牛肋條份量得好少 得一舊完整嘅 其他都係好似碎碎咁加埋應該得1條？🤔.蒜香洋蔥白酒蜆肉意粉🤔呢個蜆肉意粉有少少失望 雖然蜆肉好多好足料意粉份量都好夠 但係整體冇乜味道 有少少扣分.三個餐都有跟餐湯或沙律 仲有嘢飲 Total都系$220有找仲有！我見佢哋聖誕節都有Christmas Menu大家都可以去試吓😅

Here We Are 潯呢間之前都推介過，食過幾次午餐，平靚正，超抵食👍🏻今次有機會試到晚餐啦，多謝友人們陪伴，次次都比我選擇食店。🥰店舖細細，坐位唔多，5-6枱左右啦，石門大部分既店舖都係細細間😂講返野食🥘🥙🍗🧆超級推介個蒜片墨魚汁腸，一上枱已經聞到勁香，因為墨魚汁，攪到賣相唔靚，黑炆炆🤣但食落口真係好好食，食完會想再食🤤仲有個炸雞🐔，有幾款口味可選，我地選擇咗蛋黃醬。上枱時見到係我至鐘意既味道🤤🤤🤤媽呀....係咸蛋黃既味道😋😋😋我真係超鐘意，熱辣辣既咸蛋炸雞🤤喜歡食咸蛋黃既朋友真係要試呢個👍🏻其他食物仲有紫薯湯、shake shake單骨雞翼、黑松露薯條、蟹肉蟹膏燴飯，都唔錯😋#沙田 #石門 #西餐 #潯 #HereWeAre

星期六放咗工要去整電話順便同同事食餐好嘅兜兜轉轉之下搵到呢間cafe 一點幾等候嘅客人唔算多企左一陣間就入得不過唔知係咪因為唔係叫set lunch所以等嘢食嘅時間都比較長但所有食物上枱時都熱辣辣🔥唔趕時間就真係接受到嘅 !!!蟹肉燴飯真係每啖飯入面都有蟹肉，超足料😍加埋蘑菇、洋蔥同忌廉汁，味道好夾，如果可以多少少汁就更正喇！黑松露大啡菇寛條麵大啡菇略嫌乾身，成個菇好厚身，一啖咬落去嘅感覺無得頂🥰寛條麵偏硬，但個人就係鍾意呢種口感，黑松露味道十級濃郁，醬汁都比較多，好好味😋😋另外嗌左兩個小食...雞翼上枱嘅時候熱辣辣脆卜卜，可以加埋調味粉放入袋shake 一shake ，Yummy 蜜糖牛油味十級推薦！！！食到一半先醒起未影相薯條係普通粗薯條，但黑松露醬味道好突出，忍唔住係咁食......整體黎講都算唔錯仲要係良心小店💛一定會再嚟架

今日同朋友去咗石門度踩單車 踩完之後經過呢個商場好多小店 於是就幫襯下呢間黃色小店潯餐廳細細大約只有20個位 但成個感覺好舒服Green monday我就揀咗個黑松露野菌忌廉汁闊麵配香煎大啡菇 首先要讚既係啡菇大大隻 好多汁厚肉而且菇味十足 黑松露野菌忌廉汁成個平衡幾好 香得黎唔會漏 超級抵讚嘅係闊面係小店親手製作同出面買嘅意大利粉冇得比白酒煮大蜆 大蜆非常巨型 有成隻手指咁長 超誇張 入面嘅肉飽滿鮮甜 白酒汁香而不膩中帶點清新嘅感覺 加上蒜蓉洋蔥等嘅配料 唔錯

石門站入邊原來有好多餐廳 今日就專誠去咗石門尋找一下特色小店 🤓 我哋坐低之後叫咗兩個餐蕃茄濃湯 飲到好多蕃茄茸 仲有濃郁嘅香草味😎大蝦彩椒鮮茄辣汁意粉意粉好足料 見到有好多隻大蝦 意粉一入口就食到食到三色椒嘅甜味 三色椒同茄蓉比例十分平衡 意粉嘅味道唔會比三色椒嘅甜味搶哂👍🏻另外依個意粉嘅辣味唔算太辣 不嗜辣嘅朋友都可以食到Here we are 炸雞半份 配黃金蛋黃醬一上枱已經聞到好香好香鹹蛋嘅香味 佢哋嘅黃金蛋黃醬炒得好細滑 真係炒到起哂沙🤩🤩👍🏻 而醬汁可以完全掛哂係炸雞上面👏🏻👏🏻最犀利之處係加咗個黃金蛋黃醬之後 醬汁唔會令到炸皮變稔 依舊保持到脆皮👍🏻👍🏻炸皮薄、雞肉嫩滑無骨 我極度推介大家嚟試吓🥳🥳 除咗今次試嘅黃金蛋黃醬 下次返嚟再食 我會想試埋蜜糖芥末醬同埋柚子酸辣醬🤤🤤🤤

今日小妹同朋友去左石門搵野食, 支持小店💛! 下晝2點鐘嚟到仍然非常多人, 好好彩仲有位而且仲可以望出窗外, 日光照落大大塊嘅玻璃窗透入餐廳入面, 感覺好懶洋洋🤭! 餐廳所提供嘅食物種類幾多, 輕食, 主菜, 仲有一d特式小食, 花多眼亂! 小妹同朋友揀左一個shake shake雞翼🐔同一個12吋長嘅鰻魚飯🐟🍛!shake下shake下單骨雞翼🐔一上枱就聞到好香嘅炸雞翼味, 一份有15隻單骨雞翼, 有4隻味粉包括紫菜粉, 咖哩芝士粉, 奶油洋蔥粉同蜜糖牛油粉比你揀, 小妹就揀左奶油洋蔥粉😍! 雞翼炸得超級香脆, 夠哂熱辣辣, 咬落去仲幾juicy, 肉質嫩滑, shake完之後奶油洋蔥粉沾滿哂成隻雞翼🤤, 洋蔥味極濃帶少少甜味😋, 完全無死咸嘅味道, 食完亦唔覺得口渴, 15隻好快清哂🤣, 推介👍🏻!小妹建議試左一隻未沾粉嘅雞翼先, 因為可以試左雞翼本身嘅味道, 之後先加shake shake粉, 食佢嘅粉味😋😋! 原條12吋鰻魚滑蛋飯🐟🍛鰻魚飯非常夠熱, 小妹食完雞翼先食飯, d飯都仲出緊煙熱辣辣! 鰻魚肉質肥美, 醬汁濃稠, 甜度剛好, 滑蛋好香牛油味, 質感滑溜, 整體唔錯無膩