Here Thai Market

Open Now

Now Closed

今次去試咗間新開嘅Here Thai Market，裝修好有小清新feel，啲枱櫈好有泰國茶室風格，好適合慢慢歎嘢食傾計。茶位固定左係伯爵茶，茶味香濃但唔會苦，唔加糖都好香，最啱配泰式美食。海鮮炒闊河粉雖然叫走辣，但一啲都唔會覺得寡淡！啲河粉炒得夠乾身，啲粉條彈牙爽滑，完全冇黐埋一舊嘅問題。海鮮方面有蝦仔同魷魚，份量唔算好多，但勝在新鮮，魷魚夠爽口，蝦仔又彈牙。最緊要係個鑊氣夠，啲粉焦香惹味！香茅木瓜沙律就真係清新可口！木瓜切得幼身爽脆，香茅味香噴噴，配埋啲花生碎同蝦乾，酸甜開胃，香茅嘅清香又唔會蓋過木瓜本身嘅甜味，配搭得好靚。泰式炒通菜就做得好出色，啲菜新鮮爽脆，炒得火候啱啱好，配埋蒜蓉同豉油，簡單嘅調味反而突出咗啲菜嘅鮮甜最後嚟個甜品芒果糯米飯，份量算大，啲芒果夠晒甜，個糯米飯軟糯香滑，淋上椰汁同花生碎，甜而不膩。最正係啲糯米飯唔會過份黐牙，食完唔會覺得太漏。飲品方面，青檸梳打水夠清新，青檸味香濃，酸度適中，加埋梳打水好解渴，最啱配埋泰式嘢食！

👧🏻唔洗去泰國唔洗去九龍城, 宜家沙田新城市都有抵食又好味既泰國餐廳🤓2人套餐 $398心思思唔知食咩好 簡套餐最穩陣😆呢個套餐真係好抵食! 野食多到我地張2人枱都放唔落🤣食到好飽好滿足🍴泰式生蝦生蝦既肉質新鮮 食落食好爽口彈牙🍴蝦多士推薦💕炸到好酥脆 仲要係啱啱炸好就送上枱🍴泰式炒通菜鹹香惹味送飯一流🫡🍴泰式海南雞(半隻)懶人最愛食海南雞 啖啖肉真係好爽🤤d肉唔會柴 套餐仲可以加錢配埋個油飯🍴泰式黑毛豬火鍋套餐仲有埋火鍋真係超值🤣黑毛豬唔似普通既豬肉 唔會有陣騷味 火鍋入面除左有爽口彃牙既豬肉太同五花肉 仲有好入味既蘿蔔🍴奶茶凍完美原還泰國奶茶既味道🤓上面仲有珍珠🥤龍眼冰🥤菊花冰一流的消暑飲品 仲可以叫少甜📍Here Thai Market @沙田新城市廣場三期2樓A216號舖

Chef Ton在香港K11 ，走類似旗下Nusara路線的Niras也受不住香港的營商環境的結業，的確泰國菜和Fine Dining對於香港食物來說並不太接受，反而他和其他泰國著名餐廳，在沙田開設的Here Thai Market，走類似Food Court路線，更易被大家接受，也能經營至今也保持一定的人氣，除了定價相對便可以宜，吃到的也是一般大眾對泰國菜的認知，例如是海南雞飯和泰式炒河。前者配上椰子雞湯，整體口感更為清淡，只是雞肉夠厚，同時間也較為鞋口；後者相對出色，除了有鑊氣之餘，Chef Ton調配的醬汁甜酸辣鹹，四味結合的剛剛好，反而帶點他在Fine Dining經歷中，磨練出來的精密調配，利用虹吸處理的冬陰功，味道更濃，做法在香港中比較少見，反而在曼谷的高級泰國菜餐廳才會比較常見。最後的咖啡是來自Lung Ngen Coffee的瓦煲咖啡，但對我來說還是太甜，未能感受到瓦煲的獨特香味，有點可惜。Chef Ton’s Niras in K11, similar to Nusara, closed due to Hong Kong’s tough dining scene. H

紅咖哩牛面肉食過咁多間泰式咖喱呢度嘅紅咖啡絕對impressive 首先係一上檯個容量好impressive 比正常碗還要深滿滿一大碗咖喱非常流質稀稀的但稀唔代表味道淡每啖都有微辣又有椰奶嘅絲滑味道有層次入口好香滑就算就咁喝都覺好好喝而且牛面肉好多好吃驚食到最尾仲有肉呢間curry係我一定個encore嘅鴨胸炒金邊粉少見嘅組合鴨胸肉煎過好香金邊粉濕潤度炒至剛好本身仲想叫小食但冇諗過兩個main已好飽所以點左小甜品奶茶凍@10泰奶凍+有珍珠呢個size非常完美滿足食飽又想食甜品嘅胃

可能太忙啦，要找服務員招呼都好困難，叫咗幾個女服務員，都係敷衍了事，應咗就算。好彩有個男服務員係百忙之中都肯幫我哋攞餐具。服務方面真係要培訓下，真係唔覺處理客人要求，要浪費佢幾多時間。叫咗二人餐，份量足，如果細食，足夠三人食，令人滿意。味道亦唔錯，全屬中上水準。只係泰式火鍋唔夠滾，只係微暖。等到半小時後，都已食完，先開始有點熱，真係要改善下，點解唔先煲滾才送餐俾客人呢另外點咗個燒魷魚，味道唔係差，但份量相對少，唔算抵食。整體而言，值得再光顧，有多些優惠就更吸引啦。

唔知呢度幾時開左間新嘅泰國菜，行過門口已經被吸引😍門面有泰國餐廳signature 嘅泰佛，亦都有餐牌有個4人餐好抵食，可惜今日得2個人，就叫左lunch set 加小食入面座位都闊落，唔會枱貼枱，撞正lunch time差唔多坐滿人 得返2,3張吉枱坐低之後有紙本menu同QR CODE，可以睇完食物相先揀野食，我地叫左2個lunch set，每個lunch set包一杯野飲(龍眼冰/青檸梳打/菊花冰/蜂蜜檸檬水都唔洗加錢)，亦都可以追加一份小食我叫左蝦球 魚丸 魚片 豬肉 豬肉末 豬肉丸酸辣湯金邊粉($98)，追加左泰式生蝦(+$28)同埋芒果沙冰(+$28)，呢個粉有好多餸，酸辣湯夠驚喜又開胃，泰式生蝦都好新鮮，佢個汁勁惹味😋芒果沙冰更加物超所值，好大杯😙一路食一路飲都未飲完，勁正！老公叫左安格斯牛肉船麵$138，追加咗泰式蝦多士(+$28)同埋龍眼冰，呢個份量好夠，男人食都夠飽，佢話貴嘅牛肉果然唔同啲😍蝦多士炸得好脆，極度推薦我哋仲叫咗個墨魚蝦餅，都係好好食，好香脆，極度推薦呢間餐廳嘅炸物😋😋😋下次嚟想試吓呢度啲串燒同埋咖喱，見到其他枱都有嗌，賣相好吸引🤩

當初新開業，試左一次兩個人食，係好食，但真係等好耐。咁當佢啱啱開未營運好，就當畀次機會。隔咗好耐，到今個星期又再有機會嚟試，五個人食，等半個鍾都未有一樣野上。附近好幾枱都係咁，野食一係遲，一係錯，一係重複。佢話電腦有問題，所以落單好混亂。不過見啲夥記態度都好好嘅，係盡力有心做，嘢食環境都ok嘅。不過份量真係少啲，啲炒飯炒麵就算一人都未必夠食，半份海南雞，皮多個肉。但如果黎試就有心理準備，等野食時間可能真係難預計啲。

沙田呢間泰菜高度還原真。泰國風味經濟實惠啲影相又靚嘅話可以考慮下面呢個套餐 佔地面積夠大 今日五一黃金周全場爆滿THAI STYLE FOR 2 （$398）泰式生蝦 蝦多士泰式炒通菜泰式海南雞（半隻）泰式牛肉火鍋龍眼冰菊花冰白飯兩碗2碗奶茶凍 生蝦 處理得很乾淨，晶瑩剔透，搭配店家特製的酸辣醬汁，一口下去，鮮甜爽脆，辣味十足，非常過癮蝦多士 炸得金黃酥脆的蝦多士，外酥內嫩泰式炒通菜 通菜炒得恰到好處，加入了蒜蓉和辣椒，香辣可口，非常下飯泰式海南雞海南雞肉質鮮嫩，雞皮油亮，散髮著誘人的光澤雞肉入口滑嫩，搭配 特製店家醬汁泰式牛肉火鍋 湯底濃郁，牛肉 牛筋 牛腩 牛丸 記得飲埋個火鍋湯底

去沙田新城市行街，行完隨便搵間餐廳，睇餐牌價錢合理，款式算多就試下啦香脆蝦片蝦片金黃酥脆，內裡充滿鮮蝦的鮮味，搭配微鹹的口感，讓人忍不住一口接一口。泰式手打檸檬茶以新鮮檸檬和茶葉為基底，手工搖晃後呈現出濃郁的酸甜口感，特別適合炎熱的天氣。泰式黑毛豬火鍋泰式黑毛豬火鍋以優質的黑毛豬肉為主角，肉質鮮嫩，有豬肝及彈牙豬肉丸。搭配白蘿蔔和香料，湯底濃郁，帶有微微的香辣泰式海南雞飯這道經典的泰式海南雞飯以嫩滑的雞肉和香氣四溢的米飯為主，搭配特製的醬汁。雞肉滑嫩，醬汁帶微辣雙芒椰奶西米冰雙芒椰奶西米冰是清涼的甜品，融合了濃郁的椰奶和新鮮的芒果，芒果有兩款，一軟一硬，口感層次豐富，甜而不膩，適合炎熱的夏季享用。

今日我去咗「Here Thai Market」食泰國菜，真係好開心！呢間餐廳位於沙田新城市廣場，環境唔錯，服務員都幾友善😙羅氏蝦炒金邊粉 呢道菜真係好正！金邊粉炒得香脆，蝦肉鮮嫩，配上香料味道非常出色，食落去口感好豐富，真係忍唔住想多食一碗！🥰牛柳炒闊河粉 呢道牛柳炒得剛好，牛肉嫩滑，河粉吸收咗醬汁嘅味道，味道十分入味，配料都好足😍芒果糯米飯 呢個甜品係我今日最鍾意嘅！糯米飯軟糯，配上甜美嘅芒果，味道完美，仲有椰漿增添香氣💞泰式手打仙草檸檬茶 呢杯飲品超清新，檸檬味道酸酸甜甜，仲有少少薄荷味😉整體而言，呢度嘅食物質素高，價錢合理，適合同朋友一齊嚟聚餐。下次一定會再光顧，仲想試下其他菜式！🧸

Weekend 嚟新城市係一定要同人哋鬥早食晚飯，因為一踏入晚飯時間，所有餐廳都會大排隊～今日我哋早得滯，未夠六點就諗住去食晚餐，點知嚟到門口發現晚餐都未開始，仲食緊下午茶😂即刻衝咗入去9秒9落單，叫咗雜錦湯粉，加錢改做冬陰功湯底，果然沒有失望，湯底好濃味，真係可以當湯飲，除此之外，其他配料沒有特別味道正常。值得一提係下午茶餐會包一杯免費飲品，另外可以優惠價加購小食，我叫咗泰式奶茶同埋燒豬頸肉。泰式奶茶茶味夠濃，但係略嫌唔夠甜。燒豬頸肉味道剛剛好，唔會好嚡好柴，而且會有肉汁，不錯！餐廳整體下午茶嚟講絕對值得食，而且餐廳夠大基本上都唔使等位，下次會嚟試下食晚飯。

其實今次係我第二次黎呢間餐廳，但因為真係太出色，所以決定寫一寫食評。環境方面，地方好闊落，背景仲有一啲比較流行嘅音樂，鍾意聽西方流行樂嘅可以過嚟感受吓氣氛。今次我哋見到有個$398嘅二人set ，即管試一試！總括嚟講，非常非常非常抵食！有好多樣餸，仲要味道好好，出餐又快泰式生蝦生蝦非常新鮮，加上秘製嘅醬汁又酸又甜又辣，同蒜片一齊食，味道一流。蝦多士食落又香又脆，符合晒炸嘢嘅需求，但係一啲都唔油膩，佢釀個蝦滑落去都好彈牙熱辣辣食落口好正！黑毛豬肉泰式火鍋呢個$398嘅二人餐係有火鍋㗎！份量仲唔少，起碼有成8件大大塊嘅黑毛豬腩肉，加埋肉丸、蘿蔔同豬潤。成個湯底好濃郁，豬潤熟度亦好好，中間係粉嫩泰式海南雞（半隻）仲有半隻海南雞添，絕對俾足份量！啲雞肉兩個字形容，嫩滑！相信用左唔少心機處理隻雞，加埋個醬酸酸甜甜好開胃，仲非常送飯！泰式炒通菜有鑊氣，上菜嘅時候渣渣聲，熱辣辣keep到菜嘅爽脆程度，而且仲非常入味！龍眼冰飲落唔太甜，完全符合香港人對甜品最高嘅評價 。亦都好足料，我食咗勁多龍眼肉送啲重口味嘅餸一流。泰式奶茶凍雖然係泰式奶茶，但呢個甜品食落唔太甜。有香濃嘅奶味加Chai tea嘅配搭，

今次係第二次嚟呢度食，因為我朋友未嚟過，所以我陪佢再嚟一次！上次已經覺得麻麻地，但未至於太差，所以再食都冇問題。😎但今次真係十分唔好嘅體驗😡首先杯泰式奶茶，完全冇奶茶味，濃度唔夠好似水咁淡，同店員講最後佢換過一杯俾我，但係就冇冰，所以當然會濃少少，但都仲差過我自己買泰式奶茶粉返屋企沖😒；泰式生蝦不過不失沒有什麼特別，直到我食嗰個炒蜆嘅時候，第一啖食落肚我就覺得唔新鮮🥴，之後第二隻直程覺得係臭嘅🤮，結果同店員講，佢取消或者一碟餸🙄河粉同通菜不過不失，未食完枱上嘅食物，已經感覺肚唔舒服😵‍💫要即刻去廁所💩，結果埋單後回家旅程，我都要趕住去廁所去咗兩次💩，肯定食物有問題先至令我會立即肚痾😫，呢個經驗十分唔好，唔會再去！😡

今日同拍檔去沙田做嘢，佢生日由佢揀嘢食。佢揀咗呢間新開嘅泰國菜叫Here thai market拍檔生日梗係我請。我叫咗個泰式海南雞飯，怕肥揀咗白飯；飲品揀咗熱齋啡。拍檔就叫鴨胸炒金邊粉配龍眼冰。兩個午餐都可以加配小食。我哋叫咗一個木瓜沙律，一個泰式生蝦。海南雞夠嫩滑；全部食晒。泰式咖啡好特別,係偏酸嗰種；就算唔加奶都好飲。鴨胸炒金邊粉都好特色Crossover fusion菜；我偷食咗佢啲金邊粉炒得好味調味啱啱好。最後拍檔生日唔揀生日蛋糕，叫咗個芒果糯米飯；無論賣相同味道都一百分。呢度位置方便坐得舒服，服務亦好。下次一定再同女朋友嚟試過。

今日去沙田新城市中心經過見到呢間新開的泰國菜餐廳望落去入面都幾大同埋d座位好似幾舒服平日lunch hour又有幾多人幫襯就揀咗佢作為我今日嘅午餐Lunch set***海鮮炒濶麵***配上魷魚、帶子、蝦同埋芥蘭、粟米仔份量好足魷魚超大舊炒得香噴噴揀左平時好少係餐廳見到的闊麵口感係好滑同埋煙韌好食😋***泰式奶茶（+$8）加仙草（+$4）***好香濃的泰式茶味配上仙草味道更加豐富餐廳原來有semi buffet有不同的小食（eg:春卷、shrimp crackers, fish cake), 有沙律、兩款湯, cold noodles in Thai style如果加埋lunch set,可以以優惠價$48就可以試吓呢個semi-buffet